蘭亭咖啡閣 (已結業)

星期四晚專程來搵食。因為見到OR的食友們都對此店讚多於彈。老老在我的推介下，叫了咖喱牛腩飯，送中湯。咖喱好好味，夠辣，但鹹了一點。份量亦好足。連不多吃牛的我，也share了一小件，果然不錯，唔韌，好淋。我則叫了香辣肉醬白菜米粉，連餐飽及飲品，吃得很滿足。不過香辣肉醬其實一點也不辣，這個有點失望。檸茶少甜真係做到少甜，你知啦，好多時你叫人少甜呀，少冰呀咁，都係無咩人理，照做返平時咁樣比你，呢間你會覺得佢真係有跟你講去做既。成檯都係食物，都係用$50左右，好抵。餐牌上除了咖喱系列之外，其實仲有不少其他選擇，好似涼瓜魚鬆飯，同埋好多包呀，西餅呀咁，有機會一定要再好好試下。環境是舊式的茶記，但夜晚去時都係幾檯街坊咁，唔係太多人，都算坐得舒服及沒有壓迫感。

趕頭趕命又餓得發慌, 轉小巴前0黎買個菠蘿包($3) 頂頂肚.唔係新鮮出爐, 不過拎上手仍然少少暖, 加上賣相唔錯, 故抱幾大的期望... 不過可能有期望就有失望, 層皮少少脆, 不過勁甜, 個包就幾實又幾乾, 麻麻0地好食, 試過就算了.下次會試試蛋撻; 又或者堂食, 試試奶茶及沙爹牛麵.

i am a korean, every time i come to hong kong , i must go to lan ting to have a lunch , i love it ! they have a lot of food for us to choose ,for instance , egg tarts , cakes , beef noodles , bread and the like. my favourite is ..... their curry ! chicken , beef , vegetables , fish ... i love them ~ every time i go to lan ting , their staff kind to me ~ their service so good!NOT expensive!!!!!!TASTY!!!

這裡的奶茶委實不錯,除了一般早餐外,還有麵飽吃,特別有椰絲奶油飽和芝麻豬仔飽,又有樓上閣樓坐。唯一要彈就是早餐繼新年後又加了一蚊,要二十蚊了,拍得住銀龍。

朝早帶活動，一早要出到旺角，就在花園街街市旁是旦搵野食﹗找到呢間茶記，點了個叉燒麵餐。整體味道不錯，早餐其實都無預過要有好好食的感覺，始終可想像是訓都未訓醒，不過要記存的是呢度既奶茶很滑很香﹗路過值得一試﹗

今日跟太座嚟呢間老牌茶記幫襯。冇叫麵包蛋撻，亦冇叫茶餐或常餐，有點兒後悔...反而叫咗兩個碟頭飯。馳名嘅咖喱牛腩飯，咖喱汁望落顏色深深，但用羹嗶起嚟卻感到偏稀，食落亦感到唔夠濃稠，辣度OK夠，牛腩炆得唔夠淰亦唔夠入味，總括嚟講只算極普通...太座似乎唔多滿意自己叫嘅鮮茄蛋牛飯。自己試了幾口，蛋算滑，肉雖有經梳打洗禮，但未致於肉味全失，反而番茄嘅份量真係唔多夠。自己就覺得未至於太差，但太座就好似唔多老黎，可能佢比較喜歡D蛋跟D飯兜亂罷...茶走非常出色--- 香、滑且冇澀味，係近期飲過嘅比較出色之作...睇嚟未試埋佢哋嘅麵包蛋撻及茶餐，絕未可蓋棺定論...

又話沙爹牛麵好好味, 都唔好食! 又鞋! 奶茶又唔掂!無下次

我差唔多日日都會去果道(lan ting)食lunch...現在連7-10pm都open牙,佢d食物好平,好抵食...個老闆都好健談,有時我連dinner都系lan ting食~!

