榮式燒雞扒 (屯門時代廣場北翼)

营业中

休息中

今日同個囡去咗屯門市廣場食榮式雞扒專門店到食晚餐。我哋叫咗個雞扒親子飯，$58，好抵食！雞扒親子飯一上碟，就見到好大塊雞扒😱同埋好大片既滑蛋！雞扒煎得好香脆，又唔肥，加埋黑椒，好好味！啖啖肉，好啱我呢啲食肉獸！另外，佢嘅滑蛋真係好滑，配埋啲飯一齊食，我囡食到津津有味👍叫左多飯，份量好足，我同我囡兩個都夠食，個人覺得超級抵食，價錢唔貴，味道都好好，係晚餐既一個好選擇，我囡話下次又要嚟食，下次可以試下其他菜式😋

服務態度極差，永久黑名單。兩大兩小叫咗三個飯，三杯嘢飲，埋單2百幾。小朋友食嘢食得慢，坐咗45分鐘，然後侍應就係咁過黎話坐左成個鐘都唔走。仲要行埋黎鬧，話小朋友坐唔定，係咁坐係到郁嚟郁去。我食個飯比錢仲要受佢氣。呢d 真係垃圾餐廳黎。不如你限制小朋友唔可以入內，食飯唔可以超過30分鐘，食唔完都要起身啦。門口仰要係無人等緊位。嬲到飯都未食曬起身走。以後都唔會再黎。成日話香港人北上消費唔留港，呢d 咁既服務態度邊個仲想入黎消費呀

去到屯門商場，夜晚想食少少嘢。上網一search，見到呢間港式嘅雞扒店好似唔錯，價錢亦都可以，所以就去試一次。餐廳雖然都係商場裏面，但係其實位置都有啲難搵。雖然唔使排隊，定係餐廳keep住都係客滿嘅。咁去到梗係要試一試去過雞扒啦，好多食客當日都係有點呢個餐。雞扒飯份量都尚算可以啦，原本以為有好大嘅雞扒，最後上菜嘅時候見到有兩塊細嘅。雞扒醃得好入味，可以話同美極嘅醬料相似，而側邊配上的蔥油點就好唔錯，味道都相當配合。

榮式雞扒飯甲屯門時代廣場平民食品環境普通裝修，沒有打卡的需要食物這裏主打榮式榮雞，當然要點榮式雞扒飯吧，這個的性價比最高，因為只有他有兩大塊榮式雞扒，能夠有雙重的享受，味道和質感都非常出色總結值得一食

收工去屯門練習前又係要搵老友食晚餐先，行下時代廣場見到呢間榮式燒雞扒都個知開左好耐但又未試過，2個人又食唔到好多野就入去試試啦。入去坐底都係QR code落單，鋪面不大位唔算好多，環境都叫乾淨企理，門口有個大燈牌睇餐，入去有需要都可以叫侍應攞餐牌睇。雞藕天成黎到呢度當然要試佢地既招牌雞扒啦，講講佢地d餐改名都幾得意，呢份雞藕天成即係雞扒加煎蓮藕餅，雞扒係用燒的，同一般茶餐廳擺落炸爐炸既感覺唔同，燒出黎外皮都算香脆，肉質唔會好乾，果然唔錯，蓮藕餅都算出色，望落好似好乾咁但內裡唔乾，食到粒粒蓮藕粒，肉既比例會多少少，無點溝過粉，口感味道都唔錯，飯既軟硬都適中，另外仲有榨菜同蔥油撈黎食更香口。榮式雞扒叻沙米粉老友食叻沙米粉，要加6蚊，我試左啖湯，味道唔算好濃，不過都食到椰香同沙嗲味，都唔錯。凍檸茶凍飲加5蚊，檸茶茶味就普通d，叫左少甜無咁甜。如果想係屯市呢度普通食1餐呢間係唔錯既選擇，侍應既服務態度都唔錯，見有枱客唔太識用QR code都好耐心咁教，食物同環境都ok，價錢合理。

同事嗌外賣，本身飽飽地就疊單揀咗份藕餅，諗住可以少少哋過下口癮啦。送到過嚟依然熱辣辣，冇林哂，肉汁仲有向度。 我估同堂食無咩分別我喜歡佢食落無咩味精，啖啖肉，略嫌蓮藕粒份量唔夠多 同埋太細粒，滿足唔到我想像中嘅口感 ，不過都會再食！

以前聽同事講榮式燒雞扒店喺灣仔和佐敦都係好好食 我知道屯門店都開了很久， 但從未嘗試過， 最近放假決定一試 我們叫了兩份下午茶9號餐 $38 ( 榮式燒雞扒配出前一丁麻油麵)＋ 一杯熱檸茶和一杯熱奶茶燒雞扒味道ok，有少少甜味和黑椒， 但略嫌雞扒薄咗啲，雞扒皮燒得有點脆， 平時唔食雞扒皮的我都要食埋熱檸茶和熱奶茶茶味香濃， 有驚喜。

