菓甜品 (已結業)

朋友開的餐廳當然要支持啦！今次係第二次嚟呢度食嘢，因為夜晚要去飲、所以都唔敢食太多、呢度裝修左，出面買嘅平都非常之清楚、環境格局同之前差唔多，除咗個門口睇落大左打開Menu，俾個粟米深深吸引着、所以order左，上咗台之後、我都仲以為係真的！點知一切就知龍與鳳了！佢有粟米味、粟米嘅外型、但係原來佢係甜品嚟㗎！真係好鬼特別！加埋佢Pat牛油以假亂真。😅搞到我以為呢個真係粟米。之後仲叫咗個格仔餅窩夫，我同先生兩個人一人一舊、啱啱好！味道都OK。同埋叫咗杯Oreo飲品、不過因為太凍，我飲唔晒

好多人都會話女生愛甜品、女生有個甜品胃、女生對着甜品會瘋狂...無錯！我是女生，我承認！不過，事實不只女生，我身邊也有不少男生也愛甜品，今晚我就約咗位男生齊齊吃甜品，仲可以陪我甜品當正餐，厲害！站在店子門口，看着甜品櫃裏每款精緻的甜品，我已忍不住了....店內環境光猛，以白色為主調，牆上掛了幾幅以花朵為題的畫，枱上放了小花，設計簡約舒適。長方形的格局，設有一排對着半開放式廚房的單人吧枱、數張四至六人枱，還有兩張舒適的卡座，地方也算寬敞。翻開menu，好吸引！每版都附有大大幅的甜品相，分別有特色甜品系列、Movenpick 雪糕新地、自家制傳統糖水、凍飲、熱茶系列、窩夫系列。****************************以甜品當正餐，當然第一時間點份窩夫頂肚。在五款窩夫中，揀了玉桂蘋果窩夫伴冧酒提子雪糕 Apple & Cinnamon Waffles with Rum & Raisin Ice Cream ($64)，即點即製，散發着陣陣玉桂香。窩夫上放了一球冧酒提子雪糕，唧了幾球小忌廉，舖滿蘋果片，撒上果仁、玉桂粉 和糖霜，再以粒士多啤梨 添上色彩，賣相豐富吸引。厚身的窩夫

之前見到ig 有人Share 原條粟米切開居然係cheese cake⋯⋯見到真係心思思想試但總係覺得呢d嘢好睇唔好食豬仔梗係唔會放過呢個機會去一探究竟由於今次目標明確 就叫呢條芝士粟一燒一上枱真係有啲嚇親 估唔到同粟米咁似不過芝士蛋糕雪得過硬。有點難切呢度就扣左少少分 建議等5分鐘再食一入口果然芝士味好濃厚又夠滑配埋薄薄的朱古力脆片及焦糖爆谷一軟一脆的口感感覺有趣又好味最重要係芝士蛋糕都可以整到似粟米咁有創意 真係難得！另外仲叫咗呢個日本焙茶芝士蛋糕唔記得同大家講豬仔都係一個芝士控呢個係門口嘅冰櫃見到 但餐牌係冇顯示入口焙茶味超濃，帶幾份甘香茶味正好可以中和一下芝士蛋糕食完完全唔覺油膩感仲有叫咗人氣心太軟又係影相打卡嘅選擇呢度啲甜品好睇又好食又可以滿足打卡嘅需求豬仔食完都覺得好滿足一定會encore !

食完飯就緊係要填飽埋第二個胃啦～去尖咀一間小清新feel嘅甜品店～見佢menu有齊晒中西式糖水同甜品，本身想嗌個芝士粟一燒都竟然賣晒啦🤧可惜食唔到，唯有試下窩夫啦～宇治抹茶麻糬窩夫伴雲呢拿雪糕 $70係抹茶窩夫呀！上面有鋪滿晒嘅紅豆，好多粒抹茶啫哩，全部料都多到有啲誇張😂仲要中間有口感qq嘅麻糬！！❤️新鮮出爐嘅窩夫外脆內軟，加埋麻糬唔止軟熟，仲多咗層煙韌嘅口感，超級好食～～個抹茶啫哩係厥餅嘅口感，其實係咪即係厥餅(?) 總之就唔太甜得黎又食到抹茶味，就咁食又得，夾住窩夫+雪糕+紅豆食又可以中和下甜度。芒果酥皮拿破侖 $60酥皮好考功夫，但都可以睇到有好多層！而且夠薄同埋脆，中間啲cream好似膠水將幾層痴住，唔會一切就散開晒，就咁食可以試到個酥皮原味，夾芒果或者士多啤梨味道就更加有層次！曲奇奶昔 $48Oreo味嘅飲品係永遠都唔會伏，上面仲要有真oreo食架～檸檬薰衣草 $48唔係花茶但飲落有陣陣嘅薰衣草香，感覺似飲緊花茶，加上有檸檬酸酸地，都幾開胃，等我繼續再戰甜品～仲有好靚嘅水信玄餅

