華記小廚 (已搬遷) 新店位置

與一班朋友聚在一起，又唔想花費太多在食方面。相信有一處👌地方。位在深水埗的華記小廚。價錢平，方便，好味。！金針雲耳蒸雞$56南乳粉絲節瓜煲$56四季豆炒咸肉$56特別推介：椒鹽茄子拼鮮魷贈送啤酒白飯$10消費不貴！

同事每月都會有一次聚餐，今次我介紹距地來E度試下，價錢平，出品又ok。因提前訂左檯，所以唔使等位，去到就可以坐低。叫左酸菜魚同毛血旺，酸菜魚因照顧其實兩個不能太辣的同事，所以叫小辣，毛血旺就大辣了。酸菜桂花魚，魚片好滑，有酸菜絲，同竹筍片，好惹味啊。份量都多，所以一定係多人食會抵，可以叫多幾個菜。毛血旺一上檯就好搶手，裡面材料好多，芽菜，豬紅，豬大腸，肥牛，豬頸肉，青瓜好多嘢，我地另外加左薯粉加底，覺得薯粉真係好好食，有口感。另外仲有姜聰田雞煲，干煸法國長豆，BB乳鴿，椒鹽豆腐拼牛仔骨，三杯雞…因為後來掛住傾計同食食食，所以無再影相了，哈哈，滿意的一次聚餐！

價錢便宜，抵食！服務態度都不錯！但上湯米粉冇上湯味。潮式煎蠔餅蛋味夠，煎得不錯。蓮藕餅好味！豬手，雞都一般，水準每次都唔一樣！餐廳收得夜方便夜收工的人去食同飲酒。

❤️這間店經常經過，但沒想過裏面的食物係非常好味，每次見到外面都覺得一般，冇特別想入去試下嘅感覺！點知朋友佢地約左入呢間食，又真係估佢唔到賣相已經很吸引。我地點左4樣送4個人食，一開始黎左呢樣先，佢好大煲嫁，所以女仔啲話多幾個食都得，如果唔係未必食得哂❤️呢盆真係好好味，我地叫左少辣，有幾個唔係好食得辣，佢地話唔係好夠辣，再辣啲應該會更更 "嘢未"，裏面有芽菜、肥牛、紅薯粉、豬紅，佢啲粉都好入味，勁好味，一定要再食！滷水鵝，我忘記左呢味送唔記得係咪呢個名，因為唔係我點嘅⋯⋯但真係認真好味，又係一味不可不叫的送，鵝好夠味，肉都好爽口美味😋👅，送飯食一流👍🏻通菜一樣好味，因為本人平時都仲意食呢味送，所以對我黎好味最後一味係炸子雞加大腸，外觀就好吸引，但我自己就麻麻唔太鐘意食，大腸食一兩舊還可以，但愈食愈覺得好似食油甘，因為呢盆都幾多，愈食就愈 "濟" 食唔落，又冇辣味，唔好食但其他送都好好味，已值得了，大家快啲黎試下啦，整體比我感覺都好好🍻

同姑姐落街食飯，照常來到呢間野。今次叫左日本南瓜炒鮑魚，本來都無太大捻法，但上菜後估唔到d鮑魚都好見食，唔係片到簿曬，無蹤無影果類，而係見到堅鮑魚。哈哈。日本南瓜真係可以百搭，同咩一齊都好味。干煸雞軟骨，好野味，見到都開胃，又辣又想繼續食嘅感覺，軟骨隔離d肉都好嫩口，好快就食曬啦。干煸法國長豆，每次去都必點的菜款，真係無得彈。整出來上檯，都係青綠色，感覺新鮮⋯⋯然後就係酸辣雞腳啦，爽口雞腳，姑姐送啤酒必備，食完仲要再打包一個走！

是日和家人一齊出街食飯，7個大人3個小朋友，係深水埗華記小廚食飯，只點左6個餸，因為份量真係好多，所以個個都已經飽曬。真係夠曬抵食！！首先係椒鹽豆腐拼牛柳粒，細細粒o既豆腐，外面好香脆，裡面仲係非常嫩滑，感覺好得意，特別小朋友，個個都爭住要食。干煸法國長豆，有d似BB豆角，甜甜地，適合小朋友，同肉鬆一齊炒香。以及招牌碌鵝，鵝肉做得好入味，聽阿姐講過程要碌幾個鐘，難怪如此入味。順便一提，我地去到時見到店面坐滿曬人，好彩打左電話來book檯，咪我地10個人真係有排等位了。酸菜桂花魚，上菜都好快，魚片好滑，味道剛剛好，不會一陣味精味⋯最後係炒菜心，叫左幾支啤酒添⋯⋯呢次家人聚餐，餸菜都得到大家一致讚好，價錢亦好公道，10人食飯七百幾蚊埋單，抵食啊⋯⋯

