華豐燒臘

营业中

休息中

早排因為疫情嘅關係，#小秘書 將每年嘅身體檢查一拖再拖👉🏻👈🏻 見呢排情況比較穩定，嗱嗱臨叫HR幫我出信、安排體檢😉 呢日 #小秘書 比預計時間遲咗10分鐘到達，正想同姑娘講sorry嘅時候，原來比我Booking仲早嘅人都仲喺休息室等緊安排... 心諗究竟幾時先輪到我呢？幸好一切順利，整個檢查比我預期中快手，11點鬆啲就走得喇✌🏻 仲夠時間去食啲嘢先至去 #打第一針疫苗💉可能我之前嗰晚一直冇嘢落個肚，好想整碗 #叉燒飯 安慰下自己😉 醒起朋友提過附近有間 華豐燒臘 啲 #燒味 唔錯，一於去試吓🤤 餐廳座位都被高高低低嘅 #易拉架 圍封，有客入嚟嘅時候，職員就會因應唔同位置而移動😅 本來諗住一坐低就落單嘅我，竟然被枱面上隻匙羹吸引住👀 滿佈微塵嘅表面... 有啲嚇人🙄🥴 不過#小秘書本著 #大菌食細菌細菌當補品 嘅精神，自我安慰... 洗洗佢就得啦😅因為當時已經過咗早餐時間，所以最後我叫咗個 #燒味套餐，#叉燒油雞飯 加 #例湯。#叉燒 肥瘦適中，口感鬆化， 唔怪得個個都話正🤤 #油雞 肉質都幾嫩滑，而且 #豉油汁 好入味🤤 不過最令我喜出望外嘅係佢哋嘅 #霸王花豬骨湯，味道真係好有

今日經過中環午後時份，就去左華豐燒臘試下佢哋嘅燒味。我地點左:特級燒味套餐(叉燒及燒鴨) $76下午茶迷你四寶飯 $40特級燒味套餐配有金腿雞粒炒飯同埋例湯/飲品，燒味雙併係例牌size，叉燒肉質有點乾，燒鴨都幾香，炒飯唔係太大份量，普普通通，唔多餸，所以麻麻地。例湯係章魚節瓜湯，唔錯熱辣辣迷你四寶飯係下午茶餐，份量當然唔會太大，有叉燒，雞，紅腸同鹹蛋，叉燒都係乾同瘦，其他都幾好。還有一杯熱奶茶，好濃香

平時都間唔中食 但係今次碗野有隻烏繩 所以請店員換過碗同店員講完之後 佢拿拿林拎走 轉頭拎返同一碗野黎 然後話係湯底黎 ( 當然隻烏繩已經唔見左)佢唔換都算 竟然講大話 完全係不知所謂雖然本身覺得算好食 不過唔會有下次

我放工諗住買半斤叉燒返屋企加送，入到去收銀同我講，叫我直接問斬叉燒嘅師傅。我同個男師父講要半斤叉燒，佢攞咗三舊叉燒落咗去電子磅嗰度，跟住人張飛仔叫我去交錢，我好快嘅速度交錢，轉個頭就見到師傅將三舊叉燒裏面嘅其中一舊抌返落去自己個盤嗰度，跟住斬俾我。我諗應該睇錯咗，跟住攞住盒野，覺得嗰盒野冇可能有半斤，因為隔離龍記我都成日幫襯。我出咗舖頭越嚟越唔憤氣，攞返盒叉燒入去同個收銀講，個收銀用咗佢自己嘅電子磅去磅一次，真係冇半斤。跟住佢就攞盒叉燒去個男師傅度，叫個師傅磅俾我睇，個師傅扮晒嘢，將盒叉燒放喺佢個砧板嗰度跟住加一舊叉燒落去，再磅，點知都冇半斤，跟住再攞返個盒落嚟去砧板度加第二舊，跟住就話有半斤啦，仲話比多我，”今次算啦”, 我頂你個肺，我唔介意俾錢，你唔好呃我，仲要講到係我唔啱，呢間咁嘅呃人舖頭，我唔會幫襯！維持返香港公正廉潔嘅精神！

