華順越南餐廳 (已結業)

中秋日，例牌是在家煮幾味。奉母之命，同太座要去北角碼頭買海鮮。食午飯時間，還記得有這間店要試，就拉了她來吃越南菜。呢度地方幾隱蔽，裝修簡單，環境亦一般，起碼都時有昆蟲在飛飛下。不過好在有部大電視，可以一路睇一路食。眼見主事人都是越南人士，望過餐牌，食物都應該幾地道。叫了生牛肉河及札肉蝦檬，加碟牛油炸雞翼，同燒羊骨。生牛肉河幾對辦，湯底夠味又鮮甜，當然如果細心嚐，味精是有一點點的，但不嚴重。牛肉僅熟，鮮嫩，加上河粉，真的三扒兩撥就吃個碗底朝天，水準真不錯；太座的撈札肉蝦檬都幾好，檬粉爽身又條條分明，加入了不少蔥、洋蔥及炸蒜片去提味，也有水準；炸牛油雞翼索價35大洋，在這裡算是貴價的了。一客六隻，香脆又有牛油香味，配合舖面的牛油洋蔥絲更是美味，一人三隻，吃個夠本；燒羊骨是一支燒羊架，即叫即燒，香噴噴。加入香葉去燒，夠味道，羊肉不錯，如果下次一定叫佢燒四成熟就夠，廿蚊一支，絕對值得一試。但燒製需時，其他食物差不多食完才來，影不到相了。吃得越南菜，不是飲數字啤，就要飲滴漏咖啡。咖啡濃得來更滲有朱古力的味道，太座很喜歡，我嫌不夠咖啡香，但總括而言，都飲得過。不過要留意，不要叫「凍咖啡」，會變了普

今晚O.T.收工後去搵食,去到呢樹已經成十點,入到去都坐滿7,8成,兩個人叫左...燒羊骨--味道幾好,唔會太乾身,送酒至o岩,唯一d肥膏太多比較上肉o既比例少d!馬拉盞抄菜(芥蘭)--味道普通d馬拉盞唔夠味!咖哩雞法包--咖哩普普通通但d薯仔幾入味但d雞唔夠入味,另o個半條法包外皮幾香脆!牛柳紅飯--牛柳好淋唔錯,另個紅飯都幾出色同有香味唔似外邊其他店咁油淋淋,但o個牛柳獻汁太濃同胡椒味太強如汁少d同味道輕d同個紅飯會比較配合!埋單共$120,整體黎講都唔錯,特別o個紅飯幾好食,唯一係上菜比較慢,同d員工唔會太主動幫客倒茶!!!

雖然下星期的openrice 聚餐也是越南菜，但昨晚仍到此一試。點了二人套餐($98)加牛油雞翼($35)。牛油雞翼一碟有6隻雞中翼，夠新鮮熱辣，味道不錯，粉也不算厚，但碟底多油，雞翼本身也頗油膩，一兩件已見滯。套餐有1. 拼盆- 香茅豬扒(幾好味)，扎內肉(一般)，蝦片(脆但又係壞在多油)。2. 湯河兩碗- 選了一碗生牛肉河，一碗熟牛肉河。熟牛肉有些un，湯好味，河粉也不錯，浸久了也不會好腍。青檸和辣椒粒要開口問，辣椒粒不夠辣。3. 馬拉盞抄菜(一般)。4. 春卷三條- 幾好味，size較老趙的細，似廣東春卷的size。5. 甜品- 兩碗透明槳糊狀物體+綠豆(去皮)+椰汁，因本人不嗜甜所以不懂欣賞，不過味道頗清不會過甜。我們六時半去到愈坐愈多人，環境麻麻，不時有小昆蟲飛來飛去。

平日Lunch都係呢度食檬曉多, 番茄, 扎肉同肉碎, 熱辣辣, 好醒胃! 又近期覺得佢地將肉碎份量增加!另一推介係佢地香茅飯類, 好香好惹味, 豉油汁撈飯好胃口!但要注意, 呢度人手唔夠, 同埋都幾污糟!

又便宜又好味!條斤幾重o既蕉葉燒巴沙魚出奇咁滑,仲漏晒魚油出o黎, 好正!青檸雞係黃油雞, 酸酸甜甜, 好醒胃!華順拼盤牛油田雞越式巴沙魚茄汁牛腩法包青檸雞牛肉粉卷豬肉濱海---------------- $320

今次點了雞絲湯河+炸蝦餅, 雞絲少得可憐, 唔知以為係碗齋河, 但佢個湯底又幾好味, 飲晒成碗之後都唔口渴, 而個蝦餅就普普通通

放假經過在這裡吃了個午餐, 叫了香茅雞翼湯河-湯底依舊好濃味, 但雞翼浸了落湯中令到個湯好油, 庶蝦-普通, 蒜茸飽-勁多牛油, 同埋好香口, 凍咖啡-普通

朋友介紹去了這間餐廳, 環境尚算OK, ORDER 了一碗熟牛肉河, 一碟雞翼, 同埋一碟春卷, 牛河湯濃, 雞翼入味, 春卷香脆, 總括來說平, 靚, 正

再去華順，試個上次未食的火車頭，完全同我食過的唔同。雖然火車頭唔得，但酸辣麵仍然幾正。地址詳細唔記得，總之英皇道KFC同海皇粥左近有似唔似街的後巷行入去。

如果唔係個friend介紹都唔知喺一條徑仔裡面有一間越南嘢。環境都ok喇，都萛乾淨喇。佢吔有個二人套餐都幾抵食$98，但係都夠三個人食呀！今次去就叫咗個咖哩雞湯河，牛肉河同埋越南春卷。個咖哩雞湯河都幾好味，河粉同D雞都幾滑。牛肉河天我就唔知喇因為我就唔食牛嘅，但係我個Friend就話好味喇。至於個春卷就有三條細嘅嗰包炸到好脆好味。三碟嘢都係$54，幾抵呀。

如果唔係雜誌介紹都唔知條街仔有關餐廳，都有唔少人去食，可能係雜誌效應的關係。兩個人叫了個98蚊套餐，越式併盤、蒸粉卷、兩碗河粉、馬拉盏炒雜菜及送甜品。好抵食，尤其是碗粉最大碗，兩個人都食唔晒，其實三個人都夠食。唔過味道略咸o左些少。