荳子 (德福廣場1期)

营业中

休息中

Lunch時間，見到門口條龍已經滿晒2行，唯有食其他餐廳。因為已經收爐，所以6:15就可以去到，終於唔使排隊啦，仲有好多吉枱添，可以坐4人位，鬆動好多👍🏻因為lunch食飽咗蕃茄仔，仲飲咗樽咖啡，所以都未好餓，叫咗一個pizza，一份nachos同一件tiramisu。墨西哥辣肉醬薄餅+車打芝士薯條：有好大份又香又煙煙韌韌嘅芝士喺pizza面，pizza邊都焗得好香脆👍🏻薯條同跟嘅芝士醬都清淡，所以問咗店員攞鹽、胡椒同埋茄汁🫢肉醬粟米片：食過Limited since1996嘅nachos後，呢客比較淡同比較硬，不過好在淡淡哋，無咁易水腫😆醬有啖啖肉嘅牛油果，唔只得一舊蓉咁👍🏻tiramisu:雖然用玻璃杯裝，但都覺得好吸引，放入口更加覺得好好味，cream好幼滑，蛋糕少濕好易入口，味道香濃👍🏻👍🏻熱檸蜜：一上枱已經好香，味道甜中帶酸，好飲👍🏻👍🏻👍🏻泡沫鮮奶綠茶：淡淡哋嘅抹茶味，有鮮奶香，甜甜哋咁，幾好飲👍🏻👍🏻食到一半已經全場爆滿，侍應都唔係好得閒，叫咗買單都無人埋嚟⋯⋯不過整體嚟講好有禮貌好幫到手

穩陣發揮好食西餐，甜品有驚喜😋！・・・・・・・・・・・・・・・・・・・・🍝 蟹膏甲羅燒黃金蟹肉意大利粉 HK$148・味道：意粉以鹹蛋黃醬包住，鹹香十足仲食到鹹蛋黃粒粒，幾香口嘅。比較之下個蟹膏甲羅燒就唔夠濃同香。蟹肉正常發揮。・口感：整體正常冇伏。🍟 黑松露蛋黃醬薯條 跟餐＋HK$30・味道：少有黑松露味唔夠嘅黑松露醬😂，蛋黃醬都唔似，似沙律醬mix蛋黃醬咁～應該間間餐廳嘅黑松露醬都係同一來貨，唔會自己整醬啦，唔明點解個醬好似沙律醬咁喎～薯條啱啱炸起好熱，熱到擺咗陣先入口都好辣口XD。・口感：薯條夠熱但唔夠脆～🐖 德國燒豬手(碎上) HK$242・味道：豬手膠質滿滿，漿口嘅油脂感好正！不過食耐咗覺得有啲鹹。・口感：皮脆，肉略嫌柴咗啲～☕️ 泡沫鮮奶伯爵茶 HK$32・味道：正常發揮～個人鍾意佢泡沫偏少，飲落多啲啡XD・口感：順口唔澀～🍞 焦糖脆餅流心吐司 HK$82 👍🏻・味道：作為對甜味甜度好挑剔嘅肚波，個焦糖醬係甜而不膩，而且真係有陣焦香但唔係苦澀。微暖嘅焦糖醬配凍冰冰嘅雲尼拿雪糕，冰火交融一定正！・口感：吐司香脆。內里軟熟，yum yum～・・・・・・・・・・・・・・・・・・・・

我終於尋找到九龍東早餐的最佳地方😂，一星期必定有一天出外食早餐，一邊整理公司的文件，一邊享受美味的早餐。之前會去APM，又或者去啟德，不過自從發現了這間bean 有早餐，自此就好少再去其他地方，平時自己一個去，今次再帶埋老公去，所以可以試多一款食物。我們叫了🥑炒蛋牛油果醬酸種多士，另外是薄切西冷牛扒，配炒蛋和鬆餅，另外配上flat White和鮮奶咖啡。🥑炒蛋牛油果醬酸種多士- 作為牛油果🥑控，我差不多每次來都是食這一個，牛油果份量多，配上香滑炒蛋，再加上美味又帶點脆的酸種多士，真係好好味🤤！最重要是下價錢只需要$48，真心抵食！😍🥩薄切西冷牛扒，配炒蛋和鬆餅- 牛扒份量也算多，老公說味道也不錯，配上熱熱的鬆餅，真係好好味。這間餐廳早上、中午和晚上我都有去過享受美食，不過早餐性價比真係好高，環境很好，座位又坐得舒適，食物有質素，另外雖然咖啡需要加錢，不過整體性價比仍然很高。一個人去，又或者同朋友去都非常之好。❤️

