蘭芳茶餐廳 (已結業)

銅鑼灣人不會陌生的金牌茶餐廳~早餐A有牛油餐包,煎雙蛋,火腿通粉餐包有一大片牛油,唔知係咩牌子,但同港式西餐廳既味道唔同煎雙蛋我通常倒入通粉度食(見過有位太太放入麵包),味道當然唔敢牛奶公司好,但同D通粉加埋一齊真係絕配~茶走-而家冇乜人識叫,更加冇乜茶餐廳會整,但蘭芳茶走真係滑得尼又唔會過甜早餐時間既阿叔個個講野粗聲粗氣,實質非常有禮貌,又會同你傾下計可惜老一輩既阿叔己經逐漸冇做(退休?),取而代之係幾個戇戇直直既後生仔

今日去食咗個波蘿包~西多士焗豬扒飯同埋奶茶 =)個焗豬扒飯超好食~ d汁同豬扒焗到岩岩好 =)波蘿包都好好食~奶茶又唔會太甜~好有茶味 =P之前仲係灣仔謝斐道間分店食咗叉燒蛋飯 & 栗米雞絲飯 & 涷ot =)勁好食 xD 又有電視睇 xD

午飯時間小女子點了波蘿包加熱奶茶 由於過了黃金時間進食, 波蘿包凍冰冰加死實實, 波蘿面亦有點胡口, 因為不像金華的無時無刻地出爐, 所以不能作準 熱奶茶: 茶味香, 無苦澀味, 奶味重夠幼滑 有一位伙記吹水非常了得, 攪到客人很開心

落車時，突然好掛住蘭芳既奶茶一於去買嚟做早餐啦～好多人都會係呢度買早餐因為近巴士站～（同埋佢吔夠快）今日食既係墨西哥加奶茶～奶茶夠香又好味～早餐一杯醒晒丫

去茶餐廳為咩? 目的都係為左快. 要靚要好食,撞入去茶餐廳你九成失望.但若果一間茶餐廳除左快之外, 仲加左服務快, 笑容同懷舊,我諗點都會加d分.蘭芳到現在都用余均益辣椒醬而唔用桂林或潮式辣椒油,顯示到佢地懷舊的味道.試問現在有幾多人仲識余均益?佢地d伙計個個口甜舌滑, 你唔好理佢真心假意, 你爽快時佢仲爽快, 你睇佢地d人手比例同笑容風趣, 好多大食肆都比唔到. 當然, 都有見過你煩多兩句佢地都會腰潤你, 咁既然係得茶餐廳...算啦!係銅鑼灣區, 有間咁的食肆, 包羅萬有, , 食物不過不失, 侍應風趣幽默, 各樣都中規中矩, 就係因為佢枝余均益辣椒醬, 俾面佢, 去多兩次, 緬懷舊事, 緬懷舊時的人情味. 點都好過d扮高級九唔搭八貴夾唔飽服務欠奉的份子美食.

下午不知吃什麼好.. 吃咗平時好多人都話好食既蘭芳...茶攴: $23 义燒通粉,火煺奄利,攴包 (包飲品)wah!!!! 有無搞錯, 竟然將火腿奄利放埋入通粉到 , 油都咁....點食呀???結果: 我只吃咗一啖奄利 和 通粉就算~味道其實係ok 既...但太多油喇...

友人茶癮毒發, 見到茶餐廳就入."我唔肚餓wor... "我邊說邊看看下午茶餐牌..."是彈叫d野啦..."友人只是要杯熱奶茶."咁呀, 西多+cold 鴛鴦啦"本來我地驚d阿哥仔實會寸我地2人分一個餐... 點知..."我拿多對刀叉你地分得方便d!""d野正唔正呀?"友人說茶膽水準一流, 顏色點靚...我的鴛鴦夠茶又夠咖啡~ (忽然記起維x朱古力奶廣告... 如果太多牛奶味...) 要多熱脆, 加上大量致糖尿的糖漿, 正呀~ 阿哥仔好風趣.會再來.

