蘭亭咖啡閣 (已結業)

很久之前幫趁過一次,印象不錯,食物方面都很滿意,所以昨日同朋友來一個tea先.因太多人,逼住要到2樓座,唔打緊,但落單後,等了10分鐘,仍未有野食,再等了5分鐘,來了一杯凍lemon茶,"叫2杯點解分開黎架",再等,2份旦治都到了,另外一杯凍lemon茶仲未到,仲要話整梗,天呀,茶餐廳黎架,手腳咁慢架.2杯野飲明明係要"小甜",但竟然係好甜,失望;搞乜呀,2份旦治都凍既,更失望!都唔會再幫趁lu!

茶餐, 其實是這裡全日供應的早餐. 點了餐包+火腿奄列+沙爹牛肉麵+茶走=$18. 餐包, 涼的但仍算軟熟, 火腿奄列, 一看有點失望, 像是很求奇的煎熟蛋皮, 但一切開, 蛋汁流出, 還有很多火腿, 很好! 沙爹牛肉麵, 味道剛好, 牛肉也夠淋, 麵有咬口, 以非早餐時段$18來說, 超值!

一間較舊o既茶餐廳,有自家焗o既麵包,所以佢喱個餐包都特別好食,熱辣辣,超軟淑.其餘食物只屬一般,沙爹牛肉o既沙爹味較淡,加落湯通粉度已經冇乜味.幫襯當日有鬼佬客狂食三個新鮮麵包,可見喱間餐廳剩係食麵包就最好!

老字號，仲有分上下兩層，我又好少食佢d飽，但係蛋撻就好多人食，我最鐘意餓到2點零去食乜餐物餐，油多加底，沙爹牛麵好味!! 湯濃肉嫩麵彈牙!! 仲有杯熱央回回魂，夠晒味，樓上唔趕客既，11點零仲有一人一臺嘆報紙既奇景，呢度唔係食裝修既真正香港口味! ps：比較：澳洲牛奶再好d

週末，波友的聯賽終於開鑼，個個星期都在沙田有波踢。晨咁早約左在旺角，原本想同波友們去食早餐，但佢地竟然去食老麥。我當然不會輕易就範，自己一個去飲杯茶食個包，都總比把鬼老麥好吧！原本去富豪，但佢幾款麵包都不是新鮮出爐。行過隔離街，來了這裡，菠蘿包剛新鮮出爐，當然第一時間坐了入來，叫個菠蘿包加杯鴦走少甜。新鮮出爐，椰蓉皮是幾脆口，不過味道就如Olivian所言，不夠香亦不夠甜；包是淡淡的，如果可以有蛋在內就更好了，比較起其他菠蘿包名店如樂園、金鳳等，這裡是差得遠；鴦走少甜甜度剛剛好，茶味及啡味都不錯，這杯反而有水準。不要看這裡是舊式茶記，店員及老闆服務態度也是不錯的。全店吸煙，我在吃的時候就正是煙霧瀰漫的。埋單12蚊5毫，又好經濟。除了菠蘿包，這裡還有肉批及酥皮蛋撻，一試無妨。

近來見有幾個食評都讚呢度D菠蘿包好食，o尋日星期日去開旺行，專程o黎試下。一去到門口已見有兩個櫃擺蛋榚麵包，其中一個麵包櫃係保存住出爐麵包，所以我食d麵包唔算新鮮出爐，但是暖暖地的。首先食菠蘿包，個面唔算好脆，又唔夠香，但就夠鬆軟，食第二個係餐包size大過菠蘿包，鬆軟但唔係特別好好食，之後再叫多個蝴蝶酥，食落好重牛油味，不過好實唔得鬆化，我好少食，唔知傳統個d 蝴蝶酥係唔係咁。奶茶方面舊式茶餐廳應該都唔會差得去邊，而且睇色水似為好掂，第一啖飲落已知唔得，除了唔濃外仲冇茶味tim 。老公食左個茶餐，個茶餐好平18蚊，佢食沙爹牛肉通，睇落牛肉好鞋，亦不多似有沙爹湯底，而佢就話麻麻勝在夠平lor !

見到食評讚呢間茶餐廳o既麵包, 所以今朝陪媽咪去旺角買餸時夾硬掹佢黎花園街"尋包". 黎到114號, 果然見到一間茶餐廳, 但係名好似唔係蘭亭?! anyway, 見到有出爐菠蘿包, 樣子好吸引, 二話不說就買左個黎食(同食評所講一樣, 都係$2.5). 果然麵包鬆軟, 菠蘿皮亦好酥香. 見到佢亦都有蝴蝶酥同出爐蛋撻, 下次可以試一試.

呢度係舊式茶餐廳,因為隔離係我搭車番屋企個小巴站,所以成日會順路買幾個飽番屋企食,我鍾意菠蘿飽,佢地d唔同出面d菠蘿飽,口感一流,熱食最正,雞尾也不錯,都幾大個,我最喜歡買蝴蝶酥,宜家唔係咁多地方有較傳統蝴蝶酥,(大班個d就唔多傳統咁喇,可能佢地係獨立包裝啦)3蚊一大塊,有d糖粒係面,食完都好飽肚...今日我又買左2塊喇....仲有一提,出爐蛋"tart" 都唔錯架....等我下一次入去試下d熱食茶餐先..

呢間茶餐廳，門面唔起眼，一個唔覺意行過龍都唔知。那次是因為她新鮮出爐麵包o既香味吸引我入去的。記得坐下後，叫了一個西多士tea set 跟紅豆冰、一個雞尾包和一個菠蘿包。一向都很欣賞舊式茶餐廳弄的西多士，除了蛋香十足外，還有中間那層塗得厚厚o既花生醬，切開時呈半溶狀態，蘸上糖漿，絕！紅豆冰也是挺有水準，但奶太多；最後那兩個麵包我是回到家，放入焗爐翻熱才吃，，菠蘿包個面好脆，內裡鬆軟，絕對沒有某些麵包店那份食風口感；雞尾包餡料的椰絲忌廉餡(其實唔知係咪咁叫)漏出椰油，yummy到不得了。每個才$2.5，而且size都幾大o下的啊！

老字號,好細個既時候差不多日日去食,最近去過,依舊那麼好食.

~係一間幾舊式既茶餐廳~<br><br>個feel 唔錯,可能係小弟老o左,始終覺得街坊feel 比較有親切感,而唔係好鍾意D連鎖式茶餐廳....<br><br>食物首先係早餐,有A 餐同B 餐兩款,但其實入面既煎雙蛋,火腿庵列,火腿通粉,沙嗲牛肉麵;....等等係可以百搭既!! --> 即係A = B.... ^_^ 質素唔錯....<br><br>至於飯餐,都算幾好.....特別鍾意淋o係上面既豉油汁,撈o下飯...又幾好味~ 而且同早餐一樣,又係"百搭餐", 乜野都有,任你雙拼.....<br><br>(推介: 熱奶茶)<br><br>始終食開有感情.......(但小心牆上有小強..)

呢度好處係幾時都有早食，下午去都有火腿通粉，腸仔煎蛋早食，人少價錢又唔貴，奶茶又有水準，唯一唔好係好似唔多乾淨。