本身係Beans嘅fans，環境乾淨舒服，一個人食都唔尷尬，食過all day breakfast，軟殼蟹意粉都覺得好好食，但今日試新菜式有種中伏嘅感覺。 Lunch set 嗌咗五花腩醬油沾麵($84)，本身以為會係一般沾麵嘅上菜方式，點知係炒埋一碟，好似炒烏冬咁，入面有啲菇同埋切碎咗嘅豆，加上面有兩舊五花肉。 問題嚟啦，成碟麵非常之鹹，鹹到食唔落，好似倒瀉豉油咁。加上嗰兩嚿五花肉煎到好硬，冇哂肉汁…上面落咗啲辣粉同本身五花肉嗰陣叉燒味好唔夾，成餐飯食得好唔開心，一直喺度灌檸檬茶先解到渴。冬瓜檸檬鴨屎香青茶就正常，勝在幾大杯下。總括嚟講唔建議大家嗌呢個新菜式

個人對西餐興趣不大，即使BEANS經常有人龍，但總是下不定決心一嘗究竟。 (1) 手切美國肉眼扒肉味不算太濃，但肉質結實，口感幼嫩。沾上太陽蛋汁，吃起來更為綿軟濕潤。有雞蛋的配搭，仿佛從懶洋洋的下午變成朝氣勃勃的早晨。 (2) 黃金蟹肉意大利粉當打開蟹蓋，映入眼簾的是絲絲分明的蟹肉，咸蛋黃已經融化於醬汁之中。蛋黃醬非常飽滿，充斥著每一條意粉。(3) 焦糖單雞翼配薯條 (4) 3D LATTE每枱有一個名額，將平平無奇的外觀，變成可愛造型的咖啡。一定要鮮奶才可鞏固造型，但咖啡可獨立選擇杏仁奶。(5) 加配蛋糕陽光散煥，餘光照射到店內的角落，慵懶的氣氛油然而生。在平日的下午，可以靜靜享受。

餐廳位置唔算多不過冇適合五人以上嘅如果五個人坐四個位都有啲迫環境都覺得幾舒適嘅，同埋服務員都好有禮嗰日試咗個蟹肉牛油果撻撻醬，我覺得好好味個汁都好清新啲肉都好好新鮮另外嗌咗個龍蝦海鮮濃湯我自己就覺得麻麻哋，不過都幾足料有蝦帆立貝同埋蜆個湯都幾夠味主菜食咗個紅酒燉牛肉面珠墩意大利飯食落去個酒味唔算好濃，不過牛肉就好好味 好香肉香。另外仲食咗個焗芝士海鮮酸種麵我就覺得麻麻哋啦 但係我朋友就話好好食咁另外仲食咗個甜品流心蛋糕抹茶雪糕我覺得好好食

自家製龍蝦海鮮濃湯 $48 送餐嘅時候會由職員由茶壺裡面倒出嚟!!但太突然所以影唔切相不過望住個過程都好開心啊，唯有留返大家自己嚟體驗下~ 好足料有蝦有帆立貝有蜆湯都好飲 紅酒燉牛面頰意大利飯 $132 食落唔算太重酒味牛肉好食~ 啲飯都會吸晒啲牛肉味所以好香 焗芝士海鮮魚蓉酸種麵包 $94 本來諗住已經有個risotto，另一個不如輕食，咁就可以食埋甜品啦All day breakfast嘅選擇都好多不過當見到酸種麵包就毫不猶豫決定係佢啦~海鮮數量比想像中多好多有蝦有帆立貝，仲有秋葵加埋芝士一齊焗又香又脆麵包邊位好脆口而內裡依然好鬆軟除咗海鮮嘅份量比想像中多之外…連份量都係!超滿足但比意外飽 Latte可以免費加3D拉花(需時約30分鐘) $42只限熱嘅榛子、伯爵荼同埋玫瑰拿鐵每一款拉花都唔一樣，係獨一無二為咗咁可愛嘅拉花，等待都係值得! 彈性彈性~彈性彈性~~XD 講返Latte本體叫咗好少見嘅伯爵荼味味同咖啡嘅香味好夾 Green Tea Combo 有Matcha Ball、抹茶白朱古力流心蛋糕、抹茶雪糕而抹茶甜品杯裡面仲包括抹茶慕絲、抹茶蕨餅、紅豆、抹茶餅超豐富嘅抹茶盛宴

