榮記粉麵 (已結業)

This time got the one with all the items thrown in, I was able to try the chicken wing tips.They were quite slippery to pick up with the chopsticks, but overall it was really nice, but a bit too fatty for my liking since it is just chicken skin.The bowl of noodles contained pig skin, bloodcurd cubes, porkballs, radish, ox stomach.

暫居灣仔三個月的時間很快又到了尾聲, 臨搬回舊居前, 把握機會吃一吃附近的店子。這一晚, 來到 Neway 旁邊, 店面極不起眼的榮記 (相對於糖街的老店而言)。是以夜晚十時, 店內最初也只得三幾個食客。車仔麵最多可以配 4 款餸, 我要了米粉底配冬菇、蘿蔔、榮記名物雞翼尖再加菜, 走腩汁, 盛惠 $30。不算便宜便在灣仔吃這麼多料的麵, 也要差不多的了。最初的時候, 來了碗有豬紅的, 我說我不要豬紅於是他們就給我「筆」走了豬紅再拿來, 不過都剩下一兩片碎片, 又吃多一樣餸, 哈哈 。冬菇和蘿蔔都炆的入味軟腍, 雞翼尖是馳名食品當然要一試, 吃不了整碟便加到麵裡, 是用豉油 (還是鹵水? 我覺得似豉油) 炆的, 食落有「化骨」的效果, 有得吮下骨都幾開心。加的菜是西洋菜, 翠綠爽口, 有驚喜。怕肥才要米粉的, 點知吸收哂鹹鹹的湯其實仲肥。

車仔麵係好多人都鍾意食既野,自由配搭內料 次次唔同保持到新鮮感, 而且除時餐牌料可以跟時間而轉, 多d野選.榮記都算出名車仔麵店, 之前係cwb食過要排隊, 今日恰巧路過灣仔而比香味吸引入去. 店內雖未爆滿但都有不少人. 貪吃既我為了想多d野食於是選了4 餸,朋友話我貪心同時佢自己都係叫4樣餸.上菜後發現好滿, 而且中間有通菜 但整體份量不少, 我叫左,蘿蔔,墨丸,牛腩,春卷, 朋友叫了墨魚蘇,魚蛋,魚皮餃同豬紅, 蘿蔔淋得來非常入味..墨魚蘇燒過來大大條幾香..其他都唔錯..湯底味濃得來都唔太口渴. 而且大大碗都係30元 唔算太貴. 有機會可以再試!

在鵝頸橋瘋購一輪果蔬後，開始有點肚餓，想隨便吃個粉面先，因為晚餐要大吃。見到車仔面，正合意，叫了一個三餸米粉: 生菜, 魚付, 冬茹，25蚊。點知一吃第一口，己經暗叫不好，除了味精外，好像吃不到第二種味道，唔吃又太浪費，生菜同冬菇正常啦, 但魚付好似係自己整咁既, d肉好似梅梅地, 又散散地, 仲好大陣魚腥味添，終於我我係吃唔晒，要放棄:-(p.s. 張相碗粉好似好多餸，係同行者所贈，豬紅同豆卜, 面筋又ok喎，但都係吸晒d味精湯。

相對另外兩間, 此分店都未試過要等位, 真的有點耐人尋味!今晚會好夜才食晚餐, 4點行經, 見又冇人, 決定食一碗看看.只叫了最基本的牛肚麵.好快有得食, 一看已覺得湯底比銅鑼灣店深色, 喝一口, 真的又咸了一點!牛肚爽, 夠晒入味, 也略咸麵卻沒什麼問題.當然也有菜, 份量也不少.除了咸左d, 分別不太大, 不用等位真的有原因??~

之前寫過一篇關於這兒的車仔麵，因為點了雜錦，感覺一般。之後我再試了幾次，點自己喜歡的送，感覺好多了，我想說，如果選得好，這兒的車仔麵也好吃的。腩汁方面，很久也沒有吃過總店了，這兒的腩汁比方間多家也夠濃味，就已經足夠了。送方面，我覺得牛筋夠啜，加上店方煮牛的方式好，也夠入味。豬皮吸盡腩汁，當然也好吃，不過就真的還是喜歡加辣的新記出品，如果你喜歡吃骨，個人覺得這雞翼尖也好吃，因為煮了很久，把味道也滲入骨和皮，很輕鬆就可以把皮和骨分離，正!!輕輕加一分，再送一個笑臉吧。

