蓮苑 (已結業)

難得平日放假，K11 club啲 club points又就嚟到期，所以就決定去食個下午茶用埋佢。發現花膠鮑魚撈麵仲有優惠tim！都食得下！雲吞質素幾好，蝦味好出，皮薄涵靚！

因為一連3日嘅市集， 所以特登去呢個商場行逛下，原本想喺隔離鋪間祥仔醫肚但要等，見到呢間有位就入，點知都ok好食喎! 剛好下晝兩點幾叫左兩個下午茶餐 (下午茶時段兩點開始)，我叫左豉椒牛肉炒河配熱奶茶； 另一份係炸醬麵配熱咖啡另加18蚊叫左個咸肉糉。上菜時間好快呀 無幾分鐘嚟左杯熱奶荼同咖啡，好熱，好有茶味，好似茶記沖嘅味道；聞到gf杯咖啡都好香! 之後同時嚟左糉同炸醬麵。麵好爽個汁好味，個配湯就咁飲都唔嗆喉。而個糉真係好味!好煙韌，唔似我喺粥鋪食果啲咁囉。個麵差唔多食到一半就嚟埋個牛肉炒河，都好味呀，啲汁唔會多到暈，啲肉無韌，因為食過有啲好多汁又咸啲肉又硬。呢間鋪個位置剛剛縮埋一角，無咁嘈，燈光暗暗地幾舒服。我同gf 兩個其實飽飽地但都清晒呀。埋單$161，但係我用埋K11個積分cash dollars $147 最後呢餐只係俾左$14咋! 個侍應本身唔係好識點同我扣個cash dollars, 但都好耐心問其他同事點處理~ 無黑面。不過就算唔扣cash dollars，覺得呢個價錢抵食過隔離鋪 (平均都係約60，70蚊一個餐)款式都多選擇啲。如下次有機會再嚟，都會去呢間食下其他野，

當日因為驚外面食飯危險叫咗外賣，反到車開飯，食到鹹蛋黃個位發現佢個蟹肉炒飯有油益味，餐廳表示呢個係蟹肉嘅味道，聲稱個飯已經食咗就嚟一半，而且落咗單拒絕退款，擾攘之後只願意重做另一款菜式，重做嘅飯亦都唔敢去食，唔知係咪心理反應返到屋企又屙又嘔，已報食環境衛生署。

見外賣85折，諗住買兩碗甜品返屋企試試，於是一碗紫米露、一碗腐竹蛋糖水。紫米露正常無驚喜，但係碗腐竹蛋就...只係一碗未煮好又淡嘅奶水+幾片未煮軟嘅腐竹、白果同埋一隻boil egg，如果餐廳嘅負責人有睇OpenRice的話，我想講：如果做唔到有水準嘅出品，不如唔好賣，唔好整壞個牌子同埋浪費我個肚嘅quota，唔該！本來諗住支持下老店，話晒1982年起家嘅蓮苑，都三十幾年，靠得住呱，點知換嚟失望，可惜可惜

兜兜轉轉 走了又走最後回來這家之前有跟朋友吃過的蓮苑______________________________今天點了一隻乳鴿給自己獨食只能說這裡的乳鴿真的太優秀了超薄的皮 肉也不會少油份適中 味道剛剛好香濃野味 加上自己本身就愛吃給牠大大的加分然後今天想吃飯好想要些有實在滿足感的食物於是點了一碟炒飯欖菜肉鬆四季豆聽起來就好好吃的確 這裡不讓在下失望的最後可惜太飽沒吃完連本來打算的甜品也得放棄 😅只能下次

食物味道: 食物種類唔花巧，做功有水準，味道好，燒汁茄子牛柳粒特別出色，不過留意有個別牛柳粒比較韌，要扣分，食物賣相亦十分好，食物份量: 餸菜都係兩至三人份量，唔係太大，幾個知己圍埋食係理想，太多人就唔啱。價錢: 以食物同價錢衡量，都唔算平，始終尖沙咀K-11又豈能有大眾化價錢環境: 餐廳以開放式設計，感覺舒服，星期六下午人流唔算多，所以都唔會太嘈服務: 中規中矩，不過店員欠缺笑容，唔知係咪因為疫情關係😂回頭指數(10分滿分): 如果價錢平啲，回頭指數會更高，衡量價錢我俾7分啦。

