華樂冰室

营业中

休息中

細個係呢區長大, 星期日有時間, 返嚟行下, 當然, 小時候常常幫襯既冰室, 亦是行程之一由於天氣勁熱, 行左一陣就"鼠"左入去飲返杯野再加奶油多一件D野食其實一般, 不過只想重拾小時候既回憶幸好, 服務都仲好親切

估唔到呢間野既位置甘隱蔽, 原來lunch好鬼多人!食物選擇唔多, 如果無睇錯lunch應該只係得兩個set~ 兩個set既分別只係在於一個價錢平d配火腿, 另一個貴d配豬扒或者雞翼同朋友一齊食, 我地都要左貴d個個set, 一個豬扒茄汁意配奶油多, 一個雞翼茄汁意配煎蛋牛油方包奶油多同煎蛋牛油多士先到~ 奶油多烘得香脆, 奶油落得唔孤寒, 不會過甜, 好食! 煎蛋個樣唔太靚, 但蛋汁都算澎湃, 連方包一齊食都唔錯豬扒係呢度既名物, 差唔多每枱都叫, 果然好食! 豬扒雖然得一件, 但頗大塊, 而且好厚! 但食落口好鬆化好軟身, 一d都唔 “鞋”! 肥肉唔多, 啱哂我呢d怕肥既人! 雞翼都唔錯, 煎得香口, 皮都幾脆茄汁意粉望落去唔算大碟, 但食落去就會覺得好飽, 女仔未必食得哂~味道都ok, 茄味鮮濃~ 意粉有d燶黑, 不過唔太影響個味道既雖然唔算好平, 但值得試下!

十月上旬•晴去到一些餐包不是自家製的地方吃早餐，會要鮮油餐包，如果店方可以將包烘熱了才拿去夾牛油，就好了。但，總是一再落空，包括這裡。包不大，吃起來也算鬆軟，但就是不熱，中間的鮮油溶都唔溶下，好無癮。熱咖啡不錯，始終是這裡的強項。瞄到隔離枱的火腿炒蛋好對辦，記住先，下次吃這個。

妮歌應承會陪我再次回味豬扒意，一講就２年，今年既Mother's Day Eve終於有時間一齊來這裡hea吓，而唔需要趕頭趕命。這裡位於上環近摩囉街，離我地以前office有一段距離，每個星期都會至少幫襯一次，而家我地唔同公司，但都成日心思思想來食，因為呢度既豬扒set真係好抵食，又好好食，有蛋包+豬扒意+飲品都係$30內(而家都係$34)。不過今日有小小失望，因為高佬廚師放假，要水吧叔叔做埋佢o個份，味道緊係爭少少，而且妮歌叫既出前一丁，只係食咗兩口就放棄(因為她不喜歡超腍一丁)，而我既意粉炒得有點燶同埋唔夠味，豬扒就保持水準，一樣咁鬆軟好味，反蛋包就有啲亂。唔知下次要幾時先再來，希望唔好遇著高佬廚師放假就好lu^^。

華樂冰室的食物選擇不多，而且，大部份水準只是一般，不過，其中一道豬排炒意粉，卻讓人有意外驚喜。豬排炒意可在午市套餐找到，其實此處的午餐選擇只有三款：火腿／豬排／雞翼任選其一，配炒意粉／湯意粉／通粉／米粉／出前一丁（出前一丁竟然不用額外加錢），連同一客煎蛋方包或多士（吐司），以及一杯熱飲（冷飲加二元），僅此而已。當中以火腿最便宜，二十五塊錢而已；選豬排或雞翼也不貴，只是多加五元，合理。奶茶水準不過不失，煎蛋方包賣相不差，味道亦算不俗，但對於愛少油的朋友來說，可能略嫌油膩。豬排炒意粉入口已覺對路，烹煮時間拿揑得剛好，配黑椒汁非常開胃；意粉炒得均勻，原來廚子以筷子代鑊剷，使意粉炒得更均勻，而且，又不易弄斷意粉影響賣相，廚師有此用心實在值得一讚。豬排顯然經過適當的處理，入口鬆軟卻又不失咬口，也不會有讓人難受的「雪藏」味，以如斯價錢來說，有此水準實在難得。

