薩莉亞意式餐廳 (喜薈商場)

营业中

休息中

今日夜晚去食晚餐 14分嗌咗一個黑椒汁漢堡 44分都未到 明明解凍食物都可以半個鐘都解凍唔到 香店員查詢食物幾時到嗰陣 店員敷衍了事毫無回應 最尾有第二個店員底返份漢堡扒俾我 店員態度冇禮貌不特止 上菜速度極慢仲要漏單希望店主可以改善客服服務質素

晚飯時間大概7點黎到長沙灣薩莉亞 店內大概坐左一半人左右 好耐冇食過 估唔到有驚喜周打海鮮湯見到個湯已經好有食慾，湯入面有好多配料，基本上飲每一啖都會食到好多餸，味道唔會過鹹，讚👍🏻芝士法包🥖有兩大塊 面頭芝士焗好香脆又有牛油香味 good😋意式菠菜伴煙肉菠菜唔會煮到overcook 本身有煙肉🥓一齊食 已經幾夠味 可能另外有加鹽 所以有啲鹹得制 不過整體味道係ok明太子魷魚蝦仁意大利粉呢個我自己加左粒溫泉蛋 意粉黎到見份量都幾多幾creamy 不過意粉就唔夠熱 因為本身隻蛋都係凍凍地 同埋啲魷魚太靭 下次試下甜蝦 可能口感會好啲總括 呢個薩莉亞CP值好唔錯

昨天重陽掃墓，回程已是7点多，在長沙灣下車，由於有2個小孩子，所以決定由他們選擇。一個喜歡意大利粉，一個喜歡pizza。匆忙間打開open rice apps,馬上找到要去的餐廳。去到等了10分鐘左右，我們3個大人，2個小孩，叫了很多東西，3個意粉，1個薄餅，一份魷魚，一份沙津，1一份雞翼，一個西蘭花，一份烘烤腸，2份海草，3個湯。合共才$322。心中想着，那麼便宜會不會很難吃於是馬上降低自己味蕾要求，食品很快就來到，3個湯，味道很淡不夠熱，小孩子選擇喝汔水真聰明，西蘭花煮得大熟散晒，雞翼沒奄過沒味道，反而煙肉波羅簿餅餡料足皮夠脆，魷魚及烤腸伴醬汁味道不錯，3種意粉各有特色，蒜香，墨汁，雞蓉味道勻ok，最好還是雞肉沙律及中華海草，可能越簡單越好吃吧。總括而言，這個價錢算是可以的，但最好還是選擇一些簡單食品，正所謂簡單生活原是美吧！

青醬蜆肉西蘭花意粉，油量多到得人驚，個底可以有一湯匙，食完腸胃炎已兩天！唔係好明點解可以咁多油，意粉本身已吸油，但底部還可以餘下一湯匙油，究竟廚師再加上多少油煮？！還叫了炸蝦，又過晒火，乾到一個點，炸粉炸完硬到牙都崩！😰😰只係個pizza保持水準，叫3樣食物，其中兩款都出事，雖然廉價，食物唔得幾平都冇用，我諗要隔一年半載才可再試，否則揾自己腸胃較飛，睇醫生是少，自己辛苦是大，個胃頂住好唔舒服，其次乜都食唔到，又要食粥3餐！以前都冇咁差，唔該監察吓！😩😭

幫襯呢間日式連鎖已經五、六次，幾乎唔駛打開餐牌都可以諗到食咩。但係循例都會揭吓本精美嘅餐牌嘅！我地今次又係食嗰幾個組合：沙律、餐湯、薄餅、燒物同焗飯。沙律有幾款選擇，但我偏愛煙三文魚。餐湯都係周打魚湯最啱飲，好creamy，好正！薄餅就試吓水牛芝士，水牛芝士質感綿密軟滑，唔會過鹹。薄餅要趁熱食先鬆脆可口，攤凍咗就變硬，唔好食架喇！燒物都係鍾意魷魚筒，點蒜汁嚟食好惹味啊！最後就係肉醬多利亞，焗飯可以留到最尾先食，亦都唔會咁快變凍，呢個係我一貫嘅策略！日式平民快餐，實在當之無愧！

