薄餅怪獸

营业中

休息中

農曆年食咗好多傳統嘅中式食物，今日諗住搵啲西式嘢食，上網睇吓，見到呢一間有讃無彈，而且係小店，仲一心諗住幫襯吓，鼓勵吓多啲小店可以發展起上嚟。經過外賣平台，叫咗pizza 套餐，有薄餅、有飯、有小食、又有湯。點知真係估到估唔到，由頭到尾冇一樣嘢好食，好耐冇試過，要用「難食」這個詞語去形容啲食物。個Pizza味道非常古怪，又有菠蘿又有罐頭桃，但係就好似焗唔熟，啲味道好似搽咗牛油嘅隔夜麵包，個湯係蕃茄膏加水加咗少許雜菜。總言之，講都講唔晒，真係嘥錢，又嘥心機。

环境：舊區的小店，格外有一份親切感。 今次閒日來吃下午茶，點了大家都讚好的怪獸多寶pizza及招牌炸雞併薯條。 Pizza的餅底非常鬆脆，比大型連鎖店的好吃得多。炸雞外皮脆，肉保持嫩滑，也不會乾身。 薯條也有薯仔味，是新鮮炸出來的。店舖細細，但有長長的雅座，侍應見我抱住BB, 主動安排我同老公坐雅座。服務態度十分好，好有親切感。雖然很少到土瓜灣吃飯，但這間小店絕對可以再試。 今次人均消費約$50，下午茶有呢個質素，價錢合理。

新蒲崗原來開左間新鋪，有Pizza、意粉，好多選擇，岩晒同friend可以食到各自想食嘅野！我地叫左香蒜大蝦炒意粉、迷你批套餐、檸檬雞翼、芝士煙肉焗薯蓉、柚子梳打同青檸梳打🤤🥢 香蒜大蝦炒意粉我本身好鐘意蒜味嘅野食，而呢個意粉夠蒜白之餘，彈牙有嚼勁，加埋香蒜同大隻鮮嫩嘅蝦，味道非常鮮甜同滋味👍🏻成個菜式搭配得恰到好處，要佢滿分💯🥢 辣肉腸迷你批呢個迷你批係心型 好特別😍size岩岩好，一個女仔可以食得晒又夠飽👍🏻辣肉腸嘅辣度適中，肉腸鮮嫩多汁，同迷你批一齊食更加好味🤤🥢 檸檬雞翼我地再叫左啲小食，呢個檸檬雞翼絕對係雞翼控嘅最愛！雞翼煎得金黃，每一口都帶有濃郁的檸檬香氣，非常清新開胃👍🏻肉質鮮嫩多汁，配上檸檬嘅酸酸甜甜味道，我地好快就食晒🤤🥢芝士煙肉焗薯蓉另一個小食都岩晒芝士控！薯蓉綿密滑順，芝士同煙肉嘅香味融合一齊，層次分明，濃郁又滋味🤤🥢柚子梳打柚子梳打清新酸爽，加埋柚子嘅香甜，非常解渴同開胃👍🏻🥢青檸梳打青檸梳打酸甜可口，口感清爽，好適合搭配Pizza👍🏻最後我地食得好飽好滿足，又可以係到傾好耐計，坐得好舒服！值得下次再黎～

夜晚收工同朋友嚟左呢間餐廳食晚飯，一入到去見到餐廳佈置好有聖誕氣氛，環境舒適。用qr code 落單，menu 既價錢適中。我地果日叫左兩款pizza ,煙三文魚薄批（$178），黑松露雜菌薄批（$138），檸檬蜜糖雞翼（$53），芝士焗西蘭花（$63）仲有啲小食。兩款批都好好食，同埋唔洗等好耐就有得食，上餐速度有效率，啱晒啱啱收工肚餓咗好耐嘅人士。黑松露雜菌薄批既菇味濃，而且配料十足，唔會太乾或者太濕，味道豐富。唔會食Pizza嘅時候淨係食到餅底而冇配料。檸檬蜜糖雞翼同樣唔太乾，雞翼都係大大嚿，多肉汁。仲有檸檬上碟，影相一流。芝士焗西蘭花份量足，而且翠綠唔會煮太耐太淋或者煮到變色。再加上芝士同忌廉，味道好夾好食。餐廳整體感覺好，環境清潔整齊，唔嘈雜。食物賣相靚，多餐點選擇，而且份量十足。