華豐燒味少有香港傳统燒味店，香港舊色的傳統味道，店內裝修舒服，地方清潔，比一般舊式燒味店，多一點貴氣，特別一贊是店內服務員姊姊，有禮貌有態度，現在的香港更加少有，今天只吃了燒味下午餐，油雞燒味飯加例湯，再加一杯涷檸茶，每個寫燒味食評一定重點在於燒味，例如白切雞，燒鵝或叉燒及燒肉，但我比較先留意白飯及燒味店的燒店豉油汁， 很多人都忽略這個重要的主角，很多燒味店的白飯都比較爛，華豐燒味選用的米比外間的一定好，白飯上枱夠熱，配合自己的燒味汁，就能夠發揮化學作用，看似好簡單，現在很多店舖都未必做得到，油雞有豉油香味，有油香，雞肉夠滑，燒肉做到沙皮效果，肥瘦適中，最難得就是有選用辣椒漿，辣椒醬及芥辣醬也是靈魂之一，不要小看這些細節，這些都是現今新一代燒味店沒有的，大家要留意不是辣椒油，是辣椒醬，更加不可能是豆瓣醬，請大家留意！

This restaurant's location is located in the heart of Central.  A district where you would think to dine out would cost an arm and a leg, especially when you are out on a date with your loved one, and in this instance, the prettiest girl in the world, the apple of my eye, lets call her Anastasia.After a nice casual stroll around the old police station, we were both hungry.  She said shes hungry and wants something good.  I looked in my wallet, and all I can find was 1x $50 bill and 2x $20 bill. 

一個忙到癲嘅下晝，所有嘢都好似做極都做唔完咁，冇辦法臨近年尾要為事業在最後衝刺，之餘都要為下一年做好準備，始終新起步嘅事業要努力經營先會有好成績，有staff落樓下食完飯返嚟，多口問一句佢食咗啲咩，佢原來今日食華豐，我即刻知道今日食乜好，落到去樣本諗住叫午餐，點知侍應姐姐笑住話哥哥仔依家幾點呀？！我先至發現原來已經三點幾，咁唯有叫茶餐食，叫一個照舊：公司三文治最鍾意樣樣配料都有一啲，仲有招牌叉燒係入面，利賓納雜果賓呢個係我心水選擇，雜果賓治飲得多，但係利賓納嘅飲過未？呢度獨有嘅

係公司做嘢做到天昏地暗，一早做到夜晚，唔經唔覺就已經到咗夜晚，但係望下隻錶原來5:00，咁樣不如食埋野先繼續做，其實都唔係太肚餓，純粹為抖一抖氣，食一個茶餐就差唔多，就諗起公司三文治，呢個公司三文治好特別，入面有呢度好出名嘅叉燒，唔會太多醬汁，太多醬汁會影響口感，叉燒粉紅色要鮮製先有咁嘅效果，其實係中環返工嘅人都知道呢度最出名係燒味，但係價錢平民化，唔會問你收天價，茶餐仲要送特飲，有幾款揀，我今日揀咗利賓納雜果賓治

連續幾日忙到抖唔到氣，日日夜夜不停做都好似做唔完，朝早返到公司，一直做到中午，快手啲食個快飯繼續做，晏啲仲要覆一堆email，用20分鐘食飯好奢侈，應該用10分鐘比較好，唔使煮即刻有得食，燒味飯是也，重點有例湯，望吓燒味櫃叉燒同乳豬好靚，搭枱對面2個人都食緊，一於叫個一樣懶得諗，叉燒要半肥瘦林林林，乳豬好耐冇食，水準保持得好，乳豬底有搽燒烤醬燒，勁鍾意有兩條菜，例湯佛手瓜煲豬踭肉，冇味精飲完唔口乾

