莆田 (荃灣廣場)

营业中

休息中

莆田嘅餐牌有唔少有新鮮感嘅菜式，質素一向唔錯，又不時有d 新菜式。今次再來試下其他餸。❌福建紅菇海鮮滷麵 冇海鮮味，冇菇味，普普通通杰杰地嘅湯底。材料頗豐富，味道普通。唔明點解係招牌菜。唔推介。金湯時蔬 味道正常，個汁太杰。阿元香草雞 雞嘅質地同口感比較硬實，汁嘅味道清淡得來都夠味。味道唔錯，可惜係份量太細。蒜蓉蒸頭哆蟶  蟶子唔爽甜，比較淡同腍身。主要係食蒜蓉味。普通。紫菜炆飯 有粒粒質感，唔會太濕。有紫菜同海味乾嘅香味。好味！👌🏼大白菜燉軟豆腐湯冇想像中咁鮮甜好味。只係好淡嘅清湯味，味道好家常。除咗小菜，入邊仲有啲類似油豆腐，同埋有d 蟶子煲到好似橡筋咁硬。成個湯冇想像中希望係濃郁嘅白湯味。普普通通。🥲魚蛋燕皮餃以前幾鐘意佢嘅燕皮餃，雖然細細粒，但幾滋味。但依家多左粒魚蛋。粒巨型魚蛋麻麻地，佢入面有個肉餡，但外層太厚又粉，唔好食。反而希望佢出返個option 係唔使食嘅魚蛋，就咁只食餃子。

餐廳門口擺咗好多貌似蟶子嘅氣球原來推緊《莆田哆頭蟶節》每個菜式都只係百幾蚊就可以食到福建莆田嘅肥美蟶子💯.❝ 撈汁蟶子 ❞ | $118呢度可以算係涼菜開開胃蟶子肉浸入秘製醬汁 帶啲酸甜、少少辣超級抵食喎 超過十幾隻肥美飽滿嘅蟶子真係啖啖肉又無沙 試得過(推～！).❝石鍋滑豆腐❞ | $98經典菜式之一每次離譜田都一定會嗌嘅健康之選玉子豆腐熱辣辣滑捋捋鐵板仲鋪滿雞蛋 蛋白質十足.❝興化炒米粉❞ | $118主食揀咗炒米粉 有分兩個size我哋揀咗例牌/小 兩個人食差唔多米粉好乾身係幼身嘅米粉再搭配蝦仁、蛤蜊等十多種材料夠晒豐富一定要落莆田嘅辣醬超級襯.❝南洋黑胡椒蝦❞ | $228RN話上次去星加坡冇機會食胡椒蝦所以來莆田食補返數有七隻大蝦啲彈牙而且好入味有趣嘅係墊底有糯米粟🌽都幾驚喜.莆田出品的確一直都好穩定有時有做吓唔同嘅折扣優惠而且坐得幾舒服環境又闊落整體嚟講性價比很不俗👍🏼

屋企人好鍾意去莆田💗選擇多味道好，又有閩菜家鄉風情～見到最近推出哆頭蟶子節優惠，$228 可選兩款☺️抵吃！⭐️哆頭蟶子節 $228/2款共有8款可選💗點了「蒜蓉蒸哆頭蟶 」，原汁原味又有蒜蓉香～哆頭蟶隻隻肥美飽滿～鮮香十足👍🏼另外點了「避風塘炒哆頭蟶」，入口香脆可口有風味。而每枱點選2款哆頭蟶菜式，還可以玩遊戲送禮呢～永不落空的～我就獲贈了$100現金券可以下次滿$500時使用💗超開心！⭐️砂鍋黃花魚湯 $138 小份幾乎每次來莆田都會點😝 以砂鍋盛著份量都不少，足夠二至四人享用💗魚湯超鮮甜！原條黃花魚肉質細嫩，還有豆腐丶芋頭等等，很鮮香。⭐️酒香竹筒蝦 $198以竹筒盛著賣相很亮眼～淡淡酒香樸鼻而來🦐選用大大隻活蝦特別的鮮甜彈牙。⭐️建年雪耳湯 $38吃飽飽後來一碗養顏清潤的紅棗蓮子雪耳湯💗甜度恰恰好～很不錯。