創意@菓甜品 尖沙咀寶勒巷3號萬事昌廣場地下2-3及5號舖 雜誌介紹過架，捉埋朋友仔來嚐口甜，增增脂肪在冬天才有天然脂肪層保暖$42 熱茶，要了伯爵紅茶，解甜一流的$55 banana pie 朋友食的，我一口都沒吃喲，但幾靚。$64 法式焦糖燉蛋鮮果pancake ,crept 中有好多creamy and 生果粒，上面加個滑又超級甜架cream burlee,跟日本都好貼。$76 魔鬼朱古力，沒人不喜歡吧，有朱古力味好濃郁的雪糕加brownie ,下面仲有栗米片脆脆，層次多及分明第二份是$45 杏仁茶，但比中式略貴，但很普通又唔算滑，還是留quota吃西式的甜品吧2個人甜品當正餐，口甜心甜大滿足。腰間贅肉增加，回家做做sit up. 我覺得定價比較貴，賣相值好高分，打卡一流。

因為早前睇過啲飲食雜誌介紹過呢間創意甜品店「菓甜品」，當中一款甜點「芝士粟一燒」勁搞嘢，像真度高之餘，再睇番啲人嘅食評，大部分人都有讚無彈，值搏率高。故此，同朋友喺附近食完飯，就順路過嚟探個虛實。鋪面窄窄，加上鋪前嘅凍櫃乜都無，霎眼望落去欠缺吸引度，好易過門而不入。呢方面我就覺得要執執佢，因為，鋪面放啲吸引嘅甜點，肯定有招徠嘅作用。雖然，有擺放個易拉架，但呢啲喺應該放晌街口嘅。咪睇鋪面細細，走入內，都幾深吓，一室以白色為主調，潔淨明亮，牆上配以不同立體掛飾，簡約別緻。一邊喺用餐區，另一邊就喺開放式廚房，概略都可以睇到年輕嘅師傅製作各式甜點。每枱枱上都放有一瓶乾花作點綴，都喺走一種小清新嘅路線。題外話，佢哋唔會主動提供清水，但有需要嘅話，亦都可以向店員要求。其實，我覺得索性放晌櫃枱，等客人自由取用仲方便。餐牌印刷得幾靚仔，圖文並茂有晒「樣辦」做參考，而逐頁睇睇，頭幾版喺多款創意甜點，實屬打卡之選，之後幾版分咗類別為即焗窩夫系列、Mövenpick 雪糕新地系列、自家製傳統糖水系列。除咗甜點，仲有啲特飲及花茶供應，所以，唔好甜品嘅，嚟飲吓嘢都OK。芝士粟一燒 $58為佢而嚟，喺目標嘅必點甜

見到好多人都去食咗粟米樣嘅芝士蛋糕🌽一心諗住嚟試下， 點知芝士蛋糕同埋焦糖燉蛋班戟都未有住😞#絲絲入心 ($64)😋好味指數：(6.5/ 10)擺得幾特別喎，又有塊餅係到🤔心太軟焗得幾香，幾重朱古力味，而且唔會好甜🤔不過唔知點解唔流心🤷🏻‍♀等我仲捕定一切啲朱古力流出嚟個樣😠#伯爵茶朱古力慕絲 ($58)😋好味指數：(7.5/10)賣相好靚，成個盆栽咁🌱慕絲食落去好滑，朱古力味夠香，不過就遮咗啲伯爵茶味😖上面仲有啲脆脆，同埋一舊好似肚臍餅上面嗰舊糖嘅嘢🤣食落去口感豐富😍#櫻花水信玄餅 ($58)😋好味指數：(6.5/10)一舊透明又冇味嘅啫喱😚最主要都係同黑糖&黃豆粉一齊食✌🏻第一次食，其實冇乜特別，我就寧願食其他甜品🤣#鮮果芒芒 ($76)😋好味指數：(7.5/10)又要講多次呢句，賣相又幾靚喎😂上面嗰層係movenpick芒果雪糕，然後有啲生果、芒果蓉同cream喺度😛好滿足😍👦🏻仲將啲雪糕放入個雪糕筒到比我食😂

今日試左呢間菓甜品一定要試嘅就梗係有呢個扮粟米🌽嘅cheesecake🍰啦佢食落有少少似雪糕🍦，外面一粒粒似粟米嘅其實我都唔知嘅嚟😂，好似真係有少少粟米味咁🤭入面就係cheesecake，味道可以，賣相就100分💯另外仲試左個桂花白酒🍶漾雪梨🍐，清清地，食完cheesecake食翻個雪梨就冇咁滯😄

