蒸蒸日上倫哥私房菜 (已結業)

呢間倫哥其實係上年年尾食左～但一路都冇時間打食評真係超多野食～大約300$ 有雞煲、大閘蟹（遇岩季節先有）、鮑魚燘冬菇、椰子雞湯、邊爐料（多數任食，牛送一碟，特別海鮮就冇得添～）、甜品、飲品包括酸梅湯罐裝飲品任飲～講完以上既野相信大家都見到係有幾咁多野食個雞煲唔夠仲可以添，放左魷魚同牛柏葉入去炒非常之惹味鮑魚都好林好入味個雞湯就好足料，好濃味～個雞煲有專人幫你炒，食完之後就上個湯底打邊爐啦～食完雞煲都飽左一半跟住就開始打邊爐，基本上每樣海鮮食完一件之後都好飽亦都幾新鮮～D丸都好好味，不過太飽都唔係好食得落～最後仲有個甜品，真係食到勁飽又抵食

見到倫哥做緊團購優惠，任食海鮮火鍋套餐，6位只需$1298，即係圍返每人$215但包超多野除左主角海鮮鍋外仲有前菜、雞煲、果盤、鮑魚同甜品🤘太子呢間仲要做緊promotion送象拔蚌刺身！雞煲：朋友唔舒服所以揀左唔辣，個醬汁好香濃，d雞好嫩滑入曬味😋如果加辣應該更加惹味🤤象拔蚌刺身：份量好多，不過象拔蚌唔算好鮮，好淡味鮑魚：雖然係鮑魚仔但已經好滿足，腍滑得嚟又炆得好入味海鮮鍋：其實食完以上嘅野已經飽左一半。。。海鮮超級多，包括生蠔、海蝦、帶子、蟶子、大/細蜆、魷魚、魚片，大部分都好新鮮，尤其大蜆超鮮甜🤝平價嗰d可以無限refill，但其實食唔到好多，因為除左海鮮仲有好多其他火鍋配料，包括手切牛頸脊、丸類、魚/蝦滑、水餃、響鈴、大量蔬菜。。。個牛頸脊我地俾錢追加左因為好好食😋特別想讚下個湯底，開頭夾左舊蕃茄嚟食心諗點解咁清甜一d蕃茄腥味都冇，原來係西瓜！夏季限定！估唔到生果都可以攞嚟做湯底，清甜得嚟又同d火鍋配料幾夾喎衰鬼🤪總括嚟講呢餐性價比超高，呢個價錢食到咁多款唔同菜式同配料，仲要係任食同好味嘅，強烈推介👍🏻👍🏻

Booking經whatsapp，好鬼方便。上一次係ssp食嘅，感覺良好但服務麻麻。所以今次試下係太子依間食。飲品係任飲，而且仲有一大壺五花茶，抵讚。啤酒就要另外俾錢冇得任飲。首先上雞煲，侍應話係任食，所以我地未等齊人先食第一輪。揀左中辣，唔算好辣，不過好入味。之後齊人再叫第二輪雞煲。食到一半雞煲可以加埋牛柏葉，水魷同豬肉一齊食。到完雞煲，就上左每人一壺嘅燉湯，料有椰子、雞腳同豬肉，好好味。之後仲有每人一隻蒜蓉粉絲蒸蟶子，都幾大隻唔失禮，好新鮮。（我記得上次係ssp係鮑魚，不過我鐘意蟶子多ｄ）食完前菜，上左黑糖水晶粉俾我地清下喉嚨～好清新，滑嘟嘟，黑糖味好出～之後就打邊爐啦，我地加左$30一隻嘅龍蝦配湯底，唔加就係普遍蟹。好彩加左，因為隻龍蝦冇雪味，朋友們都食得出好新鮮。6人份量嘅牛肉，睇得出係靚部位，不過份量就真係唔夠囉，如果要追加就要加$68，我地見好多其他野食就冇再追加。6人份量嘅海鮮盤，留意只有蝦、翠肉鯇、細蜆、魷魚同龍躉可以追加外，其他如鮑魚、貴紀蚌、大蜆、帶子就冇就追加。海鮮全部都好正，係翠肉鯇我覺得麻麻。以下全部都可以追加，包括炸魚皮、響鈴、白魚蛋、年糕魚蛋、芝士魚蛋、貢

