華香雞 (已結業)

放工時間太累，唔想再返屋企諗食咩，就去了呢間新開嘅食雞嘅地方。估唔到性價比幾高，而且除左雞之外，仲有其他飯選擇，例如係牛腩、白鱔、鱸魚！- 一場來到，當然要食下「鎮店名雞」，一次過食曬兩隻味，兩款雞肉質都好滑，店員話因為佢地d雞全部都係無添加。- 個人比較喜歡烏龍茶香雞，用醬油用烏龍茶煙燻製法成，估唔到非常入味🐟豉汁醬白鱔飯- 飯可選黃薑飯/白飯，黃薑飯嘅話，係自家製薑蓉，香得來唔油膩- 鱔加上豉汁醬，味道濃香🌟滷水鮮雞腎- 食新鮮雞緊係要食埋新鮮雞腎先叫識食！下次再來食個便飯！

朋友帶我黎左灣仔一間歷史悠久既賣雞專門店老鋪華香雞，碟頭飯加例湯都係幾十蚊，食物款式有魚同雞為主，魚頭都有嫁，我地叫左雙拼雞肉烏龍茶雞同華香雞，雞肉嫩滑，烏龍茶雞比較濃味，雞肉即切，薑蓉味濃郁，份量都算幾多，雙拼都係加多十蚊，另一碟我地叫左呢度出名既薑蔥白鱔煲，配有秘制醬料食落好似麵豉醬味甘，加埋好厚切既白鱔魚肉炒薑葱都幾惹味，鱔魚都幾多塊，魚肉每日即劏即煮好巧功夫嫁，鱔肉彈牙而且煮法仲有幾款選擇放落圓形木筒度煮完熱辣辣噴晒煙。

✨潮式 沙茶牛腩飯 $55沙茶醬果然係呢間餐廳嘅主打！味道甜甜地，而且非常濃郁！洋蔥索左啲沙茶醬顯得更加清甜！牛腩同埋牛筋嘅份量都好多，竟然呢個價錢食到熱辣辣嘅鐵碟上嘅煲仔，真係抵到唔信✨豉汁醬 白鱔飯 $70估唔到啲白鱔可以咁大塊，而且都幾厚肉同埋脆！豉汁醬 鹹得來，有啲甘香！用嚟送飯一流！ ✨雞湯白菜雞湯味幾濃郁，所以朋友就算平時唔鍾意食菜都可以食晒所有白菜！✨滷水腩肉片肥瘦好均勻，啲豬皮有彈性，而且一啲豬毛都冇！✨滷水雞蛋雞蛋中間仲有少少濕潤，而且非常入味，好食到想叫多一隻！

位於灣仔嘅馬師道，最近新開咗一間食雞嘅專門店，呢間就係華香雞。呢度用嘅雞好講究，係嚟自華泰農場所養嘅一級靚雞，完全符合鮮、香、嫩、滑四大標準。而華香雞呢度除咗雞肉質素好高之外，仲用咗秘製嘅方法烹製，做到肉滑骨軟嘅口感，而佢哋有多款不同口味嘅雞，而我哋呢次叫咗兩款算係最為有名， 分別係用白滷水所烹煮嘅華香雞，另一款用上烏龍茶葉同埋醬油所燻製嘅茶香雞。華香雞用秘製嘅白滷水所浸製，雞肉好入味，滷水用咗多款藥材所製，能令雞肉嘅雞味更加突出。茶香雞用咗烏龍茶同埋秘製醬油所煙燻製成，雞肉帶有陣陣嘅茶香，令人齒頰留香。佢哋除咗雞之外仲有其他都好好味，好似佢哋嘅白鱔CP值就極高。即叫即蒸，熱辣辣出爐上檯，鱔嘅口味眾多，我呢次揀咗最傳統嘅豉汁蒸。白鱔夠新鮮，肉質彈牙，豉汁味啱啱好，唔會遮蓋鱔本身嘅鮮甜味。佢哋會跟埋一碗白飯，亦可以加錢轉黃薑飯或雞湯河粉或米粉。飲品佢哋會包熱飲同埋是日靚湯，凍飲請自行加錢啦。

