影片
港铁沙田站 B 出口, 步行约4分钟
继续阅读
营业时间
星期一至三
12:00 - 16:00
星期四
全日休息
星期五至日
12:00 - 16:00
以上资料只供参考，请与餐厅确认详情
今日帶同老人家去沙田參觀萬佛寺順便午飯都係寺內食齋。由入口開始行上去～講真真係好吃力～尤其老人家一定要行下停下，因為成年人行上去都要十分鐘多全斜坡的。沿路上山兩旁都看到金色佛像，參觀完寺廟時間剛剛好係午飯時間，帶老人家去食齋。飯堂環境清幽，不用等坐下就有職員招呼，看過餐牌後點了六款齋菜。包括竹笙雞絲素翅，涼瓜素鰻魚，點心一碟兩件（春卷同腐皮卷），冰凍涼粉同羅漢齋會伊麵。每樣餸都各具特色～好好味又清清淡淡。整體滿分。伊麵上的芽菜好香無草味涼粉好消暑腐皮好香又脆。一定會再黎～
继续阅读
每隔一陣時間都會上嚟萬佛寺, 次次都會食埋晏先返落去, 但次次都掛住食冇影相寫評, 今次終於記得~ 其實次次都係叫呢兩樣食, 因為鍾意呢度食炒飯唔駛叫走蔥, 不過當然比茶餐廳叫個炒飯貴, 但都算值得~ 錦繡粒炒飯都係果d素雞粒, 什豆, 菜粒咁炒埋, 雖然唔係炒得好乾身, 但都粒粒分明, 而且唔油又唔濕, 味道又啱, 唔會話齋炒飯就淡口~ 羅漢齋燴伊麵 記得次次食都偏油, 但今次寫食評時, 竟然唔油, 連拎比我地果個伯伯都話煮得靚~羅漢齋其實都冇話規定用乜, 呢度有菇、麵筋、粟米芯、芽菜、雲耳、紅蘿蔔、素雞, 都好豐富架~今次個汁又唔會太多, 太油, 太杰, 完全係正, 其實次次都係平日過咗食飯時間, 應該唔忙, 但今次真係特別煮得好, 唔知係換咗師傅定係師傅心情靚?
继续阅读
今日去沙田做野，正當唔知食乜野嘅時候，突然諗起不如去食個齋.... 未去過萬佛寺嘅我，以為好近......... 問完人之後，原來係要行一大段路嘅... 不過唔緊要啦，順便當做運動... 但原來大熱天時撐上去都唔係講笑，上到去真係汗流浹背...... 即刻睇睇menu有乜野食！主要係一人套餐（一款湯羹或小菜），配一碗白飯、其他單點小食鼎湖扒上素 ($60)等咗一陣，等到背脊都乾晒終於有野食.... 份量算大，但其實係一堆素食撈埋一碟，不過算啦唔期望會有好靚嘅賣相；有木耳、草菇、冬菇、鮑魚菇、粟米粒、紅蘿蔔、腐皮、南瓜、沙角、小棠菜、麵根、豆腐等，都幾足料吖！ 不嬲唔鍾意啲齋好油及蠔油芡好杰好鹹，但呢個質感清爽，而且夠熱，味道OK啦；雖然飯係即刻喺電飯煲度拎出嚟嘅，但係拎到出嚟好快凍...
继续阅读
專登走去萬佛寺參觀。順便食埋萬佛齋廚中的齋老味一碟。碟齋有鴨腎等食材。當中有大量齋汁及咖哩汁。伴白飯食好味。加上入到萬佛寺要食得清淡D。埋單要$50。 無計，全間萬佛寺得一間素食店。
继续阅读
話說青蛙跟媽媽每年人日都會到萬佛寺齋堂吃齋~今年正日要上班, 所以改了初九前來吃年度一次的齋。是日又跟媽媽慢步的上到了萬佛寺, 看見齋堂食客不多, 便先坐下歇腳及來一個早午餐。易手了的齋堂已不如以往可以任吃粥或飯,甚至連粥也不提供了, 這令愛吃粥的媽媽失望不已。''萬佛寺齋堂''的經營模式是以一人套餐為主, 可另單點小食~套餐中可選湯羹或小菜一款, 再配一碗白飯。基於選擇不多, 唯有一人叫一客小菜套餐share吃吧 ^^腐球扒北菇圖中大大片白色的是豆腐, 質感偏硬, 但味道一般;面筋與冬菇則非常索味好吃;而菜是烚熟鋪底沒有味道, 不過勝在夠腍。豉椒素鰻魚青蛙見有素鰻魚, 好奇心驅使下點了這個小菜~素鰻魚的皮其實就是紫菜,仿鰻魚肉的應該就是卷了多層的腐皮~像真度不算高, 而且入口是非常韌, 亦不入味。整道菜更完全沒有豉椒味, 跟腐球扒北菇的味道差不多, 有點誤導成份。
继续阅读