次次食榮記車仔麵都係銅鑼灣個2間...知道灣仔都開左一段時間..但次次都係經過而不入..今日因為懶得行..本來都想食另一間粉麵..但經過榮記門口D香味真係好吸引..結果入左去...2個人都係叫3種野油麵+豬大腸 蘿蔔 魚付..河粉+墨丸+牛腩+春卷個湯一樣係咁濃 蘿蔔甜+冇渣一樣咁好食 好滿足^^但唔知點解呢間唔係咁多人@_@所以D 職員都有D懶洋洋感覺而家廚房得一個人 唔計洗碗...真係同銅鑼灣好唔同車仔麵來講佢真係好得!

5-3-2010收工終於可以去「下場」, 不過仍然得返 20 分鐘食飯, 唯有喺附近快快 chur 碗麵就算. 呢間路過 N 次都未食過, 又食個三餸車仔麵 $25), 加杯凍豆漿 ($6).先嚟豆漿, 味道現成得很, 幾稀, 豆味薄, 好在唔太甜, 叫「好過無」的貨色吧.主食係油麵配豬大腸 + 蘿白 + 牛肚... 湯底 (係腩汁?) 色水好深, 帶點混濁, 呷了一啖只覺好濃五香味, 跟住好口渴, 睇嚟真材實料得來, MSG 亦唔輕手喎 油麵硬度剛好, 食落唔膩, 最後明明份量唔少都俾我食晒 豬大腸十分入味, 唔太肥, 食落帶甜及鹵水香, 軟熟又帶點煙韌, 好食; 牛肚亦十分入味, 不過我覺得太軟撻撻, 還是有咬口一點的較對胃口; 蘿白就好好食, 軟腍無渣, 食落清甜得很, 索了湯底及鹵水汁又多一份鹹香, 正 底部仲有幾嫩的西洋菜, 食落爽甜, 正 環境及衛生就認真麻麻了, 不過車仔麵係幾好食, 難怪 8:xx pm 嚟到仍然多人成咁.放低 $31, 都值得試試的.

在銅鑼灣最出名的兩家車仔麵，之前已經介紹過其中一間，今次介紹另一家，不過是在灣仔的新分店。對新分店的裝修，個人來說不太喜歡，紫色底的招牌給我的印象是怪怪的。入面的裝修像茶餐廳，沒有了老麵擋的風味，不說太多，就試一客雜錦麵，看看新店做得如何。一上碟，很深色的湯底，是老店的腩汁嗎?一試之下比其他店腩汁香濃，但對榮記出品來說，可以更濃。雜錦麵有豬皮、豬紅、牛肚、牛丸和魚蛋。豬皮和幾家在附近好吃的車仔麵一樣，是香濃和入味，是滿足的。豬紅很差，不實在，又大又諗，不知為何吃不到豬紅味，也不明為什麼有些小氣泡在中間。牛肚好吃，夠入味，和豬皮同樣吃得滿足。牛丸很細粒，是平日吃的小一倍，彈牙的，味道一般。魚蛋不是炸的那種，是魚蛋粉那種，不算彈牙有力，加在腩汁上不錯，要一讚的，是那些菜甫幾吸引。另外，試過抬上的辣醬，那種辣以前喜愛，但今次變得不好，只有刺激而不香。車仔麵之家，新記也比榮記出色，可能今次去的是第二分店，去總店的感覺會不同的。不知道下一次去試的嘉鳳的，又會如何?