食厭咗日韓西餐，又係時候要搵啲中式嘢食下，呢間餐廳位處灣仔市中心，靜中帶旺🤩，店內裝修企理簡約，門口掛起啲雞好吸引俾佢引咗入嚟😋😋叫咗個雙拼雞🐔🐔內有招牌華香雞同烏龍茶香雞，兩者雞肉味濃且香，色澤均勻，鬆軟有咬口之餘，肉質唔會太靭😋，仲有一小碟滿滿的蔥油醬👏👍烏龍茶香雞由煙燻煮成，有好清香嘅茶葉味道。兩種雞各有口感，各有特色😍！另外仲叫咗個仁稔醬蒸煮白鱔，白鱔魚新鮮大嚿，有六大嚿😎，魚肉爽脆有口感，配上特製仁稔醬，甜甜酸酸好開胃，連平時唔食鱔魚嘅我都覺得好食🫶🏻，而且仲配有大大碗老火湯同薑黃飯添！

華香雞半隻 $108茶香雞餐連湯 $55太飽食唔落飯，店員好好幫我哋白飯轉白菜❤️蔥蓉足料好少油😋😋😋讀書時代、禽流感前係經常去食華香雞無意中喺開飯見到佢捲土重來，喺荃灣，灣仔開鋪就嚟回憶吓個人覺得湯係以前一樣無味精嘅👍雞有1、2件有啲鞋口其餘都係滑嘅可能係我先入為主啦。以前係好食啲😅因為滿滿回憶一定會再嚟anyway會去試埋荃灣分店👍👍但建議灣仔店地下比較跣，係有油亦有少量蚊，見已有滅蚊機使用中希望盡快改變這些問題😊

今晚朋友帶我去 銅鑼灣 - 華香雞食晚餐，帶點古早味道 係 舊香港味。餐廳細細 到處佈滿不同剪報，席上都有7~8成客，熱鬧非常。我都係第1次黎，睇menu 都研究左一陣，店員殷勤地主動推介菜式。甘呢餐就係跟佢推介啦～鎮店名雞: (招牌華香雞 & 烏龍茶香雞) $118Order 左雙拼雞，貨真價實 繟典口味 雞味濃又夠滑，岩曬我口味~ 另一款 係秘製招牌白滷水浸製而成，好入味 食得出誠意 用心制作。真係無推介錯。豉汁醬 白鱔煲 $70 (凍檸檬茶 +$3 & 黃薑飯 $15)白鱔煲連鐵板上，一上枱都炸炸聲。店員細心提示我地小心被 白鱔煲 d 汁彈到。 服務態度真好 又有heart ，值得一讚👍👍 講返  白鱔煲 ，雖然 只有5件，但件件肥美，多肉，煮得熟但又唔會over cook .. 幾有口感，配合埋個豉汁醬 一流，真係好岩撈飯食。不過黃薑飯 就一般中既一般，唔夠油太乾 係一個敗筆。

平時都已經好鍾意食燒味，叉燒呀、白切雞呀等等！小妹覺得好既雞係要滑身，薑蓉夠香先得！今次慕名而來試呢到既茶香雞😍招牌華香雞：呢道雞係經白滷水浸出黎，食落雞味濃郁，又唔會好似白切雞個味道咁寡，幾鹹香。肉質食落嫩滑，唔會鞋口，再配埋自家既誠意薑蓉，無得輸！烏龍茶香雞：呢款幾新穎，之前都從未試過，佢係用烏龍茶煙燻同埋秘製醬油整，聞到佢既茶燻味好香，完全無諗過烏龍茶香係可以配雞，好驚喜！烏龍茶香雞本身已經好夠味，所以就算唔點薑蓉都無問題黃薑飯：呢到可以＋＄3就轉到黃薑飯，聽講黃薑有好多好處，又可以抗氧化又可以改善消化！重點係呢到個整到岩岩好，唔會太淋，食到一粒粒飯粒，feel到係有心機整既口水汁手拍青瓜：青瓜爽身，係即叫即整既，連埋香辣既口水汁，好惹味🥰

