薯仔屋電影餐廳

营业中

休息中

第一食一次餐 送錯四次嘢 第一次送咗我杯嘢飲比隔離枱 一次就算 第二次送錯餐比我 第三同第四次又送錯食物比隔離枱 咩係咪文化嚟？我尊重 如果真係記唔到枱的位置咪貼數字係枱囉 但係又冇架喎 第二點餐問題 人手又唔係唔足 有成一兩個冇嘢做行來行去 係唔肯用人手點嘅又冇QR code網上點餐 特登要去點餐區點餐

其實我同男友都係柴灣友嚟眨下眼佢都要變成我老公啦好懷念拍拖果陣我地成日去呢間戲院睇戲嘅街坊就算唔係睇戲都會過嚟食見好多人都嚟据扒$100鬆啲有扒餐非常抵食肉眼扒質素算係咁配菜嚟講有翠玉瓜、西蘭花、豆角、薯條淋上黑椒汁無得輸海鮮意粉落重忌廉足料有帶子、青口、魷魚、蜆、雜椒仲有淡淡香草味估唔到跟餐送嘅前菜幾精緻同時有曬蒜蓉包同沙律唔洗頭痛揀咩好飲品方面都唔差架榛子牛朱古力少少榛子起咗提味作用仲加上棉花糖好似細個果陣嘅味道欣賞鋪頭柚子茶採用鮮薄荷而唔係糖漿格外清新

誤打誤撞我們去錯咗柴灣，打算在地鐵附近找個地方飲杯野，結果發現了這家餐廳。女兒被餐廳外面的鸚鵡吸引了，餐廳老闆是一對友善的夫婦，他們讓我的女兒餵食鸚鵡並與鸚鵡玩耍。之後，我們在這家餐廳吃了晚餐。這是一家可愛且適合兒童的餐廳。有大型鸚鵡壁畫、夾娃娃機和兒童遊戲角。我們今天不是很餓，所以只點了兩份晚餐：鐵板黑椒汁肉眼扒和洋蔥圈伴三文魚拼芝士焗薯。晚餐套餐有沙拉和蒜蓉麵包，我們還加了南瓜湯和特色熱飲檸檬桂花茶和雪耳雪梨杞子茶。沙拉、蒜蓉麵包和南瓜湯都不錯。鐵板黑椒汁肉眼扒很好吃，店員即時淋上黑椒汁，好惹味。洋蔥圈伴三文魚拼芝士焗薯三文魚賣相好靚，但可惜三文魚有點煮過頭了，不是很軟。我很喜歡這裡的特色熱飲，檸檬桂花茶和雪耳雪梨杞子茶都很好喝，不太甜，幾清潤👍🏻價格中上，但在區內是較有特色的餐廳，也是OK的👍🏻 兒童餐看起來棒極了。如果我們再來的話，我的孩子下次可能會嘗試。

薯仔屋電影餐廳 (柴灣)📍柴灣柴灣道333號永利中心地下J號舖B單位薯仔屋電影餐廳係正Cinema 戲院隔離🎥，夜晚去睇戲食飯非常方便~餐廳環境亦好有電影院氣氛，門口同店內都有夾公仔機🧸，見到有食客都夾到一支公仔! 門口有4隻鸚鵡🦜，室內都有一支白鸚鵡，幾得意店員安排完位置之後就可以睇下食咩，再去櫃位比錢落單，然後就可以等店員送餐，入面有個corner位可以比小朋友玩，場地都好適合搞生日會同聚會🤹‍♀️。今次就試左🍴晚市套餐 Dinner Set，揀左鐵板黑椒汁肉眼扒配薯菜同香煎挪威三文魚柳配豬扒配薯菜，另外配有跟餐蒜蓉包🍞, 沙律🥗, 同飲品🍹。🥩<鐵板黑椒汁肉眼扒配薯菜>一拎上黎係燒到大概7成熟金香色澤，再以鐵板輕輕煎過同保存溫度，肉眼煎到外酥里嫩，牛肉味濃，配上黑椒汁，同朋友共同分享，非常美味!🐟<香煎挪威三文魚柳配豬扒配薯條>三文魚柳表皮香脆，魚肉入口溫潤滑順，豬扒入口脆香，肉質唔柴，易入口仲有蜜糖香，有D似BBQ 燒出黎既感覺，水準一流，另外仲有粗薯條同蔬菜，份量十足，大推呢個set!🍋 <老薑檸檬蜜>食完個set仲有兩杯跟餐飲品