今日去咗荃灣莆田嘆下午茶，兩個人叫到成枱嘢食都係500蚊，超抵！豆漿炒米粉下午茶套餐第一次見用豆漿炒米粉！米粉炒得乾身唔油，豆漿嘅香味好特別，配埋啲花生同酸菜，口感有層次。跟餐前菜嘅家常豬蹄凍晶瑩剔透嘅豬蹄凍，入口即化，配埋醋汁，開胃又解膩。另外一個前菜係酥炸莆田扁肉，外皮炸到金黃酥脆，入面嘅肉餡juicy.另外一個下午茶餐叫左茶樹菇牛肉麵湯底清甜，茶樹菇嘅香味好突出。牛肉炆得好冧同入味，麵條夠彈牙。前菜跟左蝦苗拌頭水紫菜，紫菜嫩滑到不得了，蝦苗嘅鮮味同紫菜好夾，醋汁開胃。家常燜筍乾燜到好入味，帶少少甜味，咬落仲有啲爽口。跟餐嘅冬瓜薏米水，解暑又祛濕 。蜜香桂圓檸檬烏龍茶香甜清新。加8蚊仲可以加甜品枇杷凍，枇杷味好天然，食完成個人都好潤喉。另外麥皮蝦，蝦肉爽彈，外層嘅麥片脆脆地帶甜味，仲有啲金絲點綴，蝦殼脆到可以食埋！脆皮蒜香雞，外脆內嫩，蒜香味滲透晒入雞肉度，肉質仲好嫩滑。 金湯時蔬，用高湯煮成，清甜得嚟又夠濃郁。莧菜煮得啱啱好，仲保持到爽脆口感。

莆田主打純樸傳統福建菜, 荃灣廣場分店， 以淺木色為主調，配上翠綠的竹樹點綴， 清麗優雅，環境舒適寧靜， 與朋友聚餐一個好地方， 正好蟶子當造， 餐廳仲做緊蟶子優惠， 喜歡吃蟶子的粉絲們不可錯過呀。二人套餐 $598 精美雙拼筍拼五香豆腐滷水豆腐拼筍片，豆腐滑嫩又入味， 充滿濃厚鹵水味道， 筍片好爽甜， 是滋味的開端。海參一品煲 熱呼呼的一品鍋 ，賣相令人垂涎 ， 材料豐富， 有 Q彈滋補海參、 滑溜的冬菇、 肥而不膩的五花肉及爽脆的西蘭花， 入口鮮甜美味 , 滿滿的骨膠原 ， 啖啖是幸福的滋味 ! 蘆筍炒帶子火喉和時間控制得剛好， 蘆筍同帶子都保持得很爽脆和鮮味滑溜， 仲配搭了健康的三色椒， 鑊氣十足， 美味的下飯菜。福州魚丸燕皮扁食湯 福州魚丸是福州福建傳統名菜 ， 巨型的魚丸，外層雪白 , 內餡填滿肉碎，入口Q彈鮮味 ， 迷你的燕皮餃， 一口一隻 ， 煙煙靭靭， 伴隨 酸酸的紫菜湯底 ， 十分開胃。 福建海鮮鹵麵 傳統特色福建麵食， 幼身體的麵條好滑溜， 滿滿米香， 加上鮮味的蝦 肉、 海蜆肉及香芹提鮮 ，令平淡的 麵條 ，鮮香味濃，滋味滿載。蒜蓉蒸海蟶 $128時令肥美的蟶