焦糖脆餅流心吐司 $68啲雪糕食落去好重焦糖脆餅味，個吐司好香，雪糕連埋吐司一齊食 正！車打芝士薯條 套餐另加$28啲薯條炸到脆卜卜。加埋啲車打芝士，好食！車厘茄馬蘇里拉芝士薄餅 $98薄餅焗到好香噴噴，車厘茄加芝士食落去好香，好味！

餐廳位於德福廣場平台circle k對面，位置不錯，內裏的環境、裝修、氣氛、潔淨度令人感到舒服，空間亦寬敞，職員服務態度非常好，讚賞！不喜歡手機落單，少了一份人情味！當然，這裏也會提供人手落單的服務。抹茶蛋捲，好味道！！蛋卷的味道層次豐富，外觀亦漂亮、吸引，品嚐時，令我不其然異常專注地品嚐每一口味道的變化，和層層疊疊味覺衝擊，有點意想不到的喜悅。​梳打咖啡，這咖啡豆酸味過重，加入梳打後，咖啡豆本身的天然果酸味，變得混雜、變得不活潑，這咖啡豆不是太適合作梳打咖啡，因為梳打咖啡不加奶，加入梳打會將咖啡的香氣放大，原本是好事，但這一杯梳打咖啡同樣將不活潑的果酸味放大，及將雜味放大，變得不好喝！🐑🐏過後鼻子和舌頭已經變得很遲鈍，未能作更深入的評價。​​薯條雞翼，薯條和雞翼都非常香口美味。

Christmas 鬼佬在家鄉過節，我就留港消費😂今日同屋企人去咗九龍灣Beans食lunch🍽️中午12點左右到，已經要排隊等位，不過我哋排頭位，等咗10分鐘左右已經可以入✌🏻入座前有講明用餐時間係90分鐘。主餐牌嘅食物，包括all day breakfast,main dish,pasta & risotto 都有配一杯飲品（美式咖啡☕️/檸檬蜂蜜🍯/黑糖薑母茶）。我哋叫咗以下食物：✅焦糖香蕉🍌熱烘窩夫🧇全日早餐$94香蕉🍌上面有啲焦糖，脆脆地甜甜地幾好味😋窩夫🧇有2件，食完幾飽肚。唔中意窩夫嘅可以揀bagel🥯。仲有2片煙肉，唔係太鹹，都👌🏻。我今次就揀咗水煮蛋🥚，要自己剝殼，不過唔知點解啲殼好痴住啲蛋白😅再配一杯檸檬蜂蜜，可以揀少甜，不過得2片檸檬🍋有啲少😑✅焗芝士海鮮魚蓉酸種麵包$94有配少少沙律🥗麵包邊幾脆，唔錯👍🏻 麵包上面有焗溶咗嘅芝士🧀，再配2粒帶子 、2隻蝦、1條秋葵，唔錯👍🏻✅蟹膏甲羅燒黃金蟹肉意大利粉$148🍝真係會食到蟹肉同蟹膏，啲意粉幾熱同creamy, 份量適中。再配薑母茶，有啲薑味，不過薑味🫚冇以前嗰啲咁辣。✅Purple Sweet Potato Tart

今晚終於一試，大部分人話唔好食，其實晤太差，只係冇驚喜，我哋叫左一個什菌蔥大利飯，份量足夠，啲米有啲生，一個辣肉醬Pizza，味道可以，批簿啲會好啲，兩碗龍蝦湯，幾好味，一杯黑糖姜母茶（少甜），一杯熱檸蜜（少甜）

