華順越南餐廳 (已結業)

15 August 2007 (Wed) - 晚飯同朋友黎呢度食晚飯，呢度真係幾唔錯，二人餐又抵又唔錯，叫幾好食！有一個湯，春卷，炒什菜，炸雞翼，再加個炒矇粉，老實唔記得幾多錢，但係一啲都唔貴，食過幾次都覺得好！絕對係可以encore既地方！

25-3-2007 2100去完上水後，出番城會合朋友，朋友喜歡食越南菜，加上咁夜唔想過海，記得上次午巿試過湯河又不錯，晚巿應該差極有限，為試下。我地被安排係室外，共點了四道菜。第一味係炸軟殼蟹，食的時候除左好多蟹汁出來外，還有油，齋講味道也不錯，但都係炸得不好；第二味係越式拼盤，有牛肉串燒、春卷、扎肉及豬肉蝦片，串燒燒得幾香及多汁，春卷望個樣都知浸左油咁，豬肉蝦片有粉絲碎、炸蒜泥、粒及肉粒，食落相當好味，唯獨俾個林曬既蝦片破壞，扎肉反而我係最欣賞的，一來冇被油沾染，二來有少少微辣，不錯的。全晚最好居然係越式炒牛肉粒加茄汁飯，的牛肉又係浸過油上面，不過好嫩滑，唔似用梳打粉作怪，配料蕃茄、洋及青椒炒得剛剛熟，合我口味，而飯睇落只有少少紅色，食落有好大陣蕃茄味，相當開胃；最後一味係油浸筍殼魚，面頭還有大量絲，賣相麻麻地，食落冇之前幾味的油出曬黎，但唔夠香脆，魚肉又唔夠鮮甜，邊位及魚尾都趙唔到落肚，同當年係意盧食的差十萬九千里。除了多油的問題外，當晚前後檯的食客好嘈，兼係度好大聲咁玩天九及啤牌，都算，唔係「全院滿座」，侍應執野及叫菜都慢幾拍，基於這些原因，要永久列入黑名單，直至有改善為止。唔

北角有間係冷行開的越南食肆, 野就幾好食, 但個老板娘同D伙記唔掂, 幾好食都假, 我應該唔會再幫襯~~罪名一:我地係下午2點半去食, 本來坐裡面, 但冷氣有D涷, 甘坐出面啦, 見出面個地濕濕地, 都唔係好想坐, 不過我最怕冷氣,都算啦,照坐, 點知個老闆娘, 係度爆晒粗罵個伙記, 好心啦, 返入去先鬧啦, 但呢個唔係致命點, 你爆粗唔關我事, 只代表你係一個粗人je.........罪名二: 跟住果個伙計大叫: 老闆娘, 你叫亞伯唔好燒死果2隻老鼠啦, 好鬼臭, 不如浸死佢地啦....... 佢地2個不停甘講點對付2隻老鼠, 大佬呀, 好心細聲d講啦, 我都知食肆有老鼠唔出奇, 我見唔到都無所謂, 但唔係大大聲甘講點整死d老鼠掛~~~~~我已經即為黑起口面, 蹶老闆娘睇到即刻叫佢地唔好講, 快d搞掂佢, 跟住我老公睇到果亞伯踩死果2隻老鼠, 你話呀, 點好食都假啦, 真係打死我都唔再幫

Finally I can try this restaurant out with my friends after reading so many comments. The location and the entrance of the place is not obvious since I am not familiar with the area.I've ordered :春卷(ok la)Curry 牛腩w/Rice (唔夠香))牛油chicken wings, (燕萍好D)煎扎肉(有D腥肉味)馬拉盞芥蘭(nothing special, can't taste the 馬拉盞)軟殼蚣蚧(唔夠鬆脆)We want to order their 滴溜咖啡one cold and one hot but there's a guy who looks like their boss told us ,they're too busy and can't make them for us. I was a bit shocked because I never expect