早排帶屋企人出街食飯，又去左我的愛店「莆田」最近佢地新推莆田海蟶節，以哆頭蟶做主角，有蒸、焗、炒、湯嘅煮法，今次仲有九款唔同嘅菜式，可以試到多種風味，以家優惠價$219就試到兩道蟶子菜，好抵食呀🔸撈汁哆頭蟶 118撈汁好好食辣辣哋，蟶子肥美鮮嫩，份量都好多，爽口彈牙，鮮嫩入味，酸辣開胃！🔹興化炒米粉 $118炒米粉係幼絲果種一點也不膩，加入各式配料包括蝦、蜆等更有咬口，最後可以配上辣媽醬更惹味🔸莆田荔枝肉 $98炸粉不會太厚，啖啖肉有咬口，加上鮮甜多汁的荔枝一齊食酸酸甜甜好開胃🔹花蛤蒸水蛋 $98 例水蛋份量多入口嫩滑，蛋香味濃，花蛤爽口彈牙，值得一試🔸小炒黃牛肉 $168 例新品必試，牛肉滿滿牛味，好有鑊氣，十分下飯

位於荃灣廣場嘅莆田都已經開咗業好幾年，最近莆田就推出咗新嘅餐牌，佢哋嘅新餐牌包括咗一啲時令嘅水產，令我幾有興趣。鐵板鹽焗哆頭蟶哆頭蟶入口鮮甜，帶有少少鹽嘅鹹味，令到整個菜式都好惹味。花蛤蒸水蛋花蛤入口鮮甜可口，完全唔會覺得有沙，水蛋蒸得啱啱好，入口依然好幼滑。媽祖平安麵麵條嘅材料非常多，例如有蝦肉，紫菜，豬肉等等，適合同幾個人一齊分享。鮮貝燴絲瓜絲瓜非常之新鮮，入口一啲都唔油膩，加上調味調得非常好，所以我都忍唔住食得比平時更加多。整體嚟講，每一樣菜式嘅水準都非常之高，所以我全程都食得好開心。

又到蟶子季了！$228可以任選兩款煮法，我哋揀咗豉椒炒同蒜蓉蒸，兩款都各有特色！ 首先豉椒炒哆頭蟶鑊氣十足，蟶子肉厚實彈牙，豉椒香濃帶微辣，食落惹味。而蒜蓉蒸就保留咗原汁原味，蒜香濃郁，蟶子鮮甜。另外單點咗椒麻小鮑魚，椒麻汁麻香過癮。小鮑魚口感彈牙。菜方面叫了馬來風光即係馬拉盞炒通菜，菜嫩鹹香帶微辣，好惹味！最驚喜係黃魚煲仔飯，飯底焦香，黃魚肉嫩滑，仲有脆脆嘅飯焦，撈埋蔥花同醬油，好味😋 值得一試。

莆田一年一度嘅哆頭蟶節又嚟啦，依家可以食到最時令當造嘅哆頭蟶， 點可以錯過呢😁😁😊🥰🥰⭐鐵板鹽焗蟶 + 豉椒炒哆頭蟶鐵板鹹焗蟶係連續8年銷量冠軍嚟，每粒哆頭蟶都非常鮮甜飽滿，鐵板上除咗粗鹽，仲加咗花椒，唔洗太多嘅調味，食嘅就係哆頭蟶嘅鮮甜原味道，大推！另外嘅豉椒炒海蟶亦係相當滋味，香濃惹味嘅豉椒同海鮮好夾，即使豉椒味濃郁，仍然食到海蟶嘅鮮甜，品質之高，實在難得⭐福州魚丸燕皮扁食湯魚丸彈牙，內裡爆漿可口；燕皮滑順，湯底酸香清爽，好開胃嘅前菜⭐福建土筍凍特別喜歡鮮甜嘅土筍凍，鮮味沙蟲配滑溜鹹鮮酸甜果凍，坊間罕見菜式，而莆田唔單止有提供，味道仲整得相當好⭐芋泥香酥鴨芋泥脆烤，外酥內嫩，口感軟糯香滑，鴨肉鹹香可口，一絲絲嘅肉質同滑溜芋泥好夾⭐興化炒米粉米粉極幼細，口感更香更綿，配料有蝦，蜆，魷魚乾，花生粒，肉粒，菜絲等等，口感豐富，米粉愛好者表示炒得好出色⭐桂花陳皮燉雪梨原個雪梨大大隻，桂花糖水鮮香清甜，陳皮微甘，增添層次感，係理想嘅飯後甜品哆頭蟶係期間限定嘅菜式，錯過咗又要等一年，唔好錯過啊😄🥳🥳😋😋😋

