蘭特餅店

营业中

休息中

係Mikiki 逛完街，本來無諗住買蛋糕，但路過時見到呢間舖頭的蛋糕又靚又平，咁就買幾件試一試。荔枝柚子 $22唔係好食到荔枝味，但柚子味非常香濃。表面的藍莓好酸，反而中和返蛋糕的甜膩。餅底有少少朱古力，成個蛋糕配合起嚟味道好有層次。爆珠楊枝甘露 $22呢款有驚喜，勁好食。表面的橙色爆珠係芒果味，咬開就食到好香濃的芒果汁。切開見到蛋糕裡面仲有好多珠珠，食落係柚子味。呢款蛋糕芒果珠珠同柚子珠珠都好好食，好有特色，而且珠珠的份量都幾多，所有食材配合埋真係好有楊枝甘露的味道同口感。朱古力榛子 $22呢款都好好食，朱古力味好香濃，mousse好綿密，都食到淡淡的榛子味。海綿蛋糕位好鬆軟，朱古力味都好濃。表面的朱古力脆脆仲keep到乾脆，成個食簡直係朱古力的盛宴🥰蘭特餅店 (新蒲崗)新蒲崗太子道東638號MikikiG樓G38號舖*上述文章只供參考及以當時價格為準

每次經過蘭特餅店 都會買佢哋全人手製作「健康而好味」嘅蛋糕同曲奇🍪餅店採用自家烘焙技術，用心製作每款曲奇和蛋糕🍰真係好好食呀！☺️🎀原味牛油曲奇餅必買原味牛油曲奇餅，好香牛油味，咬落鬆脆，愈食愈停唔到口😋🎀原味蝴蝶酥蝴蝶酥好鬆脆，甜度岩岩好😋🎀紫菜肉鬆蝴蝶酥紫菜+肉鬆口感好夾，肉鬆味好吸引😋🎀班蘭蛋捲班蘭味好香口，咬落口感好軟棉棉😋🎀紫薯蛋捲紫薯味都好香口，咬落口感好軟棉棉😋🎀曲奇布甸曲奇布甸甜度岩岩好，飯後甜品就最岩😋🎀朱古力布甸我囡囡最鐘意呢個朱古力布甸，甜度岩岩好，食得好滋味😋

🎈Yolanda 蘭特餅店餅店雖然位於商場入面，價格卻相當親民☺️趁住有消費劵一於買啲甜點返屋企同家人開心share😚蛋糕價錢唔貴，勝在出品有誠意，本土餅店值得支持❣️🎈紫薯麻薯蛋糕賣相好靚，食落幾香紫薯味，加上近期大受歡迎的麻薯，幾正❣️🎈貓山皇榴連蛋糕 好驚喜買到榴連蛋糕，味道清香唔會太重口味，濃度屬於入門級，推介俾初嚐榴連甜品嘅朋友😚🎈意大利芝士蛋糕口感軟滑，淡淡芝士鹹香🧀可可粉亦好加分，令味道更有層次🎈開心果脆脆蛋糕甜度剛剛好，開心果cream夾住海綿蛋糕，層次豐富✨ 🎈曲奇超多款口味，常見嘅朱古力、咖啡、伯爵茶之外🍪較特別嘅有鹹蛋肉鬆、海鹽脆米、姜、Parmesan cheese等🧀餅店亦好明白選擇困難症人士嘅需要🤣買100g可以揀2款味，400g可以揀8款味個人幾推介伯爵茶同抹茶，茶味香濃🫖芝麻-好香黑芝麻味，口感鬆化鹹蛋肉鬆曲奇有鹹蛋嘅鹹香加上肉鬆幾特別另外芝士、朱古力、咖啡、牛油曲奇都發揮應有水準🎈岩燒蜂蜜蛋糕 表面燒到焦香賣相吸引，食到陣陣蜂蜜香味🎈日式芝士蛋糕 有陣陣芝士香，質感鬆軟，蛋香芝士香並重

精緻的蛋糕曲奇有誰不愛？蛋糕曲奇款式七彩繽紛，令人看得心花怒放。本土的蛋糕曲奇的款式味道比外來的品牌一點也不輸蝕，性價比更高。Yolanda Bakery的分店剛好就在工作及居住附近，經常都會見到。個裝小型蛋糕二十元就有一件，款式很多，今次試了濃情朱古力及藍莓芝士。濃情朱古力有朱古力醬加朱古力蛋糕，味道濃而不苦，藍莓芝士質感結實，奶味香濃，入口軟滑。個裝小型蛋糕尚有岩燒蛋糕及日式芝士蛋糕的款式，岩燒抹茶蛋糕口感香濃乾身，表面的芝士岩燒帶有少少鹹香，與蛋糕味道很配合。日式芝士蛋糕輕盈鬆軟，口感比較濕潤，輕芝士的味道。Yolanda的曲奇款式更多，計有比利時朱古力、特濃抹茶、特濃牛奶、特濃咖啡、特濃芝麻、鹹蛋肉鬆曲奇、伯爵茶，國際化的款式，全人手製作。曲奇初入口帶有各款別具的香味，慢慢品嚐過後，曲奇香濃不太甜，牛油味比較輕盈又入口鬆化。