每次去昵到食嘢既時間都係自己一個人食，成日同朋友講話呢到既乳鴿好正，今次就啱朋友放假就帶佢嚟食，食完朋友又係讚口不絶⋯⋯👍👍雖然今次去食乳鴒加咗價，由28元➕至38元，但都覺得一樣抵食—————————————由佢開張一直有幫襯，間中就會嚟食下，次次我去食既時間都係食午餐，今次就假期可以帶朋友一嚐，佢問我點解成日嚟食既原因，食完佢自己都話正，就係咁既原因😂😂👍👍😋😋—————————————🔷即炸乳鸽——-隨了熱辣辣之外，又夠香又夠脆，肉嫩皮脆，香口好味，每次去都必吃。————————————-🔶鮑魚花膠麵——-認真抵食，滿滿的鮑魚花膠，而且質素也不差，鮑魚雖然較細隻，但想想價錢，只係68元正，又花膠、又鮑魚⋯⋯人哋都要燈油火蠟人工，所以我覺得價錢合理。————————————🔷牛腩麵——-朋友好鍾意食牛，所以一定不會放過🤣🤣牛腩夠腍入味⋯⋯———————————-🔶生菜鯪魚球粥———-魚係我至愛，（包括唔係魚既鮑魚一樣係我嘅至愛🤣）鯪魚球彈牙魚味及果皮味夠香，粥底夠綿夠味，就是好味😋——————————🔷炸魚🐟皮——-鬆脆鬆化，入口即溶的感覺⋯⋯😋😋——————————-🔶蒜茸雞翼—

之前因為疫情嘅關係所以經常都會買外賣返去做晚餐嘅，咁我成日都會經過K11裏面嗰啲餐廳，就發現呢一間中菜館，好奇試一試佢嘅菜式，就叫咗個日式松阪豬同埋川色辣子雞仲有乾炒牛河。由於外賣有八五折，就買回家食啦，首先是佢嗰個松阪豬，佢嘅味道好似沙律嘅做法，去咗一啲炸咗嘅白飯魚同埋沙律汁同埋有些少川菜味嘅味道，同埋松阪豬咬落好彈牙，好值得推介俾大家食，川色辣子雞好滋味，同埋我都係一個鍾意食嘅人，滿足到我食辣嘅要求，就係嫲嫲辣辣嘅味道，仲有佢嘅乾炒牛河炒得好有火候，每個菜式都做得幾出色。

無意中來了這店, 沒太大期望, 價位係同一般現在嘅大排檔差不多, 但位置在大商場, 茶位$12/位, 鮮搾西瓜汁$30/杯(, 小菜質素平均, 唔會太差甚至係幾有水準添, 其中最為簡單嘅飽魚花膠撈麵可能係最唔特出嘅菜色, 明白只$68其實又好難用什麼靚飽魚/花膠,但現在兩樣食材都實在麻麻地,  黃金脆蝦球$128 & 菠蘿咕嚕肉$88 最有水準, 蝦仁都OK大隻, 不過咸蛋黃醬屬於少嗰隻,咕嚕肉真係啖啖肉嗰種, 而且肉質重幾爽口, 梅菜蒸菜心$88 一般味道但梅菜夠多,飽魚雞粒燴飯$110 呢個都做得唔太咸同時又唔會太清淡, 最段來個沙嗲玉蘭牛肉炒河$98由於疫情當中, 大家坐得好舒適,  雖然食物唔係樣樣都好好食嗰隻但平均分數高, 可以返嗒!

無影相，因為一開始無唸過會寫食評食左小炒王真係要叫這個，韭菜花好嫩滑，估唔到都多帶子，而且好新鮮，無雪味。蝦又大粒銀芽炒粉絲加埋炸白飯魚炒，真係好好味茄子牛柳粒很多餐廳百幾蚊都係得幾舊，佢地份量足。牛肉唔錯，最鐘意個茄子，一般都會好油，但佢地煮得好好味，唔油。我平時唔會食到底都食，因為好油，佢地做得好好，我係食曬四川水餃皮薄，肉汁多。加埋少少麻辣，好正花膠鮑魚炒面（$68）以為特價，會女細碟同埋一般，竟然係大大碟。花膠都多，唯一係少少凍同埋鹼水麵好硬,不過以價錢計，都好好