Beams分店遍佈九龍新界，唯獨是唔開係港島區🤔今次過海順便去試下呢間人龍cafe，差唔多兩點到都要排隊。九龍灣分店有落地大玻璃，係陽光照射下好溫暖，連食飯都格外舒適🌞🍳班尼迪蛋 黑魚子煙三文魚賣相正正常常，但食物質素就非常普通🫣煙三文魚碎開晒又過鹹，再加上魚鮮味重既黑魚子，整體就變得鹹到難以入口🤢荷蘭醬亦無辦法令餸菜回魂，無達到清新爽口既效果，仍然係好厚重！流心蛋同英式鬆餅就係一般cafe水準，朋友仔話以前好食好多！🍝 黑蒜磯燒鮑魚蜆肉白酒意大利粉黑蒜入饌好似幾特別，所以揀左呢款意粉🤭意粉捲得好靚，黑蒜係一粒粒好似話梅既形狀，食落甜甜地，有啲似日式甜豉油炒麵，反而白酒味就被蓋過左。有一粒磯燒鮑魚同幾粒蜆仔都幾好食，沾滿黑蒜味變得甜甜地！🍟黑松露蛋黃醬薯條粗身薯條熱辣辣炸起上檯🔥入口好香脆可口，炸得好乾身唔油膩，黑松露醬汁分量足而點晒所有薯條，再配上香草同濃郁醬汁，朋友仔忍唔住一條接一條一直啪，非常之惹味，唔知道啲醬係咪自家制！📍荳子九龍灣偉業街33號德福廣場1期平台P39A號舖

之前訂過佢哋嘅散水餅，覺得幾得意又夠Local，味道唔差，所以訂多次，揀離職前一日嗰晚攞貨結果餅就攞唔到，留咗個電話叫我聯絡客服，不過已經收咗工得留言。第二日收到佢哋客服whatsapp跟進，仲話係我揀錯日子我即刻更正返佢，佢講嗰個日子係我落Order日子唔係攞餅日子，下面都清楚寫咗我揀嘅攞餅日子。(何況佢哋網站根本冇提供即訂即攞選項）而客服係道歉都冇句，安排退款俾我就算，超級失望，結果我要臨時臨急去我唔想幫襯嘅鋪頭求其買咗啲嘢返去本身Last day同同事去食Beans，呢個不愉快經歷令我真係唔想再去光顧佢哋任何嘢。

今日同朋友嚟九龍灣行街，成日聽到荳子很出名，所以同朋友過黎試下，一入鋪頭有六款不同的香薰消毒噴霧，店員主動邀請我們嘗試，感覺幾清新。我們兩個人點了三份午餐，非常滿足。有牛油果蟹肉他他：👍👍👍蟹肉同塊包好夾。黑松露軟殼蟹意大利粉：👍👍👍👍濃郁黑松露味道，最愛多醬。豬脾肉班尼迪：👍👍👍👍味道濃，多醬，麵包底好好味。全店最推薦係：鮮奶紫薯。本身我係紫色Fans🟣🟣🟣🟣🟣紫薯味濃，芝士香滑。

Tea Time 時間去到唔使等位門口有得自己揀味道噴酒精搓手液話係Beans嘅合作商品，有得買！⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯2個人叫左2個午餐+1個下午茶share⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯（午餐#1）黃金蟹肉意粉— 好好食！推薦！凍檸蜜（少冰少甜）— Ok可以！⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯（午餐#2）手撕豬班尼迪— 豬太甜，味太濃！姜母茶（少甜）— 都好甜，幾夠薑！⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯（下午茶#1）G.A.T — 感覺中左伏！— 完全唔知食咗咩！？— 嗰三嚿橙色嘢係奶皇餡嘅麻糬— 好唔掂，唔推薦！（另加）羽衣甘藍沙律— Ok正常！（另加）蛋卷：山政小山園（蛋糕叫起）— 真心係好普通！真係唔值喎⋯⋯凍鮮奶綠茶（鮮奶）（少冰走甜）— 普通嘢，無特別咁⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯性價比真係一般喎，好彩唔使排隊！