想試倫哥好耐了，經常聽朋友講好正！但倫哥一直都好　full booking, 今次有朋友做攪手乜都吾洗理最舒服，今次仲一行22人打邊爐，分兩枱，有自己房間！因為經已有朋友仔到了，所以一入到房就經已有一碟前菜在眼前！呢度個雞煲可以任食，但一轉左打邊爐，就無得返轉頭食雞煲，我地食左兩次，佢每次比既份量都吾多，可能怕有人浪費，寧願少少，少少甘比！好可惜席上有人怕太辣，只叫左中辣，對我來講，一點辣味也沒有！食完兩轉雞煲後有跟人頭份量既海鮮，好新鮮又大隻！某部份既海鮮仲可以添！牛肉不能添，好味，好有質感﹠肉味！原本對Ｄ丸興趣不太，但我喜歡貢丸，於是試一粒，超好味，肉﹠冬姑味都好重，於是就試多粒蟹子丸，都同樣好好食，裡面個蟹子好足料。呢個係可以　encore 既海鮮，就連大隻既蜆都有得添，正！！

又係時候打邊爐嘅日子，成班人約埋去咗（倫哥私房菜）近佐敦道地鐵站交通十分方便，成班人最好就係揀任飲任食，埋单每人都係三百零蚊， 依家食火鍋真係冇分天氣及時候，總之喜歡就可以約埋一齊，夠兩個人就可以，飲吓食吓，好快放過了一個開心的晚上。打邊爐之前一定會食雞煲先， 我哋叫咗微辣，雞好似少左些，雞都好滑都好入味，好快手就食完。最有睇頭就呢個海鮮拼盤，有聖子、海蝦、龍躉片等每樣都好新鮮。 倫哥私房菜都有好多間分店。

行完南丫島,一齊同朋友食雞煲加蒸海鮮。呢間海鮮好海鮮,好多都可以refill,價錢正常價。都係先食雞煲,雞就一般正常野,肉也是。都係海鮮鮮味,不停再,encore,已經非常飽倫哥性價比真係好好,但唔係間間一樣,呢一間值得一讚,下次會再想繼續食。

冬天去過非常滿意，忍唔住夏天都要去。但好可惜夏天原來有啲唔同。冬天好足料既湯變成開胃水果。水果雖好，但湯會更令人期待。而且好飽肚。唔知咩promotion會送象拔蚌刺身，略嫌有啲腥。冇食幾多。雞煲依舊，可以再入味啲，同埋其實可以skip走，因為會超級飽。轉咗邊爐湯底，係水果湯底，雖然幾甜，但真係見到湯底有西瓜同哈密瓜真係唔係好習慣，見到木瓜仲幾鍾意。因為話蟹今日唔新鮮所以upgrade做龍蝦，真係好值得讚龍蝦鮮甜又大隻，啲貝殼類都新鮮可口。龍「凳」同鯇魚片都可以任加。海鮮類全部都好鮮甜。依然好鍾意個牛，冇諗過任食可以有咁既質素，希望一路keep著個水準。服務方面好好，有啲太親切，解釋好多嘢，但可以考慮任食既食物整張單俾人望下唔係等侍應逐個講。會再去

其實要約一班人出來食飯真係唔容易，又要就到大家時間同地點真係幾難，就呢次食飯都要早兩星期前約定，仲要book定位費事去到又要等咁就掃興，講番今次係去食海鮮火鍋，當然有埋雞煲品嚐，而且仲係冇限時間可以食幾耐都得，不過自問就冇乜必要咁耐食夠就算，火鍋係太子就晒大家方便係未齊人先食住小食有雞腳同木耳，再來係雞煲當然要一隻份量，咁食先至會大家高興，雞煲越食越入味之餘仲越食越刺激夠晒惹味，如唔夠可以再添繼續食其後有生果盤開吓胃先，之後火鍋出來有海鮮盤買相不錯，有多款時令海鮮，俾大家慢慢品嚐一番，食入口夠晒鮮甜接住到牛頸脊肉質嫩滑口香濃，跟住仲有其他火鍋配料享用，包保你地食得開心又飽滿食到尾升仲有精美甜品奉送大飽口福，最後大家開開心心暢談一番又要下次先見面。

