菓一道健康餐廳 (已結業)

「菓一道」不是素食餐廳, 但都有素菜供應, 而且標榜健康, 完全是我杯茶~ 可是......和友人點了:- 鴨胸糙米飯: 有許多蔬菜伴碟, 友人說鴨胸像雞肉, 但都好吃~- 二人素菜餐: 有炒什菜, 咖哩薯仔素腩肉, 糙米飯和喬麥面。炒什菜不過不失, 可惜的是咖哩薯仔素腩好咸, 好多味精, 素腩好似豬肉, 朋友都不相信是素.....- 甜品: 有芝麻雪糕和蒟蒻, 都幾精緻食完之後喉嚨好乾涸, 相信是那碟咖哩的味精累事~其實「菓一道」絕對是城市眾餐廳中的綠州, 請快快放棄化學的味精吧~ 不要再令顧客失望了!!

秀大盜做野做睇咁辛苦, 緊係搵間fresh d 既野醫肚啦, 菓一道應該係不二之選啦, 飯係用糙米, 十穀米, 而且樣樣野都有卡路里列明, 飲品又唔會太甜, 頗健康~餐湯應該係甘荀湯, 不得了, 好濃好正. 而餐包好白麥味, 烘得脆脆地, 好味~我order左駝鳥扒, 秀大盜一如以往order左佢既最愛--雞雞十穀米跟黃薑汁~ 兩樣野既portion都其大, 駝鳥扒薄薄的2塊, 好juicy, 味道唔錯, 而d配菜亦都好豐富; 而個雞就有2塊厚厚的雞扒, 外層煎得脆, d肉又好滑, 而黃薑汁既飯又好夠味, 但又唔會太強薑味. 間唔中食返d健康野都唔錯~

After reading through all the reviews, decided to go try out this place for lunch today. The two of us ordered 2 lunch sets (vegetarian fried rice and duck breast), which included a main course and a drink or soup with a bread roll. Food came fairly fast and it was delicious. In other words, there was a balance between health and yummy food. Definitely a must for anyone!

一家堅持用天然材料製作食物的健康主義餐\廳。很有水準的~~~! 只是環境太逼，其他的分店也許\會比較好。dinner set $7x-$9x: 餐\湯、餐\包+主菜+甜品+餐\飲===============================================餐\飲- 紅莓紅棗子汁熱飲: 加了紅棗蜜，好喝，我每天早上起床後第一件事就是喝這===============================================餐\包；餐\湯- 有機豆漿冬菇雲耳湯(原價$20): 很天然的感覺，材料都是來自大自然的，是真正的無添加~===============================================黑椒醬燒蒙古羊卷肉配有機糙米set din $88~===============================================芝味西蘭花白酒鮮蟹肉炒墨魚汁麵set din $78: 芝士味道超香超濃~~~ 略嫌蟹肉少......===============================================tenny

5個好噪既女仔﹐放工都8-9點所以前後腳去果一道~ 我之前通常去TST個間﹔好鐘意黎哩度食野因為好多choice, 野食又夠新鮮﹐又健康! dinner set A 芝士西蘭花蟹肉墨魚汁麵- 好似hin汁咁﹐麻麻地!All dishes + $15就有set: (soup + bread + drink + dessert)一個10號有龍俐柳白汁芒果配紅米飯(D名水蛇春咁長真係唔記得) - 個汁幾好味﹐龍俐柳好食又大塊﹔菜好多又新鮮﹔如果食唔慣會覺得有D硬。2X號鮮茄濃湯龍俐柳天使麵- 好食呀~ 個汁酸度適中龍俐夠香又滑﹔天使麵撈埋D汁好好味﹔菜又係好多同新鮮。2X號係個冷麵黎架好配酸瞇瞇既汁好食又開胃﹐有海蜇添﹐好特別!最後個個唔記得喇~因為我朋友改黎改去﹔飯改意粉! 係有機鮮茄汁有蝦﹐好似係13號/ 15號。個味相當唔錯但D蝦無味淡某某。Overall, 好滿意哩一餐﹐service好waitresso好有耐好好好有耐性又會自動加水。因為係open plan所以有D噪但我地5個都好多野講所以無所謂喇~ 如果想羅漫拍拖就唔適合!