呢排忙乜嘢就係忙諗下點籌備囡囡生日會搵一個有得玩有得食嘅地方唔係難最重要係啱budget幸好大部分朋友都住港島區朋友介紹 @smallpotatomovieland今日特登落嚟睇睇地方大 大人細路都啱仲有落地玻璃 光線十足場內都有唔少小朋友玩意仲有隻可愛鸚鵡整體裝修感覺好warm食物種類繁多兒童餐賣相吸引一場嚟到自己都要食過下午茶先至尊香脆大雞髀套餐配薯條雞髀巨大係我至愛嘅生炸雞髀薯條香脆配特飲韓國柚子雜果梳打大大杯下午茶都夠飽人均消費💰 ： ＄ 50總結✍ ： 多元化,裝修精緻NatNat評分💎💎💎💎(5💎為最高)🏠 薯仔屋電影餐廳🌐 柴灣柴灣道333號永利中心地下J號舖B單位

今日去左柴灣睇一套泰國好戲，好感動好耐冇睇到喊濕一包紙巾～睇完戲喊完好肚餓，見到戲院樓下就有間特色餐廳，門口玻璃望入去環境幾靚又舒服，就入左去試吓，平日下午茶時間人不多，可以自由選擇位置，打開枱面上餐單有好多選擇，最後揀左炸雞批配薯條試吓～櫃台買完餐回位，好快職員就送上餐點，好有效率，本來諗住咁快到應該都係整定麻麻地，但入口發現炸雞批及薯條都是熱辣辣，炸雞批外皮脆內裏肉好滑，仲有肉汁，而且醃得好入味，脆脆的薯條上面淋了秘製芝士汁變得更好味，加埋凍檸茶中和返一個字，正

之前都成日嚟呢間餐廳，喺Cinema City下面，裝修得幾靚，食物嘅質素都唔錯。今晚同朋友一齊去，叫咗肉眼扒薯菜、燒汁雞扒意粉&飯、香辣豬頸肉炒意粉、蘆筍雞柳意粉。肉眼扒係用鐵板上，職員即場幫你淋啲汁上去，熱辣辣好香口非常好味！香辣豬頸肉炒意粉堅係辣，唔食得辣嘅朋友唔好揀。蘆筍雞柳意粉一般，味道偏淡。每食一個餐會有一個印仔，儲夠8個印仔可以當$50用，儲齊10個印花可以換Cinema City買一送一換票證。

估唔到呢度會有間親民咁親民嘅戲院，而戲院隔離仲有間主題餐廳。餐廳行家庭風，平日會有好多家長帶埋小朋友來，亦有好多學生幫襯-小朋友可以係玩具corner自娛下，而學生就會超級興起一齊夾公仔，真係好青春～🧸/鐵板黑椒肉眼扒配薯菜$89/聽到鐵板上嘅炸炸聲🥩，已經即刻流曬口水。超淋嘅肉眼扒唔洗用力咬咁濟，再配埋薯菜，成個懷舊感出左來，巧有feel～/香草燒BB野雞拼法式熱狗腸薯菜$96/半隻燒BB雞直接上檯好吸睛，切落去個下已經feel到佢有幾juicy幾嫩。皮香肉嫩嘅燒雞做lunch，再加埋法式長香腸同薯條，咁豐富的唔得架🍟最意想不到係佢嘅凍檸檬茶，飲落係classic茶記水準，好滿意～