行街行到餓，又聽朋友說有間甜品店想試好耐，反正係附近就決定去食。甜品當正餐一向都係女生專利💁🏻‍♀我們四人行，叫左6款甜品芝士粟一燒 $58來到就當然一定要食招牌「粟米」，像真度高得令1位朋友見隔離枱食時，真係問點解要在甜品店食粟米😅絕對食得、睇得同玩得！呃like必備👍🏻唔洗出奇點解粟米可以用匙羹切斷😱因為呢個係芝士蛋糕來的！蛋糕不只得外表，連芯部位置都可見廚師的用心，而味道都帶有啖啖粟米香，而且一點都不會膩，肯定是必食之選💯法式焦糖燉蛋鮮果班戟 $64配撘方式有別於以往，1個價錢把2款食品集結為一🍮焦糖燉蛋表面燒得夠哂香脆，蛋味夠而入口香濃幼滑。下面就是忌廉+鮮果班戟，雙重享受🤤香蕉金莎朱古力窩夫伴榛子雪糕 $72雪糕內有很多大大粒的榛子粒，令到榛子香味加以提升🧐窩夫新鮮即製，熱烘烘並外脆內軟，富有蛋香❤份量剛剛好宇治抹茶麻糬窩夫配雲呢拿雪糕 $70窩夫內增添了淡淡清香不苦澀的抹茶味道，另外麻糬份量不會太多，同時卻又足以提升層次及口感！鮮果菠蘿雪葩 $52我們原本沒有抱太大期望，只是純粹想吃菠蘿甜品，豈料雪葩真的是十分濃的菠蘿味道，但又唔似係菠蘿調味精，而且可以食到滿滿的果肉，係意

飯後甜品雖然唔係日日都食得到，今次晚飯唔算太飽，食下甜品確係一個唔錯選擇，又會食得肚飽，就係附近呢間甜品店開餐點番幾款精美甜品大家享用，餐牌甜品款色有即焗窩夫、雪糕新地、自家制傳統糖水、同其他特色甜品，真係有好多味道又想食多款，唯有點幾款，先來有法式焦糖燉蛋，當然先食番塊脆卜卜焦糖好香甜，再食啖燉蛋入口滑溜蛋味濃厚，口感確一流輪到另一款叫做芝士粟米燒，講真賣相精美之餘以為真係食真燒粟米一樣，其實係芝士蛋糕先真，食到滿口芝士嘅香濃味道，啱晒我口味值得品嚐，鐘意食芝士一定要點呢款值得推薦又有另一款係意式黑松露咖啡奶凍，真係未食已索到黑松露香味，唔知味道如何真係食啖先知道，入口已食到黑松露配上咖啡，食落更香味道濃郁，食完係口𥚃仲有陣松露味咁就食左幾款人氣甜品，輪到最後一款係傳統蛋白杏仁茶 ，飲落夠晒香滑又夠滋潤估唔到甜品出色，連糖水食落都咁水準，有驚喜嘅一餐飯後甜品。

同朋友在尖沙咀食完晚飯，朋友提議食甜品，我地入左一間叫菓甜品的甜品屋，款款甜品都好靚，好吸引！有雪糕有中式甜品，選擇繁多。酒碎提子，有酒味的香醇，雪糕不算太甜，果味好突出。配上蝴蝶酥，即香口又甜蜜，飯後甜點一流！櫻花水信玄餅，賣相好吸引，似大菜糕，透明，中間有櫻花，本身冇咩味，但有櫻花的香，沾左黑糖醬同黃豆粉之後就變得甜蜜，系好成功的日式甜品，口感好爽。絲絲入心，即系心太軟，擺盤好有趣，系岩岩烘焙完新鮮的朱古力味心太軟，會不停有朱古力流心滴在雪糕上，溝埋雪糕食好好味。桂花白酒燉雪梨，原本以為系一道中式甜品，結果好有驚喜，系含有桂花的「烏冬」，即系蒟蒻條，好Q的口感，而燉雪梨好清香，甜而不膩，正！

