蝦記麵廠

营业中

休息中

經朋友大力推薦，亦看到了ViuTV及YouTube的介紹，了解該小店是60年的老字號，買少見少，小編便到訪了位於土瓜灣的小店。蝦記麵廠經營的是前舖後廠的模式，由一開始的麵粉步驟便於麵廠開始進行，會人手執面，主打手工麵，最出名的是蝦子麵。單單是蝦子麵已有不同的款式，例如1️⃣普通蝦子麵($55/磅)、2️⃣特級蝦子麵($72/磅)、3️⃣金牌蝦子麵($85/磅)和4️⃣瑤柱蝦子麵($95/磅)小編購買的時候，看到了蝦記麵廠負責人Gary，便詢問不同蝦子麵的分別。原來金牌蝦子麵和特級蝦子麵的麵底在製面時皆已加入大地魚湯底，因此用清水煮時，不需另外加調味，已能煮出大地魚湯🐟。每一個面大約用碗半水。最出名的莫過於金牌蝦子麵，蝦子的份量比特級蝦子麵更多，因此小編便購買了金牌蝦子麵。小編回到家煮覺得味道不錯，尤其是湯底有鮮味，的確一粒鹽也不需另外添加。麵底有點像竹升麵，亦通看到滿滿的蝦子。尤其小編近來需要減重，口痕想食麵時，不想選擇經油炸的即食麵，便可以煮一個蝦子麵，份量剛剛好，方便又健康！Ps 小編買完蝦子麵後再約另一位朋友，那位朋友本身住在土瓜灣區，看到我手上的蝦子麵便大力推薦這間麵廠是她由細食到大的麵。她亦

其實由細食呢間燒賣食到老😂我聽聞佢蝦子麵好味。但本人只食過佢門口嘅燒賣粉果同腸粉（個時仲叫左做粉腸唔該！）仲有牛肉。我記得啲燒賣係有轉過款架。同細個食個隻有啲唔同。有一輪覺得佢唔好食左。但呢排食番又覺得還是佢好。我鐘意加佢啲甜豉油、麻油同辣油。放工口「路過」就買2或3串。對我黎講已經好滿足！唔好意思，我講左咁耐都係講緊佢嘅燒賣，如果真係想試佢蝦子麵的朋友...我會搵一次啦，買下🤣🤣番屋企煮下來試。待續

星期日既早上唔想出街同人逼，屋企附近又無咩好食🙃🙃🙃突然間醒起之前係土瓜灣買左包蝦子蛋麵！！於是就咁煮黎食🎃之前因為唔知配咩湯底所以好怕煮蝦子麵，但今次一開個袋就聞到好香既蝦子味，一個麵細細舊所以索性煮兩個。本身想爆香啲薑蔥再加蠔油整撈麵，但係話明就咁煮就唔整咁多野，又可以試真啲個味同個質地✨🤪凍水落麵，到水滾就熄細個火慢慢用筷子撩開個麵幾分鐘就可以食。（懶到連碗都唔用，可以洗少個碗嘛xd）雖然自己煮，唔可以好客觀咁評價麵質🙂🙃但係味道都可以畀comment 食第一啖，就食得出好濃既蝦子味同蛋味🥳食蝦子麵其中一樣好怕既野就係舖頭放左好耐先賣，令到啲麵有陣「憶」味。但係呢碗蝦子麵不但味香同味濃，而且麵質爽口彈牙證明啲麵好新鮮。自己煮都好食，咁真係好好食🤪🤪🤪

蝦記麵廠前舖後工場，麵廠堅持60年不變。除咗蝦子麵，最有趣係門口有腸粉、燒賣、粉果賣。腸粉比一般食開嘅較重米味，濃郁米香，就算唔點醬料一樣好食。鋪內非常傳統，一個個玻璃櫃裝住手製麵餅。

這間麵鋪賣干麵餅，有很多唔同味道，我都有買，都好好味。另外都有賣牛肉燒賣、魚肉燒賣、腸粉、潮州粉果，我有些朋友話腸粉好吃，而我就因為充飢，多數買粉果。今天買咗牛肉丸就覺得唔夠熱同味道麻麻。

行過《蝦記麵廠》,突然又想食一串燒賣，於是買下一串6元的魚肉燒賣(5粒)，店員會放些有甜味的豉油，熱辣辣的魚肉燒賣都好有濃郁魚香，都好新鮮，而且沒有一點魚腥味，彈牙又軟滑。除了燒賣之外，都有腸粉、粉果及乾蒸牛肉賣，不過都下次再來試啦！

現在D人很喜歡吃即食面，很多快餐店都會有面食，通常D食客會叫乜乜公仔面，乜乜丁，為何沒有人叫乜乜蝦字面呢！原因很簡單就係，D人很懶慣食味精，鐘意吃新口味，多花款，超市上的即食面花款多，變化多。傳統味道自然失式不少。最近發現土瓜灣有間面店，門面買簡單小吃（腸粉、粉果、牛肉、燒賣）內裡買蝦子面。義記醬料及其他醬料。作為喜愛傳統既我點都會去試試看。門口買的小吃，都是幾蚊貨仔，做些街坊生意。每幾分鐘便有人幫襯。生意都還可以。腸粉、粉果、牛肉、燒賣我相信都是交貨來的都是沒什麼特別。但他們用的醬料都是用義記醬料做醬汁，這些甜醬、麻醬、豉油、辣油都是他們用心制作，這種味道有著惜日的街邊小吃，所以特別好食。特別有人情味。內裡有十多款各式各樣不同的面餅，我最愛都是金牌蝦子面。貪佢夠傳統，蝦味香，面個彈呀！最重要是不用味精。用滾水加入面餅，簡單加幾條菜、加幾片牛肉（牛肉不用腌）煮幾分鐘，在碗內加些蔥花，煮好了在倒入碗內，便成了一清湯牛肉蝦子面。又簡單又好味又冇味精。所以我大力支持傳統，支持原味。