現在好多火鍋店都加入咗其他菜式，等人客食得到多元化口味，又其雞煲更加係不可缺小之一，今次又去咗食火鍋，又睇吓有冇驚喜，火鍋店係太子仲係冇限時可以慢慢食呢道主打係任食海鮮火鍋，當中包括咗6-9款時令海鮮，再加其他配料任食又任飲，係火鍋未食之前，先食番個熱辣辣阿麻雞煲，雞煲要自己重復煮幾次等佢入味先至食得，聞到陣陣香濃辣味，雞肉食落滑嫩夠刺激食到一半仲可以加牛柏葉，豬片，魷魚食落會有一番味道，如唔夠可以再order 食過真開心，食完雞煲再食另一款係風山水起鮮果盤開胃一下，其後仲有一人一隻鮑你上位享用入口飽滿軟綿食咗一輪終於到火鍋湯底係鮮茄薯仔，配環游海鮮盤分別有蟶子，鴛鴦海蝦，龍躉片，刀貝，鑽石蜆，帶子，脆脘魚買相好豐富，又可以食到不同海鮮味道唔少得有無與倫比牛頸脊，肉質鮮嫩食落滑溜肉味濃，真係食到停唔到口其後有倫嫂手打雙滑用料十足夠彈牙同阿媽雲吞水餃，食埋響鈴魚片入口鬆脆瘋狂一輪都要中和一下食D田園有機蔬菜消化先至可以繼續作戰，係不知不覺慢慢品嚐包你滿意，最後仲有甜品贈送食到飽滿嘅海鮮火鍋

其實一班人出來食飯，都係想享受一下食飯氣氛有講有笑開開心心度過一個晚上，咁都要冇限時間先至食得愉快，好似呢期又約好友出來開餐，就去咗太子呢間火鍋貪佢任食之餘仲冇時間限制，而火鍋套餐已包括多種食材組合已成，包你一定食到飽，先有雞煲可選辣度我地要中辣，不過都要煮一陣先食得，聞到雞煲醬汁幾惹味，未知食落又如何，即係食番幾件雞肉先，入口食到丶麻辣香味又唔算太刺激，而雞肉亦相當滑嫰啖啖肉，真係三扒兩撥就食晒，如唔夠喉仲可以添加包你食得滿足食品完雞煲又到火鍋，配料方面當然有海鮮拼盤同美味肥牛食用，連同其他配料一齊食用海鮮食落好鮮甜，肥牛入口嫩滑又香濃不過有些配料要再食就要加錢先至可以繼續品嚐，再食埋其他火鍋配料巳經好飽滿，又食完一餐特色海鮮火鍋。

幾個人想吹吹水，打邊爐，雖然位置要google map 去搵，但勝在人少少，唔會周圍好嘈，想不停食野不停吹水可以黎呢到。一坐低，就黎個焞湯，再送一人一隻鮑魚仔！再黎個雞煲，食完雞煲再食一堆海鮮👍🏻服務員全部都好細心慢慢講解，話你知邊樣任食，驚你食唔夠飽😂

