薩莉亞意式餐廳 (大元街市) (已結業)

呢間餐廳不嬲以價錢取勝，所以咁多人黎食，食物質素唔知能不能維持呢。煙三文魚沙律，煙三文魚無乜煙燻味，三文魚味道偏鹹，沙律菜就算新鮮，不過份量太少，屬一人份量。焗雞翼，外皮太乾身，無乜脂肪導致有點鞋口，size太細只，味道正常。洋蔥蒜蓉雞扒，用鐵板上，溫度尚算能維持，雞肉預先醃好，味道適中，但同雞翼一樣無脂肪咁劑，所以雞肉唔夠嫩，洋蔥蒜蓉就無乜味道。價錢依舊，食物質素仲可以維持，算係咁。

>>煙三文魚每次嚟都會order 煙三文魚，算係種情意結吧！或許你會認為這種快餐水平的港式西餐廳，做不出什麼水準，但以價錢作考慮，他的煙三文魚絕對是品質不差，有鮮味，色澤新鮮紅潤，入口口感及味道有層次！>>墨魚汁意大利粉有點圖與實物不符的感覺，正宗的墨魚汁意大利粉，意粉汁會有忌廉的的幼滑口感，味道香濃而creamy; 但這款反倒像是炒意粉，乾身而没醬汁，滿口沾上黑墨卻嚐不出可點鮮味。

見食評不錯，就去試試，點知叫Pizza第一次上枱不熱，第二次都不熱甚至不溫暖，第三次如常就算了，我覺得冷藏pizza好食D,因為可以熱辣辣，其他食物似便利店雪櫃選中就把食物放微波爐嗰隻，味道真的難找到一家差過佢，但真的很平，但不會再嘗試

如題，香港Hea食連鎖餐廳，首選薩利亞~~~亦因為太hea. 平時幾乎一坐低就㩒鐘仔，秒速落order, 連諗食乜都慳返，hea 食指數近乎終極！不過今次又唔想太hea, 所以放棄一向ge 例牌，轉投新野ge 擁抱 XD> 意式菠菜伴煙肉哈哈哈，一如既往，個擺盤完全fail, 不過咁亦係貫徹薩利亞厨房一向ge 風格- 快~Hea~亂！至於味道，都係same level, 味道偏咸，煙肉味卻又偏淡，好吊詭，不過就量多,大大碟，算ok la~ > 白汁野菌雲吞呢個good, 白汁味好濃好creamy, 一碟都有成6隻雲吞，野菌亦好大手筆，雲吞入邊似係d 打成泥ge 肉醬，至於係咩肉就真係食唔出(乾笑中)

當你大腦1片空白，完全唔知食乜好，或者當日個人太頹，想揾返啲same level ge 地方嚟相映成趣ge 時候，薩利亞就變成首選~Menu 幾乎0變化，食3次已上已經可以話係對所以食物同味道撩如指掌，今次order 咗1個較少會揀ge 菜色 - 甜蝦野菌多利亞呢個價錢嚟講，用料算足，蝦同蘑菇ge 量都幾多，個汁好惹味，不過略為焗得有d 乾兒，個飯亦太少，而薩利亞一向上菜擺盤都好是是旦旦，唯獨到焗飯正正常常(意粉最嚴重，試過啲菠菜係仲痴喺碟邊，啲汁又有幾滴滴咗喺邊沿)另外仲order 多1個煙三文魚，味道不過不失, 4片都算切得幾厚，比坊間d take away sushi store ge 三文魚更似三文魚，呢個價都可接受！

接媽媽放工，去食下午茶剛好有下午茶餐，點了個卡邦尼煙肉意粉，明太子魷魚焗飯，同魷魚※ 卡邦尼煙肉意粉，意粉不太熱，沒有很多汁，很干身，很多芝士粉，i like cheese💜💛可惜煙肉得幾塊 ※明太子魷魚焗飯，中間的明太子醬咸咸香香，配上一些cheese好好味，而且係即叫即焗※魷魚就普普通通，唔太熱，配上的蒜頭汁因為下午茶餐，酒水吧可以任飲