跟女友响北角街頭兜兜轉轉，卒之揾到...自樂師收爐後，不斷尋找出色嘅越南菜，可惜都係失望居多...知道呢間鋪好耐，但卻冇機會試，試問無端端點會特登走入嚟食?女友公司搬咗去北角，因利乘便，先有緣相會..佈置好家庭feel，平日都有幾多人幫襯，唔簡單...一坐低望吓menu，見到有檬曉食，即刻叫一個。老闆强力推薦法式牛柳粒，自己平時都好少叫呢味，但見佢誠意拳拳，ok la...再加個香露大頭蝦開邊伴蒜蓉飽及馬拉盞通菜，直頭係盛宴，擺到一枱都係檬曉端上枱時，嗅到一大咲魚露味，但食落又冇想像中咁濃，有D失望，配料以碎豬肉為主，調味比較清淡，亦唔係我杯茶；蕃茄落得唔夠，蝦有D酶，唔新鮮...總体嚟講係水準以下。比上次响老許食嘅有一大段距離...法式牛柳粒兜亂上碟，肉似乎用鬆肉粉處理過，喪失咗牛肉應有嘅texture，失望，可幸炒得夠鑊氣，補番數..大頭蝦size比想像中細，膏算多，肉算鮮，反而個汁椰香味仲濃過魚露味，女友唔太欣賞，而且個汁唔係好夠熱，再加埋連D蒜茸飽都唔多夠熱，弊...>.<炒通菜冇乜特別..總体水準仍然係失望嘅，各位唔使好似我咁專登入嚟試嘞...個OK臉係因為張

成日食！最鐘意食咖啡雞翼粉絲同春卷。不過，依家d春卷縮水，冇前咁大。馬拉盞炒菜好好味，最重要係樣樣都抵食。

一行五人到此晚飯，叫了蔗蝦、軟殼蟹、燒巴沙魚、扎肉粉、炒菜、湯檬同蒸粉卷．食物水準樣樣幾好，特別係軟殼蟹同燒魚;蟹炸得香口而唔肥膩，蟹本身又幾好肉．燒魚雖然要等（因為冇訂），但真係十分精彩：皮香脆、肉嫩滑，成條魚又充滿魚油，個種香滑真係筆墨難以形容，如果有紅酒配埋ｄ魚就更正．五個人食到好飽都唔駛四百蚊，抵呀！

Very impressive and surprised there is some authentic restaurant around this little alley..Beef Noodle soup and Sweet and Sour Shrimp Noodle soup are just too good to be true! The Ox tail cassarole are alright, fu yu ton choi vegetables are also good, price is reasonable. A good family style restaurant, will definitely come again!

其實今次已經係第二次嚟呢度食飯，一次夜晚、一次晏晝，同樣都係天氣翳熱冇乜胃口。今次同阿K和佢媽媽一齊食晏。據阿K講Auntie 對食嘅要求比較嚴謹，不能同我地呢D普通所謂食家相提相提並論。此店位置係忽較僻，要靠一塊擺响路邊嘅小路牌先可以搵到。天氣實在太悶熱，入到裡面冷氣明顯唔夠，坐咗好耐鼻頭還有一滴滴汗珠。我地三個人嗌咗三絲檬、雞絲扎肉檬和香茅豬扒金邊粉。我地嗌咗湯檬，事後諗番應該食撈檬先啱。我覺得食檬配料其實係其次，最主要係個湯底。呢度啲湯底幾清甜，雖然係落咗少少味精(事後皮膚又有敏感)，但落得唔係太過份，食完唔會話好口渴。所以明知有可能皮膚敏感，都忍唔住飲咗幾啖。香茅豬扒都煎得幾金黃，咬落都有啲肉汁當然夾雜著肥膩嘅食用油啦。呢度嘅炸春卷都整得唔錯，不過今次就冇嗌到。埋單每人大約三十蚊，我認為在這區嚟講算係唔錯嘅越南菜館，值得再去幫襯。

