藥膳刀削麵 (已搬遷) 新店位置

My friend working at Central recommended me a noodle stall located at Central. Since my wife told me to pack some food home for dinner tonight, i followed my friend's recommendation. 藥膳刀削麵 was located at Tit Hong Lane, one of those narrow alleys at Central. They specialized in knife cut noodles, as well as ramen, vermicelli and noodle etc. We can choose chicken, pork, beef or wanton to go along with the noodle. Besides that, they served appetizers as well. Green bean mixed with soy bean - It was

外賣成日都排曬隊🤙🏻就叫定外賣自取去拎 去到等左10分鐘左右就有了～中環平民午餐嘅選擇真係唔多 大部份都係中高價位🤪呢度40幾蚊有驚喜！醉雞裝滿左成個外賣盒 份量十足雞肉好嫩而且入味～仲有青瓜做伴菜👍🏻刀削麵都滿滿一碗 湯底清甜～中環黎講呢個質素呢個價錢真係好難得🍽不妨支持下小店！！

最近發現中環新開了一間刀削麵店，喜歡刀削麵的我當然要試試。12:10pm到達，已有數名客人正在等待外賣。我點了一碗口水雞刀削麵配現磨豆漿，多口問了午市有沒有小籠包，師傅回應沒時間蒸，所以要試小籠包只可等到下午茶了。湯跟麵及椰菜、木耳等配菜分開放，所以麵條不會浸得太淋。不少餐廳的刀削麵都很薄身，這裡的麵條算是有點厚度，但略嫌還是淋了一點，但整體口感可接受。藥膳湯底頗香，味道也不錯。口水雞份量很多，有十多件，而且雞肉很滑。最底墊了一些青瓜，配著辣汁就像多了個涼拌青瓜小食，感覺很化算。這間餐廳性價比很高，份量多，味道不錯，還配即磨豆漿，在中環地段也只需$45，絕對值得回頭再試！

今日過了中環做野，但中環既消費指數都偏高，閒閒地食個飯都要$7-80，但今日就比我搵到間在橫街內的小店，下午茶時間三十幾蚊就有碗粉，份量十足又好味。外賣了小食及粉麵，都是百多元，還包飲品，兩個都食唔完。灌湯小籠包皮薄多汁，一客有五隻。口水雞刀削面用了分湯的碗，刀削麵、椰菜及木耳等放面，下面是藥膳湯，刀削麵爽口有點煙韌，藥膳湯完全無味精，帶點中藥香又清甜，口水雞都幾辣，但十分惹味。獅子頭刀削麵有三大粒，比拳頭略少，肉質釥結實不易鬆散，但有豬肉肉汁及香味。老細推介的雲吞，白菜豬肉餡料十足，而且包得結實，咬開內餡新鮮有汁，雲吞皮都唔厚。主食配豆漿，味道唔會過甜；而綠豆百合沙有點似台式米漿，味道不錯。

女人唔補好易老，見到公司樓下有間藥膳刀削麵外賣店，買回家當晚餐。餐牌一目了然，$45一個餐，有不同的材料可以選擇，包括醉雞、口水雞、獅子球、水餃、雲吞、雞扒、豬扒等等。麵底除了刀削麵，還有飯、米粉、米線、拉麵等可供選擇。湯底當然要選藥膳湯，見到奶杏的色澤就想像到藥膳的飄香，肉眼所見見到枸杞，飲落帶有當歸等的氣味，飲完這碗湯之後已經覺得非常滋補。.醉雞刀削麵、口水雞刀削麵有兩款不同口味的雞，醉雞及辣雞，都做得10分出色而且味道正宗，醃得很入味！而且雞是用另一個盒分開上，份量超多，雞肉又好鮮嫩，下面又有青瓜，很豐富。刀削麵和湯底也是分開裝，十分貼心。湯底麵似是人手做的，粗又不一十分有口感！.豬軟骨米線果然是秘製豬軟骨，漲了很特別每一塊豬軟骨都意想不到地好食，煮得稔鬆，有一種入口即溶的感覺。份量也不少，食完之後超級飽。.跟餐送豆漿， 見到店家用九陽豆漿機，所以所有豆漿都是現場磨製，飲落更有質感。加$3可轉成紅棗桂圓豆漿，紅棗味好出，補充血氣。.$45 在中環吃到如此質素，實在非常難得。

🏡 喺中環中心隔離，每次lunch hour經過，見到排哂長龍，今日做嘢做到遲咗放，反而有機會買來試吓😆咖喱豬扒～分量夠晒豐盛，一盒滿滿嘅豬扒，堆滿成個飯盒！豬扒加上咖喱汁一齊炒，夠晒入味醉雞～雞件堆滿成個盒，配料有青瓜和杞子！估唔到外賣小店都可以有咁高質嘅醉雞，浸住啲醉雞汁，非常之滑溜！欣賞比較粗嘅手工制刀削麵全手工製作，條條煙韌滑溜，加上店家注重細節，湯 、面、餸都分開裝👍攞到返屋企都夠熱！配菜有清爽嘅椰菜和黑木耳，加上藥膳湯底夠濃郁滋補！