呢度有幾款「午市套餐」，揀咗 $96「香草燒BB野雞拼法式熱狗腸薯菜 Rosemary Roast Spring Chicken and Hot Dog Sausage with Vegetables」🤣「午市套餐」包「茶或汽水，凍飲加三蚊，熱即磨咖啡+$3・凍即磨咖啡+$5，轉其他特飲半價」，咁加 $18叫咗「青檸梳打」🤣「青檸梳打」凍冰冰唔係好甜幾清新🤣「香草🌿燒BB野雞🐓拼法式熱狗腸薯菜」：有半隻燒雞、一條好長嘅香腸、好多炸薯條 同埋啲沙律菜，食晒會勁飽🤩，燒雞不同部位有不同口感，啲骨唔太硬好容易切開👍

今日同朋友又黎食薯仔屋 身為柴灣人既佢都話薯仔屋算係柴灣最好食既餐廳！水準同半年前一樣keep到 (甚至仲好味左😋)-決定食好啲 同朋友一人一塊扒叫左個鐵板黑椒汁肉眼扒配薯菜 同 試試店員推薦話新出既板燒美國IBP穀飼西冷牛扒餐鐵板黑椒汁肉眼扒上枱渣渣聲 令人口水直流 配搭埋惹味既黑椒汁真係冇得輸！另外板燒美國IBP穀飼西冷牛扒會係用鐵板型式上菜 可以俾食客自行煎香同控制個生熟度 有啲似熱石牛扒我落左蒜蓉 牛油 玫瑰鹽一齊將牛扒煎香 煎到7成就岩岩好啦🥳西冷牛扒肉質肥美軟嫩 油脂分佈適中 非常JUICY !! 我仲貪玩煎左蒜蓉牛油 薯條tim呀另外仲叫左2杯特飲韓國柚子雜果梳打超大杯！大杯到俾佢嚇親 2個人share飲都可以香濃朱古力cream非常邪惡😈好濃朱古力味💓🍫當我地一心以為食完既時候 店員拎左個軟雪糕俾我地原來板燒美國IBP穀飼西冷牛扒跟餐會有甜品🍦軟雪糕好特別 有啲似忌廉溝鮮奶既味🤩好味-大家睇完戲不仿去薯仔屋電影餐廳食野 包你有驚喜 !!

同小朋友黎呢睇戲，見呢間餐廳好啱小朋友，有好多佈置，所以係度食埋晚餐。叫咗兩個主菜，可以加餐湯同飲品；日式沙律及蒜蓉包，新鮮蔬菜加蒜蓉包，再加忌廉湯，前菜已經係完美配搭。主菜，香煎美國穀飼西冷牛扒鋪天薯條，肉質鮮嫩，油花均勻，鎖住了肉汁的豐富與醇厚。搭配酥脆的薯條，兩者完美結合。另一個主菜，鐵板黑椒汁肉眼扒配薯菜，要自己煎，小朋友好興𡚒可以參與；精選肉眼部位，肉質細嫩且富有嚼勁，鐵板高溫快速鎖住肉香，外焦裏嫩，澆上濃郁的黑椒汁，辛辣中帶有絲絲甜意，讓人食欲大增。旁邊佐以精心烤制的薯類與時令蔬菜，營養均衡，色香味俱全。兩杯特飲，青黃檸檬茉莉花茶，選用上等茉莉花茶為基底，融入青檸檬與黃檸檬的鮮榨果汁，茶香與果香交織，酸甜適宜，清新提神。加入冰塊後更為爽口。薄荷柚子蜜，柚子混合純天然蜂蜜，加入幾片新鮮薄荷葉，柚子的微苦與蜂蜜的甜美完美中和，薄荷的加入更添一份清新，為用餐結束時提供一份舒爽的餘韻。