聽朋友講薩莉亞真係又平又好食 今日終於都忍唔住去左試下先黎既係呢個波蘿煙肉pizza 首先個pizza皮好卜卜脆芝士同波蘿都比左好多 好足料 一個字“好好味“啊再黎係焗飯 呢個焗飯好重芝士味 加埋d雞肉粒 真係好好好好食架 ！！碟個底好淺 所以飯的份量唔算話好多 單叫應該會唔夠飽墨魚汁意粉 非常特別 唔好比佢黑色的賣相嚇親 食落真係好重墨魚汁味 好好味麵條亦好幼身 咬落去係彈牙而唔係淋哂不過味道咸左少少 可以再改良下呢個大墨魚除左多膽固醇之外真係無得彈 不論係個大墨魚本身夠厚肉地外 淋埋個醬汁係上面真係一流 好抵食 值得一試

食薩莉亞最開心既野莫過於好食夾抵。琴日同朋友黎食薩莉亞，等都唔洗等就入到去。兩個人叫咗個披薩，一個烤田螺，一個牛排。個披薩系海鮮披薩，味道不錯，D料都足夠，不過個皮有些小硬（有陣時冇咁硬），不過都好食既！呢個蒜蓉牛油局田螺，蒜蓉味好濃，我真系好中意食，推介比中意食蒜蓉既朋友！呢個系牛排，舊牛排其實唔大，同埋好難咬，扯唔郁，同埋攞上黎已經凍咗。。。。，希望下次唔好甘啦。

3人係大埔食飯,久聞呢間餐廳又平又抵食,想試好耐了,但成日都排長龍,今次好早7:00去,好快就有位了。即睇有咩食,好多都好平呢。辣味雞翼(4隻),$17,雖然唔覺得辣,但味道幾好。黑椒蜆肉鐵板煮,$17,份量都幾多,好抵食,味道不俗呀。煙肉菠蘿比薩,$29,好平,是一個小PIZZA來的,3人食真係夠晒飽,味道OK。雞肉多利亞,$27,是焗飯來的,甜蝦好味,濃郁芝士味道,幾好食呀。蒜蓉焗田螺,$24,都幾大粒田螺,抵食呀。$12可無限添飲,食物水準及格價同IKEA類似,真係又平又好食呀。

大埔的《薩莉亞》很新，而且也非常之旺。我們在中午來到，也等了十多分鐘才能入坐。過往去過將軍澳的《薩莉亞》，也是要等等等，才能夠進內品味，那一次到荃灣的分店，直頭等到我們覺得不耐煩，改去其他地方食飯。終於入到去了，我們就立即點餐，而我要了一個湯，周打海鮮湯，這湯的味道，不要同什錦高級西餐廳的出品去比，畢竟，你付出的價錢，只是10多元，不要期望，不要強求好味，普通以上就已經得，而這一個湯，的確做得出有魚鮮味，也有魚肉、蜆肉，味道雖淡，但做得有板有眼。小食有脆焗香味雞球，焗出來的雞球粒不會太肥膩，原因就是雞球不是用油炸，而只是輕輕地一層底油放入烤爐焗。不過，雞球的味道太濃，一個食一至兩件就好，多食幾件的話，不飲水是不行的。太太不食意粉，她選擇了 Pizza，簡單的水牛芝士 Pizza，《薩莉亞》提供的，是一人份量的 Pizza，水牛芝士的味道香濃，再伴隨了 Pizza 本身的芝士同蕃茄醬，味道濃香，十分之惹味。我食鐵板，來了一客意式洋蔥蒜蓉燒雞，好食，好有肉感，雞扒亦非常之香，之不過，面層上的洋蔥蒜蓉太多了，太重口味我不太習慣。《薩莉亞》絕對是平靚正之選。

係大埔讀書，落左堂已經係就來9點，落到去大中都唔知食咩好。經朋友介紹原來大元村入面有薩莉亞食，未試過，所以試下。薩莉亞d雞翼朋友話好味，但上到來個人覺得同其他餐廳都差唔多，無話特別好味。之後去食都有再食，d 雞翼一時夠味，一時又會淡左d。朋友話肉醬多利亞最好食，我見到價錢得23蚊就叫來試下。上來既時候，d芝士仲滾緊，起泡，見到都興奮。食落唔會覺得太多芝士而覺得膩左，應該系d番茄肉醬起到中和既作用，值得試下。蒜蓉包$8有得食，平平地反而既入味，好味過我之前係西餐廳食果d，超過一般水準，價錢又唔貴。可能男仔去到食碗飯唔夠叫呢個都諗得過。餐廳環境都唔錯，幾寬敞，通常唔需要點樣等位。