是日一家人落街食飯，谂住近近地就來左e間屋企附近嘅小舖。位置方面距地鐵站都唔係話近ga，大概十分鐘路程。入到舖頭第一感覺都尚算乾淨，樓面a姐都好快手咁帶我地埋位坐低。值得一提係張凳，坐得幾舒服喔，皆因距d海綿做得幾厚，又有挨背。同埋間野原來免茶介免加一。 菜單好多小炒選擇，幾頁紙，有川菜，台灣菜同粵菜小炒，我地order左兩個涼拌菜，分別係涼拌窩筍絲，涼拌海蜇，口味酸甜好開胃，窩筍絲係手工切的，應該都好考刀工。 跟住係酸菜桂花魚，魚片好滑，有酸筍做底，好嫩口，勁多嘅酸菜絲！干煸法國長豆，好驚喜嘅口味，法國長豆炸得個面好香脆，裡面又留返有豆既甜味，超級鍾意e個。仲有係日本南瓜，都好香甜，南瓜味道好濃郁，連埋皮一齊炸過，無多餘水分，食起來又有南瓜皮嘅咬口係度，好得意。小朋友都好鍾意食XDXD。 後面就係姑姐好鍾意嘅碌鵝，個汁搭配得好好，唔會口味太重。ps：食到中間先記得影相，哈哈

一坐低叫個頭盤先，呢個「冰鎮鮑魚」同螺真係好有驚喜！！鮑魚就都有半隻手掌心咁大，個汁酸酸甜甜咁非常開胃。個螺都係凍食黎，又係開胃之選！呢個蒜蓉粉絲聖子王，聖子好新鮮，粉絲都非常入味，淨係叫左咁少有d後悔，唔係太夠喉炸豆腐併鮮魷，豆腐黎講好有驚喜，出面脆入面軟，而且都幾細粒，一啖一粒咁樣食好得意，唔會食到成枱成碗都係。華記碌鵝例牌。味道方面都幾唔錯嘅，但係個皮唔太似我平時食慣個啲燒鵝咁，d皮唔脆就有小小唔自在。但係肉汁、肉質、味道黎講加埋都係非常出色。小總結：呢間喺荔枝角道嘅食店好有驚喜，特別鐘意個兩個開胃凍食！推介！

夜晚同朋友揾地方食飯，當時8點幾左右，天寒地凍，條荔枝角道黑媽媽，小貓三幾隻………99%啲舖頭都落晒閘，唯獨見到呢間有大燈開住又唔熟呢頭，見門面光鮮同新淨，應該新開無耐！咁入去試下啦，條街好大風啊 ！入到去都幾大下，但唔多人幫襯，都幾驚中伏！我一行四人，店員俾左張細圓檯我，同有得開茶飲，咁凍天氣有杯熱茶梗係正佢啲擺設好似酒樓，茶杯，碟仔，碗，筷子匙羹一套咁set好：而且呢度唔洗收茶錢，咁老闆真係幾好，因為唔收佢會賺少好多，哈哈！牆身就貼左啲懷舊既香港相片仲有呢度張椅子都幾厚身，坐得幾舒服！菜單就放晒係檯面I菜單選擇都幾多下，又粵式、台式、川式！！心諗個廚都幾厲害，而價錢都合理，咁粵式同川式市面都好多，所有最後簡左市面較少既台式野黎試，1.冰鎮鮑魚(呢個自己想食，唔係台式野) 2.台灣A菜 3.台灣滷肉 4.乾煎豬肝 5.三杯雞 6.蒜片黄花魚，夾埋叫6左樣野……天氣凍係大食些小！ 可能客人唔多，五分鐘左右野食都陸續上檯…先上檯既冰鎮鮑魚一隻size大概半部生果手機，斜切左四塊，啱啱好一人一塊  鮑魚上亦淋左醬汁，賣相好吸引，雖然隻鮑魚係雪凍左，但食落去唔會橡筋咁，反而感覺幾煙韌，而且