蘭度小籠包 (已結業)

上次係附近食完野見到有間新開既上海野，我一向鍾情上海菜，今個weekend特登再同朋友入灣仔試下 咁店名就叫蘭度小籠包，我地梗係要試下招牌小籠包啦($45)呢度既小籠包皮薄餡靚，輕輕一口已經爆汁，相當高質而店舖推薦我地試既紅燒獅子頭，以前從來冇食過，原來獅子頭即係巨型肉丸，入面既豬肉肉質鮮嫩  驚唔飽所以叫左個雞絲粉皮，粉皮望落有小小似河粉，不過更透明，混合青瓜絲、雞絲同花生醬，口感豐富，不過花生醬略嫌太多搶味 唔做加一好抵食

店面普通 但有意外suprise我本人幾中意食傳統上海菜 因為手工菜居多 自己屋企整唔到 依間小籠包專門店雖然店面平平 價錢平民 但質素唔錯。我地開頭叫左個雞絲粉皮，份量ok, 花生醬味好濃郁，雞絲比我地想象中多。😋之後叫左客小籠包，皮薄，湯同餡都好多，唔會太乾。45蚊絕對值回票價。😍食完小食要食下主食，食左叫肉絲雙面黃，依個我最中意，肉絲芡汁淋上現炸既麵餅，一部分軟身入味，一部分香脆可口，兩種口感同時出現，真係試過返唔到轉頭。☺️☺️另外我地都叫左個紅燒獅子頭，有兩大球，十分入味，唔會太咸，如果有白飯應該會仲滋味。下次試下佢個上海炒年糕，今次太飽無試到。總括而言，依間上海野價錢平民又好食，值得encore。

環境4分：餐廳細細間，但地方都好見洗幾好坐，樓面高，空間足，夠光猛，可以畀四分。衛生5分：枱面乾淨企理，一Ｄ都冇黐立立，Ｄ筷子同牙籤全部獨立包裝，用完即棄，見到佢地準備曬Ｄ白色板隔開Ｄ食客，衛生可以畀五分。服務4分： 服務員爽手唔囉唆，落單，上菜，埋單夠快，畀四分。味道4分：1)  清燉獅子頭個湯味道好清，兩隻獅子頭好鬆好淋，唔使用牙都食到，個煲入面仲有D好爽嘅竹笙，完全唔肥膩，好健康。2)  嫩雞燴麵非常之淋，湯嘅鮮味入曬落Ｄ麵度，Ｄ菜粒好爽脆。3)   新鮮蒸出黎嘅小籠包非常之熱，個皮夠軟，個豬肉餡夠嫩同多汁。抵食4分：冇加一又冇茶錢，食Ｄ乜就比乜錢，都算幾抵，可以畀四分。

去開灣仔做野, 順便食個快飯, 平時去蘭杜街都係食果一兩間, 今次見到有間新餐廳食小籠包,價錢又幾實惠,加一都唔洗!!!兩個人叫左2個小食, 1個冷盤, 1個小菜同飯, 都係2百幾蚊, 夜晚黎講真係幾抵食!小籠包即刻蒸,熱辣辣, 入面有滿滿湯汁, 清而不油, 皮又做得好薄, 真心好吃!:生煎包個底都煎得好香脆,入面都係有好多湯汁架, 所以好JUICY好好食! !好少生煎包入面仲係KEEP到咁多肉汁架!!!:雞絲粉皮都好食,雞絲又多,大熱天時好開胃!小菜揀左紅燒獅子頭,因為好少食獅子頭所以就試下, 2個獅子頭都幾大個,見到都有嚇親,而且賣相都好靚,仲有菜同冬菇~獅子頭既肉質好滑, 入面既肉肥瘦適中, 醬汁濃稠恰到好處, 掛得住個肉而不會太糊口, 送飯好岩!!!

餐廳裝修同環境都好乾淨整齊，卡位雖然唔係sofa質地，但都好闊落，坐得舒服自在😊，員工禮貌同服都好好，上菜速度快，仲成日加水，值得一讚👍🏼。.🦁紅燒獅子頭💲88獅子頭有2大個球，豬肉餡又香又綿密🤤，口感一流，調味既醬汁濃稠而又不膩，仲有小堂菜伴碟，呢碟小菜份量同質素黎講真好抵食😋。.🍝上海粗炒💲68烏冬質地好煙韌彈牙，好岩我口味😄，配料有菜同香菇，但可以加番少少肉，調味好足夠。.🥢小籠包(4pcs)💲45小籠包有4隻，每隻做工都好靚，皮薄餡靚，皮同豬肉既比例都好好，湯汁又多😋。

女朋友超鍾意食上海菜，今日經過灣仔蘭杜街時剛好發現一間新開嘅上海餐廳，我同女友決定入去試試。餐廳乾淨企理，裝潢普普通通，不過我覺得論上海餐廳，食物質素先係最重要，環境裝潢係其次。餐牌上嘅食物分為五大類，包括冷盤、湯類、小菜、飯麵同甜品。- 嫩雞燴麵麵條有少少煙韌，浸左係湯好耐亦唔會變得太爛，另外有大量小棠菜同雞肉碎，湯底清甜，完全無味精。- 上海炒年糕年糕加上娃娃菜、白菜、雞絲同冬菇片一齊炒，年糕有嚼勁唔黏牙，不過有少少油膩感，而且無乜味道，反而白菜、雞絲同娃娃菜索曬汁幾惹味。餐廳額外提供豆瓣醬，年糕味道唔會太寡。- 小籠包（四隻）餐廳名字叫蘭度小籠包，難道小籠包真係咁出色？從外型上看，四件小籠包size非常接近，外皮薄身唔易穿，湯汁香濃。肉餡份量比較細，所以望落小籠包比較的骰，但都符合「皮薄餡靚」既標準。- 紅燒獅子頭獅子頭肉質有啲鬆散，不過味道不錯，下飯一流。配料仲有荀同娃娃菜，增添爽脆口感。冇話其中一款食物特別深刻，但食物水準中等以上，小籠包可以encore!

小籠包 ～ $45呢個小籠包啲肉汁保留到係個小籠包裏面，而且啲皮都唔會好容易爛呀， 小籠包裏面的肉質都幾新鮮 👍嫩雞煨麵 ～$58嫩雞煨麵我覺得係必食推介呀，嗰啲湯整得好濃郁，啲湯配埋嗰啲上海麵同埋嫩雞，真係幾好食，絕配 ， 最後我連成碗湯都飲曬 😍清燉獅子頭 ～88元清燉獅子頭就清清地，啱啲比較鍾意食清淡的朋友呢度嘅環境， 由於係新裝修，所以好乾淨 。另外呢道裝修風格有一種台灣小清新感覺。 呢間舖頭值得下次再來， 我鍾意佢靜靜地，裝修吾錯，又吾會太多人