同事介紹去食越南菜，我當然叫好。但這舖都幾偏僻，要不是同事帶我去，都好難搵得到。中午食飯確是幾多人，我們一行五人去食，雖然一夠鐘就衝去搵位，但都要好辛苦先搵到，仲要係5個人坐4人檯，勁迫。服務態度亦是預期中咁差。點了5個餐，分別是炒金邊粉、豬頸肉撈檬、菠蘿炒飯、粉絲和茄汁牛腩飯，跟餐有5杯飲品。檬粉幾爽身，豬頸肉亦唔會太"鞋"，係咁多個餸之中我最喜歡。茄汁牛腩飯幾香，牛腩唔會太"韌"，茄汁酸酸地都幾開胃。炒金邊粉也不錯，反而炒飯和粉絲則只屬一般。埋單每人唔使$30，可以食到幾有水準的食物，雖然服務和環境唔太理想，但都是值得再來的。

23/7(日) 2pmOT的第3天,一切安頓妥當後與同事一行3人到此來個Late lunch.此餐廳位於後巷,位置隱蔽.上次光顧時天氣不太熱,因此選擇室外的座位.是次在30來度的高溫下光顧當然毫不猶豫地坐入室內.室內感覺有點焗,冷氣不足.環境不太光猛,長方木臺,越式壁畫掛牆,裝修簡約.假日午市套餐暫時供應,晚市套餐又不太合口味,一於散叫.3個女仔點了華順招牌飯$25,蝦餅$28,牛油雞翼$38六隻.華順招牌飯--炸豬肉丸2粒及香茅豬扒,配以炸蒜及蔥碎;兩者均挺香口及香茅味濃郁,食味佳!略嫌乾了點.蝦餅--令人失望,口感及蝦味一一欠奉,而且炸得不夠乾身!牛油雞翼--招牌菜之一,聞落頗香牛油味,但食味反而平平無奇,期望過高!服務普普通通,無加一$91埋單,還是湯粉較有水準!(推介漁湯燒檬)

老婆去開堡壘街，就順便嚟呢度食午飯。佢問阿叔「檬曉」係乜嘢，原來係番茄肉碎湯底。就要了「漁村湯檬曉」加杯咖啡。賣相認真麻麻，好多泡係面(請睇相)。食落亦普通，啲檬冇乜特別；得半塊扎肉，孤寒咗啲；肉碎就似魷魚肉餅，因為有些少腥味，而且一舊舊黐埋一齊；個湯嘅味道就ok，些少酸酸辣辣。最好原來係杯咖啡，香濃夾滑。埋單$25(冇加一)，啲service又唔算差，overall都可以俾ok嘅。

放工之後去同三車車食lunch..想食壽司,佢又話唔好喎,咁咪求其食依間囉..兩個人叫0左兩個lunch..一個係香茅朱扒撈檬,一個雞絲湯金邊粉+蒸粉包個粉包個樣好唔得,似腸粉都d..好"bean"..不過食落,d粉皮好滑...個湯粉的湯底好清,冇咩味精..都ok啦..個撈檬的檬唔掂啦..痴住曬...一舊舊咁...overall黎講,我會想幫襯沙嗲城/沙嗲王多d囉...

見咁多食家都讚呢度既食品出色琴日見黎開銅鑼灣專登都要坐車過黎試下叫左漁村湯檬曉($25),香茅豬扒飯($23),牛併雞串燒半打($38) 同雜果冰($12)價錢係平但味道一般漁村湯檬曉係最好既一樣湯底酸中帶辣配合爽口既檬粉好開胃香茅豬扒炸得乾左d又唔夠入味飯鬆散加上豉油少結果無食晒串燒雞唔滑牛肉勁韌沙嗲醬太稀唔夠花生味朋友仔杯雜果冰太甜冰又多大部份食物都唔掂朋友仔話平時食開既金龍都好過呢度話明要black list仲話唔明點解未到七點都咁多人如果唔係個湯檬曉味道我會俾1分

叫左越南春卷，連生菜上。我地春卷就食晒，但係生菜食唔晒。比完錢執檯時竟見職員將我地食唔完既生菜放番落去比其他客食既生菜籃上。好似唔太合衛生啦!