抽空去了上環修理相機, 之後就拿著它在附近一帶的老街拍拍拍, 鏡頭下的舊香港, 果然特別有韻味。走著走著, 來到了摩囉街。我正在一個舊物檔看得出神, 擺檔的伯伯一轉身, 我就抬頭就看見了這家看來有點歷史的冰室。店裡此時沒什麼人, 只有兩個中年漢在吃早餐。我之前已吃了點東西, 還是只喝杯奶茶好了。牆上的圖案瓷磚, 透露出歲月的痕跡, 忍不住也為它拍照留念。水吧叔叔和收銀姐姐閒聊一會後, 我的熱奶茶到了。$10 一杯的奶茶, 茶味少少奶卻多多, 不太合口味, 只好專心吃奶油多 ($6)。用萬壽無疆碟盛著的奶油多, 未吃已先加印象分。麵包是鳳香園出品, 烤得略為輕手, 再香脆一些便好了。麵包上雖塗上滿滿的一層牛油, 卻沒什麼牛油味, 可能熱度不夠發揮不出來; 煉奶倒是下的不少, 漏的一手都是, 挺狼狽。我還自行下了點砂糖自製油糖奶多, 那就夠哂香甜了。門外不時有拿著地圖的老外經過老伯的檔子, 也令我在這 「飲啖茶, 食個包」的一刻, 有遊客的感覺。

不知有幾耐未來過麼囉街,我想大約也有四,五年左右吧.這一天純屬路過,行累了,鑽入去華樂冰室,喝一杯奶茶.賣舊物的街,懷舊的冰室,環境也不會很新淨得去那裏.但又未至很懷舊,如白宮,中國冰室的一類.懷舊同殘舊,只是一字之差.在平日的下午,茶客極少.雖然比較清靜,小弟也不願除下耳筒,來享受一刻的寧靜.滿頭大汗之下,仍是要一杯熱奶茶.幸好冰室內有冷氣,否則身上的衣衫一定盡濕.奶茶沖得也算得上平均,奶味同茶味平均,細喝之下.質感略為單薄,去到尾的味道一下子沒有了,沒有那種回甘的感覺.懶洋洋地挨著椅背,眼光光望著天花,沒有天花亂墜,只有沉重的氣氛,耳邊的Joy Division,正好提示我,Ian Curtis在二十九年前的今天,在家中吊頸自盡,從此登上極樂世界...Ian,那邊的生活如何?Atmosphere - Joy DivisionWalk in silenceDon't walk away in silenceSee the dangerAlways dangerEndless talkingLife rebuildingDon't walk away.....

到上環看舊建築, 本想吃科記豬扒, 途經這舊式茶記, 改善主意, 決定在這裏吃午餐餐牌選擇不多叫了午餐的乾炒豬扒意配煎蛋及方包, 雞翼湯意配或牛油多, 凍奶茶及熱鴛鴦乾炒豬扒意, 是一碟一碟的炒，有點鑊氣好, 夠色但不夠味豬扒是雪藏貨, 質地及味道一般, 沒什麼好評雞翼是茶餐廳炸雞翼, 味道不錯.通粉像是家樂牌快熟通心粉, 欠缺質感, 不甚喜歡牛油多像是番烘了般, 頗un.煎蛋放在方包上, 令人想起了吃鐵板燒時, 師傅將燒好的食物放上方包上吸油的感覺一樣,煎蛋煎得乾乾的樣子, 放棄了.吃70/80年代舊茶記的氣氛還可以, 專程為食物而來就大可不必

又拉了朋友出來飲0野, 0黎到「柄」埋0係呢個「唔0爹唔吊」area 的一間茶餐廳, 簡單叫兩份下午茶餐 (total $34).等了幾耐先0黎奶茶, 熱的太多奶, 茶味極淡薄; 唔知凍0個杯如何?又再等幾耐先0黎一客 3 隻「淮鹽雞翼」, 其實即普通快餐店 style 的炸雞中翼, 炸得熱辣, 皮鹹脆, 肉嫩又多汁, 仲好油, 果然係茶記 style... 好耐無食過了, 食得幾過癮!朋友的花生醬夾心的西多士就等了更更更耐先有得食, 仲以為漏單 tim @_@ 西多幾金黃, 油溼溼又腍腍的, 蛋香欠奉, 花生醬味亦淡薄, 唯有澆多少少糖膠蘸0黎食.雖然呢度叫自己做「冰室」, 但其實環境裝修只係一般舊式街坊茶記格局, 卡位腳下有大量垃圾, 都幾「烏 wear」; 招呼一般.每人約 $17, 雖然奶茶唔係好掂, 不過平平0地都 ok 吧, 有機會0黎試試公仔麵 (用出前一丁的!) 啦.