放工, 要先去Sogo攞野, 係大道東上了巴士, 行後路來到銅鑼灣, 九點約了在英國多年的老Antz相聚. 7點, 打個少少底, 再去辨事, 再去找酒友去腐敗竇hea陣.已經過了下午茶時間, 只想食少少頂肚, 奄列茶餐早已停止, 伙記叫我散叫. 咸牛肉奄列, 加杯香濃絲襪奶茶, $27元, 同下午茶餐$21比, 完全收得不過份. 心想, 與茶餐相差只一個包而已.找了一個比較隱蔽的角落坐, 有時較喜歡自成一角, 不受別人打擾. 不到一會, 伙記送上了熱辣辣的奄列, 起初以為沒有包. 原來有菠蘿油一隻. 再加上香口的 咸牛奄列, 剛好為了之後既一杯Hoegaarden落Part, 亦剛好不會令自己於9pm胃痛.不過唯一之失, 我食完成嘴油.

上月某星期日老表帶我黎呢間茶餐廳食下午茶(我係第一次黎) 老表就叫了一個好似叫金牌茶餐之類的東西(大約係$25), 費事寫單果個人(假設稱呼佢為A君)等,所以我都好快咁叫了一個麵餐(大約係$23), 跟住茶餐廳慣例兩杯餐飲都黎左, 咁我地繼續傾計啦, 傾傾下A君就拎了一碟火腿奄列來並指住我話:"你的", 咁我就好不以為然地食啦, 跟住兩個麵都黎埋啦, 食食下老表話點解佢個奄列仲未黎, 諗清楚之後原來我個餐係無奄列的, 咁老表提議我同A君講可唔可以將我叫的餐改為佢的金牌餐啦, 咁我就同佢話因為佢之前令到我誤以為係我而食左所以想改, 佢話無得改, 我話可唔可以幫我問下, 佢問都無問就拒絕左我啦, 跟住行左去做野, 再返轉頭我又再問, 佢就好唔客氣咁同我講: 如果要加個奄列就照餐牌上就要照價錢加($17)

每次來此吃飯，喜歡吃快餐的煎蛋免牛飯，因真的好好味，甜酸適中，令胃口大開．不過今次嚐了他們的茶餐，叉燒湯通粉，不過不失．鮮油餐飽，內有大大塊牛油，合我心意，雖餐飽不熱，但仍好味及鬆軟．火腿奄列，蛋煎得很香口，而且熱熱的．再來了茶酒，奶茶沖得不錯，奶與茶配合得適中，又不太甜．正！

尋晚七點幾經過，望一望宣傳單張，見到仲有茶餐供應，自己又想食，便入內試一試。店內衛生水平麻麻哋，似足老字號茶餐廳。Order茶餐食，伙計又話過咗時間，而家已經無供應嘞！點咗海鮮雜菜煲+白飯+例湯+凍檸茶，盛惠$37。海鮮雜菜煲只有八爪魚及細細隻既青口，加些雜菜；白飯大大碗幾抵食，一碗當人哋兩碗咁多；例湯似味精湯多d。一心以為這間茶餐廳會比一般茶餐廳的食物水準高一點，點知，真係令人失望嘞！

0黎過無數次, 多數都係食tea, 幾乎每次都會叫佢的西多士... 對好多人講西多士可能只係普通0野, 但當出面10 間有9 間茶餐廳都已經switched to 咖央或煉奶, 呢度的就堅持俾"金絲糖漿" 你落, 真係幾難得的.奶茶都唔錯, 不過今日叫0個杯熱奶茶太"奶", 朋友的凍奶茶較好飲.環境up dup, 衛生情況亦麻麻, 不過招呼就好好, 阿叔好友善好好人!會繼續幫襯... 支持金絲糖漿西多士!

因為返工關係日日都要經過呢度成日經過門口都聽過阿叔們既叫喊聲'入面有位,入黎食啦'終於有日入去入到去就即刻有叔叔畀茶,待應們快手快腳不特止而且有禮貌,抵讚早餐有ABCD餐叫左個餐,幾好食,奶茶都OK銅鑼灣區來講,價錢好實惠返工食早餐既好選擇希望食到佢既午餐,晚餐

食tea $20野食都算okay,有通粉加菠蘿油又有野飲,抵!食完好飽,好滿足

0係英國生活了一年0岩0岩返的朋友整完頭髮, 出0黎搵我late tea, 因為想食"中餐" 0既關係, 大家又未0黎過呢度, 即管試0下. 叫了油多+ 凍奶茶; 朋友就要沙爹牛肉米粉+ 熱奶茶.凍奶茶幾香滑, 唔係咁甜, 不及中環蘭芳園不過都唔錯. 油多幾脆, 牛油幾夠, 幾香的.環境拍得住天后祥利冰室咁"懷舊" / up dup; service 係無service 可言, 不過茶記係咁0架喇.普普通通的一間0野...