蒲頭島 (已結業)

本人已半個月前預約呢間餐廳，今晚一班人好開心去食飯，點知去度又話2號半價餐冇哂，聽到眼到突，我地6：30就到，只係岩開舖就冇？又話要預訂，但訂枱時又冇問我地要訂咩餐。最後太谷氣了，大家決定唔食呢間野，因為覺得呢間野係厄人的。唔係做真優惠，就唔好係咁賣啲假廣告啦！咁算唔算犯左商品說明條例呢？

1、環境一般，較嘈、略逼，過咗9點後會好啲2、滿座既時候全個餐廳都會又打邊爐又燒烤，好大陣煙，好刺眼，想流眼水3、侍應較忙，好難招呼到咁多枱，問完唔夠快去拎，所以寧願自己去拎，例如啤酒杯4、點餐用QR code，搞好耐先入到，比較麻煩，但只限肉類到湯底之類，蔬菜飲品就自己出去拎5、海鮮餐係幾好食既，龍蝦好大隻，放埋一齊燒好壯觀；但肉類就一般6、個雪糕好淡味，得一隻朱古力味；飲品選擇就幾多結論：唔太推薦

本來試左佐敦個間覺得都還可以，又係呀爸生日前係大埔新開左就去試下。去到，擇左C2 係放題同海鮮燒烤，海鮮係跟人頭同無得再叫，叫做都新鮮。但其他食物質素還好，抽氣系統一般，地下係滑到一個點，好易就會仆底。好似未準備好就開，3/10 分

難得今晚放假 就諗住同老公去試吓最近網上見到新開嘅火鍋放題 去到已經見到有好多人所以我哋都要排隊等一陣 老公話今晚要食好啲所以我哋就揀左D餐 有頂級美國安格斯牛肉任食 侍應會先上一盤牛肉俾我地 之後其他食物就可以喺電話度掃完QR code之後order或者出去自己拎 都算幾方便 另外醬料都係可以自己出去調校 有唔同嘅丸類呀蟹柳牛柳粒等等 仲有我最鍾意食嘅響鈴見到隔離枱有人食鐵板燒 芝士野菌勁大舊 我同老公都話下次要黎試下☺️

嚟到大埔朋友介紹我一定要嚟呢一間蒲頭島度打邊爐，佢話原來有得燒烤又有得打邊爐，不過我自己知自己事，見到cut咗咁多日就唔博命淨係打邊爐算啦！一入到去環境都好大喎！見未開爐梗係咋咋淋去睇下有啲乜嘢小食食住先啦！見到咁多小食咁就當然係樣樣都夾啲啦！款式好多其實淨係食小食都食得飽啦！淨係嘢飲都有幾個雪櫃俾我慢慢揀！一望到忌廉溝鮮奶二話不說梗係揀佢啦！就連打邊爐嘅配菜都擺好晒一碟碟等你自己拎返去，乾淨得來又唔會話份量太多！唔使嘥野！買到位坐發現呢度點菜都幾特別喎！我哋就選擇咗安格斯牛肉套餐！安格斯牛肉就只係包括一份，不過普通牛肉甚至其他海鮮都係任叫嘅！一份牛肉當然滿足唔到我呢個食肉獸啦！總括來講呢度都幾抵食嘅！基本上就算叫邊一個套餐都可以食晒其他所有嘅配菜！

聽聞大埔開了一間幾抵食的餐廳, 同一時間可享自助餐、網燒/鐵板燒及火鍋, 因此約了朋友去會一會她, 食物是可以的, 但服務則極差.  先說食物, 4款套餐都是任食兩小時, 我們選了套餐C2(龍蝦或羔蟹海鮮網燒或鐵板燒拼盤), 龍蝦或羔蟹是視乎店方的供應, 客人是不能選擇的啊~ 而火鍋料, 則需掃QR code來下單,  醬料就走到自助區. 自助餐食物種類大概有8款, 另有出前一丁及烏東. 飲品也是任飲的, 包括一系列罐裝飲品、果汁、茶. 軟雪糕也有啊~ 想喝啤酒的話, 則需另加錢.我們的龍蝦海鮮拼盤送到, 這是四人份量, 每人有一隻鮑魚、半邊龍蝦、一隻大蜆、一隻沙白、一隻北寄貝、一隻大蝦、八爪魚. 6款味粉供燒烤用, 加或不加也可以.幾款海鮮之中, 大蝦是最有水準的, 其次是北寄貝, 其他不過不失.同一張枱, 可同時火鍋及網燒, 湯底選了杞子冬瓜, 適合大人細路.  肉類方面, 羊肉、豚肉、清酒豚肉不及丸類、芝士腸、水餃、蟹棒…不同時段, 不同收費, 以約$270的價錢以這個模式用膳, 感覺上是可以的, 但不能對食材有高要求. 至於服務方面, 訂枱是必須的. 但到埗後, 發現長長人龍,

