薩莉亞意式餐廳 (大元街市) (已結業)

薩莉亞一定係我既最愛，但係大埔呢間就真係第一次來食。大埔呢間雖然無荃灣果個咁大，但係環境幾好，又唔會嘈，來到等一陣就有位。 今次食雞肉pizza ，再加羅宋湯。 羅宋湯稀左d，飲落好似無咩味無咩料。 而pizza 就普普通通，不過料都足既，係水準差荃灣小小姐，可以接受呀。

本人一向對意大利菜情有獨鍾,食過唔少意大利菜Caffe Pascucci,cafe r&c.....始終覺得薩莉亞係最抵食。同朋友行開附近都會去呢間食,因為有好多選擇，價錢又五貴。今次叫咗個墨魚意粉試,見好似幾特別，墨魚汁幾香,不過食落就還可以,可能唔太慣墨魚味。之後仲有個焗飯,去親都必食,啲料好足,多雞肉同芝士。不過我個人勁中意芝士,會再落芝士粉。20幾蚊左右一個，會吃五停。沙律差五多次次都會叫。都幾推薦大家去吃下。

甜蝦多利亞：燒燶左既芝士香脆可口 配上香濃既忌廉汁 甜蝦多利亞簡直係中意意式風味朋友既首選 ！去尾既蝦肉粒粒透明 香甜 同粒粒分明圓潤既意大利飯簡直係極完美既配搭。雖然睇落去略為細碟 但芝士同忌廉本身易膩 細碟既份量絕對唔會食到好膩辣味雞翼：外表金黃香脆既雞翼肉質鮮嫩 香滑。辣味適中，調味足夠 唔太食得辣既朋友都可以一試。但係略嫌唔夠乾身 同有啲油膩 食完之後 隻碟淨低唔少油，怕肥既朋友可能唔太岩食

環境ok，座位亦很多，俾人有舒服感覺！但最唔好的就是鐵板黑椒硯，感覺是把硯灼熟後放上黑椒，無味道！我還叫咗蒜茸雞扒，依個(正)，好味，洋蔥夠香，雞扒夠嫩，值得試！

地中海海鮮焗飯，有番茄、魷魚、青口、蜆，面頭係紅色的番茄，D飯就係黃色的，平時夏天落雨，陰陰濕濕又熱死人咁，冇咩胃口食熱飯。但見到呢D色彩繽紛的熱飯，反而覺得有胃口。幾好食，甜的。

一向以廉價見稱的薩莉亞，雖算不上用高級食材奉客，但起碼都一分錢一分貨。點三文魚就給你三文魚，點煙肉就給你煙肉。因此住附近的我早已當這裡爲自己的食堂了，既飽肚亦可滿足吃西餐的意欲。我從來都沒有奢求過埋單只要幾十塊的餐廳會提供酒店級的享受，只要快捷爽手給我新鮮實在的食物就是了。但這次真令人失望，家人點了這個所謂的串燒帆立貝，就算外面蓋著厚厚的麵粉，也掩蓋不了裡頭的敗絮！吃得出裡面沒有帆立貝/帶子的成份。口感味覺上，頂多都只能夠說是麵粉混魚肉。不但完全沒有帆立貝的味道，連帶子一絲絲的結構都沒有，教我如何相信它是真正的貝類？如果沒有用帆立貝，請在餐牌上加「仿」字吧！不要誤導消費者了！而且「仿」得一點也不像樣。

6點左右到，唔洗等位! 先黎一客甜蝦沙律，每次黎都必食!d蝦甜甜地幾好味 另外，就係要食多莉亞!今次食左肉醬多莉亞…感覺好似份量少左，食落，肉醬咸左少少…可能其他多莉亞比較好…再叫了小食，辣味雞翼，辣辣地，幾好味!最後叫了串燒凡立貝，嗯…食落雪藏味好重…唔討好…下次應該唔會點…