餐廳🍴店面唔大，但點餐上菜都好純熟，味道更加無得頂👍🏻👍🏻華茶雙拼雞飯 $60 (+$3可轉黃薑飯)招牌華香雞，以秘製招牌白油水浸製而成，雞味濃郁，鹹香味俱全，一咬入口超級嫩滑多汁，就算係偏瘦肉位置亦非常嫩滑，完全唔會柴身鳥龍茶香雞，係以秘製醬油及烏龍茶煙燻製成，茶燻味好濃郁，食落好香口，成個腔都會有茶香味，好似隻雞係由細到大都食住或者浸住烏龍茶咁過日子咁，相比之下，中意食比較重口味既，鳥龍茶香雞會更出色豉汁醬白鱔飯 $70超級大推🫶，白鱔好肥美厚肉，鱔肉食落非常爽口彈牙，一咬落去成大啖肉，非常滿足🤤，豉汁整得勁惹味，但又唔會太鹹，鹹淡岩岩好，白鱔亦超級入味，送飯一流😋配老火湯雞腳湯，勁多料係入面，雞腳好有咬口，似足走地腳咁，平時做足運動💪🏻牛腩汁枝竹菜煲 $65白菜🥬底枝竹面，牛腩汁非常清甜，白菜🥬清爽鮮甜，枝竹亦非常索味，份量好多平日6點半到餐廳都坐滿，外賣仲一單接一單，味道水準既保證😋😋

華香雞喺香港屬於真正老字號，第一間店舖喺荃灣，當時係1988年。中間時段經歷高峰亦有低潮，甚至全面結業😞近年華香雞捲土重來，並且喺灣仔開咗第二間分店，好耐之前爸爸已經帶我食過佢哋嘅招牌菜－華香雞同茶香雞，真係非常出色，今日有幸可以食返呢種味道😍- 華香雞茶香雞雙拼茶香雞係豉油雞既升級版，味道偏甜，口感嫩滑彈牙。充滿茶香同時帶有少少煙燻味道。至於華香雞肉質白滑，餐廳用袐製白滷水浸製而成，味道一樣咁出色！- 蒜蓉清雞湯菜煲大白菜口感爽脆，上面超多蒜蓉，食落唔覺有味精👍🏻作為香港人當然係叫餸食飯，我叫左黃薑飯，粒粉分明好乾身。女友叫左淨雞湯米，非常大碗。華香雞仍然保持水準，之後特登去灣仔華香雞斬料都值得！

《傳統招牌蒸雞🐥》———————————————-#華香雞 🐣-呢間係主打廣東雞既40年老字號，之前曾經因為營運成本因素全線結業，呢幾年捲土重來，仲喺灣仔開咗間新分店😚 裝潢古色古香，都幾特別～小店服務好好，而且標榜所有菜式都不添加味精、雞精、糖精、醋精、香精等等嘅添加劑，天然又好食😌-🐣 華茶雙拼雞華茶鴛鴦雞有哂招牌華香雞同烏龍茶香雞，兩款嘅雞肉都咁嫩滑🙂 選用新鮮雞，華香雞以秘製白滷水浸製而成，而茶香雞則以秘製醬油混合烏龍茶煙燻製成🤎 我哋升級咗做黃薑飯，色澤黃金，口感乾身粒粒分明，撈埋蔥油好惹味～-🎣 薑蔥醬鱸魚用個木桶嚟裝，賣相一流，熱辣辣香味撲鼻😚 魚肉肉質肥美而不膩，薑蔥醬惹味，同蒸魚好夾～而湯河嘅湯底係以雞汁熬煮，帶有淡淡雞味嘅清香😉 跟餐奉送老火湯，我哋個日係清補涼煲雞腳豬腱湯足料，清新唔油膩，可以健脾除濕，補腎養潤😊-小食方面，滷水好入味，五香味道帶有層次，唔會係死鹹嘅感覺☺️ 五花腩肉層次分明，帶啲肥肉，點埋秘製嘅蒜香醬油好正😎滷水醬豬手亦都幾好，炆得幾淋，充滿骨膠原😋-⭐ 參考價錢︰華茶雙拼雞：$60薑蔥醬鱸魚： $63滷水腩肉片： $18滷水醬豬手： $32🍌 抵