搬咗嚟柴灣3個月，睇戲就睇過好多次，次次經過呢間餐廳都冇入去食，今日睇完戲，剛好係午餐時間，就決定同老公兩個自私食！呢個係戲院買飛隔離個門口，每次經過都會被香味吸引住。午市套餐係最抵食，套裝包指定飲品，加 $10 可以配埋是日餐湯。是日餐湯：野菌忌廉湯，好多菇味，好好味！老公叫咗午餐D：#香煎帶子虎蝦金不換鮮茄意粉，茄汁都是很開胃的，隻虎蝦都好入味，食哂成個意粉都仲好想食嘢！而我揀咗呢個特別啲嘅，不在午餐餐牌嘅 #燒泰式豬頸肉飯，燒豬頸肉絕對係特嘅至愛，配埋個魚露汁真係一流。轉天氣最好就飲潤喉飲品：我哋加咗 $16 轉秋冬潤喉熱飲 #雪耳雪梨杞子茶，甜甜地好潤口，飲完喉嚨舒服哂！另外一杯就叫咗 #熱阿華田。店內仲有 Kids Corner，小朋友可以除鞋入去玩。店內仲有個收藏品飾櫃都好吸睛！仲可以喺店內睇到到唔同電影嘅預告片添呀！總結：抵食好味嘅午餐，睇完戲食又得，食咗先睇戲都得！下次帶埋兩個仔女一齊食就最正啦！

柴灣戲院地面有間《薯仔屋電影餐廳》餐廳，而佢哋嘅Menu選擇非常多而且價錢親民，店員安排完位置之後先去櫃位比錢落單，然後就可以等店員送餐，呢度坐得都幾舒服，仲有個corner位可以比小朋友喺入邊玩，而且場地仲好適合搞生日會，不論係睇戲之前或者想輕輕鬆鬆食下野呢度都好適合🥢西多士配軟雪糕+薯餅西多士中間係夾住牛油嘅，上面配雲呢拿雪糕同朱古力醬，呢個配搭我都係第一次食，感覺唔會好漏，味道都唔錯喎，不過西多士嚟到熱辣辣，所以上面嘅雪糕比較快溶🥢兒童餐【小餐B】卡邦尼意粉、蜜汁芝士腸、西蘭花、芝士舖天薯條、飲品一杯、迷你雪糕呢個兒童餐有驚喜喎，卡邦尼意粉做得出色，味道比出邊某啲餐廳整得好食，而芝士薯條即叫即炸，而且炸得啱啱好食落冇油冧冧感覺

柴灣嘅薯仔屋餐廳位於地標Cinema City 真真正正與戲院相連 戲院嘅主題餐廳 有些小食更可以帶進戲院食 十分便利 而其實今次我同媽咪去買餸經過來下午茶😁 餐牌好多選擇 店員推介我食下午茶餐內嘅店招牌薯仔炸雞 開頭諗住係普通炸雞 點之嚟到原來有香濃creamy芝士醬響面 炸雞惹味Juicy 食到唔停得口 媽咪揀左午餐香煎帶子雞柳喇沙湯參參麵份量十足 估唔到馬來喇沙湯底都做得好足帶馬拉風味香濃之餘帶椰香 阿媽都比個like重點左每人一杯特色飲品熱 橙加青黃檸檬蜜糖茶 夠潤西班牙咖啡 打咭一流 有軟雪糕好正😊而且店有好幾部電視 播放最新電影預告剛見到新上映九龍城寨之圍城 破墓 等等十分精彩 下次要嚟食返個dinner又係好吸引嘅板燒美國穀飼西冷牛扒 再入場睇戲🎬薯仔屋電影餐廳 (柴灣)柴灣柴灣道333號永利中心地下J號舖B單位#薯仔屋電影餐廳#柴灣美食#hkfoodblogger#hkfoodblog#hkfoodie

柴灣除咗叉燒、魚柳包、雪糕waffle，就係”薯仔屋電影餐廳”。雖然佢啲嘢食還可以，而且唔貴。但呢度嘅特色係親子餐廳，餐廳會開放啲雀仔俾小朋友餵，又有個玩具圖書corner。而食物質素只係其次。