其實我都唔係普通人份量，但係倫哥先嚟一個雞煲，再換爐打海鮮邊爐，真係唔係正常人可以食得曬既份量！不過係好味既，啲姐姐又nice!首先一坐低就比兩款前菜，另一個係涼拌唔知咩豆，由於太好食，好快俾我清咗唔記得影相。木耳就一般。 之後又有鮑魚同冬菇做前菜，冇諗過會有，算係bonus ？味道OK。之後同朋友超滿意個湯！未見過打邊爐會送過高質既蟲草花瘦肉燉雞湯，超足料，普通食既雞（唔知咩品種所以叫普通雞）同烏雞都有，每人一盅，好甜好正，好可惜冇得叫多，不過我會再因為個湯再去㗎，希望出名之後唔好改變啦！之後就上雞煲，兩個人有半隻啦應該，味道OK但唔夠入味，雞有啲唔夠淋，而且我叫中辣都好似小辣咁....整體都OK，不過勸大家千祈唔好係哩part食咁多！！之後就到重頭戲海鮮邊爐啦姐姐會睇我地食完味未幫我地換爐，雞煲冇曬，轉打邊爐，但係一上就係番茄薯仔湯底，唔知會唔會有其他湯底？雖然哩個都OK，但冇問我地就算啦。個海鮮拼盤有幾樣係唔可以任食而且每人只得一隻按人頭俾既，包括象拔蚌，蠔，帶子同蟹（唔明起碼都一人半隻啦，但佢係俾半個蟹蓋同半個身同一邊蟹鉗俾我兩個，咁點分呢），其餘可任食既海鮮包括龍躉，翠肉鯇，

三五知己昨晚嚟到餐廳，一入座已經被隔離枱的海鮮盤吸引了！從小食開始，雖然覺得雲耳有點酸，但都好味道，而豆角小食就仲好味，一口氣食咗兩碟，任食的感覺真好！到主角雞煲時，食咗BB辣度，但都好好味，啲雞好有味！梗係要再添啦⋯⋯不過食到第二次因爲開得太大火，有點燶，職員又好願意幫我地換煲！加分！之後人齊就即上一人一鮑魚同湯，雖然細細隻，但驚喜撘夠。添多一次雞就轉食火鍋，原來枱枱都有海鮮盤咖！加分！海鮮夠新鮮，墨魚膠又好食！最後仲有大抽獎，驚喜一浪接一浪！

第一次黎食既時候 真係跟足menu有齊野食 好質素服務又好 點知第二次由入座開始已經比侍應黑口黑面上菜時黑面 問佢問題又黑 黑足成晚 我當你地心情唔好，你黑面都唔緊要 但野食仲要差刀貝冇 油麥菜冇 魚皮餃冇 蟶子冇 大蝦變細蝦 仲要霉既 硯一食成口都係沙 蟹蓋仲係臭既 然後雞煲話加又唔比加 我地話因爲加左個火鍋 事前又唔講另外又要講下枱既問題 我地7個人 比左張大枱我地 有兩個爐 但7個人要兩個爐又要加錢 加錢都唔係主要問題，而係要同對話講野係聽唔到 要嗌出黎話想換枱你話冇唔緊要 到有人走左 而我地只係開始打邊爐冇耐 話想換枱又話「大枱都唔坐呀？ 」話傾唔到計就坐出走廊未得傻的嗎？ 太子店真係可以大換血換走晒d人 特別係果個兼職男侍應

其實我之前好怕食雞煲，因為每次啲人食完雞煲之後，個身係會有一陣油益嘅味道🤢形影不散！同埋成日覺得雞煲好油膩，又肥又鹹，根本就唔明白有咩咁好食。不過有朋友同我講，「倫哥」個雞煲同出邊好唔同，包我鍾意😅咁就不妨試一試啦。Book好枱大概六點幾嚟到呢間分店，雖然我哋係第一次嚟，不過侍應哥哥俾人一種好親切嘅感覺，話：有乜需要就搵我啦！而佢真係會幫得上忙，唔會叫極都無人應果種。所以對呢度第一印象已經不錯👍🏽雞煲之前有啲小食，冇諗過會有鮑魚、蒸蟶子呢d welcome 小食 🤩 到食雞煲，又真係唔係好油膩，重點係啲雞唔太肥，又唔會過分鹹，少少辣，味道啱啱好！真心正！同埋可以不斷refill 😆 真係實在令人大滿足！到打邊爐，海鮮配料非常豐富！最後食到捧住個肚走，哈哈！