菓之店 (雲疊花園)

营业中

休息中

菓之店📍大圍田心街20號雲疊花園2號Kay gor 食飽又係要搵糖水食下啦甘岩朋友又住附近就要試下啦依度泊車都幾方便, 唔會搵唔到位西瓜雪山👍🏻👍🏻👍🏻👍🏻👍🏻西瓜超級夠甜, 立即解暑阿配Jelly 超正阿，好凍夠味荔枝汁👍🏻👍🏻👍🏻👍🏻鮮打汁, 荔枝味超濃配上沙冰, 為身體降左不少溫, 正阿土多啤梨汁👍🏻👍🏻👍🏻👍🏻士多啤梨味好重, 超正配沙冰餐廳位置都幾好又方便服務員態度超禮貌既絕對岩一班朋友黎坐下傾下計Kay Gor 推介 👍🏻👍🏻👍🏻👍🏻👍🏻備注👍🏻5粒代表最推———#kayGorfoodie #foodie #hkblogger #foods #hkfood #hkfoodie #love #instagood #beautiful #happy #followme #friends #follow4follow #tagsforlikes #photography #instafood #fashion #photooftheday #amwriting #blogging #newblogpost #instablogger #me #followme #smile #i

飯後甜品一定會到菓之店，是大圍街坊近近地的好選擇！約揸車朋友一般泊路邊就可以，又或者天氣清涼的時候坐舖頭出面都好舒服！雜果沙冰（練奶）平時必叫，生果新鮮👍🏻楊枝甘露小丸子，有齊曬最鐘意食的嘢😋不過小丸子略嫌淋咗少少，楊枝甘露足料燒賣也是必叫，配埋辣油非常好食雞翼/豬扒撈麵都好好食，不過今日太飽冇叫到

今次呢間糖水店係係屋宇附近， 好多街坊既聚腳地，非常熱鬧。如果係糖水時間去食，都幾多人，少少逼，甚至要排隊。今次叫左兩碗中式糖水，包括紫薯湯圓和合桃糊。兩碗糖水都唔會好甜，甜度較低較健康。紫薯湯水既紫薯都煮到十分軟，味道香甜。而花生湯圓皮簿有咬口，相當唔錯。而合桃糊非常細滑，有香濃既合桃味，少少甘香，非常養生👍🏻 整體而言，雖然糖水價錢唔係超平，但價錢對得起食物質素，而且係吹水談天既好地方。如果經過大圍，相信我都會再黎試試其他款式既糖水。

其實都唔係第一次去“菓之店”食野，覺得佢啲糖水都唔錯，仲有啲小食。菓之店嘅地理位置10分好，附近又有泊車位，又係大圍火車站附近。講返啲嘢食先，尋日嗌左個芒果雪山，太極小丸子。味道都10分唔錯。

前日同女朋友行過間野，見過門口都ok，諗住試吓，食咗紫薯小丸子同桃膠燉椰王。等足4個字先有得食，以為唔會太差啦，點知紫薯煲到又爛又老，根本番薯渣咁樣; 椰王又唔寫明用杏汁燉，我地本身好憎食杏汁，但唔食又好浪費，裏面啲杏汁仲要係用粉開嘅，兩碗野都甜到嘔，好難食。後來問佢有冇餐巾，點知連呢樣都冇。後尾聽到隔離幾枱話佢地係咁俾錯野，根本啲單就亂哂。連腐竹蓮子都要等幾個字，同埋得嗰一粒蓮子咁大把！總括而言，冇服務、食物差！

呢度嘅食品唔錯，尤其是呢度嘅芝士撈麵非常好味，深宵時間好難搵到一間糖水店可以醫肚又可以食糖水，我試咗個司華力雞扒芝士勞面同雞翼尖（好味）我太太食個鮮果奶凍，粒粒新鮮生果，份量再多少少就非常好，希望改善。至於招呼服務同環境各方面都好滿意呀。希望貴店加油啊！

心血來潮想食糖水就黎左菓之店糖水選擇不多 都係d大路野啦基於唔想食刨冰類🍧既野所以叫左一個芒果盛宴同埋一個冰糖木瓜燉雪耳芒果盛宴佢的確無呃人 芒果 芒果爆珠 芒果雪糕 奶凍樣樣都有齊但份量小得可憐 完全唔值$38奶凍無咩奶味 芒果唔算話好新鮮雪糕都係平平無奇冰糖木瓜燉雪耳味道尚可 但份量都比較細木瓜只有兩小舊甜味比較重 掩蓋了木瓜本身有的清甜味總結想同朋友宵夜食糖水傾下計都ok因為間野唔太多人幫襯 易揾位傾計坐耐d都唔會覺得唔好意思不過食物質素就麻麻地 而且份量都好的骰建議都係去返大圍火車站附近d糖水舖食糖水選擇較多 而且 味道會比較好