一向覺得莆田啲質素都唔錯，久唔久都會去幫襯㗎 ！又到佢哋一年一度嘅海蟶節！梗係要嚟試吓啦！炸、炒、蒸、焗、煮，多達8款哆頭蟶菜式，任選2道只需HK$228今日放工嚟到荃灣廣場分店大概7:00pm都已經坐滿人啦!Order咗幾款菜式：🔸小椒麻鮑魚推介嘅一款冷盤，鮑魚仔細細隻一啖一口，青瓜爽脆，混合惹味嘅椒麻味道，少少麻辣，係一道非常開胃嘅涼菜🔸一品醉蚶一道福建極具特色的菜餚，將鮮蚶放入秘制配方醃制，味道酸酸甜甜，顆顆殼薄肉厚，散發住香醇酒味🔸豉椒炒哆頭蟶不時不食，只有夏天短短幾個月先至可以食到最肥美嘅海蟶，今次揀咗豆豉醬炒爽脆紅青椒海蟶，豉椒炒海蟶非常惹味🔸金湯時蔬皮蛋鹹蛋浸莧菜，莧菜又滑又淋，配上皮蛋鹹蛋的鹹香味道非常出色🔸大白菜燉軟豆腐超大煲豆腐湯，夠四至五位享用，大白菜又淋又甜，配上軟豆腐索滿湯水，還有肉條、蝦米，元貝，蟶子等等海鮮，湯水鮮甜濃郁😋🔸興化炒米粉每次嚟都會食呢個炒米粉，用上非常幼細嘅米粉，但炒得非常乾身爽口，仲有好多唔同嘅材料包括大蝦、蟶子、蜆、豆腐卜、椰菜、花生、紫菜等等，非常豐富👍🏻，記得要配上莆田自家製辣醬一齊食

如意套餐✨風生水起・煙三文魚撈起新年必食好意頭菜式以多種食材 配搭煙三文魚 再加入多種調味料同醬汁 之後就可以一齊將佢撈起拌勻味道酸甜新爽 惹味開胃✨盆滿缽滿・鮑鱼大蝦盆菜盆菜好豐富 有鮑鱼 大蝦 冬菇 乾瑤柱 豬手同魚丸等 相當足料 ✨鴻運當頭・海皇魚翅羹海皇魚翅羹 加入新鮮海鮮粒質感濃稠度適中 味道鮮味濃厚✨萬事勝意・鮮貝燴絲瓜鮮貝燴絲瓜 鮮貝軟彈鮮甜 絲瓜口感帶爽✨媽祖平安麵麵線爽滑 配搭鮮蝦 冬菇同蛋絲等多款配料 豐富又好味✨甜甜蜜蜜・桂圓銀耳湯桂圓銀耳湯 清甜滋潤 總結：新春套餐足料豐富 夠應節啱晒一大班人去食飯慶祝做節團拜

週末與家人一行四人試了莆田$498 二人餐和海蠣$218/2道菜式。一坐下就有2款小食-木瓜乾？和薄罉。 阿元香草雞: 雞肉略乾，但調味清新，以冷盤來說不過不失。 百秒黄花魚：魚肉鮮嫩，短時間火候掌握得宜，保持了魚的原味，而且二人餐就有2條魚 ，份量十足。 莆田荔枝肉 ：這道酸甜口感的菜式平衡了整餐的味道，肉質外酥內嫩，荔枝融入其中。 馬來風光：這是一道綠色通菜與辛香風味的結合，爽脆的口感配上香料的微辣。褔建海鮮滷麵：海鮮料豐富，滷麵與湯汁的融合。建蓮雪耳湯 ：清甜滋潤。海蠣菜式 ($218/2道)福建特色海蠣煎：煎得金黃酥香，入口外脆內軟，海蠣鮮味濃厚。 九層塔香燜海蠣：濃郁的醬汁滲入海蠣，加上九層塔的香氣。

