萬芳冰室 (已結業)

黎到呢度當然要試佢個招牌炸髀啦即叫即炸所以餐牌都寫明要等15分鐘黎到之後真係嚇親 隻雞髀好大隻！一定大過我個手撐塊雞皮炸得勁脆，d肉係入面又好滑。 果然係招牌菜再配埋啲薯條真係又好食又邪惡

$44（生炸大雞脾 配 瑞士汁撈丁）因為很久沒過來，所以這次特意再來吃一次雞脾🍗是吸引，很大隻，劣得很脆，但太淡沒味道，鹽也沒落多少撈丁吃過幾次都是沒味道，雖然說是瑞士汁撈，但大家都知道瑞士汁要很濃才有味😓最後每次公仔麵都是吃不下，實在不好吃唯一欣賞的是他們的奶茶和多士😂每次來到都覺得好吃奶茶茶香奶滑，比較甜，是我喜歡的口味至於多士是很香牛油味，烤得脆脆所以來到再三點過撈丁都是這樣，不會再點下一次就是只有奶茶好喝

因為疫情近排都冇黎呢度早餐，最近食咗一次感覺服務很好，舒服嘅感覺而且好乾淨，尤其是啲姐姐又會再度問你要唔要水，而且當然早餐都好有質素鮮牛肉係你就最正！不過依家加咗少少價，都合理嘅牛肉始終都係貴價貨

萬芳冰室Lunch諗唔到食乜就諗住試下呢間冰室啦我叫左個瑞士汁豬扒撈一丁平時就食開羅麥記既撈一丁覺得好出色但呢間就好一般無論份量 賣相定味道都好一般個面乾到要加兩次熱水先食到雖然塊豬扒好大塊 但我食左兩淡就吐出黎無再食到因為好難食 又肥又油 又唔好食 好似食緊豬油膏咁

萬芳冰室是懷舊冰室，每張枱也有板隔住，好安全，叫了幾樣嘢一齊食，萬芳自家製菊花茶，夠凍同唔甜，好正。重量級招牌鮮牛肉湯意粉，100g鮮牛冧片，真的夠多牛肉，淋身好鮮味，意粉剛剛好，彈牙。洋蔥豬扒飯，勁大碟，兩大塊煎豬扒，好多洋蔥，豬扒好淋，煎到香口，洋蔥煮到夠甜。正！！沙丹雞脾飯，這隻雞脾炸到好金黃，勁香又夠大隻。雞肉好juicy又滑身，好正。沙丹係有一隻太陽蛋，下面係菠蘿同火腿。好豐富好美味，菠蘿好醒胃。

今早食萬方呀！冇錯又係幫襯網上外賣平台因為佢有referral都幾好！減40蚊，不過最衰就係佢個網上外賣平台冇得揀公仔麵蘿，沙爹牛肉有點可以配公仔麵呢！加錢都得㗎嘛食物質素ok嘅加六蚊要個火腿通又幾抵喎好多火腿係咁啦早餐嚟講佢都算係我頭三位首選

同家人食下午茶叫咗杯凍檸茶 一飲檸檬未篤已經澀到死，無甜味!我又無叫少甜，搞乜鬼呀！大x樂都好飲過你一百倍！同侍應反映，好聲好氣問佢攞糖漿，佢竟然話無尼樣野！仲寸我話糖度正常，尼度只有少甜，無多甜嘅！無多甜尼樣嘢架！之後仲喺我面前用白糖溝滾水，叫我倒落凍檸茶度！仲要不斷講嘢寸我，我只係問過佢一句＂請問有無糖漿，我想加少少＂我連換過杯都無講過！最後佢仲要發脾氣拎起杯檸茶倒去冼碗車度，然後叫水吧冲過杯，冲完拎過嚟繼續寸咀話：試吓啦~試吓啦~唔緊要架~試吓夠唔夠甜喇！態度差到，我生平都未遇過！仲要跌落地下 揦翻拃沙咁話：頭先佢應該睇錯咗，少冰佢整咗少甜！終於明白，曾經好多人食嘅餐廳，點解會無人嚟食，其實除咗出品之外，態度都好緊要！人生第一遍食評就俾咗尼間嘢！你唔係衰到貼地，我都費事浪費寶貴時間尼話你！垃圾冰室！影衰香港冰室呀你!門口黑色制服，短頭髮嘅女人，簡直係侍應之恥！！！

同家人食下午茶叫咗杯凍檸茶 一飲檸檬未篤已經澀到死，無甜味!我又無叫少甜，搞乜鬼呀！大家樂都好飲過你一百倍！同侍應反映，好聲好氣問佢攞糖漿，佢竟然話無尼樣野！仲寸我話糖度正常，尼度只有少甜，無多甜嘅！無多甜尼樣嘢架！之後仲喺我面前用白糖溝滾水，叫我倒落凍檸茶度！仲要不斷講嘢寸我，我只係問過佢一句＂請問有無糖漿，我想加少少＂我連換個杯都無講過！最後佢仲要發脾氣拎起杯檸茶倒去冼碗車度，然後叫水吧冲過杯，冲完拎過嚟繼續寸咀話：試吓啦~試吓啦~唔緊要架~試吓夠唔夠甜喇！態度差到，我生平都未遇過！仲要跌落地下 揦翻拃沙咁話：頭先佢應該睇錯咗，少冰佢整咗少甜！終於明白，曾經好多人食嘅餐廳，點解會無人嚟食，其實除咗出品之外，態度都好緊要！人生第一遍食評就俾咗尼間嘢！你唔係衰到貼地，我都費事浪費寶貴時間尼話你！垃圾冰室！影衰香港冰室呀你!門口黑色制服，短頭髮嘅女人，簡直係侍應之恥！！！