在中環中心樓下開了一間刀削麵外賣店（中環鐵行里4號地舖）在中環打滾了這麼多年，這間算是我食過最抵吃的午餐；$45 食得飽、材料多、有營養、還有豆漿，在中環我真的找不到第二間。$45 有一個刀削麵套餐，有多款材料選擇，應有盡有，而我最推介吃醉雞首先份量多滿滿一盒（大約是兩-三個大雞髀的份量），而且有淡淡幽香的酒味，甘甜醇厚。雞肉多又好嫩滑，好好食，平時只是這一盒雞也不只$50呢。另外小食青瓜是用口水雞的那種辣醬涼拌而成，把醉雞沾一沾青瓜的辣汁，醉雞頓時變成口水雞！糖醋魚也是很不錯，酸酸甜甜十分開胃，也是用膠盒另上，份量好多如果不太餓淨食與已經夠飽。牛腩也充滿驚喜，有牛腩肉也有牛筋，分量比一般車仔麵/雲吞麵檔要多好多。我和同事全部都叫刀削麵，不過可以轉做其他麵或白飯，刀削麵充滿手工面的口感，非常過口癮。而且非常欣賞面和湯底分開，而且又有很多配菜（椰菜及木耳），十分滋潤又健康！每個餐送豆漿或紙包飲品，或者可以加$3轉綠豆百合沙。

同事介紹，說他們的湯底甘甘甜甜的，不錯挺好吃，那好吧，我都試試看🤣🤣就在中環街市對面的巷仔裡，路過的真的要留心🤣🤣素雜錦刀削麵~有蘿蔔絲，金菇，炸麵筋，菜，對食素的來說，都算是挺豐富的👌🏻豬軟骨刀削麵~如較愛豬軟骨硬身一點的，這個或許特別喜愛吃獅子頭刀削麵~有3粒獅子頭，都挺大粒的，味道不錯，底部放了些椰菜，用了鹵水汁做底，味道剛好不會咸炸咖喱雞翼~這個好吃，不會辣，很惹味現磨豆漿~豆漿豆味濃，無糖的，但有豆味及奶味~

假日最好就係外賣個早餐返屋企食，好耐冇食過啲中式早餐，見到呢度有間新開嘅藥膳刀削麵，餐牌望上去都唔錯，就買來試吓啦！佢有分全日套餐同早餐時段/下午餐時段嘅套餐全日套餐$45 ，早上或下午茶食就有八五折～包豆漿我就叫咗醉雞刀削麵，豬軟骨米線，同埋個手工菜肉雲吞另外亦都叫咗個手工灌湯小籠包等咗一陣就拎返屋企已經好細心咁將啲湯同埋麵分開，所以係唔會淋晒，保持返應有嘅彈牙好吃小籠包一客五件，皮薄餡多，配上醋好食！醉雞都幾大份，酒香幾濃烈，肉質鮮美配上刀削麵，同藥膳湯底 非常養生豬軟骨配米線，啖啖肉好好食！手工菜肉雲吞一客八件，內裏好多料，仲附送好多椰菜同木耳絲，感覺相當健康😋豆漿亦都好好飲， 唔會過甜，豆味相當濃郁♥️呢個價錢喺中環來講，性價比都相當不錯！🎈

藥膳湯～台灣就食得多香港好少有要搵真係好難呢間店主打刀削麵之餘可以飲埋啲湯飲完暖粒粒～$45一個套餐都有好多唔同款式選擇份口水雞另上，真係多到一個點個底仲有青瓜初初仲諗住唔係正宗麻辣店應該唔會好辣點知食落真係好夠勁全部湯同埋面分開上可以簡拉麵、刀削麵、或者飯、米粉、米線都得牛腩炆得好入味而且又係好慷慨，又有椰菜同埋木耳絲另外韮菜餃被薄餡靚一份8隻，呢個就冇跟面底既唔會好多肥豬肉，好輕怡讚👍🏻仲有豆漿送添

🏡發現公司附近又有新店喇😍係一間外賣小店，今日lunch hour過去，見到好多人都買緊外賣！排咗大約五分鐘隊先到我！店家好細心將餸、麵、湯 都分開裝，唔會浸淋！而且選擇多，可以配要 白飯、刀削麵、拉麵、米粉或米線！ 刀削麵係比較粗嘅麵條，睇得出條條都係手工制，非常用心！藥膳湯底真材實料，好似老火湯咁濃郁，呢啲乾燥嘅天氣，好滋補！糖醋魚柳～炒椰菜做配菜，夠爽口！魚柳有成五大塊，塊塊都有6至8cm長，甜酸味夾得啱啱好，而且外賣返到去都仲夠熱！推介💕口水雞～甜麻味適中，配菜係清新嘅青瓜，雞件都好豐盛，有成十幾件，我本身比較好辣，就覺得好啱我食！但係食唔到辣嘅朋友，建議叫醉雞😆唔係會辣親！送嘅豆漿好驚喜，豆味濃郁而且無咩糖，好健康👍回頭率十足！

在中環無意間發現一家藥膳刀削麵，正餐在早餐下午茶時段有八五折，就算不打折價格也很便宜，量又大！ 試了試他家的口水雞，味道很正，沒有因為來到香港開店而味道有所改變，雞很嫩滑，一點也不老！下面配著青瓜讚👍🏻，辣味適中，能吃辣的不要錯過！ 獅子頭很好吃，跟內地的吃過的味道一樣！之前吃的配的是面（所有菜都可以換主食有刀削面，米飯，米線，烏冬），但感覺還是配米飯最好吃！刀削麵很有彈性，藥膳湯，藥味濃郁。 我還叫了他們家的手工小籠包，配著姜醋好吃😋，只是小籠包是套餐（也有豆漿送）只有早上和下午茶有，和其他套餐比感覺價格有一點點貴，個人感覺！ 他們家所有套餐都有飲料（盒裝檸檬茶，菊花茶免費送。汽水要加三元）和豆漿送（原味不用加錢，其他口味要加三元），我加三元換了紅棗桂圓豆漿，個人更喜歡有點味道的豆漿，他們家還有有綠豆百合豆漿好喝！ 這家店幾乎沒有堂食，以外賣為主！這家店值得去嘗嘗味道真的不錯！