偶然之下看了關於這家逾40年老字號小店的傳期故事，多少小店被時代追趕消逝，店主堅持要做出一隻好雞，不但保留了好味道，也保留了昔日好時光，店員叔叔非常熱情好客，簡直係令我驚嘆，因為今時今日相當少見主打招牌華香雞及茶香雞單點雞飯$55選用新鮮雞，一睇骨位就睇得出，口味像豉油雞的感覺，雞皮很薄，雞肉也很嫩滑啖啖肉，肉質滲透煙燻香氣同鳥龍茶香嘅茶香，喜歡重口味的可以蘸上辣醬，自家炒製超惹味，更加綿上添花金牌滷肉飯包含鮮雞腎、鹵豬耳、腩片、雞蛋、老火湯，鹵水超級入味，五香味道帶有層次，不是死咸的感覺，很喜歡這裏的醬汁，秘製的蒜香醬油很美味，用上新鮮食材，很有水準老火湯勁足料 雞湯清新不油膩 轉配 黃薑飯 雞湯河入秋了，配上黃薑味實在太合適味道好濃郁，這個組合簡單完美河粉滑溜，味道清清淡淡也不錯—————————————————華香雞 (灣仔)灣仔駱克道368-374號百齡大廈地下G2號舖—————————————————⠀⠀⠀⠀⠀⠀⠀⠀⠀#hkfoodie #hkfood #hkfoodblogger #hkfoodpic #hkfoodstagram #foodie #foodporn #fo

今日來到灣仔，見到這間餐廳門口掛著華香雞及茶香雞好吸引，於是選擇了這間華香雞食晚餐。餐廳不是很大，但裝修企理舒適。一人豪華套餐有華香雞及茶香雞、雞腎，配白飯、雞湯白菜及老火湯。要想試齊華香雞及茶香雞，這個一人豪華套餐最適合。華香雞是一整隻的雞脾，咸咸香香，肉質嫩滑。茶香雞則是雞胸肉，一入口有好香濃的茶香味，還有少少鹽焗味的感覺，2款各有特色。雞腎切得都比較厚，帶少少脆邊有口感，也是咸咸香香頗入味。老火湯都頗清甜，飲到底還見到裏面很足料。雞湯白菜，白菜頗爽口清甜。泰式咖哩牛腩好特別，上枱揭開蓋還見到面一直滾著，熱氣騰騰，飄出牛腩及咖哩的香，裏面有、洋蔥、香芹菜……等等，咖哩味不是很濃，牛腩是真正的坑腩，炆得夠淋，是很有特色的泰式咖哩牛腩。紹興醉雞蛋，雞蛋切開2邊，蛋剛好熟，蛋黃橙紅橙紅的很漂亮，上枱時聞到一陣的酒香 ，我好喜愛那個酒味，第一次食紹興醉雞蛋，和著酒一齊食，口感軟滑綿密，滿口腔的酒香。至於飲品，要了熱檸檬菜蜜，檸檬菜蜜相當清甜，酸酸甜甜的消滯解膩。

華香雞是老字號，高興華香雞在湾仔駱克道開了分店。最近去食完，發覺雞仍然保持水準，真材實料。雞肥瘦適中，皮薄肉香滑，有雞味，推介!店的白鱔煲也很有風味，自家製仁稔醬好特別。

#灣仔美食 #小蓮星呑食灣仔🔻 華香雞灣仔駱克道368-374號百齡大廈地下G2號舖/1988年嘅雞飯老字號，之前曾經執晒，而家又再開返，標榜冇任何味精，真係都支持下。/🧃一人豪華套餐 $88套餐包括華茶雞飯＋鮮雞腎＋雞湯白菜，華茶雞飯即係華香雞拼茶香雞，食到兩個最招牌嘅雞飯，都幾抵食。華香雞由招牌秘製白滷水浸制而成，完全食到濃郁雞味。茶香雞由秘製豉油同埋烏龍茶葉煙燻製成，有好清香嘅茶葉煙熏味，非常獨特。兩款雞都好嫩滑鮮雞腎比起一般冰鮮雞腎，口感完全唔會硬掘掘，味道更加鮮濃。雞湯菜心夠嫩，用雞湯浸更加鮮甜/🧃沙薑鹽香雞飯 $55唔使加錢都食到雞髀，超lucky! 砂礓唔會太油，夠晒鹹香，要讚一讚佢嗰個薑蔥，切到好幼細，入口唔會覺得一pat 嘢。轉雞湯米粉加$5，除咗食飯之外亦都有其他選擇。仲送老火湯，用雞腳豬骨煲，好濃郁好正。/🧃紹興醉豬手 $40酒味好香，夠晒入味，雪完都唔會話硬都食唔到/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #food