華嫂冰室 (杜智臺)

营业中

休息中

一路都無人理入座叫order好耐，伙計扮睇唔到當透明。已經嬲到想起身走人，就有個稍年長的伙計來幫寫單了。我真係唔該你地，客人無辜架，對份工有意見就唔好撈lar。

在下午2點後仍要等10幾分鐘先坐到入去的華嫂冰室有什麼特別？！我個人覺得跟其它「網紅」食店最大區別是這裡的作法真的是花了心思，不只是靠吹靠捧。［食物］雞亦豬排通粉，通粉軟硬適中、湯夠濃、豬排亦有咬口而且唔覺落粉好多有雪藏味。菠蘿包變三文治但口感相當好想當豐富。［環境］算頗乾淨企理，空間較小，需要搭檯這些在灣仔是無可避免的了。［價錢］一碗通粉（加咗豬排）、一個菠蘿油、一杯凍檸茶，加埋82我覺得都幾合理。其實菠蘿油係多出嚟嘅，主要想試一試，通粉的份量其實已經足夠。在灣仔，一點不貴。［不足］要排隊。冇辦法。

晚上在會展睇演唱會，網上一搜才知道灣仔華嫂是開到晚上九點，就決定去食吧！.味道還不錯，都有元朗總店八九成！裝修光猛，坐得闊落，而且七點去到也不用等位.雞翼冬蔭公米粉 4/5冬蔭公是我至愛，辣味對我來說是剛好，香味也很夠，如果稍為有少少椰香會更好，個湯底同米粉真係好夾！雞翼就十分滿意，瑞士汁很濃。.鹹牛肉芝士蛋包 5/5依個包烘得好脆，好香，個蛋係煎到啱啱好有蛋漿，一咬落去就好滿足，個人覺得比招牌菠蘿包稍為岀色小小.招牌菠蘿包 4/5入面有牛油，蛋，蕃茄，夾埋個菠蘿包，每次食都覺得真係一個幾有趣既配搭，但又好好味.熱奶茶 4/5好濃，茶味有些少澀，平時不落糖的我，加了一包糖就覺得剛好.總括都好滿意，咁耐冇食，仍然都keep到個質數，上菜又快又唔會趕人走！

灣仔既早餐選擇唔少，不過劣食亦都唔少，以港式早餐黎講，除左華星之外，華嫂會係一個唔錯既選擇。今日叫左佢地既招牌菠蘿包，就係菠蘿包夾牛油、煎蛋同蕃茄。叫得做招牌，菠蘿包係幾高質，包皮係脆既，而有一陣焦香味；而餡料既組合都好夾，牛油好香、煎蛋既蛋黃係流心既，用既唔係一般茶記用既蛋，呢度既蛋味好香濃，最後塊蕃茄都切得幾厚，可以平衡返牛油既油膩感。不過佢係切開左一半夾餡，唔會好似漢堡包咁成個包都有餡，淨下有半個菠蘿包我係就咁食既，不過都好享受。奶茶就差唔多，茶味濃不過唔夠滑，一般質素。總捨黎講，呢度既早餐值得encore，下次黎試粉麵類。

自華嫂進駐灣仔以來，一直聽講地點偏遠、大排長龍，今日想搏下熱潮已經減退，點知平日午市2人仍然要等15-20分鐘先入到去，一坐低即刻叫野。雞翼豬扒蕃茄米線 ($53)以為呢個招牌組合有得就咁叫，原來要加$19先拼到 -- 香煎豬扒米線 ($34) + 雞翼2隻 ($11) + 蕃茄湯底 ($8)。嫩滑雞翼滷得超級入味，煎豬扒稱唔上香口，勝在厚切大塊滿足到食肉獸既欲望。 蕃茄湯底同想像中一樣濃郁，每一啖都係起沙既蕃茄蓉，酸度適中。炸雞球蕃茄出前一丁 ($45) -- 炸雞球米線 ($34) 轉出前一丁 (+3) + 蕃茄湯底 ($8)炸漿薄得黎香脆乾爽，雞球夠味又彈牙，配埋沙律醬幾好味。招牌菠蘿包 ($20)幾欣賞煎蛋係糖心亦唔油膩，不過蛋同蕃茄食落同菠蘿包冇融為一體既感覺，最好食反而係食哂d料、變返菠蘿油組合個一啖。 菠蘿包酥皮好香脆高質，有興趣再黎試下牛油火腿菠蘿包。話梅柑桔 ($9)、凍檸檬益力多 ($9) (跟餐半價ed)話梅柑桔好岩我口味，最底係滿滿既咸柑桔同話梅碎，仲有粒話梅妹下。 檸檬益力多完全冇檸檬味，可以不叫。個人認為湯粉麵既叫法都幾複雜，感覺要加好多錢先叫到想食既組合，