1伏套餐1 安格斯IBP級牛板腱+ 任點任食火鍋放題$238落5次單 得1次有 改名叫"任點冇得食"啦2伏地方邋遢 一地油 行到" 頭搖又尾擺"3伏冇味湯底 冇味牛板腱 其他牛都係冇味嘅 都唔知自己食緊咩肉 或者根本唔係"肉"4伏 油煙大 抽風差 連個煲入面有乜都睇唔到 再加隔離左右鐵板燒嘅油煙 我堅眼濛喉痛 要出門外抖5伏只帶個軀殼返工嘅員工 四圍行但又冇做嘢 唔執枱 汽水又唔加 十問十唔應 問佢點咗好多次單都冇嚟 員工只會答"唔" "哦" "呀"應該重有好多"伏"但我唔會再中"伏"

抱住期待既心情去到 見到店內都多人咁就同門口個職員講 想拎飛出頭仲顧住同隔離d人傾計叫佢兩三次先應人跟住就話 留低電話同名咁好啦 我比完個電話佢 跟住我問佢要等幾耐 又係同d職員傾計叫多佢兩三次佢先話 等一陣咁我係出面等等左半個鐘問佢 大概要等多幾耐佢話好快咁我繼續等啦等左差唔多五十分鐘 佢叫我個名咁跟住就問我要揀咩食 我話要有海鮮個個跟住佢就同我講 冇曬海鮮啦喔 你揀其他啦瞬間冇曬野講就問佢我係出面等左50分鐘行出行入幾次點解你唔同我講一聲佢仲要話冇啊 呢到規矩係要等入座先會問食d咩大佬啊 你想賺錢都唔係咁樣玩人架嘛人地係出面等 你咁得閒可以笑住同你d同事傾計既 好心你就比多少少心機落個客到啦見到d咁冇腦既人 完全冇mood係到食

看傳媒的介紹有姊妹團優惠，就滿心歡喜去試食這間任飲任食火煱連燒烤店～ 提早預訂位時，致電數次沒人聽，便用whatsapp服務去訂位，留言後數小時回覆，就只詢問貴姓幾位，然後便留了位。 到去食當日，因為時間較晚，入座時說要先選吃甚麼餐，但沒燒烤餐選了，只得任食火煱～ 負責人說想吃燒烤要在訂位時告知，當下真的覺得有點難受，訂位時我有說想使用女士優惠，但回覆的人只說留位，並無細問及提供有關套餐資料給我們選擇，倒是把服務問題都卸到客人身上的感覺～ 好吧！當做是溝通問題，我也認了！ 然後要求入座前選吃任食火煱套餐時，菜單上也沒有明確列出有甚麼可以選，在疑似老闆或店長的招呼下，就挑了一個任吃的餐了⋯⋯ 坐下一看菜單，認真覺得是中了大伏！ 怎麼找也沒有粟米、響鈴、烏冬等等基本火煱選擇，即使到自取櫃也沒有🤦🏻‍♀️ 然後一堆可吃性高一點的火煱配料都說售罄，或要額外加錢吃，已令人失望透⋯⋯⋯ 再去熟食處想拿點吃的，大部分被人拿光光也沒補添⋯⋯當時才九時多，十時也沒到，該店凌晨二時才關門，這樣也有點太誇張了吧！ 到肉類上桌，部份肉類（牛跟羊）明顯變了色，肉色偏瘀黑的，似是放了一些時候，其中有一碟肉目測好像有

本身小弟正日生日，見佢新開又有邊爐鐵板雙重享受，試試佢。。但印象不太好#本人已book位，7點食#首先門口兩個牌，show女士之夜半價一個，其他4款價錢一個，尚算明白，但想問清楚詳情，企喺門口男人問乜問題都只問你有冇訂位，大佬呀，有問題問你唔係一定有訂位先問得你咁串嘴。入到去比左最入果張8人枱，（比個貼士大家唔好揀入面果兩張），又焗又大油煙，通風系統差，手機自己落單，但海鮮冇得齋叫某一款，要叫一set,連埋d唔想食一齊叫，有d規限。自助吧就好似垃圾雜物倉，飲品基本野但數量唔多。。食物得幾款垃圾揀，硬身薯條，蒸乾燒賣，綠色一片冇人掂過嘅小食，一部雪糕機鐵板燒方面，一般普通料（因為叫中間果級）火煱配料選擇少，上菜速度還可以但食到8:30，自助吧飲品好多都冇refill，公仔面都話搵左好耐先有一箱出前一丁，最搞笑想食雪糕，雪糕機果碌棒比人整走左，即係冇，問d服務員，一個話完，一個話整緊,我心想你地已經自助手機落單，都冇人手去搞下個自助吧，咁你其實唔係任飲任點任食，只係set左4種款式套餐，好似唔多似任叫任食feel總之一次便夠冇下次

