莎樂美餐廳

营业中

休息中

昨天特地去荃灣，食左莎樂美餐廳 ……懷舊式裝修，令我非常回味，亦都係我去呢間餐廳嘅主要原因，好像70年代的扒房 現在有這樣裝修的扒房，真是買少見少！！我點了一個五成熟的肉眼扒，朋友點了一份雜扒， 雖然稱不上好好食， 但起碼肉質吾會好似象根咁 un, 配上黑椒汁後的五成熟肉眼扒，非常惹味， 而我朋友的雜扒也非常大件，見他能全部吃完，我諗也非常好味。 雖然服務方面，稱不上有任何服務態度，但是我諗，我就是喜歡這種感覺…… 兩人一共吃左200，元其實真係好抵食！！！

好好彩去到唔洗等位^^但今次一入到去就好煙下麻麻地頂得順西冷牛扒鐵板餐今次試5成熟 真係好好味份量足夠之餘 薯條都幾多下.豬古力果仁雪糕雪糕杯有雪到 所以雪糕唔會好快溶食到雪糕有豬古力粒同埋果仁 good朋友食左雜扒餐 份量都好多下都係好味的!!另外 每個餐都有餐湯羅宋湯其實都幾辣下.

今日係今個星期嘅鋸扒日，嚟咗莎樂美。份量同某些食物質素比前一排差咗D!餐湯：羅宋湯：好酸同辣咗D。周打魚湯：湯內真係有魚，好味！餐包：唔夠熱！ 主菜：鐵板牛肋條配薯菜：保持水準，但份量比從前少咗，而薯條又只有幾條。鐵板大蝦雜扒配薯菜：包括有火腿、香腸、大蝦、雞扒及豬扒，大大份，但大蝦炸得乾咗D，豬扒硬咗D&冇味 。凍檸茶：OK 唔會太甜。雪糕：又係朱古力味，冇其他選擇。埋單加一，每人$55。

這一天整天在荃灣和葵青區跑來跑去。第一站是荃灣。因為知道晚上要很遲才吃晚餐，所以決定在荃灣先吃點東西再算。本來是打算去別處吃的，但畢竟人生路不熟，既然一跳下巴士已見到莎樂美餐廳的招牌，那就不作他想了。我不曉得莎樂美餐廳在荃灣區有多久的歷史， 一開門，見裏面的陳設簡直是時光倒流 30 年（我估），就是類似花樣年華那個年代吧。一看門口那個餐牌就知道這是老牌豉油西餐廳。雖然已經是下午茶時間，下午茶也有焗飯焗意粉等等供應，竟然也有不少人點鐵板扒餐吃的。我嘛沒吃鐵板餐很久了，況且又吃不了那麼多，然後發現下午茶餐牌上有鮮蕃茄生菜三文治，便順理成章便點它來吃。先來了杯跟餐的熱檸茶，連那個茶杯都是懷舊味十足的。後來三文治也到了，是用以前小學的派對小食用的那種有彩色玻璃在紙上面裝飾的牙籤「拮」著的。三文治包是烘過的，裏面夾着生菜、蕃茄還有一點點沙律醬提味。不過最驚喜的是伴邊的那一團薯仔沙律，簡直是古早味得徹底！吃飽放下 31 元，走出門口，猶如走過時光機。後來才發現原來他們在同區一大型商場也開了分店，不過我若有機會再來的話，我還是會選擇老店。

去年十月，荃灣莎樂美在荃灣城市中心開了分店，在下只是吃過下午茶當午餐，總店卻一直都沒甚機會去用餐，直到今天，不如走去沙咀道總店來一個午餐。晚上或者需要大排長龍，但是今天選擇在午餐時段，未見長長人龍，可能時間尚早（十二時多）就輕易走到樓上坐下來，不過地下已經座無虛席。午飯時間的樓上的餐廳環境，或許跟晚上的差不多吧？有點漆黑，但是光線卻充足，在下所坐的位置正好在燈光之下。午餐時段沒有厚厚的餐牌，只有兩面的午市套餐的餐牌，故不拍照。套餐中有焗飯意粉供應，亦有鐵板餐供應，餐價都是由四十個大洋起。來到荃灣老牌豉油餐廳，固然會點來一客鐵板餐，或者算是對得起自己吧！餐包或者是眾多豉油餐廳的選擇，拿起手來總算烘過的，也是暖暖的，麵包沒有被烘得硬化，是一個軟軟的麵包，塗上半溶牛油，味道沒有太過的驚喜吧。羅宋湯始終都是在下的首選，很少機會會點來忌廉湯。雖然沒半點油脂浮在湯面，但是味道卻為甚辣，有點嗆喉感覺；湯裡面依舊有牛肉或牛腩在內，是老牌餐廳中特有的。蔬菜份量不算太多，但是勝在夠腍。主菜為日本元貝伴雞扒配菌蒜汁。當侍者把醬汁倒在鐵板後，其吱吱聲卻很快便響絕，只是維持了兩三秒吧。在下預算其份量極其只有一塊

