薩莉亞意式餐廳 (上水匯)

营业中

休息中

以前好鍾意去薩莉亞食 “多利亞雞飯” （忌廉焗雞飯），當時覺得好好味。今次去見到個餐牌有樣嘢都好吸引我，明太子海鮮意粉，就叫左呢個來食。裏面係有明太子嘅，不過個醬汁調得唔夠濃，又唔夠鹹，都叫有味嘅，加上肚餓，所以都食晒。$40 無得要求太高，所以會比 OK ~ 另外我叫咗一個開心果雪糕蛋糕，估唔到都幾濃郁開心果味，個味幾自然，不過上下嘅餡就有啲過甜，對我嚟講過甜，利申我係一個唔係好食得甜嘅人，所以可能其他人會覺得呢個甜度 okay，值得一試。

以前在網上看到薩莉亞有衛生上的問題，一直唔敢光顧。最近看到有一名厨評過後才第1次嘗試。剛好中午在上水，等咗三分鐘就有位，人手不多但服務不錯。環境及整潔，跟連鎖冰室相似。掃碼點餐，檯上也有菜單圖文並茂。午市套餐，可自選不同組合及加配。菜單上單點可加配自助飲吧，兒童8元，成人13元。自助飲吧有咖啡，茶及幾種汽水。我試了Cappuccino及Latte，比想像中好。食物水平都不錯，濃濃芝士味，感覺較為正宗西餐。特色系量較少，價錢亦較低。卡邦尼意粉才三十幾蚊，質及量當然不及之前食過100元那種。多利亞感覺就係芝士焗飯。蓉面包味道不錯但不夠松鬆脆。布丁比較好，香而不太甜。整體而言，不收加一，性價比高，衛生程度亦滿意。PS 掃碼點餐，不要下載什麽浪費時間，直接點鏈接就可以。

一直諗住連所店薩利亞個menu唔會變，點知果晚去到，多左4個新品叫左其中3個， 墨汁蝦意粉，紅汁肉丸磨菇意粉，澳洲鐵板牛冧肉。意粉味道同之前既差唔多，係配料唔同左。牛肉就比較難咬，因為始終冇咩肥膏位，瘦。不過我唔知點解每次去親上水店，都一定有員工跌餐具，打爛野等等既情況出現。係咪經常性發生既呢，就不得而知啦

相信大家對薩莉亞都唔會陌生😜因為佢都算係一間性價比高嘅餐廳🍴但真係間間分店都唔一樣🤷🏽‍♀️🤷🏽‍♀️點解咁講🧐🧐因為我都成日去唔同分店食嘅😂😂但一路都冇寫過出嚟，因為都算係大路嘅餐廳，但間唔中會有朋友問下😜咁既然都食咗就寫埋啦今次係去上水呢一間，其實依家成日都要排長龍🙈🙈不過佢係算好食嘅😊無論去到邊一間😌每一次都會嗌周打蜆湯同蒜蓉包🥖呢間個湯都算多味道唔錯😋但蒜蓉包就比以前細個咗好多🥲唔記得咗影個蒜蓉包就已經食咗😂除咗以上兩樣今次就叫咗雞肉沙律🥗鐵板腸仔同埋新出既雞肉多利亞🐔雞肉沙律🥗雞肉有調味但肉質有啲鞋，生菜就新鮮爽口，味道清新👍🏽鐵板腸仔皮脆多汁😋但個配菜薯仔就…..硬過我條命🤣雞肉多利亞🐔對比起平時既肉醬多莉亞，呢個雞肉多利亞冇咁鹹，啲飯都係有茄汁底然後忌廉汁圍邊，中間有芝士🧀係多料嘅☺️☺️最後嚟多個甜品布甸😋😋濃厚嘅蛋香味加埋佢個焦糖汁😍真係冇得輸😛😛不過朋友就話甜咗少少🤏🤏但我OK👅整體來講呢間真係算唔錯😊份量足味道好😌

薩利亞應該係唔少人嘅快食平民飯堂。諗唔到食咩就會去呢度，勝在佢食物選擇多而且上菜快速。必食佢個雞翼，不過都係釤鐘意以前個辣味多啲。意粉可以試吓靑醬系列或者明太子，濃郁重口味之選。

尤記得一個場所當初跟初戀男友的初次約會是在薩莉亞餐廳那時感覺menu上所有的食物都很吸引記得看著坐在對面切魷魚的他有種無法言喻的幸福感那份魷魚好吃得醬汁都不夠分又一次跟一個男生再次在薩莉亞餐廳並肩而坐我內心充斥著無數的問題想開口卻卡在喉嚨他顧著手機上的遊戲我發現眼前那份魷魚已放涼入口像橡膠圈一樣沒有質感忽然憶起以前的魷魚是原條送上的，沒有預先切件看看身旁無法冠上稱呼的人沒關係的菜放涼了，叫侍應收走就好。

今日返上水冇人陪自己食晚飯諗唔到食咩嘅情況下就入咗喺上水匯今次係我第一次喺香港食薩莉亞以前去台灣旅行都有食過 通常朋友一講起薩莉亞通常都話唔掂除咗平之外啦由於真係太肚餓嘅關係 我見到價錢平所以都冇諗 叫咗好多嘢食出色 呢個黑椒鐵板蜆係鮮味冇沙真心唔錯法式焗田螺都真係出色 我攞嚟送飯覺得一流好似係菠菜煙肉 相比上面嗰兩樣嘢就明顯比下去啦唔算差嘅但係唔好食囉羊架 三件 一般 唔老但無咩羊肉味 比較淡口不過唔算貴 正正常常仲嗌咗兩支1664細 買單唔使兩舊唔見咗張單好似係180幾蚊穩陣嘅亦都冇諗過咁嘅價錢竟然都食到出色嘅嘢有時平嘢都有好嘢嘅咁當然我相信佢都有嘢係似中伏嘅性價比真心高