今日係長沙灣附近做野，放lunch時見到有間薩莉亞，開咗咁耐都未試過食lunch時段，於是去排隊試試。lunch時段都幾多人又多學生哥食，等了差不多15分鐘先有位。地方環境都幾乾淨，職員安排速度都幾快手整理好。見到menu lunch set鐵板燒雞辣腸雞球幾吸引份量好似幾多，一於就試試。我選擇要湯和沙律， 粟米忌廉湯幾好飲唔會好稀至於個雞扒可能我期望太高，條辣肉腸好難食食了半條就冇要，而塊雞扒都係一般。下次唔會再食

之前都食過呢間餐廳，貪佢夠多選擇，飯、意粉、pizza、小食、甜品乜都有。不過今日黎食，有啲失望。每次黎都必叫呢個多利亞，今次都唔例外，果然不負眾望，好多芝士加埋肉醬，撈飯一流。仲加埋我最鍾意嘅溫泉蛋，呢個配搭真係冇得彈。👍之後仲有番茄海鮮意粉。有青口，蝦，魷魚，都算多料，上檯好夠熱，味道都唔錯。可惜食食下有貝殼嘅碎，可能係炒海鮮時碎左嘅殼，呢度扣左少少分。濃厚芝士漢堡用鐵板上，一層厚厚而又溶緊嘅芝士覆蓋晒塊漢堡。上面仲有隻煎蛋，可惜已經熟晒，唔啱鍾意流心蛋嘅我。側邊仲有少少粟米同薯角，出奇地個粟米好甜喎。如果個薯角再脆啲就非常好喇。等左勁耐，點解個煙肉菠菜仲未到架呢。正想問店員之際碟食物就到了。好明顯個菜係煮過龍，唔記得出餐，因為一望就知啲菜係煮到黃晒。呢方面餐廳真係要留意下喇。整體黎講，都會再俾機會呢間公司餐廳嘅。因為真係平，兩個人食四碟都係$115。

呢間嘅雞翼望到個樣都同其他分店唔同 比較乾身 食落味道唔辣 偏鹹 完全同平時食開嘅唔同仲叫咗8隻 喊出嚟！明太子意粉幾好食 但偏淡 冇乜明太子嘅鹹味雞肉多利亞唔知點解有啲酸味 係黎自個汁 平時都唔係好覺有 但呢度就好重手。。。羊架 7成都係脂肪 得3成肉 太肥膩!!!

係屋企附近無聊食晚餐，附近有一間薩利亞，行過去食又唔使排隊，當係快餐咁樣食都幾好。飲品吧加$13，有茶包、汽水任飲，我選擇左fuze tea既檸檬茶。炸蝦配沙律醬，大概20蚊一碟，勁抵食，炸出黎熱辣辣。肉醬多莉亞，依個係每次黎都會嗌既，芝士味好香濃，係啲飯濕咗啲，不過對住啲價錢咁平嘅快餐，唔會要求咁高啦。明太子魷魚意粉，個汁好creamy，配埋魷魚同埋蝦都幾好味，意粉煮出嚟唔會好稔，我覺得幾好味👍🏻👍🏻👍🏻👍🏻

因為住附近，所以本身為求方便，有空就會過來進餐。剛開張的時候，職員態度尚可以，可能因為新開張(?)最近來了兩次，態度非常差劣，導致進餐極不愉快。第一次：是下午茶的時間來，沒有人招呼進入，所以我們兩人就直接進入隨便找個位置坐，當時餐廳內空無一人，我們直接坐在四人坐位，準備下單時，職員隨即「你地兩個人就坐過第二個位啦」這樣的呼喝使我感到極為不安...又或者 如果要求我們換個位置，態度亦可以禮貌一點(?)換了位置後，她便問「食咩呀？」經過剛才的呼喝，氣都還未下的情況下，她這樣問我們吃甚麼，其實真的一句魔術語都不懂用嗎？換個方式問「請問食咩？」態度自然就改善了。第二次：也是下午茶時段來的，大約4/5點鐘，今次有人帶位，我們兩個人，職員直接帶我們到四人座位，這個四人座是靠牆的，我跟女友平排坐著。我們舉手叫人下單，一位職員走過來「你地幾多個人架？兩個人咁你地對住坐啦！」然後該職員一手把桌子拉開，變成兩個二人位。我就坐了出來，而女友就坐在裏面，隨即我便說了一句「你拉開張枱，我女朋友出唔到」該職員完全不理會之餘，本來坐在邊四人枱的客人，剛裝完飲料回來，同樣，她也進不了坐原來的位置，她亦要推開那張枱才能

