薩莉亞意式餐廳 (大元街市) (已結業)

聚會好地方，又多選擇又平，鐵板漢堡扒好有驚喜估唔到到呢個價錢都食到高質食物漢堡扒好厚，好多汁，另外我覺得最好食既係珍寶腸，又係好多汁最值得食既係蝦芝士闊條麵，唔咸，啱啱好，又大碟

#MJ大埔薩莉亞相信大家都食過 一啲都唔會陌生嫁啦，佢地平靚正完全係想普通咁食餐飯既好選擇。以下就係文仔去薩莉亞經常都會叫既野食：🍗意式洋蔥蒜蓉燒雞塊雞排夠厚 好嫩滑好juicy ,面頭有啲特制既洋蔥同蒜蓉係面 再加上佢個似係黑椒汁咁微微辣既source,好夠味 好滿足。🔽🥗香焗白汁雞肉菠菜個白汁好creamy 菠菜無咩菜青味 面頭既雞肉焗完都唔會老，加上焗完變得焦香既芝士，成個mix埋一齊食唔會好膩。🔽🍖雞肉多莉亞焗野黎講 呢項都算好唔錯，大量雞肉加埋薩莉亞既白汁 好夾 好有奶香味，雞肉又好軟熟 幾好味。📍薩莉亞意式餐廳📍大埔汀角路10號大元街市地下423號鋪#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#manjai_foodhunter#吃貨#相機食先#美食#香港美食#大埔美食#食好西#薩莉亞意式餐廳

一直唔明點解呢間咁多人排隊，尋晚諗唔到食咩，於是就決定入去試吓。等左兩張飛大約10分鐘後就入咗去，啲位都算幾舒服，有梳化都算乾淨。個餐牌真係幾多選擇，而且大部份都幾平，30幾蚊左右就有一個薄餅，意粉或者飯。最後叫咗一個肉醬多莉亞，一個野菌薄餅，野菌炒西蘭花。自問唔算大食，2個人食，個份量啱啱好。個肉醬多莉亞，芝士同肉醬味嘅比例啱啱好。至於個野菌薄餅，個野菌幾豐富，再加埋蒜蓉同芝士，口感都算唔錯。最後加個清清地嘅野菌炒西蘭花，健康得來啲蒜蓉有意外驚喜，整體來講都算幾滿意嘅一餐，埋單兩個人都係80幾蚊，以後會再嚟。

講真平時食西餐都唔平㗎！喺呢度食就真係平靚正！食lunch更加正！好似我咁叫個Pizza餐再加個A都係$42咋！燈燈燈要留意番！佢$42係包咗個沙律，Pizza同埋杯無限添飲野飲喎！平時飲杯珍珠奶茶都30幾蚊啦！中午唔係好抵好抵呀！仲要去過無限添飲有好多唔同種類嘢飲，有汽水有茶有咖啡亦都有朱古力！有熱飲又有凍飲仲有水添！我就係叫咗呢個Pizza啦味道都唔錯！$29跟餐有埋呢個沙律雖然係細細碟不過都過到口引！

薩莉亞經常性都好多人, 6:30去到已經有唔少人等緊位~由於同朋友想食個快飯然後去追月, 揀薩莉亞就岩哂!~落左單一陣, 好快就有野食喇~!蒜蓉法包咬落去好crispy, 而且仲係暖暖地~辣味雞翼雞翼控朋友諗都唔諗叫左8隻, 雞翼夠哂辣, 好惹味!黑松露野菌忌簾意大利粉好香黑松露味, 而且意粉口感OK, 個汁既味都唔錯~肉醬多利亞好多芝士! 而且D肉醬帶住蕃茄既酸味, 特別開胃!雖然個餐盤睇落好淺, 但都幾有飽足感架!一人食左50蚊多D, 價格真係好親民~而且野食質素係好OK~!

大埔呢間薩莉亞喺大元邨如果唔係住大埔，都好少會入到呢個地方食今次第一次嚟到大元邨間薩莉亞次次去親薩利亞都會同男朋友叫一個pizza，一個飯/意粉，同1-2個小食今次大食啲，叫兩個小食每個菜式大約都係$50左右價錢不過份量係唔算多嘅所以如果有男仔嘅話呢，通常都要叫多個小食個人來講，非常喜歡佢個芝士pizza，芝士好香， Pizza焗得好脆！佢個芝士肉醬飯都好好食！小食方面好鍾意佢嗰個焗薯角，仲有個芝士焗菜， 好香，而且感覺好似健康啲

聽講薩莉亞， 係黎自日本 ，但又平又抵食所以一家大細嚟試下。 餐牌好多選擇 ，但價錢非常之親民。價錢咁平可以放叫唔同嘢食都唔會肉赤 ！ 見人哋嘅份量每樣唔算太大分， 唔使驚食唔曬~叫咗個芝士粟米pizza, 幾得意, 啲芝士好正呀，個 pizza熱辣辣，啲芝士係可以拉絲~ 叫咗個法式焗田螺， 每一格有一粒田螺同蒜蓉洋蔥配料 ，幾野味， 但洋蔥有少少油膩。 叫咗脆脆蝦， 炸粉唔太厚，一粒一啖都幾過癮。 叫咗個燒魷魚，廿幾蚊有大大隻燒魷魚真係超抵食又好食！想再encore~ 另外叫咗個蕃茄海鮮意粉 都唔錯 有大大嘅青口同魷魚做配料。 另叫咗個意大利飯， 墨汁意大利飯 。但麻麻，好咸 。同埋唔似一般risotto ，佢似普通飯加咗少少醬汁去煮咗一陣咁。總括嚟講呢個質素對得住呢個價錢, 相信就算兩個人嚟食都可以叫四五樣菜式~幾豐富嘅一餐~