黎開airside"扮"工，唔想成日幫襯大型連鎖店，Google map見呢間小店幾近airside，行路去唔洗10分鐘，終是就約埋同事去食個放工飯。雖然餐廳面積不大，大概可容納三十人，但環境舒適悠閒，仲好有心思咁佈置周圍，迎接聖誕節。煙三文魚Pizza $178揀左大szie同薄批煙三文魚唔會過咸同保持到質感，唔散。薄批微脆，但唔會好似餅乾咁乾，食多幾件都唔會太飽(可能只係我大食 )美式拼盤$92有香草腸、薯條、洋蔥圈和魚柳。全部係即炸，上枱時保持到溫度同脆度，無得輸。檸檬蜜糖雞翼$53 六隻估唔到雞翼都有擺盤，擺盤既沙律仲要幾新鮮。雞翼大大隻，有肉汁，外層有檸檬既香味同淡淡蜜糖既甜味。秘製燒豬排骨$178啖啖肉，肉質彈牙，燒得幾有肉香。選擇都幾多，仲有午餐下午茶餐廳兒童餐學生餐自取優惠。

呢間餐廳深受新蒲崗人喜愛！星期日夜晚七點幾嚟到嘅時候都差唔多坐滿❤️食肉獸•厚批•千島醬呢個批材料有有牛肉、豬肉、雞肉、火腿、煙肉。肉嘅比例好多 ！而且Pizza出色唔係好乾！完全對得住主打打pizza 餐廳嘅出品！香蒜大蝦炒意粉（無汁）散發出濃郁的蒜香味，配上新鮮的大蝦和彈牙的意粉。蒜香的香氣和大蝦的鮮甜相互融合，感覺健康不油膩！焦糖窩夫配芒果雪糕好出色！同出邊啲甜品舖有得媲美！焦糖窩夫的外層酥脆，內部柔軟，搭配上冰涼的朱古力味雪糕檸檬惹味烤雞是一道香氣撲鼻的美食。經過特殊的調味處理，烤雞散發出檸檬的清新香氣，肉質鮮嫩多汁。每一口都能品嚐到檸檬的酸甜和烤雞的鮮美招牌炸雞的外皮酥脆，肉質鮮嫩多汁！

今日行開啟德airside，所以就行咗去新蒲崗搵食，比我尋到寶！😍手製心形pizza超特別好靚，每日限量供應，好好彩食得到🥰我哋嗌咗怪獸多寶同埋吞拿魚特式，醬底分別係茄醬同埋千島醬。即叫即整，上餸都仲熱辣辣脆卜卜！怪獸多寶餡有青椒、辣肉腸、火腿、磨菇、菠蘿、牛肉、豬肉。吞拿魚特色有粟米、菠蘿、吞拿魚、煙肉。師傅焗得啱啱好，個皮好好好脆，但又唔會燶咗一忽忽，雖然佢係心形，但係脆嘅程度係每邊都一樣，皮上嘅餡料都好香，細批啱啱好，仲可以加小食。小食嗌咗檸檬烤雞、麻辣烤雞、BBQ雞翼。檸檬炸雞好開胃，啖啖肉，甜甜酸酸。麻辣炸雞就落咗辣椒油，辣椒油好香，同埋堅係辣，反而增添咗雞味，咬開啲肉汁仲保留咗。最後BBQ雞翼啲汁超正，好夾，下次會試埋芝士同甜酸！仲有一個焗煙肉薯蓉！面嗰浸芝士已經好香好正，薯蓉焗得好脆，下面嗰層仲係白沙配煙肉，份量又好多。特別要講下飲品。嗌咗個好特別嘅蜂蜜薄荷茶。真係落咗幾塊薄荷葉，一飲落口浸薄荷味好香好natural，食完飲埋呢杯薄荷茶，劃上完美句號。

同朋友又黎到新蒲崗，朋友介紹左間餐廳，話係唔錯既小店，就試一試😆🟠泰式冬陰功墨魚pizza（細批）（$73）好特別既味道，係期間限定版，而且仲係心型架🤩 Pizza細細個，但係餡料超多，有原隻墨魚、洋蔥、蘑菇同蕃茄，夠哂滿足。最有驚喜既係因為細批關係，只有厚批選擇，但一食真係要謙，厚批批邊唔會話好硬，，仲夠鬆軟，香口又唔乾👍🏻🟡葡汁雞皇焗飯（$65）葡汁夠哂多，唔會話食到最後就無哂汁，雞肉肉質嫩滑，調味亦唔會話好咸😌🟢海鮮焗闊條麵（$65）白汁夠濃，每條麵都沾滿白汁，有蟹柳、蜆、墨魚等材料，仲有少少菜鋪面。份量幾好，唔會好細兜😎以上3樣都係set,所以可以配野飲或湯，有一個餐就跟左湯，要提提既係，佢既意大利菜湯非常有誠意，有超多配料☺️🔵芝士焗西蘭花（$63）呢兜西蘭花既性價比高，唔會話細兜，亦有拉絲效果，食少少蔬菜中和下，都係唔錯既選擇🤓環境方面，雖然係小店，但座位都夠闊同舒服，燈光氛圍都令人可以好好傾計😊服務方面，待應笑容好好，又好有耐性解答問題😇地址：新蒲崗仁愛街48號地舖