莆田，主打閩菜即係福建菜，餐廳講究原產地食材直送，餐牌好多故事💕餐前小食紫菜非常香脆，配埋好香既菊花茶🫖食欲黎喇，手工菜式多到爆，好有特色，亦有莆田10醉推介推介👍🏻燕皮扁肉湯，福建三寶之一，有紫菜、蝦仔，配埋福建扁肉燕🥠相當特別，好好味之餘少少酸，醒胃👏🏻🐻勞蘇食🐻推介 —— 大白菜燉軟豆腐，莆田10醉之一，原來係湯品，豆腐硬身配辣醬幾好味，個湯底又有湯鮮又有白菜芯，煲到變奶白湯極之好味🤤唔怪之得好多枱都有叫🫶🏻軟煎大黃魚，都係10醉😎好大條，味道好好，完全做到軟煎既風味，有煎既焦香加炆既入味，黃魚又鮮又滑，一絶😍海蠣節點可以唔食下當造海蠣時令菜式，$218 仲可以揀兩款，福建特色海蠣煎，好香，好惹味，蠔配蛋無得輸🥳九層塔香炆海蠣，精選海蠣，有爆汁，仲估唔到同九層塔個味咁夾👍🏻一個非常好既福建菜體驗😇同平時香港食開既中菜好唔同，好有特色，全部菜色都好有風味好正😋要黎多幾次試晒佢！🥢

今日夜晚，我同朋友去咗位於荃灣廣場嘅莆田食飯。莆田最近做緊佢哋嘅海蠣餐牌，有唔少嘅菜式可以選擇。海蠣煎呢一道菜式都幾特別，用蛋漿煎香海蠣，唔似一般嘅蠔餅，入口唔會太過肥膩。媽祖平安麵呢一個麵條入口彈牙，麵線非常之掛湯。麵條嘅配料亦都好豐富，例如有蛋絲，紫菜，豬肉，豆腐等等。蒜香雞雞肉充滿肉汁，外皮非常香脆，配埋炸蒜一齊食，別有一番風味。金湯時蔬次次嚟到我都會叫呢一種菜，一嚟價錢唔貴，二來佢哋嘅蔬菜好新鮮。西瓜汁西瓜入口鮮甜可口，仲有少量嘅果肉添。整體嚟講，每樣食物多幾有特色，我欣賞嘅依然係佢哋嘅蒜香雞，味道非常好。

又同老公去莆田食飯，菜單又加左好多新野。叫左時令嘅海蠣🦪之外，仲叫左幾個小菜，全部都好惹味，又夠鑊氣👍🏻真係好好食。 九層塔香燜海蠣：粒粒都好飽滿，好多汁👍🏻鮮味夠，加上九層塔嘅香味👍🏻正 辣子鮮海蠣：炸過嘅海蠣脆皮香口，加上香辣味，夠刺激惹味👍🏻岩曬鍾意食辣嘅朋友🤩石鍋滑豆腐：呢個係我老公最愛😍，上枱熱辣辣「ja ja 聲」未食都知道夠晒鑊氣😂 豆腐好滑溜, 個汁仲有啲香菇同雞蛋，大人細路都啱食. 鮑魚辣椒小炒肉：呢個都唔錯，肉片同鮑魚片都有蒜蓉豆豉嘅香味😂係辣椒片多左少少😂椒鹽豬手：呢個係我至愛🤩豬手皮好薄好脆口，椒鹽味又香口惹味，入邊嘅肉質更多一絕，好軟滑彈牙👍🏻骨膠原滿滿！正🤩莆田D菜式真係次次都咁高質素，服務又好，坐得又舒服😌 👍🏻 真係無得彈