離開了灣仔才兩個多月，今日睇醫生經過，發現在糖街很有名的榮記車仔麵開了分店，由於以前榮記的出品實在有質素，所以看完醫生也馬上走過來開餐。糖街的榮記最耍家的是雞翼尖，不過本人並太懂吃骨，也就放棄了。取而代之，要了魚皮餃、豬皮以及魚腐，麵底則選擇油麵，這些組合應該很穩陣，鮮有失手之機會吧！麵來到，先喝一口湯，是有少許牛腩汁味，卻完全不算濃郁，跟總店差遠了。油麵尚且爽口，比起現在荔枝角工廠區的茶記總算好一點；可是，餸就不行了，魚皮餃似是現成貨，太硬，質感毫不煙韌；豬皮唔夠稔身，吃起來亦不爽，無法吸收湯汁的味道；總覺得魚腐這東西，只要吸入湯汁就會入味好吃，可惜就連這一點也做不到，令人失望。服務是秉承了總店的一貫水準，但也見怪不怪了，始終這小麵店也不能苛求太多。不過，下次要食的話，還是行多幾步去糖街好了。

我已食了銅鑼灣的榮記很多年, 本身住灣仔見開分店就當然去食下啦,由於住得近既關係, 都食左幾次, 新開頭一星期果次食真係無味,之後都慢慢改善, 但同最近在銅鑼灣糖街總店之一次比較, 都仍然只及總店水準之50%, 有侍改善另外我都發覺,位阿姐可能係新做, 真係唔識招呼客人

榮記由我中學時已經開始食，近排都係食開渣甸坊那間，依然係好好味，上星期見到灣仔開了分店，於是和同事一起去試，感覺差得遠。一如往昔叫了一碗大什油麵，湯依然好有味，除非事先聲明，否則一定會用腩汁做湯底，但好可惜餸方面除了籮白夠味之外，沒一樣是夠味，豬紅的賣相欠佳，一pat pat，完全影響晒一向榮記在我心目中的地位，聯同黑口黑面的伙計計算，總括來講，我唔會再去食。

自從香港魚仔摺咗後, 就變咗呢間嘢聽人講話呢間啲車仔麵好出名, 朋友食過話佢啲蘿蔔同雞翼尖好好味, 於是今日就去試咗要咗四餸, 魚皮餃, 牛肚, 豬腸, 蘿蔔 + 油麵魚皮餃得兩粒, 係四海貨色牛肚個賣相同出面食o既唔同, 但味道差不多豬腸都係不過不失蘿蔔就真係幾好食, 好甜, 夠林同冇筋, 但大舊番啲會更好最ok算係個湯底囉, 夠濃味但整體係份量太小, 我唔係好肚餓去食都覺得唔飽如果男仔肚餓去食基本上一定唔夠食最有問題係入面個女待應同行的兩位朋友要咗兩枝汽水, 問我駛唔駛叫嘢飲我話唔駛, 因為我不嬲都唔飲汽水個女人話 :「咁你咪出去買入嚟飲囉, 冇人唔俾你買嘢飲入嚟食喎」佢講嘢o既語氣令我覺得佢係串緊我多過真係俾建議我囉$28食唔飽, 仲要唔係特別好味, 下次行上小小食番譚仔好過, 至小肯定食得飽

今晚諗住去游水前試下呢間第2分店, 因為銅鑼灣總店都好似唔錯新店幾大﹐有卡位﹐應該唔會好似總店0甘逼我7點前去到﹐無咩人﹐大把位但係可能門口太大(基本上係無門) 所以我坐第一張卡位有d熱 叫左豬紅﹐雞翼尖同魚片拼米線豬紅又慫又散兼無味﹐失敗 --- 新記豬紅好食好多雞尖都ok , 但係無總店個d 甘入味魚片不過不失~ 但係得2塊﹐少得可憐最後食完碗野﹐一d到唔飽.. $24 蚊唔算抵﹐但係就太細碗食$16 南記似乎更抵 更飽

突然間，香港仔魚蛋唔見左......有期望過新開的會係一間環境好好，D野又好好食既餐廳......突然間，發現新開既係榮記，第二分店。第一店一直畀我既感覺係，有咁多人排長龍係因為佢近門口位置長期有個抽氣扇抽D香味出去，所以吸引到好多人囉......媽咪話想試一試，於是新開第一天，便去做白老鼠了。食物質素，同我以前o係糖街食既無異。聞說最遠近馳名既雞翼尖，老賽講，唔係我隻翼。我只會話，今次光顧無改變我對榮記既印象，都係無咩特別咁啦。最有趣既係，我朋友點既三"食送"麵，佢地落左三次單，換左四次至換得岩 (而當時店內少於十個客)...... 真係唔容易做到架......