華嫂冰室 (杜智臺)

营业中

休息中

每次經過呢間茶記, 都見到門口堆滿人。因緣際會下, 終有機會一試。星期六早上, 還未到九點, 已見門口排滿人。反正我一個人, 即管取票等等。等了一會, 見不少客人已結帳離開, 店內已空出一半位。惟一直沒有職員出來安排入座。於是, 我走入店內找個位置坐下, 竟被職員喝止, 要我出去等候。我說明明有位, 為何要出去等? 職員說要取票, 我將手上的票遞上, 她方安排坐位讓我入坐; 同時亦讓門口等候的人進入。叫了菠蘿油加奶茶, OK囉！茶記本就是平民食肆，利用登記系統疏導為客人安排坐位並無不妥, 但若人手上配合不來, 就是多餘! 職員呼喝客人, 這是甚麼待客之道呢！

好多分店既華嫂冰室，次次來都勁多人等位，中午食飯時間，等位既除左有上班族之外，仲有唔少拖喼客，門口真心迫到顛。好在有朋友一早來拎位，唔係點使等，即坐即叫炸雞球蕃茄通，蕃茄湯來講，華嫂真係幾好，仲有蕃茄蓉，而且份量好大，又通粉多數食唔到一半就飽，原因好簡單，蕃茄湯底一定會俾我清晒，所以根本食唔晒其他嘢，蕃茄湯好香好濃，而且個炸雞球又香又脆，唔算好油，所以個湯底同雞球係必清的，唯有同個通粉Say sorry ，因為食佢唔晒...😂😂😂其實佢既招牌多士都好好食，不過一定要同人share，因為多士都係厚多士，超飽。。不過係好食嘅。。👍🏻👍🏻👍🏻

華嫂冰室一向都好多人，所以都打電話作外賣，之後才到店舖取好了。今次叫了香煎豬扒米線。他們將湯跟米線分開，防止米線因水浸得太久而過份腍。豬扒都算厚，咬落有口感。豬扒亦呈現金黃色，表面亦不會太焦，好味。怪不得每天店內都人山人海。

成日經過灣仔呢間華嫂都好多人排隊，見今次唔太多人就的起心肝排一陣試一試！餐廳內大部分都遊客，證明華嫂真係幾有名氣既一間冰室！豬潤牛肉皮蛋莞茜米線：豬潤莞茜等等既配料相當多，多到成個小山丘咁，豬潤唔會好粉狀，皮蛋莞茜湯底又幾出色！而牛肉亦煮得岩岩好，唔會煮過龍而太硬！秘製雞翼蕃茄湯米線：蕃茄湯出色，推介！米線適中，唔會太硬或太綿既感覺，而秘製雞翼，醃得夠入味，一咬就容易骨肉分離！好食👍招牌菠蘿包：話明招牌，當然要一試！夠大個，入面材料豐富，有蕃茄，一隻切開仲可以有少許流心感既蛋同一片牛油！牛油入口香滑，配埋少許蛋香的確必試之一！

前幾日終於有機會一試華嫂冰室，11點幾去到門口大排長龍。等左廿分鐘倒有位。我同朋友叫左兩個粉通粉，當然重叫左招牌菠蘿包啦！招牌菠蘿包 $21鬆脆菠蘿油夾煎蛋同番茄菠蘿包面頭鬆脆。牛油夾係暖暖既麵包同煎蛋中間，半溶狀態令味道提升。加左新鮮番茄感覺清新。蕃茄湯鮮牛肉通粉 $44（鮮牛肉通粉$36，轉湯底加$8）呢個牛肉通熱度十足丫！蕃茄湯熱到起晒泡。要慢慢食。。牛肉嫩滑軟熟，湯底濃濃茄味。唔錯！另一個通粉都係蕃茄湯。餸揀左炸雞球。蕃茄炸雞球通粉 $44（炸雞球通粉$36，轉湯底加$8）雞球炸得幾靚仔。不過雞肉好似無腌過，味道普通。。食出原味。。😓全部散叫無餐，不過叫粉麵飲品半價。我叫左鮮檸檬益力多，朋友就叫左檸檬茶。原價：鮮檸檬益力多$20，檸檬茶（凍）$18就係益力多加檸檬🍋！清新好飲唔係台式飲品果隻。野食唔太特出，最驚喜係杯多多，都可以一試。