▶️其實本身都好想食華嫂好耐了點知到最後都灣仔開分店啦😯▶️店內個招牌一定要拍照的🙂必定打卡嗰地方▶️早午晚到時咁多人落嚟食飯 聽說每一日都有很多人群排隊超過一個鐘 真誇張🤫▶️不過餐廳內環境設計都是用好簡單的🤭▶️這個不得不介紹招牌菠蘿包 看似做法很簡單整到金黃香脆鬆化。食完都好飽了▶️這個番茄雞翼豬扒米線🍜 基本上每一次落去食都點這個的 每次食完都係好飽㗎😬▶️香滑濃厚奶茶 都是必須一定要點的▶️最後這個招牌芝士鹹牛肉 早餐食的話 加上奶茶就完美早餐🥣

呢間茶餐廳特色既地方就係...星期日休息，所以平日夜晚放工特登去潮聖一下，雖然附近都係商業大廈，但係已經放晒工，附近無咩食市，街亦無咩人，但茶餐廳入面人都唔少，食完走，見到出現一條小人龍，不過茶餐廳特色就係，所有食客都識做，食完就即閃，唔洗等好耐。菠蘿油賣相就差左少少，但菠蘿皮好脆，包微暖，味道不錯，都救返唔少分！蕃茄湯都夠濃，極推瑞士雞翼！有點失望係...檸檬茶，雖然夠大杯，但係一d茶味都無，餐廳入面都夠光猛，坐得算舒服。侍應態度都ok！

因為一枝公，可以除便搭枱，否則都要等一陣，不過坐咗門口位，時不時要吸二手煙同汽車廢氣。第一次來，諗咗好耐，食湯粉類，還是多士類，結果叫咗秘製雞翼通粉($34)轉蕃茄湯底($8)。通粉無煮至稀爛，OK。個湯底要加八文，好有期望，但通常希望越大，失望越大，個湯通粉來到，見到佢稀稀哋，有啲失望，不過食入口又覺得夠味，反而怕係加咗好似牛粉果啲乜野化學調味。至於個秘製雞翼，又幾好味喎，落咗啲唔知咩秘製料嘅滷水雞翼，唔單止皮有味，肉都夠入味，而且煮到林哂。

今日係灣仔果頭做嘢。咁我又記得灣仔開左間華嫂而聽聞華嫂啲嘢食唔錯。咁小弟又未食過就特登行過黎試下啦。 咁我兩點左右去到不過門口都有差唔多10個人排隊。不過都算快。我等左大約5-10分鐘左右。就有位。 咁我入到去睇左陣餐牌，本來想叫個炒旦多士。。但因為未食午餐既關係，我最後叫左個通粉+雞翼+豬潤+肉眼根。最後再加多杯奶茶添 碗通粉黎到啦。賣相唔錯。有4隻雞翼同好多豬潤咁食落啲豬潤好林。又夠入味。，肉眼根有肉味。同埋雞翼都醃得夠味最後仲叫埋杯熱奶茶添。成餐都好好味。。係小弟覺得以下午茶黎講有啲貴姐66蚊仲要唔係好飽。。