附近得呢間糖水店，之前堂食都ok，今次外賣完全唔係嗰回事。個芋頭西米露加涼粉，得2條芋頭，嬲左個黑白配一打開，見到啲芝麻糊一半都冇以為唔小心倒瀉左應該唔會有下次。。。

要搵一間好食既糖水鋪其實真係幾難....大圍呢間因為係三多附近..而且可以泊到車...有時食完三多都會黎甜下...呢個普通雪糕~不過好奇點解佢地D雪糕咁圓~西瓜雪山...西瓜夠甜其實都唔會失敗綠武士....我知我要求唔應該太高...其實個綠茶雪糕交黎既佢唔夠綠茶我係OK接受既...但係點解個布丁無奶味?我唔係叫大菜糕喎....香蕉窩夫....個窩夫只係合格,唔夠蛋香...唔好食但唔係難得...店舖D姐姐幾好態度既~一班朋友黎坐下傾計係非常好既

腸粉$10 - 正常雞翼尖 $22 (好似) - 好吃~惹味鳳爪一般, 凍的, 不入味, 辣得來怪怪的, 而且有點過硬還點了芋頭西米露 $22好吃, 但這季節的芋頭一般般

同老公食完飯後，好似仲差d野，過對面既菓之店食糖水，我揀左個Oreo 三重奏，賣相唔錯，香炸oreo口感好得意～我諗佢係將塊餅加左脆漿去炸，不過最好食都係果球雪糕～～

朋友帶路，揸車來到大圍這個甜品店。有別於一般只賣糖水的甜品店，菓之園的食物種類簡直可說是深宵食堂。除了常見的中西式糖水，砂冰，還有超邪惡的芝士撈麵...芝士撈麵可以選多種餸菜配搭，我因為太肚餓，選了雞扒配司華力腸。那雞扒皮脆多汁，那芝士拉著絲地香氣撲鼻，實在不比專營芝士撈麵的餐廳差。除了撈麵，燒賣魚蛋腸粉，各式果汁一應俱賣，價錢廉宜。加上附近有錶位，帶朋友揸車來一定滿足到所有人的胃口。

每次夜晚經過大圍都一定會去呢間甜品舖食個宵夜，飲杯野。雖然每次都夜晚11點後甚至零晨去，但呢度生意都好好，經常滿坐。對面就有泊車咪錶位，但常滿好難等到位，揸車嚟既要留意啊。我最喜歡係呢度個芝士撈麵一啲都唔流又夠芝士味。 奇異果汁就麻麻，味道酸（可能唔係適合既季節），果汁好稀。。。今次11點嚟到滿哂坐，唯有買個外賣反去食。西瓜芝麻珍珠沙冰沙冰一定係堂食好味過外賣，但外賣都可以，份量算多但味道唔太夠甜。雞蛋腐竹蛋糖水味道夠甜，腐竹夠多好味

約左兒時舊友係大圍聚舊, 食完餐飯仲想繼續傾, 糖水舗就係不二之選~一直住係附近, 以前菓之店係好細間, 一D都唔吸引, 寧願行去大圍食X師傅, 但而家裝修過, 地方大左同埋望落都光猛乾淨, 所以先夠膽去試~諗住屋村甜品舗都係例牌傳統中式糖水, 西米露, 又唔止喎, 朋友叫左個綠茶窩夫, 有擺碟架喎, 件窩夫係綠茶味, 唔係是但整件窩夫加球綠茶雪糕就當係, 而且仲有紅豆伴碟, 件窩夫未至於去到好好食, 但都鬆軟, 有綠茶味得黎又唔會太苦, 至於傳統中式糖水紫米露, 不過不失啦, 好似"稀"左少少, 情況有少少似煲好左既紫米露加水翻煲.無諗過以前"up up dup dup"既糖水舗, 而家竟然有D新野食, 仲要賣相同味道都唔差~

晏就行到返大圍，心思思想食甜品，叫左個未食過嘅芒果窩夫，食落有驚喜！芒果肉甜，估唔到嘅係佢啲醬係咖啡焦糖味，配芒果雪糕好特別，味道又好夾切埋個窩夫同雪糕一齊食，好好味