公司附近有一間華嫂冰室每次經過都見大排長龍今日同同事早咗啲出去攞位，比較好彩等左一回便有座位了。第一次去食這家茶餐廳裏面發現唔到有常餐或特餐嘅物體而且有冇肉丁麵有冇加沙嗲牛肉麵，每樣野都係分開點，點一個面之後熱飲仲要加錢。同事點了一個番茄雞翼麵我點了餐肉蛋麵再加一個特色菠蘿包同一杯熱飲，菠蘿包食落幾特別而其他食物只是一般。而且仲有點不老實，餐牌上明明有一個餐蛋麵嘅價錢$36但係店員寫單嘅時候就偏偏寫咗個兩餸麵($35)轉出前一定要加$3變咗38同佢講完之後佢話打錯有啲唔老實不過其實味道真係一般下次唔會再去食。價錢問題會找商品說明條例跟進。

有一段時間沒有吃華嫂了，早前經過尖沙咀的分店，排隊的人多得駭人，所以還是去銅鑼灣分店好了。這次還是照舊點了常吃的食物：招牌菠蘿包、招牌芝士蛋咸牛肉豬仔包、檳城喇沙湯米線、凍奶茶。水準仍能保持，略嫌不夠熱。味道依舊，但也是覺得不夠熱啊😣湯底沒有令人失望，雞翼很入味，這次豆卜讓人失望😞，完全不入味。華嫂是我最喜愛的港式冰室之一，希望它可以繼續保持水準！註：以上圖片沒有經過任何修飾。

個日經過灣仔 心癮起 好想食華嫂招牌波蘿包專程行去外賣返兩個點知好多好多人等位 好多遊客所以我個兩個外賣包都等左好耐好耐雖然要等但個包都仲係熱 好好食 個包夠脆 餡又夠多正

華嫂冰室開業至今依然人氣不減，人潮從未減退。除了附近的上班一族，還有每天大量旅客慕名而來，每天一到午市都會看到絡繹不絕的人潮在店外排隊，要堂食絕不容易。想吃也只能選擇外賣；預早致電店舖下單，稍後時間再到店舖自取。不要以為外賣不用等，因為收銀處的店員除了收錢外，也忙著接外賣電話。雖然食物款式選擇不多，但食物質素及味道都是講求貴精不貴多；難怪華嫂冰室每天都門庭若市。香煎朱扒米線 ($38)豬排大塊厚身，肉質鬆軟有嚼勁，而且非常入味香口。雖然是清湯，但味道絕不是淡而無味。湯頭清爽，加上豬扒香氣十足，啖啖滋味。

當華嫂未開任何分店前，已經試過去屏山搵，可惜路痴嘅我迷路後放棄左，今日終於可以一試，第1轉去到因為食飯時間好多人等位加埋太晏食早餐好飽食唔落，所以周圍行完再返轉頭先食，好幸運攞飛只需要等5個號碼就有位啦食物種類唔多，可以好快決定到食咩奶茶-茶味都可以但唔算好香濃但冇澀又夠滑口中ok招牌芝士咸牛肉蛋豬仔包-豬仔包有烘過但又唔會索晒油包新鮮鬆軟，蛋有小小過熟糖心位得2，3滴蛋汁但蛋白邊煎到有焦香味咸牛肉都有煎香唔會騷味，芝士好香成個配搭好好豬扒雞翼蕃茄湯通粉-豬扒鬆林滑煎得幾香唔會鞋，雞翼卤水味有啲凍肉唔夠滑味道普通，蕃茄湯底濃杰味道酸多過甜但又唔會寡口配通粉食一絕通粉爽口彈牙唔會過林總結:湯底出色但有2個湯底都相當吸引，可惜今次太飽試得包又食唔落麵，連飲品都試唔到，不過心思思令我想再去食多次