11/2(日) 5pm年近歲晚,好歹也得花費一下辦辦年貨.是晚跟男友家的飯聚於太子(忘記了是還什麼神抑或什麼忌);不能遠離此區,於旺角及太子跟人潮經過一輪周旋後,到了此茶記中場休息.店內環境屬典型市井茶記,最大不同就是吞雲吐霧的情境不復再.我倆坐於閣樓的卡座,要了蛋撻及卷蛋各一件$3.5,茶走$10,凍檸茶$12.蛋撻--微暖的酥皮蛋撻皮厚帶鬆化,蛋漿質地滑溜飽滿,蛋味可說是濃濃的.卷蛋--卷蛋色澤未算金黃,蛋香也不出眾,可取是其質地軟綿,忌廉亦挺滑溜.茶走--茶走甜度稍過火,原來茶跟奶平衡得宜的味道給拖垮了!凍檸茶--少冰少甜的檸茶茶香頗濃郁而沒苦澀,一貫茶記水準!此處另一優點乃其服務,親和的阿姐及老闆比坊間連鎖茶記的來得有心;不過不失的一家茶室.

又一間差走漏眼鬧市中的隱世美食，雖然叫做咖啡閣，其實都係舊式茶記。朝早行過，食番個全日供應茶餐($18)。火腿奄列，即叫即做，味道唔錯但係好多油。燒湯麵，麵質幾爽但係燒就乏善足陳。最正係杯鴛鴦走，茶啡配合恰到好處，唔係周處有。見到牆上貼滿蛋撻膳稿，就叫個試，賣$3.5一個，價錢唔平，皮好鬆化，蛋唔係好甜，以咁價錢應該有更好選擇，同區新華應該好。

太子旺角區搵食，如果唔係睇過開飯食評大讚，點睇我都唔會入呢間......普通茶餐廳格局，加上煙霧瀰漫......不過一場到，唔食過又點心息呢？同太太兩個坐樓上，都有人食煙，不過唔算嚴重，仲頂得住。我叫個秘制咖哩牛腩飯加熱華田。太太叫特餐：有雙蛋餐包同沙爹牛麵，加杯熱央添。牛腩飯唔算好出色，勝在夠味夠多。華田唔特別！餐包直情好似細個食一樣味，當堂百般滋味在心頭。依家好難食到，馬上加唔少分！雙蛋一般，牛肉麵好味到出奇，麵質軟硬度剛剛好，自己都煮唔到！牛肉同平時餐廳食到好唔同，唔唔散有質感。掂！而個熱央好飲，佢咖啡同奶茶份量幾平均，而且仲好滑。總括講：食物水準好，只不過環境扣晒分。唯有等出年真係禁到煙，先再去過啦！

餐包+火腿奄列+沙爹牛肉麵$18.00- 超值!個餐包都特別好食,熱辣辣沙爹牛麵好味!! d 麵彈牙!火腿奄列~~~正!!~~~~~~~~~~ G O O D ~~~~~~~~~~

我yesterday 見到食評so我today go to this restaurant try 吓 la...我要咖哩牛飯(good!!), my friend 要涼瓜排骨飯(涼瓜不太苦,也ok la,but好有home feel!!)仲要多2個egg tarts 1人1個,鬆化不太甜,仲想要多個tim埋單$56,好抵食!!

係門口已經見到迫爆, 想坐上面, 但係又比d地盤煙剷亞叔坐晒, 焗住要坐樓梯底, d人行上行落, 攪到好噪!我同朋友嗌左d麵餐, 個雪菜肉絲米勁淡! 杯茶走令到我好失望! 不嬲去d懷舊茶記冰室我都會叫茶走, 茶走最能夠睇得出一間茶記既功駕! 杯茶走冇茶味, so bad!係我飲過咁多間最差既一間! 我同朋友食完個兜淡到冇味既米粉已經飽飽地, 但係見佢呢度d菠蘿包同蛋撻咁出名, 飽都要試la! 另一位同行既朋友點左菠蘿包, 佢話其實係ok既, 可惜係凍既!我同朋友點左蛋撻, 幾好食! 蘇皮撻黎講算係有水準!整體上d野全部一般, 只有蛋撻能夠挽回分數．．．

一個字: ~ 正~菠蘿包新鮮出爐: 鬆化,奶茶香滑,蝴蝶酥夠傳統, 但二手煙太多!!$18 有個茶餐( 全日供應),合乎經濟原則!!