公司附近一間幾出名嘅燒臘店，曾經試過早午晚三餐都係食佢，聲明一下我唔係食肉獸，成日食原因係例湯好鬼正，冇味精湯渣煲到好溶，但有少少一嚿嚿食到，久唔久就玩下新款，真係飲幾多次都唔會厭，飯又好食，唔係太識分絲苗米定香米，咬落唔會太乾，加埋啲汁好好食，呢兩樣野已經足以令我成日幫襯，男人老狗唔係同阿媽住唔會有湯飲，我能力未夠養得起女朋友，佢都仲要出去返工做嘢，唔係成日都得閒煲湯，接受現實之後，出街食飯有一碗例湯就好足夠

服務態度差、仲要俾侍應喝返轉頭！都未食完係咁問要唔要、收走人地飲緊嘅嘢飲！人地未食完已經要抹枱、完全沒有尊重客人。雖然我地係午餐時間去都明白較忙、但我地前後20分鐘已經差不多食完、完全係趕客表現

經常光顧華豐既晚市小菜套餐。有小菜、中湯同一碗白飯，每位100蚊左右。今次叫左兩個套餐：欖菜肉鬆炒四季豆 芥末牛柳粒先來個湯，熱辣辣，好滋潤。本人覺得湯一定要熱辣辣先好飲，飲完有一種心擴神宜既即時應該，好正。唔記得呢個係咩湯，每日都唔同，但每次飲都覺得好足料，好甜。欖菜肉鬆四季豆，同一般食到既味差唔多。經典既欖菜味配肉碎有咸香味，餸飯一流！同埋四季豆食落覺得炒前有輕微炸過，口感加分！芥末牛柳粒，粒粒牛柳都沾滿青芥末醬，不嗆鼻，能食出青芥未既甜味。牛柳粒炒到剛好，肉唔會韌，但牛味會比芥末味搶左。Overall 比一般茶餐廳高質👍🏻

本局長得悉副局長家中高堂愛以街市燒味作菜，本局長遂於今午帶領副局長至中環一燒味飯堂用膳。據悉此飯店已屹立中環七十多年，本局長年前曾於半山幫襯，留下美好回憶，現時店面已遷至域多利皇后街中環街市對面，雖則位置不同，卻是美味依舊。本局長與副局長分嚐叉燒燒肉飯及燒鵝油雞飯。叉燒肥瘦適中，香味濃郁，燒肉皮脆肉嫩，菜心鮮嫩可口，飯粒粒粒分明，豉油香甜而不太咸。副局長亦對燒鵝油雞多有溢美之辭，更一度仰天長歎：「好食過街市嗰D好多！」總括而言，好食。

老爺一向是華豐义燒Fans，西環舖收檔後，一家人打算幫襯中環新舖，老人家比我們早到，同侍應講話6個人枱，獲回覆只有兩個人唔比得枱住，後來叔仔兩個到達，4個人都話未夠人，奶奶打電話比我們，確認我們已在中環站行緊去，但啲侍應堅持唔比枱，明明場內有空枱，都要叫個80歲的老人家繼續企在街外等，兼且態度奇差，激到他們即走。兩分鐘後我們到達時，其實場內仍有兩張枱可供六人坐。想問華豐，呢啲係咩服務態度？任憑你的食物幾好味，呢啲趕客態度，連粉絲都一走了之！

本是一間很有歷史很有人情味的老字號，環境食品不錯的餐廳，接手主理的小姐都好nice, 其他服務人員都好有專業態度，耐何一位着黑恤衫的男服務員的態度就不知所謂，客人落單唔答，問佢攞嘢聽唔到，就算彩你，佢嘅態度都係勁差，佢係全店最大聲最沒禮貌的一個，真心不明白點解老闆會縱容一個這樣的員工繼續服務客人。