早前4月份的週末，反正出開九龍城食 lunch，順道走到新蒲崗 Mikiki，天寒地凍的下雨天，最好就是 shopping！商場內每一層每一個角落，我也不放過，就連地庫一田超市都要兜個圏，所以當日滿載而歸！經過地下那層，見到有間裝潢好吸引視線的蛋糕店 <蘭特餅店 Yolanda Bakery>！售賣：蛋糕、甜品、卷蛋、曲奇、酥類，就連假花擺設、蠟燭、心意卡、餐具...等配套也齊備的一站式蛋糕店！店內唯一一位靚女店員好有禮貌！就算我買完嘢，臨走再經過，都有同我打招呼！岩燒抹茶蛋糕 $20表面一片芝士被燒至燶邊，抹茶海綿蛋糕，色澤翠綠，質感綿密，清香醇厚！ 甜度剛好！比較坊間的芝士蛋糕，無咁膩滯！假花束擺設 $99價錢實在比我預期平！加上假花束的顏色配搭多元化！ 我睇中了以假花拼砌而成的貓圖案，真的太可愛嘞！ 先買下來留待母親節 Staycation！由於，陳列的花束是粉紅色，我問靚女店員有無新的？如果無都不緊要啦！恰巧她找到紫色，當然更好！媽咪喜歡紫色，即時決定買紫色假花束擺設！回家給她見到也好鍾意！

1直都好想訂個公主蛋糕俾小朋友食，但出邊普通都要五六百蚊一個，而且好多都需要兩磅以上,太大又食唔晒!有次經過呢個商場見到有公主蛋糕訂購，仲要有得訂一磅！那實在太好了！不用害怕浪費。結果就係小朋友生日訂購左一個送給她，蛋糕可以選擇味道 我就選擇左朱古力味。佢仲可以選擇公主裙嘅款式 都有很多選擇！至於味道方面朱古力唔算太甜，忌廉亦都唔（留），因為我自己好怕食忌廉，呢個都可以接受到…..食完個蛋糕之後仲有公主玩具添！下次都會再選擇呢間餅店 再試埋其他款式嘅蛋糕同埋食品！

—「Yolanda Bakery蘭特餅店」👍🏻🉐事源我早排搬咗去啟德，所以見今日得閒就走咗去MKIKI散步，點知經過蘭特嘅時候就俾佢櫥窗裡面一系列曲奇吸引咗🤩🤤🤤不得不讚嘅係佢有好多達1️⃣8️⃣種味道選擇，當中除咗朱古力、牛油、檸檬、藍莓呢啲基本味道之外，仲有姜味、抹茶、杏仁、芝麻、鹹蛋肉鬆呢啲特別嘅味道揀！最後我揀咗「☕️特濃咖啡味」同「🍒燕麥紅莓味」，店員幫我用個靚靚綠色盒裝住，上面仲有隻卡通兔仔可愛到暈，送禮真係一流！結果我都係忍唔住一邊行一邊食，特濃咖啡味口感鬆化，咖啡味夠濃；至於燕麥紅莓味店員就話我知係無落牛油嘅，但食落都係非常奶香，入面仲有啲大粒紅莓粒，兩者配埋一齊就好似食咗個high tea咁，又滋味又健康，係今日最開心嘅小確幸😍🥰種類：⭐️⭐️⭐️⭐️⭐️味道：⭐️⭐️⭐️⭐️⭐️外表：⭐️⭐️⭐️包裝：⭐️⭐️⭐️⭐️⭐️總結：必買❗️❗️❗️

成日放工經過都覺得呢間餅店裝修得好靚，感覺啲蛋糕好似好貴所以冇特別入去。今日終於入去買左件海鹽焦糖蛋糕，覺得個樣幾靚而且感覺好特別，原來都係$20，一啲都吾貴😄仲買左南瓜杏片酥返去試，價錢都係$30，好平民🥰🥰以為海鹽焦糖蛋糕有焦糖會好甜，點知食落又不太甜，而且有啲海鹽粒喺上面，少少鹹鹹地中和返，味道幾吸引😋南瓜杏片酥，感覺幾健康，有啲南瓜籽同杏片，咬落去脆脆地，當零食一路睇電視一路食兩日就食晒😂😂

Yolanda bakery蜂蜜岩燒蛋糕🍰($20) 8/10蜂蜜味🍯幾重好香，食落唔會覺得太甜或者好假。蛋糕放咗入雪櫃，所以唔算好濕潤，但食落幾鬆軟，冇乾爭爭👍🏻咁嘅價錢完全可接受！芒果泡芙 🥧($18) 3.5/1018蚊有4粒本身真係冇乜要求，但食落真係成口泡，個芒果味好假。 寧願佢俾少粒泡芙，然後每個泡芙加翻粒芒果粒入去🥭個泡芙皮都淋哂，講真寧願食爭X泡芙，都好食過佢🤧

啱先經過，見新年啲鋪頭都冇開，得佢開門就行入去睇吓。之前有食過佢嘅曲奇，咁啱見佢出咗個盒裝就買嚟試下。有細盒有大盒裝，細盒$88，大盒就$182。個時諗大盒應該會抵啲 ，咁就買大盒裝啦。點知一開出嚟，個盒好大，打開一睇居然得咁少塊餅！😱平時散買呢間店25蚊曲奇都有成10幾塊，咁樣計埋呢度嘅數量應該先值100蚊，然後加個盒就變咗$182？？？如果行過，真心建議大家唔好買呢盒曲奇😅如果想食，不如散買嚟食仲好，又唔係特別抵。

剛剛經過新蒲崗Mikiki，見到呢間舖頭叫Yolanda Bakery (蘭特) 新開張，好多款式選擇，價錢又ok，就想買d返屋企試吓先啦！點知。。。出乎意料。。。我買左"蛋糕(件裝)"，款式好靚好吸引(仲比大型餅店多款)，唔太甜，食落仲好有口感，同層次添，超正呀！再試左"曲奇''，有成十多款口味選，好新鮮，好似即製咁，又鬆化，想食完再食，唔停得口。原來佢地有"3D立體蛋糕"，好得意，好靚，打算下星期媽咪生日，買個試試。