菓之郎

营业中

休息中

當天購買了一杯珍珠豆漿， 當我個女飲左一啖， 發現裏面有一隻小昆蟲， 是有觸鬚的， 於是便叫他們更換一杯， 本人都明白食肆的衛生情況， 都只係想換過另外一杯， 並不是要作出任何投訴 或要求什麼， 但裏面係男職員及女人就不段話係d 珍珠黐埋一齊， 甚至個女人冇睇過杯珍珠豆漿一眼，就知道係啲珍珠黐埋一齊。他們當啲客人係低能的， 昆蟲同珍珠都分唔清楚。不斷話係啲珍珠黐埋一齊去掩飾自己衛生差的問題，本人其實都經常光顧， 但對佢哋嘅處事手法深表失望。

呢間店已經係超老店，咁多年來都冇點加過價，平到難以置信，而且佢就係有莫名嘅吸引力令我去完再去！佢除咗又平又抵食，先十零廿蚊碗之外～比起新式糖水鋪，佢就有個種舊香港校園青春劇嘅feel，就係放學會散步去食個糖水嘅感覺🥰佢細細間傾個計都覺得close啲🤣大家得閒經過嘅話可以去支持下，呢啲小店越來越少罕見，執下執下又一間🥹佢最好食應該係豆腐花、魚肉碗仔翅、腸粉魚蛋燒賣（係我食過嘅野入面）。平時見好多人買格仔餅，但係我未試過🤣格仔餅先係$16，嗰啲普通嘅糖水都係$20碗左右～佢嘅魚蛋、豬皮、燒賣都係$7有6粒！仲有珍珠豆漿😍真心好抵食🤣經過都一定要入去食下！佢開到凌晨～宵夜真係一流！✨豆腐花 $12 👍🏻👍🏻👍🏻（最鍾意食芝麻$19同埋紫米豆腐花$18）✨綠豆涼粉 $18 👍🏻👍🏻呢個有驚喜！出邊好少有呢個配搭，佢冇咁甜，而且混合得又幾好食🤣因為我係唔食綠豆嘅，呢個係朋友點，我試咗覺得又真係幾唔錯！✨雜果西米露 $21 👍🏻我覺得甜咗一啲🤣但係都好食嘅，啲西米幾有咬口～✨雞蛋仔 $16 👍🏻我已經好耐冇食過咁平嘅雞蛋仔，喺出邊嘅一半價錢！而且佢嘅蛋漿係真係真材實料嘅！唔係嗰啲假奶味😋雖然佢唔

2022.09.01今晚去咗新金榮食咗個好伏嘅晚餐，非常之down，叫朋友同我去洪水橋食紅豆涼粉+格仔餅…..😬😬😬紅豆涼粉+格仔餅，我最鍾意，格仔餅細佬整得好香脆…..😬😬😬

話說同🐖🐖拍拖踩單車，起南生圍P完K之後，起交車途中🐖帶左我去補充體力，食小食…佢話由細食到大架喎～門面好平民，價錢都好平民😆望落全部都係街坊😎 我望下望下….空氣突然凝住了….我見到…..舊男性朋友😂 已經唔敢出聲費時，佢認得我把聲🙊過左一陣，佢早走過我哋，發現佢好似肥咗😂點解起一間咁細既舖頭遇到….不解🥲🍡小丸子 $13 / 6粒🥧 燒賣 $6 / 6粒 🧈 腸粉 $5 / 4條🥣 豬皮 $6 / 6粒總括而言，似細個起小賣部食過既味道😆復古味🤣 味道：⭐️⭐️⭐️ （3/5）環境：⭐️⭐️⭐️ （3/5）服務：⭐️⭐️⭐️ （3/5）衛生：⭐️⭐️⭐️ （3/5）抵食：⭐️⭐️⭐️⭐️⭐️（5/5）總分：❤️❤️❤️ （3/5）📍菓之郎 (元朗)元朗洪水橋洪堤路3號麗珊閣13-15號舖

整體：多數年黎都只係加價幾次，算係平民價，有人情味，每次路過都會入去買回味下。好似依家都愈黎愈少豬腸粉食。環境：小店一間食物：豬腸粉一樣有唔同既醬落，食既一定係懷舊味道綠豆沙：個人覺得算係好食，會有臭草，海帶，都多料

最近心血來潮，好想呷一下甜品所以就問咗個住洪水橋嘅fd子，睇吓佢有冇推薦嘅糖水鋪。之後，佢就帶咗我呢間位於洪水橋嘅菓之郎，因為呢間店嘅豆腐花同格仔餅都係佢同佢屋企人嘅至愛於是乎，我同fd子入到去就即刻叫咗個黑芝麻豆腐花同紫米豆腐花，點知真係百聞不如一試，真係好好味！一黎個豆腐花真係好滑，二黎個芝麻糊濃得黎，甜度又啱啱好，唔會話太膩，又唔會太淡，配埋個滑一滑嘅豆腐花完全就係perfect match!三黎，紫米豆腐花嘅口感豐富，有紫米一粒粒嘅口感，又有豆腐花滑捋捋嘅口感，再配埋啲花奶嘅甜，令到成個紫米豆腐花超好呷！如果各位覺得個豆腐花唔夠甜嘅話，堂食嗰邊有得仼加黃糖，滿足各位甜品愛好者嘅需要！加上啲豆腐花嘅價格真係好平，一碗$20有找，又平又好食，啱晒我哋呢啲窮學生！黎緊同fd子都準備再去多次菓之郎，準試埋佢哋嘅西米豆腐花同格仔餅鍾意食甜品(特別係豆腐花)嘅你，千祈唔可以錯過呢間菓之郎吖！