我們一行3人，因同長輩食飯，想揾一間環境舒服又係中菜食而又未食過，所以就選這間。我們在門口見到這店原來係開放式餐廳。由於早食，唔算太多人。我們分別叫：古法生炸bb鴿 - 這個味道跟一般酒樓食的有少少不同，不用配淮鹽，但都應該係即叫即炸，皮夠脆，肉嫩，所以都好味道；胡麻醬拌雞絲海蜇- 份量雖然不多，但味道都ok; 蓮苑小炒皇 - 這個都足料，夠嘢味👍🏻😋；沙嗲玉蘭鮮牛肉炒河 - 這個係濕炒河粉，味道都几濃味，但唔夠沙嗲味，但牛肉和河粉都ok,不會炒得好碎，足料；最後叫咗原味柱侯牛腩撈麵-這個几好味，牛腩夠（琳），麵夠彈牙👍🏻。整體而言：食物方面都好味，服務方面，都ok,唔會趕客走，是一個可以慢慢食同傾計的地方，價錢都算合理（因係尖沙咀K11的場）值得一試。

生滾鯪魚球粥，冇味的，少鹽清淡90歲食可能健康，鯪魚球有鯪魚的，2分，但鯪魚球是粉的，像麵粉般粉，味道0分。紅豆沙，涼的，根本食唔落，味道0分，90歲可能啱口味。油條相比很好味，4分。服務，男的像路人甲，女的態度相對好，另有一位像街坊阿伯行過幫手招呼。下單，食完，埋單，20分鐘，完全以街邊粥檔標準評分，粥都可以難食，難能可貴。從不差評，但為了求其想食碗粥，然後繼續行街街的食客，參考參考 （即是7拾1食2串魚旦會好味啲）

難得有商場優惠，點都要食豪d！因為$100優惠券要消費最少滿$200才可當使用一個人只點下午茶，價錢唔夠，要散叫，仲可以試多d款式周圍行見到呢間有$98蟹黃翅，就試試佢打開menu小食都差不多要$48-$68千計萬計終於計到接近$200嘅消費，咁食最抵等於半價點了小食麻醬雞絲海蜇，椒鹽豆腐, 蟹皇翅雞絲海蜇本身無咩味，所以重點係麻醬味道，普普通通無咩特別，都是一般食開麻醬味道椒鹽豆腐炸得乾左d，加上不是有醬汁，食多幾舊已覺得好似食柴皮咁為有寄望蟹皇翅，um......好過飲宴的翅囉，但湯底不算濃，有輕微腥味，蟹味亦欠奉，翅就一定唔會多整體一般般，半價可以接受，正價要諗諗

由於商場購物後再到食店有優惠，或先到食店再購買也有優惠，所以我地衝著優惠而來的。胡麻醬拌雞絲粉皮 ＄28（鮑魚花膠撈飯有優惠），雖然價錢平，但超細碟，每人兩、三下就食完。麻醬香濃，但粉皮偏硬過厚，雞絲幾正常，不過有雞皮，影響口感。黃金蝦球 ＄128，份量頗多，好抵食。蝦的炸衣好香脆，咸蛋味濃郁，有咸蛋油香，蝦肉好爽脆彈牙，但無咩蝦味。鮑魚花膠撈飯 ＄88，份量亦都好細，鮑魚都好細，約手指頭的size，花膠反而夠足料，有5－6塊，但腥腥地，口感唔夠膠質，有d硬有d軟。個汁好濃味好咸，但花膠同鮑魚都唔入味，亦唔夠掛汁，好似分開兩樣野咁。

跑馬地蓮園一直都好有名氣, 但從來都未有機會光顧。知道喺K11開咗傳承店, 趁着長假期就嚟試一試!沙嗲玉蘭鮮牛肉炒河$98熱辣辣有鑊氣, 少辣惹味, 建議餐廳加入雞蛋炒, 口感會更多層次胡麻醬伴雞絲海蜇 $58開胃好食, 海蜇爽口, 但略嫌分量比較少另外叫嘅粥品同小食水準都好高! 雖然價錢唔算好平, 但是次惠顧都冇失望。唯一要改善嘅係餐廳比較多小昆蟲飛飛下, 侍應表示餐廳旁邊嘅商場廁所早幾日維修後, 就出現此情況, 希望下次光顧時情況有改善。