星期日同朋友兩個女仔去咗試呢間，見到啲價錢超平！好興奮咁嗌左幾樣嘢食，想咩都試吓。頭盤，小食，主菜，甜品，全部叫齊晒啲嘢食上得好快，超高效率，平靚正真係快餐一樣，但係食物質素一啲都唔差！值得一試。　　　　我哋兩個女仔平時都唔係食好多嘢，食完呢餐之後真係非常飽！埋單先至$160仲要免+1，我哋見到張單咁平都覺得好愕然哈哈哈呢間已經變咗我嘅心水飯堂，得閒有時間或者諗唔到食咩嘅時候一定會再返去。最推薦嘅係水牛芝士pizza，同埋焗田螺，必食！

相比其他分店/堂食🤔PIZZA 蕃茄醬底不足 不過料正常叫左個長通粉 份量都好似唔多墨汁飯就好多 可惜味道偏咸雞翼好入味菜都幾好 外賣自取食物返到屋企都仲熱性價比黎講都算係咁不過可能下次會去其他分店是次光顧有啲可以改善既地方員工叫外賣單號同OPENRICE 唔同早左出單都唔知已完成白等左啲時間

天氣開始炎熱又想飲咖啡汽水但同時又想食西餐， 咁就搵間大眾化輕鬆坐落既薩莉亞達到我既要求啦， 因為睇到餐牌就覺得好好食所以咩都唔裡即刻叫左份煙肉芝士薯角食左先上餐食入口先發現比我想像中好食得多啦， 精緻無比煙肉分量多芝士汁香濃又多， 薯角埋入其中早已將汁入味， 真係好食到難以置信， 跟住輪到蒜蓉麵包發出陣陣濃烈香蒜味越聞越好食只係諗住食得健康既雞肉沙律估唔到又係一個經典菜色蔬菜葉與雞肉都好新鮮，原味雞翼皮香肉滑真係上等之作！

我1727落好單，落單後系統顯示1757可領取食物，我知佢系統顯示領餐時間一向都唔準時，所以到店舖同職員講如早可取餐我無問題的，在門口等，點知個職員態度超差咁同我講「啱啱落單無咁快等下啦！」，好我等，點知不到十分鐘「1736」就有得攞。你顯示咩時間就應該咩時間有得攞，早咗成20分鐘有得攞，熱食咩都凍啦！最主要係我都明白係個系統出時間唔關員工事，我同個職員講我隨時可攞目的都係唔想店舖整好野食但我又唔知攞得係咁等，你就算係打工都唔應該咁嘅態度啦！#員工態度差！#出餐不準時！

想飲杯咖啡又想食下意大利餐，個人心思思就係想一次食下多樣野，突然有靈感諗起有個朋友講過下薩莉亞， 一於就尊重下朋友既睇法來感受下啦，起頭來個粟米忌廉湯助興先，未享受完就開始進食香蒜辣汁野菌西蘭花，蒜味與辣汁中和後局部或全部滲入西蘭花既效果係無法想像既好食，接住上一份水牛芝士薄餅， 餡多皮薄好有正宗pizza味，再來一碟黑松露野菌忌廉意大利粉， 蘑菇加上意粉又睇得又食得真係令人讚嘆！忍唔住再落單加多個芝士焗飯又係一流之作，最後又叫份意大利名菜芝士番茄用味覺感受下竟然覺得好食係無極限架！

聽講呢間意式餐廳好多朋友都推薦話一定要試下，餐廳簡單細緻既環境就係清爽放鬆既感覺，既然簡約就簡單地叫左雞翼，意粉同pizza啦，雞翼新鮮熱辣出爐，外皮脆卜卜，熱辣辣，內裡肉質鮮甜，保持到嫩滑味道都好唔錯，跟住就係好有口感既意粉，爽口程度適中有口感好煙韌仲有些許蒜味如果加埋個人喜好既芝士粉就更加完美啦，配料魷魚製作精美味道濃郁食得出系生猛海鮮製成，之後就pizza到場趁熱騰騰既時候就一口咬落去，鬆軟口感真係幾回味，整體ok 簡約首選！

<上水>意式连锁餐厅,疫情下开业已有3个月，在下工作经常路过见生意不俗，所以18+24/12都约朋友光顾享用Set lunch午餐。综合体验:环境干净卫生，2位同行朋友齐赞灯光明亮，但个人并不苟同。午餐起菜快，Set lunch餐牌主食什扒+薄饼有水准，附加小食<蜗牛><青口><鸡翅膀>味道可口，抵赞! 员工服务有礼，重要是价格实惠~无10%服务费，而且再加$13有饭+沙拉+自助任添饮料，<0>糖可乐，印度茶包有几种味道，但咖啡豆普通。后记:介绍其他朋友去光顾<午餐>刚好是<星期六>，原来不设常日午餐，什扒取消，散点不划算，失望而回。其实假日 Set lunch 主食可加$10，或+10%服务费的，店方不妨考虑下....

比起其他分店，食物非常新鮮，不會太多油外賣都有雞翼Pizza等等嘅嘢食，而且製作時間亦都非常之快速，職員雖然比較少，但每位都非常之有禮貌，除了一位年紀比較大的牙醫，有少少沒有耐性