華記小廚 (已搬遷) 新店位置

話說有朋友生日，我地八個人搵咗一間小菜館去食。位置唔算係旺區，但係平日去都好爆！！而今次我地過左去華記小廚，華記小廚有好多小菜都好好食、而且仲好夠獲氣。我地最鍾意華記既招牌菜，華記招牌碌鵝、水煮魚等等。華記仲有一啲特價街坊小菜（$58）都炒得幾好食，幾值得推介。例如四季豆豬頸肉、潮式蠔餅、南乳炸豬手、椒鹽茄子鮮魷，送酒一流！●綜合評分: 1. 湯底: ----- 2.食材: ★★★★☆ 3. 環境: ★★★☆☆ 4. 價錢: ★★★★★

今日一行十人去咗華記食野最愛倉炒窩筍絲 因為佢切得較幼身可以當麵咁食 爽脆得黎又有啲辣 正 正其次係椒鹽茄子拼鮮魷 可惜而家無送啤酒 只送可樂 椒鹽茄子唔係間間都有 外面脆內裡juicy 二推我地仲嗌咗其他小菜 同雞煲 雞較肥不過惹味嗌咗咁多野 每人都係140蚊 抵

這飯店聽左好耐，今晚終於去試吓，果然有驚喜，本人喜歡食樟茶鴨同油浸荀殼魚，呢兩個餸我比90分，樟茶鴨皮脆肉嫩，好多飯店會整得太乾同肉質較硬，佢就冇以上問題，味道醃製剛剛好，半隻108仲送籃妹大啤1枝，真正，條荀殼魚炸得啱啱好，又大條，258低食，另外D餸水準都好高，最後碟豉油王炒麵十分有鑊氣，辣辣地，我覺得加左Xo醬，有部份餸菜送籃妹大啤1枝，飲唔唒啲酒可以退錢，貼心，短時間會再去。

Happy 6一大班朋友聚會搵了華記開餐。1)油浸筍學🐟🐠香脆肉厚👍必食2)樟茶鴨🐦煙熏味極重又唔乾必食👍3)麻椒凍豬手🐽尚可以的。4)鹽酥雞拼椒鹽豆腐😋好鬼香脆👍6)煎蓮藕餅🤤厚厚的有肉汁最喜歡之選7)柚子排骨🐖勁有柚子香味排骨必食8)椒絲腐乳通菜🥬好有鑊氣樣樣咁鬼好味🍷一定再回頭

<華記小廚 熱氣野好味😂>呢間喺深水埗同太子中間既華記小廚 佢餐牌有介紹係以前香港仔好出名 出左黎開鋪 不過對我黎講只有好食同唔好食 😂兩年前食過 覺得味道好過 average但未到超正。 今次諗住再食多次 又覺得 ok wor既既煎炸野好味 🔥 希望 keep住穩定就好👍🏻 🍴炸子雞 🔥🐤預訂 原隻炸子雞燒得皮脆肉嫩 佢個雞皮整得好薄同香脆 入面既雞肉好彈牙 燒既熟成程度好好 好味 推介👍🏻 🍴酥炸豆腐拼鮮魷🔥🦑極邪惡既菜式 好少有得將呢兩樣野雙拼 首先鮮魷個炸粉出面好香脆口感 有 d黑調味 入面既魷魚熱辣辣夠彈牙🦑而豆腐薄脆入面好軟滑既豆腐肉 都好出色 呢個必點👍🏻🍴炸豬手🔥🐷雖然佢叫炸豬手 但點睇我都覺得係南乳豬手 😂豬手有好厚同彈牙既皮 入面充滿骨膠原 好有口感 點埋香濃既南乳汁十分唔錯 👍🏻 🍴水煮桂花魚🌶🐟大大盤桂花魚 雖然唔係川菜店 但都整得唔錯 夠辣香 入面既桂花好香滑 份量多 仲有爽口芽菜同 入味豬紅🌿 最底層仲有粗身煙靭既入味薯粉 十分唔錯 ! 🍴酥炸牛腩拼南瓜🐂🎃呢個炸得好好味 牛腩出面既炸粉好薄脆。入面既牛腩好軟林 好濃味 要黎撈飯同送啤酒一