半夜肚仔餓走去洪水橋搵嘢食，又唔想食正餐喎最後揀咗食糖水😏嗌左紅豆沙、腸粉同埋格仔餅紅豆沙🧡：入口清甜，有淡淡陳皮味😋清涼又解暑🌟腸粉：正常發揮😋格仔餅：口感脆身又唔會過分硬，入面啲花生醬啱啱好，熱辣辣幾好食

我細細個嗰陣老闆喺隧道擺賣豆腐花, 已經開始已經幫襯佢, 真係由小學食到大學都Grad埋, 而佢都街檔轉做外賣店, 再搬舖變到有堂食, 可以話係陪住呢個區一齊成長的街坊店。個人最推薦豆腐花, 有豆香, 滑, 用黃糖, 價錢又平, 成日口痕落街買碗食。 其他小食都相當唔錯, 生菜魚肉, 西米露, 紅豆沙, 尤其是腸粉, 成日都食佢D腸粉當飯食。個老細都好醒, 珍珠奶茶未紅嗰陣, 佢已經賣緊珍珠豆漿, 價錢平得黎都幾好飲, 好抵, 推薦大家經過洪水橋既時候整返一杯。 

街坊小店伴隨住街坊成長，朋友喺洪水橋呎呢頭成長，就介紹我食呢間菓之郎。佢話食過呢間的豆花，已經食唔到其他豆花店。食豆花要夠滑又有豆香。呢間豆花夠哂滑，今次食仲好有豆味，一般都會食熱豆花，豆香味會出啲。而另外食的紅豆豆花仲有驚喜，紅豆大大粒煮到好冧，而且紅豆沙有少少陳皮香，叫左少甜，落少左糖水就岩岩好。另外小店的豬腸粉都係一絕，腸粉滑，夾埋甜甜地的豉油、麻醬、甜醬、芝麻，有豬油香，另外加爽口的豬皮，魚蛋就普通貨色。

呢間糖水舖講真已經有7-8年無去過啦，最近因為去左洪水橋食飯，順便食個糖水。記得以前唔係呢個位置，而家舖位細左好多，但老闆都仲係同一個。坦白講呢間舖頭完全唔起眼，而且得幾張圓枱，點解去呢間係因為想食返以前讀書既味道。中學個陣放學會同中同去買碗糖水醫肚，好多學生都會排隊或者拎走，10蚊都唔洗。最鐘意佢既紫米露好香好滑。而家已經轉左主要買豆腐花，食落都幾滑，仲有碗仔翅，不過今次太飽無食到，希望下次經過會食到。

成日經過都見到好多人幫襯，於是入去睇下有咩好食先。叫左一個凍紫米露、一個紫米露豆腐花。我中意無豆腐花多d，因為d味濃d。另外，叫左個腸粉豬皮蘿蔔填肚價錢夠便，十幾蚊一個湯水，除左呢到，邊到仲有？

朋友介紹的街坊小店，由外賣鋪仔做到有個企企理理的鋪面，一定唔簡單.第一次黎，點個豆腐花，腸粉豬皮蘿白，同魚肉翅先。豆腐花好滑，一食就滑入口，本身有甜味。黎到的人基本上都會點豆腐花。一向小食店的豆腐花都無話特別出色，但呢間做到咁滑都好有誠意。腸粉要好好味好難，但係就好易蒸到爛哂，呢度啲腸粉每條都係好完整，唔會甩皮甩咁，個豬皮都好味。魚肉翅有驚喜，細細碗但好料，木耳，冬菇，每啖都有料，唔會得個水字。正順帶一提，鋪頭開到11點，仍然有好多人入黎幫襯!

哩間鋪開左都有一段時間，閒時我地都會黎買下豆腐花，因為都算唔錯。平時除左買豆腐花，仲會買綠豆沙或者豆腐花+雜果。（唔推介雞蛋仔）我地鍾意哩度有傳統糖水食，夏天最好外賣，因為冷氣不足，冬天可以入去坐下。哩度仲有腸粉同粉果（唔推介），另外佢好似逢星期三休息（希望無記錯😝）小店雖然食品未必最好味，但都希望支持一下，如果唔係洪水橋就無人開鋪！👍

在屏山吃過晚飯，乘輕鐵回家途中經過洪水橋，忽然想吃飯後甜品，便在此下車找甜品店去。在洪水橋輕鐵站旁找到這家甜品店，看樣子是新店，人氣也不少，及後發現是舊店重新營業。作為街坊糖水店，花巧欠奉，卻以「極品豆腐花」作主打，相信該是品質不錯的，除此以外有中式糖水、涼粉、小食、夾餅等。熱豆腐花($8)回家後，豆腐花仍是暖熱的，該是新鮮的豆花，豆味不算太重，但很滑溜，街坊店來說算是不俗。海帶綠豆沙($13)雖然有不少海帶和綠豆，但由於凍食的關係，稠度太高，感覺一般而已。