餐廳主打心形pizza，有多款特別既口味，另外，仲有皇牌炸/烤雞、小食。假日晚市到餐廳，好多人親臨買外賣/外賣apps落單。餐廳裝修新潮坐得舒服，qr code落單，有lunch及tea set添。曼克頓pizza($73)，餐廳賣點必叫心形pizza，如果情人節食會好有feel。pizza細細個但餡料爆多，大量雞肉、青椒、洋蔥。芝士鹹香，一定滿足。細細份，就可以叫多幾款試～雖然細款只可以係厚批，但批底唔會硬到咬唔郁，仲鬆軟，同埋香口唔乾身。讚。黑椒無骨豬手拼香草腸($168)，製作要30分鐘，但邊食邊等，時間好快過。送上枱熱辣辣，豬手皮脆卜卜，超香。豬手已起骨，一大塊，食個陣，自己切開，肉嫩，唔會烤到硬。而骨膠原非常黏，完全唔膩，食肉獸必點。香草腸有3條，香烤過後，外皮脆，爆汁。而薯條炸完唔會油。檸檬惹味烤雞($21)，外皮烤完脆脆地，切開嫩滑，充滿肉汁，有蜜糖甜味。建議加錢食雞脾位，會更加惹味及滿足～～小食拼盤($92)，唔駛諗可以一次過試哂幾款，另有美式拼盤可以選擇。雞翼甜甜惹味，一樣多汁，而炸物就算放耐左食，都一樣好脆，咬落去，chopchop聲。餐湯足料，大量蔬菜中和食完炸物

今日早放學可以去遠少少🤏🏻嚟到新蒲崗呢間新嘅pizza店🍕12點左右到無乜人😆門店裝修幾有特色仲有自助區可以自己拎水同調味料😝午餐CP值唔錯包小食同湯/熱飲都係$60上下~太多選擇樣樣都想食🤣每人各叫咗1個餐再叫啲小食同中批全部一齊分嚟食😝怪獸多寶心形pizza🧡size啱啱好，足料批底鬆軟😋肉醬熱狗餐配埋大大隻炸雞，肉都夠嫩夠汁！海鮮焗飯未食已經聞到好香椰汁味除咗魷魚蟹柳，仲有蜆😎秘製燒豬排骨竟然有2排比佢嚇一嚇😂不過肉夠軟好好食清哂😝薯條雖然無落鹽但炸得好脆薯仔味搭夠，唔會太重味咖🤩肉醬焗薯蓉薯蓉本身好綿入口即溶，正！但如果肉醬可以多返少少就更好啦😳食肉獸中批哇啲芝士漏哂出嚟😋😋pizza啲料真係好足，唔伏😜食飽飽就近近哋行埋啟德個新商場😎大滿足！

平日成日都食慣連鎖舖頭，想試吓啲小店，所以食咗一間離地鐵站遠少少嘅Pizza舖頭。入邊有好多唔同口味嘅手工pizza。佢個lunch set仲好抵添。迷你批套餐 $59怪獸多寶套餐入邊包餐湯或者嘢飲，亦都有四款Pizza可以揀。pizza係細批所以指定係厚批。Pizza用咗蕃茄底入邊有洋蔥。入邊嘅配料都非常之多，有青椒、洋蔥、蘑菇、火腿、辣肉腸、菠蘿、牛肉、豬肉。呢個係餐廳嘅熱門pizza，果然好豐富。厚批好鬆軟，而且邊邊都鋪滿晒餡料同芝士。秘製燒豬排骨 $178豬排骨份量好多，有上下兩排，加埋都有十幾枝骨，隔離啲薯條份量都非常之多。薯條食落唔油，而且粗身。排骨上邊唔會有一大堆汁好濃味，但係醃得啱啱好而且有咬口。芝士肉醬焗薯蓉 $42薯蓉好滑，綿密，而且入邊加咗拉絲芝士。中間都加咗肉醬同埋芝士，好夾。