食物ok,服務態度好好,價錢唔貴

30/3cwb想找價錢相宜又好味的食店不易，除了茶餐廳、粉麵鋪，個人推介這間是日晚餐$7x-$9x，有頭盤+ 餐湯、包+ 主菜+ 甜品+ 飲品另可選餐牌食物$4x-$7x，加$15 有餐湯、包+ 甜品+ 飲品，再加$10 有頭盤。跟朋友點了餐牌食物各加$15是日餐湯薯蓉+有機紅腰豆，再加上烤過的麥餐包，正!好味!我點了鮮蝦三文魚雜菌炒意粉，唔油、好多菌類，有蝦仁同三文魚肉碎，幾好味，仲好大碟。朋友的龍蕃茄濃湯天使麵，兩大塊龍，仲有d配菜，加上幾多天使麵，又係好大碟。試左d個蕃茄濃湯，酸酸地、好香茄味，好好味!餐飲可以選金桔檸檬、蜂蜜綠茶、有機豆漿，飲品味道絕不淡，好味。甜品有三款：水蜜桃果凍(淡d、清d)，杏仁薄片咖啡雪糕(配上少許早餐水果乾，我最愛!)，蕃薯糖水成餐食得好清，但唔淡，仲好好味!!! 地方不大、開放式，所以嘈左d，但乾淨、坐得尚算舒適。

星期六同朋友仔整完野都已經4點, 大家都未食飯諗起呢度有好多食店就來睇睇, 呢度晚市就好多人, 呢個時段就好靜英英芝士蕃茄腸意粉+凍檸水($30) - 芝士加埋蕃茄汁撈意粉幾好食, 唔錯蝦炒博多拉麵+凍檸茶($30) - 蝦好細隻, 雪藏貨, 麵就用好多蘿蔔絲, 蔥, 洋蔥一齊炒, 好淡

我幫襯菓一道都10年啦, 我由拍緊拖到結埋婚而家重同埋女女幫襯添! 佢尖沙咀嗰間重大D,有次媽咪生日重book咗間VIP,切蛋糕又唔駛加錢,服務又好.聽佢哋D侍應話旺角又有菓一道嗝.遲Ｄ女女學畫喺旺角又可以食最鍾意嘅雞扒飯啦! 沙田果間都去過,但喺就無尖沙咀間上菜快啦, 需有待改善.過食物水準真的好好好!

我估第一間店係尖東開, 至少有七, 八年吧.後來, 尖沙咀的店少下一間, 少下一間, 現在好似一間都沒有吧.今天意外地發現cwb都有, 一定要試下啦.點了雞扒黃薑飯, 沒想到雞扒醃得相當入味, 係淡了一點, 但ok喎. 沒有皮, 但煎得一樣香脆. 黃薑飯跟燈籠椒, 雜菇一起炒, 好味, 健康!服務不錯, 我定會再幫襯!

本以為以健康為主d 菜會無乜味但原來不是,仲好好味添~叫了蕃茄蝦天使麵-->好濃蕃茄味,蝦煮得剛剛好,又好足料.全碟好大份,只吃了一半便夠飽了頭盤的麥包好軟熟,又有好香的麥味餐湯是南瓜糙米湯-煮得好滑又夠味好味.甜品是自家制雪糕-稍覺甜了少許值得一讚是menu 有埋卡路里註明,這個天使麵只是4 百多kcal.合適女仔去吃~全店的感覺是好自家製,好健康.估不到吃健康餐也有驚喜~

我對健康食物最有興趣，睇呢度D食評知道有間計哂calorie嘅餐廳，所以想試吓~外賣咗焗雜菌素菜糙米飯，都幾足料~下次會試其他~

見完醫師, 唔想左度右度去邊食, 就食埋呢一間掃哂成層.平時午飯時間爆哂棚, 今日星期天連對面的住家菜都冇咩人, 睇黎去哂飲茶啦.午餐約有五款, 素食也有幾種, 加5塊至10塊可以有飲品或麵包餐湯.我想吃糙米, 就點了煎龍利柳西椒汁配有機糙米.先來個黑豆漿, 冇咩甜味, 豆味略有, 但不夠凍.主菜比想像中好味, 龍脷柳有三塊, 煎香了沒有雪味, 底下有西椒汁和其他菜類, 如紅蘿蔔, 絲瓜等.糙米以為鞋到爆, 吃下又不是十分難吃, 最後只吃剩一小啖.埋單六十元, 唔算平, 但為了健康久不久都要吃一餐的.後記:1. 檯幾細, 有如味千拉麵, 環境方面都要降到3.

從來都未試過計住卡路里食野，感覺幾新鮮。嗰度係食糙米飯，真係健康。Menu寫得好清楚每樣野既卡路里，節食既人士會食得好放心。環境唔靚，一般，但黎食一個便宜及健康的quick dinner是ok的。

聞名已久,星期六第一次光顧!一去到就可入座,本想叫$88二人素食餐,但後來還是散叫。-三文魚扒墨汁麵: 一塊煎香了的三文魚扒(手掌般大的),墨汁麵配上茄汁,味道剛好-莧菜釀雞肉野糙米飯: 一塊像魚旦的雞肉夾著莧菜,口感不俗,而糙米飯就嫌糙米太少其中一個餐加$25配頭盤,餐湯,飽和甜品是日頭盤:海蜇沙律(香濃的痳油海蜇很醒胃)餐湯: 我想應該是豆茸南瓜湯,很稠,加埋那熱得燙手的餐飽,味道也不錯所有食物味道偏淡,有很多蔬菜,而且不太油膩,實在難得。環境不錯,但檯與檯之間距離太細,鄰坐的對話都聽得一清二楚。