很久很久很久很久沒去莎樂美,叫左一個是雞扒餐味道尚可,另叫一個沙律就是這樣子一PAT野,出晒水大部分係薯仔,雪左雪櫃咁多日就唔好拎出黎賣啦,真係好失望唔知點解會咁

之前聽朋友講過話哩間扒房唔錯 所以就去左試試大約7:15pm前去到哩間扒房 完全唔洗等位 但食完之後就見到已經要排隊 所以7:15pm前去到就ok之後就睇下menu 有好多款扒選擇咁我就叫左鐵板牛扒餐 朋友們就去左鐵板牛柳餐同埋吉烈海鮮餐餐湯有白湯或者紅湯 我覺得紅湯就辣左少少鐵板牛扒餐同埋鐵板牛柳餐都好好味同埋價錢都合理 真係抵食既只不過吉烈海鮮餐真係唔抵食 對比起鐵板餐 感覺上 吉烈海鮮餐好似hea左d食完之後有餐飲同埋雪糕 餐飲叫左凍檸茶同埋橙汁凍檸茶就普普通通 無咩特別開頭以為橙汁係汽水個款 點知係果汁先生 good最後甜品係豬古力果仁雪糕 哩個真係要讚一讚雪糕雪到好凍 同埋雪糕杯都係凍既 唔錯唔錯而且d果仁好多好新鮮同埋好脆 正!!但食完野 走個陣 就見到已經要排隊 所以7:15pm前去到就ok最後價錢都算係合理的 有一份鐵扒餐+餐湯+餐飲+甜品.下次會再去幫襯的!!

好耐無去食過鐵板餐, 走咗去荃灣既莎樂美. 好耐之前係莎樂美食過一次, 印象中佢既什扒餐都唔錯幾抵食. 今日正好重温一下. 一個餐有湯, 主菜, 雪糕, 飲品. 湯既味道可以, 唔會太稀, 仲有塊梳打餅係上面. 至於主菜方面, 有火腿, 香腸, 大蝦, 雞扒同豬扒, 配上薯菜. 整體味道一般, 不過不失. 不過隻蝦都好大隻. 只係豬扒真的很硬... 質素有待提升. 但總括而言$5X一份什扒餐是抵食之選.

咁日同fd相约一起去食扒，本身想去扒王之王架，但好友說莎樂美都ok好味值得一試，所以我地就步行去莎樂美餐廳。門口D裝潢有小小陳舊，不過唔會吾中意我地去到果陣唔需要等位，入左去2樓享受我地D晚餐。我點左個什扒而好友點了牛柳粒，我系超級期待架~餐前有份羅宋湯，但對於我黎講有小小辣。仲有跟埋份餐包，扒都隨後上左好快~！！！！D布有d殘缺，用來遮擋果陣好驚擋唔到建議換下新布。什扒真系好多，所以share左d卑好友雖然多，但不至於難食。希望下次去換左新布我就會多多幫襯架喇~好飽D一餐。。。。

本来想星期日来食但（（打風））  今 日收左工就同三個同事來到試下！到在門口等左一陣就入坐！！我点了牛柳！！同事們点西冷、、什扒！！唔洗5分鐘主菜上了！牛柳肉質ok不过不失！同事話西冷ok不过份量过多！！什扒又糸成山！！朱扒冇咩特別！！雞 牛几好食！跟住到甜品麻地！！！林走時見到晚餐都几吸引下次再試