未食過薩莉亞，第一次食。這間餐廰係採用自助等位派籌系統。等位要自行輸入食客人數。有位先可以行入去坐。點咗黑椒雞肉意大利粉。汽水要自己加。個意粉好爽口。條條意粉烹調得非常好。個意粉係上等意粉。煮得恰好處。雞肉粒個size好細。方便混入意粉一齊食。有黑椒幸辣味。加上有鮮嫰雞肉汁，食得出好有西班牙Feel。間餐廰有按扭，食客可以按下按扭，服務員可以自行走到相關坐位服務食客。個餐埋單只係$36。好抵食。

今日約左個好耐冇見既中學同學見面，係大埔唔熟路肚又有少少餓咁岩見到有薩莉亞，緊係即刻入去!食左咁多次既我已經連餐牌都識背!好熟手咁叫左我既FAVOURITE，三文魚沙律!略鹹既煙三文魚配上爽甜生菜，再加上少少酸既沙律醬，正呀!超級開胃!平時叫開蒜蓉包既我今次諗住試下佢個芝士法包，佢個面真係鋪埋晒芝士!!!咬落去果下個包外脆內軟但真係鹹到冇朋友!食完要飲成杯水!另外仲叫多左個煙肉芝士薯角，好多芝士好正!連埋D薯角食味道岩岩好!!!唯一美中不足係D煙肉有D DRY我個FD叫左個帕馬火腿PIZZA，可能我都係鍾意D野切粒粒平均分佈，個PIZZA對於我黎講好難處理，個火腿咬既時候要斷唔斷咁!味道都淡，一句講晒唔多識欣賞。但OVERALL都係滿足，由於食完會再食糖水，所以淨係叫左D小食依下肚。

本人最like芝士焗薯仔,有少少燒焦既香味,配合芝士,令人食五停口,分量適中,推介指數滿分~而個蜜糖翼就無咩味,只系個口感五錯,好嫩好滑,價錢公道既!值得一提既系,D意粉好好味,五會太淋,有少少咬口,加上黑墨汁,感覺好清新, 正既系,佢既汁五會好希,完美既涉入D面到,good~

22.12.2013素聞這餐廳平靚正, 於是就與好姊妹來吃個午餐.一大碟的甜蝦沙律($24), 大量的蝦仁都放在沙律菜之上. 已煮熟的蝦仁, 雖然無甚味道, 但蝦肉結實, 被沙律醬略為調味也不錯了. 沙律菜很新鮮爽脆, 只有少許的水份留在菜葉上而已.地中海海鮮焗飯($29)有連殼蜆肉, 青口, 魷魚, 蝦仁, 連同蕃茄, 芝士, 香草和飯一起焗, 芝士味不太濃, 反而是蕃茄味強烈, 甜甜酸酸的令人開胃. 蝦仁和魷魚沒有什麼味道, 但只是$29也可以有這麼多材料, 已經很難得了. 把蒜汁燒魷魚($23)放在熱騰騰的鐵版上, 的確可保持魷魚那熱辣辣的溫度. 大大隻的魷魚, 肉質爽彈非常, 煙煙韌韌但亦容易咀嚼.菠菜配煙三文魚忌廉意大利粉($29)也是不錯的. 忌廉汁掛滿每一條意粉之上, 味道不濃烈也不死咸. 兩塊薄薄的煙三文魚放在意粉之上, 不算十分油潤, 咸度也適中. 薩莉亞咖啡凍餅($22)即是Tiramisu. 質感輕柔濕潤, 甜度恰當, 沒有酒味, 但可可味也挺濃厚. 只要每位付$12, 就可無限次享用飲品吧. 飲品吧提供了美綠, 咖啡, 奶茶, 汽水, 檸茶, 水等等, 算是豐富