大家好👋🏻👋🏻今次晴寶路經長沙灣，口痕痕突然想食pizza🍕🍕經過小時候常常幫襯的充滿回憶的平民意式食堂，細個好喜歡來這裡食野，因為選擇多價錢實惠，所以晴媽會准許晴寶任叫不同種類的食物，再開心share😊今次因爲是快閃的關係，只能外賣叫了平時在這裡較少食的pizza🍕，價錢$30-$35元不等，最後叫了菠蘿🍍煙肉pizza ，由於晴寶是🧀控，所以再另加$6升級加入芝士🧀！職員告知要等15-30分鐘，相信是即叫即整的原因。回到家，打開一看，分量真多，表面佈滿菠蘿🍍，但煙肉就十分少，不太平均。至於味道，平平實實，不過不失！因加了芝士，變得有口感和層次，味道有提升，但整體仍有待改善！值得一提，此店企門囗的職員常常玩失蹤，一等就要等五分鐘以上才現身，有待改善！☹️

糧尾因物薩利亞一向係糧尾因物2個人大食積上身叫左4樣野都只係$107仲想去邊度搵啫。#明太子蝦意粉新出品黎，好多明太子，食落口咬到每意粉都充滿明太子。蝦爽口但魷魚有啲韌。#肉醬多莉亞成日都覺得係肉醬意粉嘅飯版，碎碎嘅蕃茄肉醬加芝土，落去酸酸甜甜好開胃。#水牛芝士薄餅好普通嘅薄餅加上水牛芝士，平凡得黎又幾好食。#辣味雞翼呢個必食！香口帶微辣既雞翼裏面仲有少少肉汁🤤好好食。嘢食係大件夾抵食。但係普遍來講薩莉亞嘅環境都係比較唔衛生，因為成日見到啲餐具有污跡，洗唔乾淨，有時Menu又臭臭地。

Went here after dining at Yuyu, frankly I should of left because the lady at the reception was rather rude.Anyway, decided to dine there anyway as I was already there.There was so much used tissue from the previous table and this was just one piece.I was quite surprised that I had to place my order asap without having to press the order button because she was literal standing by the table demanding me to order.The table on my right kept complaining their table was smelly so asked the be-itchy wa

要食一餐正宗義大利餐，動輒每位數百元，偶爾幫襯一下價錢親民嘅蕯莉亞都不失為一個唔錯嘅選擇！平日正常用餐時間，等位要等好耐，我今日三點到達就不用等，但入座率都有一半，人多所以比較嘈雜。食物種類超多，各款pizza、意粉、肉類、意式蛋糕、沙律、前菜小食、飲品都有。我們三人點左五樣食品！辣味雞翼8隻，雞翼好香口外脆內軟，辣辣地好開胃！雞肉野菌雙享薄餅，一個批有兩種口味，適合唔同人嘅需要好貼心👍🏻芝士焗薯角＆雞肉粗管麵，兩個都好香芝士味又creamy 羊鞍焗爐燒（3塊）店員一拎過來我就聞到羊羶味！真係不得了！😖😖我唔食羊㗎！唔洗收加一，吃到飽，兩百元有找！大滿足😁

放工肚餓想食d唔洗等咁耐既野食，大概7.30入去唔洗等位，餐廳亦唔滿，仲有位剩。兩個人被安排坐2人位，左右兩邊係2人檯同4人檯。我地叫左5個小食1個pizza，叫完之後隔離4人檯走左，我地就問可唔可以轉過去，個個職員都話：要問另外個同事。d野食開始上，檯開始唔夠擺，餐廳仍然有位剩，隔離張4人檯仍然無人，我地再問可唔可以轉過去，問左幾個人之後答案係唔得因為已經叫左野食。之後d野食繼續上，後上既野食要擺係隔離張4人檯，但係仍然唔俾我地坐過去，其實已經問左起碼4-5次，位姐姐都係好惡地話唔可以轉檯，只可以'擺住d野食係隔離檯'，但係唔可以坐過去。切pizza切唔到，夾野食都要隔條河，好似偷緊隔離檯d野食咁。最後要同經理投訴先可以坐張4人檯，經理見到呢個情況即刻同我地轉檯，當時餐廳內仍然有位剩。食物味道同其他分店差唔多，但係員工態度完全接受唔到，下次唔會再去呢間分店。