地點很方便，就在大埔舊墟直街，簡直是美食一條街。地方寬敞舒適，有特色鳥籠座位，每台有獨立爐頭。價錢合理，有四款不同套餐以供選擇。最便宜的由$108 起，最貴的頂級安格斯牛肉 火鍋套餐也不過是$328。蒲頭島開業不久但已經人山人海，任食任飲兩小時，一進店裏店長已經會解釋有哪幾種套餐可供選擇，客人選好便馬上安排入座。我們點算了火鍋加網燒，龍蝦海鮮網燒拼盤 $258龍蝦、鮑魚、貴妃蚌 任點任食火鍋放題自助餐區所有美食及飲品用新科技掃QR code 然後便開始 自由選擇火鍋湯底及不同配料，如果要加錢嘅都會特別註明。當晚我哋就點左海鮮湯底，材料豐富蠻不錯的。瘋狂的點了一輪菜，然後慢慢等食！豬牛羊雞肉類、丸丸類、新鮮手包餃類、海鮮等配料⋯應有盡有！至於蔬菜籃就要自行到雪櫃挑選啦！至於自助餐區女都算多選擇，小食、手拍青瓜、軟雪糕及多飲品。我們的龍蝦海鮮網燒拼盤 ，龍蝦、鮑魚、貴妃蚌 、大蝦、青口、八爪魚，材料新鮮而且非常豐富。網燒用的火爐溫度剛剛好，火力平均可以自行調校大細，燒出嚟嘅海鮮仍然保持着水份，入口鮮甜多汁。店家食材要有質素！龍蝦入口鮮甜嫩滑有彈性，鮑魚軟腍帶點咬口。單單幾款已經值回票價！仲

和朋友三個人黎食 一入座 鐵板燒充滿油積 沒有清潔乾淨 火鍋湯底 點了人參雞湯 無味道 醬料選擇雖多 但是很多已經見底 也沒有人來fill 連基本的豉油也是沒有味道 附送的龍蝦和海鮮還可以 但可點的免費食物種類很少 只有牛肉算還可以 走到食物區拿食物 只有一兩種食物可以拿 其他也是空的 我們每人加了15蚊食蠔 但是自己下不了單 問了工作人員 他們自己也不清楚可以加15蚊食蠔 整個體驗好糟糕 不論食物和環境都比預期差 不會再來👎🏻👎🏻👎🏻👎🏻

最近大埔開咗間火鍋放題 所以就想同朋友去試吓 估唔到星期日唔多九點都要等一陣位 佢哋有好多唔同嘅套餐 我哋揀咗套餐D除咗任點任食嘅火鍋配料之外 仲有頂級美國安格斯牛肉 大家可以盡情地食***坐低之後我哋就用手機落單 先叫咗個人蔘湯底 唔駛等幾耐就有侍應送上一碟美國安格斯肥牛 油脂分布均勻 食落非常有牛味 至於其他肉類丸類都可以喺電話落單 非常方便 嘢飲就可以自己出去拎 仲有一d熟食 例如餃子薯角等等 大家唔夠飽仲可以食返杯雪糕當做甜品***見到好多人都有食鐵板燒 下次都要試吓

大埔蒲頭島剛開了不久，去試下先，見佢餐牌，放題都有多款選擇。叫了又可以打邊爐，又可以網燒的C2 餐，知道今日來貨海鮮係龍蝦，咁難得，一定要品嚐一下。選了鴛鴦湯底，多加$48，點了人蔘白玉湯及芫茜皮蛋湯。先來一盤時令海鮮，有青口、大蝦、龍蝦、蚌和鮑魚，龍蝦每人一隻，手掌咁大，龍蝦肉燒起依然大隻彈牙，鮑魚鮮甜，大蝦爽口。外面自助食品有炸魚皮，響鈴，幾款小食。另外每枱都有張QR code 單，可自行在手機落單，火鍋料有幾十款，免費及加錢配的都列得清楚，先點了一輪肉類、丸類作火鍋配料。落單後都好快上枱。菜同菌類都可自助取，夠新鮮。牛肉粒網燒，加上椒鹽食，好夾。花枝片鮮甜彈牙。另外見門口有雀籠的卡位，甚有特色。自助食品還有芝麻綠茶餅同軟雪糕任君選擇。

呢間野真心差，未食過咁難食既野！所有食物都唔新鮮，啲蕃茄有蟲，環境污糟，成班朋友，無一個食得開心，個湯底無味，估唔到連啲菜都係臭既，仲要係臭腳味！同職員講，佢地當聽唔到，有蟲既蕃茄，拎走條蟲就擺番原位，真係環境，服務，食物，無樣合格，嬲到爆炸，305食呢啲底質野，真係一啲都唔值！個燒烤爐直頭係唔熱既，呢間野真係好心執左佢啦！成班朋友，無晒心情，原本相機食先既我地，今次無影相，因為一啲都唔值得影！呢世都唔會再去，請都唔會去