專業！服務好，食物美味，製作認真，清潔環境，裝修有特色。以上是我去完萬芳冰室既感覺啦！由等位到落單到食物送到臉前到埋單，員工們都好有禮貌，又會講解餐牌內容。最重要係：簡單既食物都做到一絲不苟，很用心，實在令我印象深刻。我覺得一間茶餐廳好唔好食，我飲過佢地沖既何力就一清二楚，呢間都算係我飲過好味既頭三甲仲有個小插曲，我地覺得佢個烘底唔夠色唔夠脆，佢地立即重新替我地整過和連番道歉，真係受寵若驚。佢地個雞扒皮脆肉嫩，真係一試難忘。有台灣分店，質素一定有保證！

下午茶食咩好？ 雞脾？西多定豬扒包？ 早前適逢下午茶時間 經過屯門 見到間好懷舊嘅冰室 好似八十年代嘅裝修就入咗去食 見到枱枱都係食炸雞脾🍗二話不說就叫咗 隻炸雞脾🍗大得好誇張 好可能大過我塊面😂雞髀同薯條🍟都係啱啱炸好 好好食但係好邪惡啊🙊🤤

屯門其實有好多好食物 ，今日便試一試這一間冰室， 入到去見到門口有一張龍虎榜的標誌 ，標示住哪一種是最受歡迎的食物， 雖然已經是夜晚 ，但我們亦叫了像下午茶的食物，炸雞髀加撈丁和一杯熱奶茶 ，先講撈丁：感覺和出面沒有分別， 味道屬於中規中距， 但是如果說這裏比較出色的食物，我會選擇是炸雞髀和熱奶茶，先講炸雞髀，炸雞髀香脆，皮都炸得香口可惜肉質比較粗糙， 但是十分大隻，足足有一隻手掌那麼大 ，此外熱奶茶亦都水準十分高 ，又香又滑十分推薦， 單點一個餐價錢屬於正常， 可惜的飲品不跟餐要單點，有點美中足haha，但內裏裝修有一股懷舊的味道， 很不錯

呢排唔可以去咁多人多地方，所以就附近食吓懷舊冰室😋😋而且呢間裝修，壁畫又有懷舊風味，幾得意疫情期間，雖然少人出街食野，而且要探熱…但我幾欣賞呢個特別方案，就係比平時少一半人，又唔洗搭抬，俾唔識嘅人，講野噴晒口水，又唔迫，真係舒服好多😍😍遲左去食，所以無早餐，又未到中午時間，食唔落炸雞腿飯🍗😣😣下次要再訓耐d先火腿厚切👍🏿👍🏿常餐~薑絲牛肉通粉 (原本想叫沙嗲牛，經店員推介就轉左，無所謂，咩都試吓😅😅)湯底係豬骨湯，味道ok,牛肉有少少根，但都可以，薑味不夠濃，可再加多d就好，最大問題，就係唔夠熱，只是慢慢的😥😥另再配雙旦、火腿香腸常餐肉就選一，不過都係正常野，不大驚喜，最後因奶茶是後上，所以一定夠熱😎😎味道ok,茶底有少少淡，奶味蓋上。🤨🤨整體不過不失，之前食過招牌炸雞腿薯條,好好食，又大隻，勁滿足，下次都係食炸雞腿旦飯好d🤔🤔🤔

萬方冰室！我諗屯門人都唔會對佢陌生！佢有多間分店！最出名就係大雞髀！炸雞比！佢仲有個招牌菜式，常餐有手撕雞粉面！同埋原有嘅太陽蛋餐肉飯！仲有好多好多懷舊菜式！其實仲要講埋佢嘅飲品！咖啡真係冇得頂！唔會酸而且又唔會苦！味道啱晒我鍾意飲咖啡！

以港式茶餐廳來說，這間萬芳冰室嘅食物真的唔錯。尤其是佢嘅薑絲鮮牛肉通粉/米粉，薑嘅味道好突出、牛肉嘅軟硬度掌握得好好！仲試咗佢嘅巨型炸雞髀沙律，雞皮很脆、雞肉有肉汁，肉質嫩滑，伴上沙律，好味，必選之一。瑞士汁雞翼唔錯，葡汁焗雞飯都值得一試。第一次食沙甸魚三文治㓋底，簡直有相逢恨晚嘅感覺，真係出乎意料地好食！薑煲檸樂、紅豆冰都掂。老火湯真係有家煲嘅感覺。反而咖喱四寶就需有待改善一下了！今次食咗唔少，但仲有好多嘢想食......下次要試乾炒牛河、砂薑無骨雞髀飯、沙茶牛肉湯米。

火腿奄列加牛油多士火腿奄列好細份，而且都唔係話好香蛋味同火腿味，個牛油多士都幾脆，入面搽咗啲牛油係中間，個多士都不錯沙嗲牛肉米粉沙嗲牛肉好少，不過沙嗲牛肉嘅沙嗲味好輕，米粉嘅份量真係好少，小到食幾啖就冇晒熱茶走奶茶味好香濃 又唔會苦，亦唔好甜，