我絕對係常客.. 平時...龍長到不得了..到排隊..等20-30分鐘先有位..今日好反常...去到仲有大把空位..又係紅日...等我仲滿心歡喜...點知...過份失準...一如以往..都係有湯有餐包...之後一個扒同雪糕..以前介紹過d朋友黎食...個個食完自己都會再去幫襯...但係今次...呢個係我叫嘅..西冷牛扒五成熟...配肉汁...一路以黎...我都好中意食牛扒...但今次真係太差勁..切開左...其實睇得到係6-7成左右啦..咁鐵板上其實問題不多...最大問題係個牛扒本身個肉質..好古怪..我唔識講..我唔知到底係來貨唔新鮮丫..定係轉左廚師...d肉質..好林..完全冇牛肉味...一d都唔好味...豬肉都不如...基本上我真係唔知自己食緊咩...食左塊..已經冇心情再食落去...呢個係老公嘅什扒...以前老公都必叫呢個...因為真係好足料...佢疊到好高..好多野...連雞翼都係雞全翼...老公每次都會切 豬同雞 腸呀咁俾我食...哇..除左俾腸仔(一般廚房腸)係正常之外..佢個豬同雞都係一樣..完全冇任何肉味...肉質都係林 入口怪怪....唔知到底係唔新鮮...定係廚

夜晚七點幾去到要排隊，見到條龍有大約十個人，不過因為我地得兩個人，所以等左唔夠五分鐘就入到去啦。環境好暗，十足十以前睇電視偷情o個o的地方，幾有情調，但係響咁暗o既地方都見到o的刀刀叉叉唔係好乾淨(抹得甩o既)，睇嚟燈光好似唔夠暗...坐低睇餐牌，未計加一幾乎個個餐到過百，同簡介似乎有o的出入，可能之前個個都唔食餐呱...服務員會主動過嚟落單，lee樣幾好，之後幾前叫佢地都好快到。叫左一個什扒同一個大蝦牛柳五成熟，轉黑椒汁各加3蚊，首先嚟一個羅宋湯一個周打魚湯(本人想要酥皮，但係個姐姐話冇得加錢轉...)，兩個湯冇咩特別...普通茶記水準。收完湯就到兩個扒到，拎起扒布等佢淋汁上去，完全冇煙霧灕漫o既感覺，再用手摸落落鐵板...凍o既...中伏了...什扒有雞翼、腸仔、火腿、豬牛雞扒各一，雞翼咬開有紅色，食落有鹵水味，估計似街市鹵水雞翼再翻炸。腸仔就一般啦，可能我食開廚師腸，感覺唔係太好食。火腿同豬牛雞扒可以唔講...冇乜特別。大蝦牛柳個大蝦一上檯就已經切開左...方便食，但係o的蝦肉唔知做咩淋哂...牛柳亦過生...未成過咁生o既五成...餐飲兩杯凍檸茶，個杯好得意，「篤」完檸檬o的檸

星期日午餐, 單拖走落街据個扒先。 呢個百物騰貴的時勢, 50蚊竟然食到鐵板扒? 就係抵到爛!!第一層FULL 哂, 上左2樓~叫左個B餐, 青口伴豬扒, 仲要包埋餐湯, 牛油餐包, 凍飲, 薯菜, 同埋雪糕。唔洗3分鐘, 餐湯餐包上枱, 有效率~羅宋湯好正, 濃郁多料~飲完個湯, 發現2樓都FULL 哂, 幾乎人人入到來都係食鐵板餐!! 緊係啦~~咁抵食!!扒上枱了~~~嘩....2大塊豬扒, 2隻青口, 仲伴有薯菜, 好大份, 仲叫左個加$3 的意粉, 最終食唔哂~~呢份餐2個女仔SHARE都夠飽~豬扒的質素普通啦, 唔洗點切, 唔洗點咬, 超冧的~甜品上枱LU~~有朱古力粒粒的朱古力雪糕, 好味~~下次試下鐵板牛柳先~

這間食店也能上熱店..真令人懷疑他的公信力...牛肉吃了也沒有牛肉味 軟化到不似牛肉面包也是普通全店充滿懷舊味但我真的不欣賞..服務還OK.可能我期望太高了

入到去，啲人嘅服務真係可以講無服務。無招待！用具清潔度都麻麻！呢類舊式牛扒餐廳真係買少見少，但食物真係一流，牛扒唔會太老，多汁又嫰口，真係幾有質數，最後，仲有雪糕做甜品，個雪糕真係好特別，有好多chocolate chips and nuts,好有特式！