在尖沙咀食完飯，途經寶勒巷見到間新開甜品店［菓甜品］🍰，就同朋友試下店面不大，裝潢簡單清新，座位間都唔會太逼～芝士粟一燒 $58 睇餐牌見到好得意既賣相，就點了一份試試。外表望落真係同粟米無分別🌽🌽加上木棒同燒焦左既芝士，差點以為是燒粟米🙈🙈切開發現係模仿粟米既芝士蛋糕 口感偏硬身，味道頗甜，而表層用粟米做成的慕絲夠滑，我地都大讚好有新鮮感宇治抹茶麻糬窩夫拌雪糕 $70抹茶控必點，味道甘甜不膩，紅豆份量足夠，窩夫外脆內軟，加上麻糬的煙韌，一次有多重口感可能我地影相耐左，覺得窩夫比較凍，記得襯熱食！櫻花水信玄餅 $58 第一次食日本甜點- 水信玄餅 。賣相好精美 外表晶瑩剔透，加上內裡的食用櫻花，口感滑溜又清香 唔夠味仲可以加黃豆粉同黑蜜添～

從前不太嗜甜，寧願留肚多吃鹹點；但隨著甜品的款式越來越多、賣相越來越靚、配搭越來越講究，最近幾年，不知不覺愛上甜品。除了欣賞師傅的無限創意，更喜歡甜食為大家帶來的歡樂。早前，網上瘋傳一張粟米照片，原來真身是個蛋糕。咁鬼盞鬼？今晚一於飯也不吃，放工後直接去試探虛實。雖說是甜品之夜，習慣性還是先以鹹食打底，於是點來一客意大利巴馬火腿沙律($62)。成品份量慷慨，墊底的雜菜新鮮爽脆，拌入適量黑醋，酸酸甜甜很開胃。巴馬火腿薄薄數片，全都閃耀光澤，足見油潤非常；其質感有咬口，鹹度不太重，與香甜的哈密瓜和酸清的草莓同吃，味道匹配。任何蛋類食物，都逃不過小妹的饞嘴兒。法式焦糖燉蛋鮮果班戟($64)造型恰似一個甜筒，賣相可愛、意念創新。主角燉蛋滑溜無比，幾乎直墮喉嚨，細心看看，便見點點雲尼拿籽，再混合濃郁的牛奶，怪不得如此芳香。薄薄餅皮包著大量草莓，還有超甜芒果，加上軟滑的忌廉，令人回味無窮。生怕不夠飽肚，於是喚來宇治抹茶麻糬窩夫伴雲尼拿雪糕($70)，想不到頗足料呢！暖笠笠的窩夫，外殼微脆，裏面藏著少許麻糬，增添煙韌口感，可以裹腹。抹茶啫喱爽口，以甜味為主，回甘效果不強，反而綿綿細密的紅豆，更加吸引

其實我係為左個芝士粟一燒而黎，皆因前排見到個個都影佢🌽呢日食完晚飯十點左右黎到，點知落單既時候店員話已經賣曬😭唯有叫其他賣相都係幾精緻既款式，不過我下次黎必定要食到條粟米😤👁‍🗨 香蕉金莎朱古力窩夫伴榛子雪糕（7.5/10）💲72呢個窩夫並非脆身，但勝在內裏夠鬆軟，唔會過分死實，而且富有蛋香😙配上金莎朱古力醬，有啲沙沙既口感，唔會太甜或者膩，帶有杏仁粒既榛子雪糕亦都濃味，仲有脆皮焦糖香蕉同士多啤梨😍👁‍🗨 絲絲入心（7/10）💲64呢個既擺盤好吸睛，令我期望住熱辣辣既朱古力漿流落去雪糕度，營造出冰火交融既效果😳個心太軟係採用左64%朱古力，食落口感軟身既蛋糕濃度適中，唯獨漿餡比較少，流心效果就唔太明顯，同我預期中既熔岩有些少出入🙈下面有雲呢拿雪糕、酸甜莓碎同曲奇粉🤔如果有澎湃既流心相信會同底下既幾夾🔛 整體評分（7/10）

當晚同朋友係尖沙咀食完飯,朋友就提議黎呢度食甜品.因為佢上網見到個粟米外形既芝士蛋糕,覺得幾得意,所以一於黎試下一行4人,9點幾黎到,店入面都坐左幾多人,好彩我地都有台.不過就坐到洗碗房格黎,洗碗姐姐無關門.我地都好怕比水彈到我地每人嗌左一款甜品SHARE , 見到牆上面既黑板寫住LIKE FB同埋打卡就全單有95折粟米蛋糕 - 一上台就瘋狂影.好彩佢唔易融! 真係同條真粟米一樣,夾埋側邊D爆谷同脆脆一齊食仲正.粟米味真係好濃*極力推薦金莎香蕉朱古力窩夫 - 係我嗌既 , 個金莎醬真係引死人 ! GOOD  香蕉杯 - 其實本身係想試伯爵茶果款,不過咁岩無哂,所以就轉左呢個.好多材料係入面,不過食落好一般,口感係複雜既,但格格不入.而且超甜心太軟 - 不過不失啦,唔算好出色 .