平時人山人海ge華嫂,早上時段雖然都係要搭枱但唔洗等位!餐牌....無錯, 係一模一樣架唔會因為早上而有早餐定平左...賺左唔洗排隊既時間, 蝕左個貴早餐我只可以說~今日唔食多士同包類喇, 無乜信心再食, 揀左個最普通既:   餐蛋通   清湯底係我知佢出名啲係蕃茄同炎西, 但清湯見真章呀麻剩係個通粉.....己經唔太掂啲,通粉硬硬的,  湯底無乜味餐肉正常,都無乜好講, 唯獨蛋半生熟得好好咁就33蚊無飲野....門面亮麗地理位置好, 有埋八逹通付款 我諗因為名氣, 己經好賺錢...消費者角度.......我都唔知食左啲乜...唔知我仲會唔會比第3次機會佢呢........let's see總結:  想試華嫂,可以的話早上時段約人食啦,  但不要期望太高...當係一般茶記;  如果想搵真.冰室,  唔推介

有次8點倒黎,好多野都賣晒今次早d,終於試到檳城喇沙湯米線.本身都鐘意食喇沙,而華嫂嘅都唔錯～湯底唔係稀..對我黎講係夠辣,幾惹味豬扒有兩大件好飽肚下😆～米線份量就反而覺得少左d! 由於已經入夜,呢次係唔駛等位的😁你Encore‼️仲叫左招牌菠蘿包~就係菠蘿包夾左蛋同蕃茄呀冇咩驚喜⋯冇咩回憶⋯淨講個包係好食⋯但夾住呢兩樣又唔覺好食左咁囉~

某日係華嫂食完lunch～ 之後耐不耐就會想食佢個蕃茄湯～ 今日繼續發揮大食本色～ 除左食個蕃茄豬扒米～ 仲食左個芝士咸牛肉蛋朱仔包～朱仔包焗到個面好香同有少少脆～ 煎蛋仲係半熟有蛋汁架～ 其實我地人係唔太好芝士既～ 但因為佢個芝士的芝士味唔重～ 所以我接受到～ 而咸牛肉就普普通通喇～ 一咬落去～ 一次過食哂四樣野～ 有好滿足的感覺～ 四樣好平凡的野～ 放埋一齊就製造左個不平凡喇～ 蕃茄湯好濃～ 食到有蕃茄溶架～ 米粉本身唔係掛湯類面食～ 但因為佢好溶的關係～ 所以食每一啖米粉都會食到蕃茄架～豬扒醃得好夠味～ 食落唔會好乾～ 仲好淋tim~ 每一次食都會飲哂d湯～ 而且唔會口渴架～

大陸朋友話係雜誌看到推介香港的茶餐廳，其中一閒必吃的就係華嫂冰室。 住了係香港甘多年，都沒試過，係大陸朋友口中才知道有呢閒冰室，真係有點孤陋寡聞  第一次來華嫂冰室，park 好車，行到過來，發現門口一個人都沒，當然立刻沖入去，但點知已經last order 左，當時才5點。。 估計就是生意太好，所以5點就可以關門了。不死心，隔離一個禮拜再來！門口有人龍，但等了15分鐘左右就有位，還算可以！ 傳統港式茶餐廳的裝修，位同位之間很逼~  我們點了signature 的港式奶茶，豬扒雞亦番茄通粉， 老公就叫了豬扒拉沙米粉。 我比較喜歡豬扒雞亦番茄通粉， 湯底很濃，雞翼美味，但豬扒我覺得一般。。 老公的拉沙也不錯， 奶茶很濃看到很多人叫了菠蘿油。。 還要加砂糖。。。 可能很美味，可是太邪惡了，沒叫。。。 

$20大家講到華嫂嘅菠蘿包咁正 嚟到黑都要嗌番個 🐵雖然好邪惡 但係的確係好吸引嘅 可惜菠蘿包嚟到嘅時候只係微暖 搞到牛油溶唔到 而荷包蛋亦都無蛋汁流出嚟 搞到有少少失望 不過點都好 菠蘿包係好食嘅 🤤

上年10尾，讚過一次，炒蛋又靚又滑，湯濃足料。今日？轉咗師父呀？敢都叫炒蛋？定係整穿咗隻蛋，就敢煎到熟曬就當係炒蛋呀？！換咗一次都係敢，即係無得救啦~忌廉湯稀到同普通茶記無分別，通粉同黑松露又少咗1倍，偷工減料。第一次食華嫂係食完都重肚餓。堅嬲！讚就無啦~比中指就有。