今日去舊同學屋企聚，懶得煮又一堆細路廢事出街食，所以就打電話比附近茶餐廳叫外賣然後自取。朋友住呢度但其實佢都唔知有咩食，求其在OPENRICE找間附近的，估唔到都幾好食喎！由打電話落單到朋友落街拎返黎，我諗半個鐘多D，我地6大3小，叫左5個餸5個飯，開頭叫3個飯但見到好似太小，所以即時加多兩個，餐廳哥哥仔聽到話「咁小」即刻話裝多D比我地，用左個小菜外賣盒黎裝飯，但收我地一樣價錢我諗係佢本身個「飯」盒的一倍！至於小菜每個份量都不小，而且都好好味！粟米班塊D汁自動分開裝。最後全部清哂，好滿足！雖然張單有寫送啤酒，但原來係堂食先有囉

與朋友開餐食海鮮，當然要開心勁食啦！先嚟燒乳鴿，真係熱辣辣，肉仲好鮮嫩有肉汁架！全枱一齊嘩！好大隻呀！好肥美，好好味呀！呢個炒蜆又係正，熱辣辣，大隻又有肉。口水雞可選辣度，一陣就俾我地清曬。蒸蟶子超大隻！食咗超滿足！呢個雖然有辣椒，不過唔食到辣椒就無問題。蒜頭蒸帶子又係正嘢！勁大隻！仲大隻過自己隻碗呀！帶子肉咬咗4啖先食曬~ 炒蟹呀！個蟹蓋d蟹膏好肥美，兩大行，每行有成年男人嘅挴指咁粗咁長~ 肉好厚架~ 華記炒飯係正常嘢，加埋口水雞食剛剛好。本嚟想點少糯米飯，點知無。下次再試。炸豆腐同炸茄子好正，唔油架！食咗都無罪疚感~ 水煮魚又係好嘢嚟~ 有辣度可以選，所以唔洗擔心太辣食唔到架~ 有魚片，豬紅，芽菜，青瓜，筍片，仲有好長較厚灰色粉。今次食飯實在好開心~ 唔怪之得出面有人等好耐位都等架。樓面枱爆滿，好熱鬧，個個都好開心大聲講嘢架。有機會一定再嚟~

華記小廚一開張已經開始係果度食，老細個人好好，分量好足，特別酸菜魚同烤魚。還有果個蝦。真係好食到連殼都想食埋。。水煮魚好好食，魚肉好鮮嫩。辣度剛剛好。烤魚d配菜好多好多。好好味。小朋友最中意食果炒飯。仲有好多菜都好好食嘎。值得一試喲。

晚上一家人到華記小廚食晚飯，叫咗水煮魚， 碌鵝，蒸雞，野味冰梅骨，蠔餅，蓮藕餅 ，炸物，豬潤，炒通菜，金銀蛋菠菜。 我最喜歡的就是碌鵝和水煮魚， 水煮魚裏面有芽菜，紅薯粉，魚片好滑， 還有紅薯粉吸曬辣湯的味道，食到停唔到口。 招牌碌鵝的肉質好林，與我們平時食開的燒鵝感覺很不同，碌鵝的皮都是滑身的，入口有豐富的肉汁，果然係招牌小菜。蒸雞普普通通沒有太大的特別。野味冰梅骨酸酸甜甜味道唔錯。蠔餅有大粒蠔仔，煎得好香口。蓮藕餅香脆有咬口。炸物方面有椒鹽茄子和豆腐，個人感覺炸茄子 比較好味。豬膶有少少硬，味道普通。炒通菜和金銀蛋菠菜都係經常會叫的菜式，味道正常。總括來說餐廳不算太大，但是食物質素唔錯， 平民價錢的飯堂。

有一個朋友從廣州黎到，原求想帶佢去食大排檔，但去到愛民生，出面已經有好多人等緊，個個都想坐室內，所以都係決定放棄。係嗰個位又唔知邊到好食，最後就隨便過對面一間～八點鐘已經滿哂人，得返一張搭檯。不過都冇乜所謂，反正入面都幾嘈，都唔會坐得耐。因為見到差唔多每一檯都有一大碗紅卜卜嘅水煮魚，應該係招牌菜，又點可以唔試下呢～水煮魚嘅份量好大，有好多應該係桂花魚塊，好滑亦無骨。另外入面已經包咗一啲配菜，有芽菜，鴨血，同埋寬薯粉。雖然叫咗中辣，但係並唔係好辣架咋，唔好比佢個樣呃到，下次叫大辣都可以。另一樣嘢就係家鄉蓮藕餅，本來以為係有兩塊蓮藕夾住嗰一款，但原來蓮藕已經切咗粒係肉餅入面。調味唔錯，亦都好香口。只係因為蓮藕已經切粒嘅緣故，唔係好有咬口，冇乜蓮藕爽口嘅感覺。最後就係前菜海蜇萵筍絲，但唔知點解反而最後先上。成碟都無乜特別，可以唔需要試。