本來想去Pizza Hut的, 但最近好像花費太多了, 問朋友有否其他廉價選擇, 朋友建議了"薩莉亞", 原來已經開業了好一段時間, 但我竟然全不知情!對"薩莉亞"這餐廳一無所知的我, 看到餐牌時眼晴發亮了!這... 這也太便宜了吧! 宜家傢俬的價錢!看著林林總總的食物相片, 早已餓扁了的二人, 共叫了6款食物!  周打海鮮湯 $9超奶白的顏色, 和味道相符! 很濃的奶味, 是用了花奶嗎? $9的湯, 味道真的不錯, 竟然還真的有海鮮!那當然是急凍的雜錦海鮮或罐頭貨色啦~　  甜蝦沙律 $24蔬菜很新鮮, 還真的有多款的"沙律菜"!沙律醬完全不吝嗇, 每一片葉都沾上~甜蝦份量很多, 口感也不是"梅"的那種, 爽甜, 不錯~ 雞翼 (8隻) $30熱呼呼的上菜, 不會過鹹, 也不會太乾, 價有所值! 青口 味道不知為什麼感覺很"中式", 可能是因為蒜味做了主道?無論如何, 味道還是不錯的, 蕃茄也濃, 挺香~ 雞肉雲吞好像有6-8件, 份量不少喔!不會煮得太軟, 雲吞皮還是有韌度的!雲吞餡料不是特別好吃, 但醬汁充滿芝士, 好喜歡喔~ 蒜茸飽 $8這個絕對是全餐之冠!好吃程度有滿分!

是日特意去大元村食齋, 點知齋舖休息, 行到街巿盡頭見到呢間意大利野, 價錢非常便宜, 以醫飽肚既心態試一試, 唔洗等位, 地方算是整潔, 2個人坐4人卡位, 都坐得几舒服, 服務員招呼也算殷勤... 餐牌上食物價錢大多是 $10 - $40, 有部份扒餐都係$20几蚊, 咁抵既價錢令人想乜都試下.. 我地就order 左以下几款推介食品... 周打海鮮湯 ($9)份量很少, 但以價錢而論, 是可以接受的, 忌廉味較重, 材料也算豐富.蒜蓉法包 ($8)最鍾意既蒜蓉包, 就係全塊包都被蒜蓉覆蓋住, 好香濃! 水牛芝士PIZZA ($29)整個PIZZA 味道很淡, 就好似食緊芝士包咁, 雖然係推介, 但唔好食... 肉醬多利亞 ($25)其實係一個芝士焗肉醬飯, 細細個味道香濃, 是意大利飯, 也尚可口.2個人埋單只係$80, 非常抵食!

呢間店自從係大埔開左之後,深受區內居民歡迎,無他既,因為夠哂平,而食物質素又可以接受是日夜晚我就同朋友第2次去呢間店食因為知道間店一向好多人排隊,所以特登早d去食晚飯,廢事等太耐我地6點左右去到,都要等差唔多20分鐘先有位 由於食物價錢真係幾平,我地可以毫無顧慮地叫想食既野 首先黎到既係甜蝦沙律($24)同周打海鮮湯($18x2)兩者中我較欣賞個沙律,甜蝦新鮮生菜絲爽甜,非常開胃,如果可以既話,我prefer落少d沙律醬其實個湯都相當唔錯,裡面有唔少蜆肉(呢個價錢,當然係普通雪藏貨色),湯亦非常creamy,但好可惜既係個湯唔夠熱....一個唔熱既湯真係打幾多折扣跟住黎到既係蒜蓉飽($8)同辣味雞翼($16)講真,熱騰騰既蒜蓉飽好難可以唔好食wor,好彩呢度既飽都夠熱 辣味雞翼香脆可口,吸落去充滿肉汁,$16有4隻真係幾抵,誠意推介 最後黎到既係魷魚筒($23),煙肉意粉($27)同海鮮薄餅($35)可能因為成本問題(個價錢偏低),呢度既主菜相對小食黎講失色唔少以魷魚筒為例,睇賣相已經覺得麻麻,食落去係乾同硬,唔夠爽脆煙肉意粉賣相唔錯,用料份量幾足,但個白汁幾苦澀,我要邊食邊飲

友人極力推薦下，終於來到大埔新開的薩莉亞意式餐廳，其出名在價廉物美的意大利菜，這次終於可以品嚐一下。我們先點了2杯自助飲品（成人$12位，小童$8位），當中有百事、七喜、雀巢檸茶、橙汁、咖啡、紅茶、美祿等等，由於這裡是自助形式，能方便食客外，更可以無限添飲呢。 挪威煙三文魚（$23）每碟約有五塊的煙三文魚，份量不少，可惜味道偏鹹，而且不太肥美，但配上新鮮檸檬汁，味道會好一點 串燒帆立貝（$19）這裡便宜的小食之一（平均$5串），酥脆的帆立貝點上酸酸甜甜的醬吃起來，真不錯！若能配上冰凍的飲品，風味更佳 辣味雞翼（$23）也是人氣之選的小食之一，友人也十分推薦。雞翼外皮酥脆，而且非常入味～肉質香滑，非常合我的口味～　除了雞翼比較細小外，其他都很滿意，真的值得一試～ 野菌忌廉意大利飯（$27）不錯！想不到較健康黃薑飯中有濃濃的香菇味，加上我又喜歡吃飯身較濕漉而且較軟的米飯，這次真的滿足到我～以這樣的價錢下，能品嚐到意菜的風味的確不錯！