✏️鮮牛肉豬潤番茄湯米粉 ($52)黎華嫂食嘢 主食嘅話我一定會無限翻兜呢個鮮牛肉番茄湯米粉😛不過今次貪心啲 我再另外加豬潤😚我覺得幾抵 加8蚊但係豬潤嘅分量有好多 而且都幾大片 厚薄度適中鮮牛肉嘅分量就相對少咗啲啲 而且口感好似冇之前咁嫩滑 有幾舊食落有啲帶筋咁 同埋我覺得水準有d不穩啊 因為今次嘅番茄湯 唔知點解完全冇蕃茄嘅鮮甜味🤔 變咗個湯淨係帶鹹同好微好微嘅酸味 味道好普通 冇之前食嘅咁好食 有少少失望😕🔹✏️奶醬多 ($14)呢度嘅奶醬多 麵包烘到非常之香脆 而且一食落去嘅時候 花生醬同練奶係會流出嚟 份量都幾多 而且煉奶同花生醬嘅比例都啱啱好 唔會是但一樣蓋過對方😛成件多士連埋內裏嘅醬都係熱烘烘嘅 食落好正☺️唯一一樣我想講嘅 係如果佢嘅花生醬係粗顆粒花生醬嘅話 會更合我口味 而且口感會更豐富🥜

三年前吃過元朗總店的華嫂冰室 當其時仍然未有分店而且人氣已經10分旺盛 吃過他們的招牌菠蘿包個人認為其實味道不算特別屬於中等水準 近年開始進攻多間分店 於是見今日就腳 同男朋友食灣仔分店睇吓到底佢出名到今時今日係有咩乾坤早前一道話要排一個鐘左右 依家人潮明顯減退 今日平日下午兩點左右嚟到只係等左5分鐘就入得叫咗招牌菠蘿包同一碗檳城喇沙豬扒米線 (限量供應)招牌菠蘿包 ($21)裏面夾嘅先有大大塊確係好夠牛油香 裏面嘅煎蛋沒有流心 算係全熟 菠蘿包唔出色 菠蘿皮唔夠脆 唯一值得一讚嘅係食落整體配料幾夾 但其實都係非常普通 唔特別檳城喇沙豬扒米線 ($53)喇沙湯底兩點唔夠濃喇沙香味 唔辣 只係食得出好濃嘅椰奶味 豬扒攞返少少分 大大塊厚切 肉質感不錯 不會乾韌 但味道都係一般貨色米線偏淋 不喜歡熱奶茶(跟餐加$8)茶味偏濃 但係一啲都唔滑 甚至覺得有啲澀整體有啲失敗 好彩唔使排隊 叫做填飽個肚子 男朋友話可能希望大失望越大 但係我自己就一向知道佢其實食物唔出色只係配搭特別 味道其實可能一般茶餐廳會做得比佢更加好

同朋友睇戲前食d野，見時間尚早就去左華嫂，去時場內半滿，唔駛等就有位，食到一半出面已經要排隊，而且都唔少遊客幫襯，朋友唔太舒服，叫左雞翼清湯通粉（$36），湯底被佢形容為淡味出丁湯，雞翼入味又滑，唔錯~自己就叫左個墨丸，肉眼筋，雞翼冬蔭公米粉（$59），墨丸普通，肉眼筋都幾淋，雞翼固然好食，湯底就唔辣偏酸，都幾開胃，另外莞茜都落得幾重手，唔鐘意既朋友記住叫佢走莞茜，飲品可半價order,推介凍話梅金桔，值得一試。

一心諗住lunch時間可以食個靚飯，抖下氣，點知呢間華嫂個帶位阿姐面口仲西過我老細，勁無禮貌，講野反晒白眼想點姐😡d野幾好食都假，只可以講無下次!!!!!!!

呢排轉左去灣仔返工。而華嫂冰室就喺公司樓下。其實好耐之前已經聽過呢個名，知道佢係菠蘿包而出名。但係要我排隊去食我就真係唔會喇。但因為公司附近實在是無咩茶餐廳好食，所以朝早如果見無人排隊都會入去買早餐。之前食過佢個招牌菠蘿包。講真，其實自己屋企都整到。只係一個菠蘿包夾住蕃茄，蛋，芝士，牛油。佢唯一嘅賣點係，個包焗出黎熱辣辣，菠蘿皮夠鬆脆咁囉。今日公司無咩做，落左去食下午茶，今次就試下佢個咸牛肉豬仔包，味道唔係話特別突出，但都係果句，食完個人會好滿足，comfort food嘅感覺囉。反而其實佢地嘅茶啡係值得一讚！