影片
电话号码
26770880
营业时间
今日营业
06:00 - 22:00
星期一至日
06:00 - 22:00
以上资料只供参考，请与餐厅确认详情
招牌菜
我同老豆食，因為我想食下個扒，我叫咗西冷牛扒，凍奶茶，我老豆叫咗酸菜水煮牛肉，凍鴛鴦。一陣來咗兩杯野，一杯凍鴦，一杯凍檸茶。我以為員工落錯單，費事浪費，照飲，我無所謂。一陣店員放張單係枱，寫住凍奶茶。人生第一次遇到單無錯但上錯咗。算，由佢。個牛扒同酸菜水煮牛一齊到咗。個扒食完我幫老豆食酸菜水煮牛。食個豆卜，好淡，有濃濃的花椒味同少少酸味甜味，但唔鹹。我以為煮唔夠唔入味。再食個腐皮，又唔鹹，得少少花椒同酸味甜味。再食個牛肉，都係唔鹹，我問老豆唔鹹食唔食得落，佢話都食到，佢無所謂就由得佢。之後食個酸菜，得啦，知道點解唔鹹。人生第一次食甜到漏的酸菜，嚴重懷疑廚房佬放咗兩次糖，所有食物都唔鹹，都有些少甜味，得酸菜係最甜，最鹹已經係一早醃定的牛肉，但都係無味。一張單犯兩次錯都真係奇蹟，一億六合彩都無咁好彩。埋單個時同個收銀講，個酸菜水煮牛肉係咪落咗兩次糖，收銀講，好甜咩，我話一D鹹味都無，個收銀已經埋緊後面我後面個客張單都無理我。
继续阅读
2021~8月~聯和墟覓食之榮珍下午茶柴叉炒意榮珍位於粉嶺聯和墟聯興街11號地下A舖，大約就在匯豐銀行和漢興茶檔的中間舖位閒日的聯和墟，除了名氣豬手或酒樓下午茶時間，大部份食肆也不需等位，當天約3時多到榮珍，客人不多，直接入座卡位。2021-8月的下午茶餐牌價錢由$26-$41不等，供應時間是下午2-6PM還有三點三推介點餐:下午茶餐茶，XO乾炒叉燒意粉($41)客人不多，不用多等意粉很快上枱，熱騰騰有鑊氣，即炒系列，意粉軟硬度適中，加了芽菜仔和蔥一起炒，XO醬味不太濃，意粉掛上XO醬汁，味道不錯個人覺得出事位在叉燒，叉燒份量不少，都有五大件以上，實在太瘦太乾柴，肉質太硬身，幸尚有牙力咀嚼熱奶茶少奶，茶味香濃、細滑，中規中矩埋單:$41價錢合理，服務可以，環境就是一般茶餐廳格局，衛生情況尚可但乾柴叉燒實在失分太多，本想試試晩餐扒餐，最後還是打消了此念頭，一次性消費足矣
继续阅读
榮珍茶餐廳🍴📍 粉嶺聯和墟聯興街11號地下A舖⏏⏏⏏⏏⏏⏏⏏⏏⏏⏏⏏⏏⏏⏏⏏⏏⏏⏏⏏⏏⏏⏏⏏今日為大家介紹既，就係基本上人人都會去過既茶餐廳☕️😂。 呢間茶記係粉嶺都開左好多年啦，一直都深受街坊歡迎👏，雖然已經搬離粉嶺，但間唔中經過，都會去食下😋。🌟特餐 $42火腿奄列+厚多士+沙嗲牛肉麵+漢堡扒唔好睇少普通既常餐😂， 呢個沙嗲牛肉麵都算係唔錯， 而且配既厚多士係有烘底。🌟午市扒麵餐 $43榨菜米+牛扒+厚多士我幾欣賞呢個榨菜米， 佢既湯底真係有味，而且仲配埋牛扒， 相當抵食👍🏻整體推介指數：❤️❤️❤️🤍🤍⏏⏏⏏⏏⏏⏏⏏⏏⏏⏏⏏⏏⏏⏏⏏⏏⏏⏏⏏⏏⏏⏏⏏
继续阅读
叫咗兩個扒餐，叫既時候問要飯定意粉，我朋友就話要 薯菜，我要飯， 服務員就答本身已經跟 薯菜， 你 薯菜咪薯菜囉， 咁以為佢食咗會多啲啦點知嚟到兩個嘅薯菜都一樣， 我就嚟咗個飯， 咁我問佢得一個飯，佢就答我咪薯菜囉。 真係九唔搭八。 認真難食唔會再去。終於明白對面街點解咁多人排隊佢唔需要
继续阅读
去過幾次榮珍, 都係去鋸扒.無計啦, 鋸個扒有湯有飲品唔洗一舊水, 而且質素又唔係太差, 再加上成班車友個個都鋸, 咪一齊鋸囉!今次點咗5成熟牛仔骨配蒜蓉汁同薯菜, 無白湯, 所以點紅湯.先講講D待應先, 幫襯過幾次榮珍, 每個待應服務態度都唔錯, 相信主力做街坊生意有關, 大家有傾有講有親切感.話口未完撞到熟人添!首先食鐵板餐第一個要求, 塊鐵板要勁熱辣手, 榮珍絕對做得到, 好過深水埗飛x.牛仔骨雖然點5成, 但係塊熱辣辣嘅鐵板上好快變全熟, 肉嫩 Juicy 而且無肉鬆粉味,滿意.當然, 以幾十蚊一個鐵板餐, 塊扒嘅 size 唔會成塊臉噤大, 份量適中.紅湯味帶一點點酸, 質感唔會好似荃灣莎x美噤"水".自問自己份人好鬼死古板, 硬係覺得鋸扒無餐包同埋鐵板上無蕃茄雜菜, 硬係有所欠缺, 所以扣少少分.食完入鹿頸遊車河！
继续阅读
您可能会有兴趣的...