。大胃王平價之選。Saizeriya。大埔剛開了Saizeriya。跟朋友去試試。5個人竟然要了20樣東西。哈哈。每人都是$70。好抵食！湯類。周打海鮮湯友人說好像加了水的白汁。哈哈。意大利菜湯意式雞肉雲吞菜湯意粉類。我頗喜歡這裡的意粉，有咬口，醬汁亦美味。個人推介白汁類意粉。菠菜配煙三文魚忌廉意大利粉卡邦那意大利粉青醬邦哥尼意大利粉吞拿魚配蕃茄辣汁意大利粉小食。意式菠菜伴煙肉煮得很軟的菠菜。有一點苦味。朋友說：我吃這個時，就覺得自己是大力水手呢。水牛芝士伴蕃茄不用$20就吃到我最愛的芝士蕃茄。正！蒜蓉焗田螺味道比想像中差......辣味雞翼蒜香法包Pizza類。批底較實，不過平平地，算不錯了。煙肉菠蘿比薩黑椒雞肉比薩甜品。薩莉亞布甸推介！不太甜，香滑的布甸！以此作結，好滿足！

深圳羅湖都有分店，連擺設，餐具，水吧都做一模一樣! 唯一唔同係味道! 第1次幫襯依間分店，午餐時間八成以上客人都係學生，好嘈好多學生叫囂，位置唔算迫，冷氣非常充足!午餐餐牌上好多價格都算便宜因為有個水吧可自由斟飲品，汽水咖啡奶茶朱古力都有，所以吸引到唔少學生哥!2人叫左4樣食物，等左3分鐘左右水牛芝士Pizza好快送到，不過唔係好熱，好寡既味道，同係麵包店買個普通既芝士麵包無分別!小沙律送到，唔新鮮美味，可能因為隔離檯個阿姨叫左三文魚沙律而職員又送錯左黎，以為係我地叫，有三文魚同無三文魚既賣相差太遠了! 鐵板燒雞球腸仔配白飯，塊雞扒超雪藏味，隔離果2粒雞球一樣咁既情況，腸仔無咩特別食得落肚，得伴碟既粟米係最正常，而個白飯硬硬地凍凍地，食左一啖就食唔落啦! 最後辣味雞翼到埋，有dd辣，賣相一般，都係有d雪藏味不過無塊雞扒咁勁，係咁加茄汁想蓋住d雪藏味!唯一好係自由斟飲品，每人飲左2杯，飲野飽唔係食野飽!

自從開業到我食果1日都係坐滿，等位都幾乎要等成個鐘！但上星期日好好彩，只係等左5分鐘鋪頭好大，而D台都好密下，坐低後係自己拎冷熱水，如有須要就按台旁的制叫waiter落單食物種類都有幾多選擇，份量都還可以，味道整體沒有什麼特別但價錢真係好抵，如果小D人我諗我唔介意食多1，2次

一向也喜歡意式食品，以往於不同的地區看到此店，亦想試試，終於在此區有機會嚐嚐了。與家人點選，有海草沙律、香辣章魚仔、蒜蓉焗田螺、什錦雞拼盤、芝士什菌薄餅及芝士卷。非常興奮，全都是本人想吃的！海草及蔬菜爽口入味，十分新鮮，有質素。香辣章魚仔夠香微辣，章魚仔肉質有彈性，不錯。蒜蓉焗田螺的田螺肉質很軟，被很多蒜蓉包圍住，蒜味不濃烈，這個配搭不錯，個人挺喜歡。什錦雞拼盤款式多，有特色，但雞肉香味達標，肉未夠嫩，亦較油膩，粟米爽口。芝士什菌薄餅剛烤好，麵包邊脆，味道健康清淡。芝士卷的芝士味不算濃，像忌廉般，卷皮如更脆會更好吃，但這店的還是不錯的。服務方面，上菜適時，店員有禮，令人滿意。