又平又好食平時見到一定排曬長龍, 今次早上時間經過, 哈哈~ 我地成為佢今日第一對客人!! 唔冼排隊真係正, 今次終於比我地試到呢間餐廳!! 重點係, 咁平嘅價錢, 估唔到都幾好味喎😳😳我一定一定要推介蒜蓉法包, 超級好吃, 好香蒜蓉味, 熱辣辣, $10咋, 仲要係兩大件, 呢個絕對要order!!田螺味道都唔錯, 有六粒, 好快比我地KO😛溫泉蛋卡邦尼意粉, $32, 老實講, 呢個價錢黎講, 真係好唔錯, 意粉都煮得剛好, 讚!!白汁雞肉菠菜就相對遜色小小🤨總括來講, 性價比好高, 滿意滿意, 難怪成日咁多人排隊!!

相信都有唔少人你都食過 薩莉亞 啦 薩莉亞出名 性價比高 唔需要好貴嘅價錢就已經食到好多唔同種類嘅嘢 不過因為佢相對較底性所以呢人流都好多 好多時都要等位 咁樣今日呢就大元分店人流都唔算好多因為間舖夠大 等咗15分鐘左右就有位喇 咁你今日呢嗌咗兩個沙律 分別係三文魚沙律同埋甜蝦沙律 味道都算唔錯啲菜都唔苦 而且佢嘅醬汁都幾吸引 另外呢買咗呢個香辣雞翼 食落去唔算好辣 都幾惹味 另外嗌咗一個粟米沙律pizza沙律醬都好夠而且餅底夠脆 最後就係一個我至愛既野菌意大利飯 味道唔太濃郁 略為就唔夠肝腎即係其他都 冇咩問題 我哋兩個人都係食咗140蚊咋 總括而言 殺你呀都係一個幾抵食嘅選擇

好抵食呀！食到一半覺行戈物有所值，要影相放上黎分享下！叫左幾樣野食，夾埋每個人都唔洗一百蚊，但係就好似食左好多款野食咁，又意粉，又薄餅，又雞翼。每樣份量雖然唔多，但勝在價錢超值，味道唔錯。

話說薩莉亞係出名排長龍嘅食店，因為價錢真係好抵食。尤其是同屋企人食，最遠都離唔開屋村範圍，佢嘅價錢甚至乎比翠河更平。只不過係意大利式食品未必啱老人家，所以今次我就自己一個人，六點前好容易搵位。叫咗個鐵板漢堡扒，份量細細，女仔食就啱啱好，牛肉味道合格，半山熟蛋就比較Hea，同埋薯哥林pat pat，no good。不過價錢真係好平，脆皮腸仔都幾好食，望落去有啲 dry, 我有幾鍾意佢自助式攞茄汁，個別方便包裝。仲有自助式汽水，幾蚊已經可以飲到反轉再反轉，突然間好想飲汽水，忌廉最懷舊。整體真係好抵食，仲好似唔使加一

今日同幾個朋友來食環境都幾好，坐位好多價錢真係超平，仲都算大份tim ar我地叫左芝士煙肉焗薯角...🥓🥔🧀好多芝士，仲可以拉絲...🤤🤤蒜蓉包...🥖好香，外脆內軟...雞肉pizza...🐓好足料...意大利飯...好好食，好香菇味...鐵板魷魚...🦑個汁不錯👍🏻成隻上...幾正ah加十幾蚊飲品任飲tim ah有氣水 咖啡 ☕️朱古力 花茶 都算多款👍🏻👍🏻三個人己經食到超級飽...宜個價錢真係好抵食ah而且味道都幾好👏👏👏👏🌈🌈

食意大利粉一定要試薩莉亞意式餐廳,佢係一間連鎖式意粉快餐, 食物質素都不錯,價錢又唔算太貴,所以每晚都有好多年青一族及一家大小,每一區都有分店,交通亦十分方便.黑椒雞肉意粉,大大碟嘅意粉再拌勻黑椒汁雞肉, 十分juicy美味,味道不錯.餐牌有好多選擇,有不同款式鐵板餐及pizza選擇,價錢又經濟,另加十幾蚊又有美味嘅湯飲,好受歡迎.環境光猛及乾淨約埋幾個朋友一起到來食飯後又可以行下附近商場,不失一個消閒的好去處.

今日在大埔工作，經過附近商場見有餐廳，一大班同事可能太肚餓，不顧一切便跑進去了。其實很久以前已經聽過這間餐廳很抵食，一打開餐牌原來他們的叫法是一個主菜另外再附送餐飲，意粉薄餅類也是＄36-38左右。同事點了煙肉菠蘿薄餅，邦哥尼意大利粉等，我一坐低已經飲了三杯咖啡，大滿足。

We decided to take the family to eat here on 3 April. We arrived around 7pm and there were only a few people waiting. We had 7 people in our group and had to wait for 4 more tables before we were seated. After waiting for about 30 minutes, they hadn't called one table for groups with 5+. we spoke to the manager on duty several times, as there were many seats available in the back. The manager refused to open the back area and still no 5+ groups were called. There were more than 10 tables called