華香雞 (已結業)

又兩星期去一次灣仔睇中醫的日子，每次來到灣仔都必定順便搵食，今次見到間新店，一於試下。門面光鮮，大大個紅配金的招牌好搶眼，仲有啲懷舊感。內設有數張二至四人枱，座位唔算多，但整齊企理，幾舒服。食店主打香雞，但亦有牛腩、魚和蔬菜類。雖然招牌係雞，但我最愛還是魚，哈！有鱸魚和白鱔選擇，真係好掙扎….結果要了白鱔。採用半蒸煮方法，仲有五款醬揀，真係好有誠意。每款飯餐都奉送無味精老火湯，今日係龍利葉羅漢果雞腳湯($0/跟餐)，熱辣辣，落足料，味道甜美，煲得好夠火喉，有家的感覺。要了有手指公標記的仁稔醬蒸煮白鱔配黃薑飯（$73），用個木盆載住，好有特色。黃薑飯粒粒飽滿乾身，健康有益。白鱔肥美鮮嫩，滑嘟嘟，配上酸酸甜甜的仁稔醬，中和白鱔的油膩感，又夾又好味！灼白菜（$20/跟餐）超大碟，抵！條條都翠綠爽嫩，簡單淋咗啲豉油，唔油唔鹹，味道清新，喜歡！見不少客人都點招牌華香雞餐，仲有幾位全隻外賣，睇來它是必食之選，下次啦！

某天經過灣仔駱克道，見到「華香雞」大招牌，令我定左幾秒格，回想起那些年…..今天再重逢，二話不說衝入去吃晚飯。店舖面積不大，看似翻用上手的裝修，廚房就在入口處的左邊，座位大慨十多個左右，地方乾乾淨淨，食個快飯地方。鴛鴦雞$108 （半隻）半隻雞也可以雙拼，抵讚！我哋揀左兩款招牌鷄 「華香雞、烏龍茶香雞」先試烏龍茶香雞，雞肉上色均勻，油光亮亮的，未入口已聞到陣陣的煙氛香，就連鷄皮也一同放入口，鷄皮爽口不膩；鷄肉彈牙肉嫩，茶香吾系好出，味道如煙氛豉油雞，好耐冇食過咁有質素的鷄肉，真心出色。「華香雞」正是白切鷄，亮點是鷄皮下的啫喱，鷄肉浸成剛熟，不多不少，滑嫩飽滿、油潤，加上大量薑蓉，令鷄肉生色不少順帶一提，薑蓉超香，用嚟撈飯一流。黃薑飯 $18吾會好似鷄油飯咁入口油淋淋，飯粒分明；黃薑香而不辣，必食！雞湯米 $25大大碗好抵食是日老火湯 $15青紅蘿蔔霸皇花排骨湯兩碗份量，最緊要夠熱、湯味足，冇味精，真係要飲多碗。豆豉鯪魚煮白菜 $65店員將成個窩仔放上枱時仲係熱騰騰，香噴噴，好吸引，豆豉鯪魚成碗咁多，魚油和豆豉滲入每條白菜仔中，增添了更多咸香，而且份量超多，兩三個人share 更好。

約咗喺銅鑼灣交收行行下行到好肚餓呀求其入咗間舖試咗雞雙拼配湯米送老火湯 今日係青紅蘿蔔雞腳湯 正呀好耐無飲湯🥹好滋補華香雞係醃咗嘅切雞 好滑連皮食啖啖肉令我驚訝嘅係茶香雞竟然咁香茶味😱真係未食過哩隻煙醺味道嘅雞下次我會嗌半隻嚟食！遲啲嚟都會覆桌朋友就食白鱔 揀咗招牌仁稔醬見佢有得揀黃薑飯 就試下上桌時個籠係熱辣辣店員仲仲好過嚟同我哋介紹咩喺仁稔醬原來係佢哋自己有一棵百年老樹 種出嚟嘅果實果實嘅果核係「人臉」，所以叫「仁稔」🤣酸酸甜甜真係好開胃！再嗌咗個豆豉鯪魚菜心share好大碟 又係十分之熱連豆豉鯪魚嘅份量都好多我哋兩個都食到勁飽！下次會帶屋企人嚟食都見到好多上咗年紀嘅兩公婆過嚟食我諗我爸爸媽咪都會好鍾意食！

「華香雞」係香港著名嘅老字號，店舖始創於 1988 年，主打自家炮製嘅招牌華香雞，雞隻源於自設農場，以營養飼料自然放養，所以質量有一定嘅保證。最近得知品牌喺駱克道開左新分店，趁今日放假，專登過嚟吃頓午餐。門面好搶眼，紅底金字招牌，加上櫥窗掛滿了肥美嘅雞隻，煞是吸引，令人食指大動。餐牌清晰簡單，除左主打嘅幾款鎮店名雞之外，仲有牛腩、牛筋、海鱸魚、白鱔同蔬菜煲等可供選擇。華香雞同茶香雞都係餐廳嘅招牌作，一場嚟到，當然唔可以錯過。點了招牌華香雞拼烏龍茶香雞配雞湯米，另外再加左仁稔醬蒸煮鱸魚配黃薑飯 同 豆豉魚煮菜心。飯餐奉送無味精老火湯，今日嘅湯喺青紅蘿蔔雞腳豬骨湯，睇下幾大碗，落足料，味道家常。招牌華香雞果然名不虛傳，雞皮非常薄，雞肉也很嫩滑，完全沒有絲毫嚡身嘅感覺，而且食落仲有啖啖鮮雞味。茶香雞水準亦一流，雞肉散發住陣陣煙燻香氣同烏龍嘅茶香，用嚟配米粉吃，非常滋味。海鱸魚接著送上，餐牌標明係使用智能煲，再加上 6 種醬汁蒸煮。據講呢個智能煲係店主自家研發，唔單止保溫咁簡單，仲可以保持餸菜嘅原汁原味。先嚐一口魚肉，肉質新鮮肥美，魚味非常濃郁，入口清甜彈滑，仁稔醬酸酸甜甜，配埋啲酸子薑一齊食

華香雞 (灣仔)⭐️估你唔到咁好食，食雞專門店！果然好食餐廳大部份老闆本身都做開廚。⭐️餐廳環境有好用心去裝修，座位唔多夠 坐得舒服！⭐️今次揀咗清湯牛腩河、例牌雙拼雞（招牌華香雞拼烏龍茶煙燻雞）！兩樣都好好味😋，牛腩夠晒林好香、記住一定要配秘製辣醬。老闆話啲雞全部都係新鮮雞不是冰鮮，果然夠雞味夠滑，煙燻口味都幾特別要試吓！套餐仲配埋勁大碗湯，好好飲！全部食物強調唔落味精！用餐心情🌾：一家人或者同朋友都非常適合，健康有住家感覺，有雞有魚有菜有肉，2-4 人合適。會再encore！味道: 8/10環境: 7/10服務: 7/10消費: 人均$55-100