薄餅博士

营业中

休息中

20160805--住近左聯和墟，有間Pizza博士係附近，好想試下Pizza Hut以外的Pizza，終於有機會。經常經過店門口，見到有2人餐，$108+$1多一個肉醬意粉，好似好抵食咁，店內有數張桌子，是外賣自取後可坐在桌子吃，但又不算堂食，所以不設加一服務費。點了:2人套餐$108外賣自取，但在店內提供的座位堂食。Pizza 一個，新鮮熱騰騰的，芝士味香濃，材料唔算太多，但我又覺得剛剛好，滿意。雞翼8 隻--細細隻，又比想像中好，入味肉質很滑，好味道的。肉醬意粉(加$1)--肉醬和茄汁味較淡，個人喜歡多些醬汁較好。選湯或汽水--好像有健怡可樂可供選擇。埋單:$109，價錢相宜，味道不錯。後來沒有看到此優惠了，但整體其他套餐價錢也不算貴。有機會再到訪。

好哋哋諗住試新嘢，結果一肚氣！以下是點餐電話對話：職員：請問電話號碼幾多號？我：唔該，想問，送唔送去粉嶺ｘｘ村？（問咗先因為唔係間間餐廳肯入村）職員：咁即係幾多號電話？（咁寸？！定係對住張紙step 1 step 2 唔識轉彎？）我：我想要一個ｘｘ大批，但辣肉腸想改牛肉。職員：咁唔得㗎喎。我：我屋企有宗教信仰，唔食得豬肉。職員：咁你要個辣肉腸批啦！淨係得辣肉腸。我：吓？！辣肉腸用豬肉造㗎喎！就算你呢個港孩飯來張口唔知腸用豬肉造，客人有充份理由、特別需要，職員都有責任查清楚。你唔識都問人吖，大佬。都未算最叻，仲有：我：咁你餐牌有牛肉，你叫廚房淨係落牛肉咪得囉。職員：咁唔得㗎喎。由此大膽推斷，一係呢個職員幫老闆倒米，一係PHD啲薄餅跟本唔係新鮮即造，喺工場造定雪藏交去分店，如果唔係，有乜可能有薄餅、有牛肉，但冇牛肉薄餅？最後叫番一向有保證嘅Pizza Box，職員態度正常好多。

是日懶煮食，哥哥又想吃pizza，就嚐嚐近日在粉嶺新開張的PHD~網上訂購一個2-3人餐 ($178)，選了海鮮鍾情手拉薄餅、拿坡里雞肉意粉、照燒雞翼、忌廉雞茸粟米湯x1、輕怡沙律x1~ 3人share~速遞如網上標明時間準時到達，可惜食物一律暖而不熱  可見速遞保溫設備欠奉...粟米湯偏稀，但味道尚可~ 沙律一般，油醋汁的油比例太多...薄餅餡料不多，怎樣看也難以看出有什麼海鮮來，只有聊聊數粒蟹柳、魷魚碎、蜆仔肉等急凍雜錦海鮮貨色  芝士看似不少，但香味不夠，而且不能拉出一絲絲... 餅底雖然鬆軟不油膩，且有香甜麵種味，但腍而不脆  似是在吃麵包罷了...意粉實為茄汁底，味道沒有特別，意粉亦過腍，並非al dente；雞肉亦是雪藏貨，雖軟滑但沒有鮮肉味  自覺自己煮的比它更出色...雞翼亦沒有多大驚喜，照燒汁味道不俗，肉質亦軟滑，但皮腍不脆，欠缺一點燒烤味~整體不如理想，對比之前在沙田分店吃到的大相逕庭... 是次十分失望...

我記得之前同朋友食過一次紅磡分店覺得好麻麻，因為剛剛新開老公又未食過所以同佢食一次，有驚喜喎!呢間舖唔算大，我諗得十幾個位，不過可能太新無乜人食，地方夠光猛係幾好坐嘅，今日推埋架 bb 車都食得幾舒服。我地叫左一個 combo 同一個 mini pizza。個至尊 pizza 同千島海鮮都好食，個餅底焗得夠晒脆，好食過 海聯 pizza hut。個炸雞我以為會好流點知好好食喎! 個面炸得夠乾身又 juicy!! 忌廉湯就 ok 啦!一個 combo 加一個 mini pizza，食左一百二十幾好抵食哎!