最鍾意星期六由中上環行上山頂，但今次改了星期日，是日很多中上環的餐廳休息。很辛苦才搵到呢間又未食過，又有開的。因為時間很早，只得早餐供應，食唔到出名的豬扒。4款早餐只售$17，不過份量較少，我要的A餐只有通粉及多士，通粉也是很彈牙，不過質感較薄；多士是薄薄的，也烘得很脆，但沒有留邊，有點失落。茶奶不錯，香濃也很滑。老公的B餐麥皮及多士(或菠蘿油)，可借菠蘿油已售罄，當時只是10點幾，真是搶手。唯有改要餐肉三文治，雖然很簡單，那塊靈魂的餐肉煎得很香脆。麥皮是浠浠的。雖然價錢好平，但食不飽，未行到山頂，肚已開始打鼓了。

有位朋友經常來這裏吃他們招牌的午餐, 但每次總是時間不夾... 昨天早上上班前心血來潮, 特意早點起床來這裏試試早餐! 一看餐牌, 真是有點兒懊惱, 由A-D餐, 真的不知選擇哪款? 我的懊惱不是選擇太多, 而是款式不太合自己心意. 我勉強之下點了(好像是B餐)火腿通粉+菠蘿油+凍奶茶. 火通: 通粉較稔, 不合喜歡吃硬身面飯的我!菠蘿油: 菠蘿皮尚算脆, 但完全是凍的, 加上那塊很冷的牛油... 還算合格可以的凍奶茶: 簡直是失敗之作! 我一看杯茶已"面無奶色", 已心知不妙! 我馬上吸一口, 簡直有如一杯英式奶茶!! (即係紅茶+ 牛奶的味道)本來我會FAIL這份早餐, 但走的時候, 我諗那位應該是老闆娘跟我說: "先穿好外套!", 而被這份人情味給他們一個"緊緊合格".相信不會再試這裏的早餐, 但仍希望有機會一嚐他們的招牌午餐.

很難得搵到d舊式茶餐廳, 今次叫左個豬扒炒意加燴茄汁, d豬扒醃得好好, 有少少酒香, 口感鬆化, 仲有意粉加左d燴茄汁(以前的味道), 真係好好味!!! 點解要特登要提燴茄汁, 就是因為而家新餐廳的廚師做不到, 如果大家想試番, 不妨去食下。仲有就係多士, 唔知點解又係以前既味道, 唔通佢地比d牛油特別多? 還是用左一隻特別的牛油? 又或者麵包"焊"的時間剛好? 不敢肯定, 總之好食。雖然d食物好像比較油膩, 但是怎可抗拒?

晨早要解釋，下午又要掩飾，中午要看一大疊功課。吃飯時完全不想見人，不想說話，就一個人來了這裡吃個簡便常餐。不要看這裡位置不顯眼又吊腳，午市也是接近全院滿座，可見舊式菜記也有一定的捧場客。餐牌選擇不多，午餐只有炒意及湯意、火腿及豬扒、或牛油多士及窩蛋多士的選擇，就要了豬扒乾炒意，要牛油多士，加杯熱咖啡。茶餐廳爐頭，也都是一碟一碟的炒，先來咖啡，都要等一等至有東西吃，正好給我時間去啃手上的文件。牛油多士雖然是薄薄的，但烘得不夠，所以也是腍腍的，牛油塗得全不均勻，都說我是給勝香園寵壞了的；意粉即炒即上檯，火氣夠，意粉的邊位還炒得微焦的。可惜夠色卻不夠味，是淡淡的，如果配茄汁或黑椒汁就剛剛好，不過我只喜歡乾炒意。豬扒是雪藏貨，沒有什麼好評，醃得不差，味道還過得去。一大塊的奉客，成塊吃狼狽，在小碟內切又不太方便，如果可以幫忙切幾刀就更好。放下廿五蚊，回去再拚過。題外話：在返回公司途中巧遇另一食友，才發現自己真的很磞得很緊及「氣沖沖」的。唉！搵食艱難也。

不錯啦.......廿幾蚊個午餐\幾抵食............舊式冰室, 家庭式經營, 都冇得太多要求啦...........豬扒幾好味..........個意粉炒底的, 好惹味.........雞蛋麵包都幾新奇,其他地方未食過........奶茶都幾好~~~~食得過~~~

行開摩囉街, 一定要試下華樂冰室, 一試懷舊風味. 佢個豬扒意粉真係幾好味, 個豬扒熱喇喇, 香噴噴, 咬落去仲係爽口非常, 味道恰到好處, 連餐有一個雞蛋面包, o係其他地方都未食過, 好特別, 加上今日天氣出奇地好, 心情又好, 食物都好味d. 仲有佢杯奶茶夠香夠滑, 食個tea, 真係一個享受