朋友之前介紹過一間以雞扒套餐為主嘅餐廳，仲要好好食，今次去到屯門就見到其中一間分店，梗係要入去食下。餐廳叫榮式燒雞扒，雞扒大大片，薄而軟嫩，充滿肉汁，米粉爽口。

今日下午茶專登嚟到榮式雞扒買外賣！我想讚下呢間餐廳嘅侍應真係服務非常之好，我哋叫咗一個蓮藕餅配雞扒飯，個雞扒好林好多汁，蓮藕餅亦都唔會覺得好麵粉，食落去每一口都有蓮藕嘅粒粒，就算我買外賣返屋企食，依然都會keep到個溫度！唯獨是覺得豉油可以再多少少，不過好彩雞扒嘅汁都有搭夠嘅！屯門區必食嘅雞扒！

香港地嘅味道，「榮式雞扒」很久冇嚟啦，今天心血來潮，突然想食😀喎，屯門時代廣場店，方便呢好彩不用等，職員安排小小迷你雅座看看餐牌： 佳藕天成、雞同鴨講、魚柳、豬扒、、、等等必吃招牌菜：榮式雞扒飯 $56兩塊雞扒，即叫即燒，有坑紋，賣相不錯胡椒調味，冇粉漿，微辣菜蒲、煎得香…皮薄（肉多汁）嫩滑可口好好味、秘制豉油汁、蔥油，撈飯一流😋健康蔬菜： 爽甜椰菜及紅蘿蔔條奉送熱飲： 檸檬水，略少少糖，酸酸哋，開胃食飽飽，繼續… 返工啦

榮式雞扒豆腐飯今次的坑紋不太明顯，脆脆的雞皮，雞肉又香又滑。豆腐正正常常，食食下雞轉變下口感都唔錯。蔥油同榨菜粒夠多，大大碟飯都輕鬆吃得晒。缺點係繁忙時間真係好多客，環境比較迫少少。整體$56一餐，CP值高。

下午行街行到悶悶地，決定搵個地方食下午茶，就決定左食榮式雞扒。.要左個1號餐炸雞髀，正常雞髀大細，但炸得有少少乾，皮脆，但上枱係用個偏細網格嘅碟，碟細令到個雞髀好難切，食得有啲辛苦.希望下次可以改用另一隻碟上啦

試咗鴛鴦雞扒飯一上碟就見到兩大塊雞扒 加埋雞公碟 賣相相當吸引味道方面 幾有驚喜燒雞扒又滑又入味炸雞扒外脆內滑 唔厚粉可能因為偏薄 所以幾入味美中不足係啲蔥超級咸另外試左少少友人既燒豬扒相對難咬 同樣偏薄但亦都幾入味環境方面 座位偏窄 服務亦都一般但$69連野飲 性價比好高 加上食物味道相當唔錯 都幾推介

出到屯門行左陣商場後，就開始肚餓，明明都唔系幾大運動量俾個藉口自己搵嘢食原來屯門呢到都有榮式雞扒店，緊係即刻排籌同朋友們等左廿分鐘左右先入到去，晏就時段食飯的確非常之墟冚，店位比較細，變相嗌外賣的確可縮短唔使等時間，不過天氣實在太熱，無冷氣涼住開餐絕對頂唔絕堅持為左雞扒而等💪🏻👉🏻榮式招牌雞扒🐓🤣好記得自從佐敦頭一次食過呢到既榮式雞扒後，一直都忘記唔到呢到既薑蓉同埋醃雞扒，雞排又滑又嫩，醃到咸淡適中，仲要有粒粒既胡椒調味，無諗到今次番轉頭見到有得買真空既榮式雞扒😍揀直超級快靚正，掃幾包看門口一流👉🏻特製微辣涼拌稻庭烏冬🍜天氣真系太太太熱，想食番d涼嘢，新出既呢款微辣涼拌稻庭烏冬，唔系太辣，辣得嚟唔會系麻個種，凍食一流，非常之開胃，擺入口就想追住嚟食🤣面頭仲搭配左青瓜絲、車厘茄、開口既花生粒，感覺都幾有營健康感覺👉🏻凍奶茶🧋凍奶茶正常，今次嗌左少甜，心理感受系冇咁肥😂🙄，味道正常，奶味會較重，始終都系茶味濃d既奶茶會更好飲，不過整體所有食物味道嚟講水準依然，值得加讚👍🏻🥢俾我下次再路經榮式雞扒都系會打包幾包雞扒番屋企先✊🏻🤣入門排隊等候前後20分鐘左右，真系非常多人幫襯，而且屯門呢間分店

家常便飯，估計很多人都喜歡吃雞，今天突然想起，很久沒來，這間店受人歡迎，午餐時間，客人多多，稍等吧！小小店舖，安排了一人雅座😀 先看看餐牌，豬、雞、鴨、鹵水豆腐、炸魚、蓮藕餅、...等等，可以加錢轉烏冬、米粉、湯檬 ... 午市套餐包括飲品榮式雞扒飯 $56兩大塊 厚厚雞扒，即叫即燒，呈現坑紋，掌握燒烤，能保持雞扒肉汁、皮脆肉嫩，又不覺油膩，加上秘製醬汁，真的好吃😋配菜： 蔥油、爽甜椰菜、微辣菜蒲，撈飯一流餐飲： 熱奶茶😀吃得飽飽啦🤗