今日黎新蒲崗做野，係附近搵食，見到間鋪頭好吸引就入左去試，估唔到有驚喜就係呢間「pizza monster」，無論個名定係logo都咁得意顧名思義呢到主打pizza，但亦都有其他小食例如炸雞、炸洋蔥圏、咖哩角等。而家試業優惠堂食晚市仲有88折叫細pizza仲會附送羅宋湯，酸酸甜甜好開胃主打既pizza果然有驚喜，竟然係心形見到勁開心，手作餅底雖然係厚底但依然焗得卜卜脆炸雞同燒雞亦好吸引，全部都即叫即製，上枱熱辣辣香噴噴。烤雞有麻辣味同檸檬味，肉質軟身，食落辣得好過癮。炸雞外皮炸到勁香脆咬落有聲，調味好足夠晒咸，一啖咬落去啲雞汁滴晒出黎，勁正！小食拼盤，中意食炸野既人有福了，炸蝦、洋蔥圈、炸雞翼、炸蟹餅，配上泰式辣醬無得輸！

講到香港人喜歡的食物，Pizza絕對可以佔一席位；除了於餐廳享用外，又可外賣到家或開Party時的好選擇，而且口味極多元化，保證有一款合你口味位於新蒲崗的「薄餅怪獸」堅持每日新鮮手製麵糰，選用最新鮮、最原汁原味的食材；更引進義大利百年工法打造的Pizza專用旋轉烤爐，維持現做Pizza品質餐廳裝修偏西式同時加入港式元素，環境衛生舒適==========🔹焗肉丸拼香草腸 (各3) $63肉丸軟滑細緻；香草腸鹹香適中==========🔹假日套餐：半月批 $69配飲品，凍奶茶+$5點選怪獸多寶批，材料有洋蔥、青椒、辣肉腸、火腿、蘑菇，菠蘿 、牛肉及豬肉薄餅為薄批，焗至脆口；多種材料加起來令口感及味道層次豐富==========🔹芝士焗西蘭花 $63份量充足，西蘭花翠綠新鮮，芝士及忌廉比例平衡==========🔹雞翼6隻 $53點選檸檬蜜糖味1雞皮具焦脆感，雞肉嫩滑保留豐富肉汁，檸檬中和了蜜糖的甜，不錯==========🔹檸檬惹味烤雞 (1件) $21烤雞外皮薄滑，雞肉軟嫩有彈性，檸檬香調較恰到好處==========🔹招牌炸雞 (1件) $20外皮香脆，雞肉雪白細緻，油膩感不重

Pizza 店開到成行成市，標磅自己係意大利傳統既居多而Pizza Monster 行既路線就係一間好地道既港式pizza，價錢亦都好街坊價🤩所以都有佢既吸引之處，好適合帶一家大細去食Pizza 可以自選口味👍🏻包括: 蕃茄醬底、千島醬底同特色醬底再可以自己揀餡料同埋，有唔同既尺寸可以揀今次食左套餐，包中型薄餅、兩款食物及兩款飲品叫左Signature Pizza—怪獸多寶😝有洋蔥、青椒、辣肉腸、火腿、磨菇、菠蘿、牛肉、豬肉餡料好豐富而Pizza 既批底好易咬，但不失煙韌！材料亦唔會乾憎憎，very nice🤤 海鮮焗闊條麵 (白汁)醬料口味比較清淡，口感唔會太cream，係合適健康既香港人海鮮份量都適中，比較驚喜係有沙律菜😝肉丸拼香腸有三粒肉丸同三條香腸熱辣辣，好滋味😋最後，另外叫左個檸檬蜜糖雞翼雞肉咬落juicy檸檬醬酸酸甜甜，好開胃，雞皮好香脆滿足的一餐🥳

一般如果想食Pizza嘅話，都會選擇一啲連鎖嘅Pizza店，但質素就實在參差不齊。今日經過新蒲崗，就見到一間pizza小店，夜晚六點幾鐘入面已經有唔少食客，於是決定入去試一試！餐廳嘅環境非常舒服，因為樓底好高，所以空間好開揚，位置嘅安排都非常之嘅闊落，坐得幾舒服。我哋一行兩個人叫咗千島海鮮細pizza ，炸芝士年糕，檸檬蜂蜜雞翼，白汁海鮮意粉，同埋最尾叫咗一個雪糕窩夫🧇嘢食嘅份量都唔算大，兩個人食啱啱好仲可以試多幾樣唔同嘅嘢食。海鮮細pizza嘅餅底非常之嘅鬆軟，即使係厚皮都唔會覺得食落好有負擔，上面嘅海鮮餡料都鋪得滿滿。白汁意粉冇乜特別不失不過，闊條麵嘅煙韌。我幾鍾意炸芝士年糕，外皮炸得非常之酥脆，入面軟糯糯仲有芝士流心添！雪糕窩夫上面嘅雪糕口味可以自己揀，我哋就揀咗豆腐味，雪糕都幾大一球，豆腐味非常之嘅濃郁而且質感細膩。窩夫係即叫即整所以上到嚟仲係熱辣辣，配上凍冰冰嘅雪糕冰火兩重天係好神奇嘅口感，朋友非常之幾鍾意。