今日黎食生日飯，叫左水煮魚、碌鵝、炸野同菜。叫指定小菜仲有藍妹送，幾抵。水煮魚 - 小辣，比起某間烤魚店抵食好多，而且唔算好辣。入面有埋薯粉，好好味，唔使加錢就有其他餸。一黎呢碟碌鵝真係呆左，睇水牌係原隻燒鵝，點知上左枱係咁。不過幾好味喎，食唔停口。其他炸野冇咩特別，都唔錯。炸茄子最好味。

之前諗住試下, 見都多好評, 但冇訂枱,waiter 話唔訂係唔會有得食 , 今次預早訂定枱, 當日重confirm 埋booking, 滿心期待諗住可以試下, 一去到, waiter 安排左我地坐低, 然後話揾唔到我個booking, 重要質問係咪打錯去另一間分店, 而唔係呢間, 態度非常惡劣, 比個電話number 佢地check, 又唔理我地 =.=” 最後原來係佢地自己搞錯, 心情已經大打折扣, 點解唔可以check 左先個booking先, 然後先安排我地入座, 咁樣大家都會好d, 佢地自己安排座位都好混亂野食其實都OK, 但上菜會比較慢少少, 聽到唔小人投訴點解咁耐。野食固之然重要, 但waiter 態度都可以好少少,至少唔好質問同黑面, 價錢係平, 明白唔好會有超級好o既服務態度, 但又唔係免費o既一餐, 希望有改善, 其他食客唔會遇到咁差o既待遇啦~

吾驶茶介加一，又冇還枱時間，食物質素又吾錯，由其係水煮同油炸食物，梅菜扣肉都係五十幾蚊，大啤都係二十蚊支，油浸筍殼真係不可不食，依D食肆係香港已經無幾多間，不過怕嘈嘅人就吾好去喇！因為E度D食客講野真係有D大聲。最後提吓大家最好訂定位，吾係就等到腳軟都未有得食！

適逢週末，因家母決定不開灶，於是一家四口出外覓食。經友人介紹，一家四口來到深水埗的華記小廚食個靚飯。推門進內，幾乎座無虛席。店內簡單整潔，裝潢與一般茶餐廳無異。我們全家向來熱愛香口食物，於是點了一系列的煎炸小菜:  炸豬手、台式咕嚕肉及鹽酥豆腐拼魷魚。見乳鴿特價，便點了兩隻紅燒乳鴿。最後亦點了一個椒絲腐乳炒通菜。店家非常識趣，點了指定菜式 (多是下酒菜) 便會奉送啤酒一支 。我們因點了炸豬手，店家便贈送一支藍妹，抵讚！過不多久便上乳鴿。炸得頗有水準，仍能鎖住肉汁，皮脆肉嫩，沒有半點乾柴。通菜爽脆可口。下了薑、料酒爆炒更是香氣四溢；而且不油不鹹，有幾份住家菜的味道。但與其說是椒絲腐乳炒通菜，它更像清炒通菜。若腐乳和辣椒味更濃，相信會更惹味。炸得不錯，但沾醬帶酸，並不太符合個人口味。 豬手本身味度略淡，不蘸醬吃的話又不夠味。建議可用南乳醃得更入味。 正常酒樓水準，但醬汁偏甜，酸味稍重一些會更開胃。 此道菜出乎意料的好吃！ 店家可謂把炸功發揮得淋漓盡致：完全達到香、酥、脆的境界。 豆腐粒和魷魚的外皮金黃香酥，內裡滑嫩；加上灑上大量的椒鹽及焦香的炸蒜，份外惹味。一個字：掂！十分鐘內完全被掃蕩一

公司同事勁推這間店的酸菜魚，我是酸菜怪，聽到双眼發光。為了不和人迫，收工1800即趕過來，到時已有四五枱人了。两人吃，只叫了一個酸菜桂花魚小小辣（男友不吃辣，很可惜）。份量很大，根本吃不完，湯很好喝，酸酸又清爽，也不油膩，凈湯我也可配吃三杯飯。下一次約多些人一起來多試不同的菜式。酸菜魚178，不錯！這裡小菜50元左右，丰檢由人！