蚊蚊豬老火鍋 (已結業)

今日試左間新嘅烤魚邊爐都唔知朋友點樣成日搵到啲新邊爐出黎嘅😂📍蚊蚊豬老火鍋一黎就揀左個烤魚嘅湯底先本身我食呢啲淨係會食辣不過最近腸胃唔好所以就試下蕃茄湯底🍅其實我係唔食蕃茄唔知做咩今次patpat痕好想食茄湯黎到係好surprise嘅🤩估唔到烤魚用蕃茄湯係咁夾同埋條魚都炸得好香口而且條魚仲好好肉我可以食多條👌🏼等緊轉邊爐嘅時候我嗌左盤刺身做buffer本身見好少款都冇咩expectation點知都好新鮮同埋唔會好孤寒俾得一兩片🍣跟住轉打邊爐餐廳首先俾一碟齊款牛肉俾我地先🥩有牛坂腱、極上牛肩脊、封門柳、同埋牛舌芯我個人最鍾意牛肩脊呢個牛味同脂肪比例最適中另外都嗌左啲丸呀餃呀咁最後值得一提嘅係佢地連啲燒物都好好食我地嗌左啲雞軟骨、豬頸肉、雞翼之類咩都有啲食得好開心😄最後用左3杯雪糕完成呢一餐飯😋

一家人夜晚去深水埗分店蚊蚊豬任食打邊爐超值，只係$298/位，就可以任飲任食120分鐘！見到仲有個好抵既package，加$100就可以無限時任食，真係勁抵，啱曬大胃王或者想gathering慢慢嘆慢慢食既！首先先叫左個萬州香辣鮮茄烤盧魚，勁大條又好味！魚肉好嫩滑！浸埋d湯底正啊！d牛肉又几靚，唔同部位都好香好正！最欣賞佢d串燒，燒得好正！最仲意豬頸肉串燒，好厚身又爽口，仲好入味！仲有好多其他野叫黎食添！

$248 無限烤魚🐟雞煲🐓刺身任飲🧃任食 😱💕原味香辣🌶🔥萬州烤魚（清江魚）大大條好厚肉 無乜細骨🥳 佢係有炸過👻所以魚皮係脆卜卜🔥 做到外脆內軟而冄佢哋條魚🐟本身都好入味 基本上唔使靠湯底🍲都好食😋🤤🤪打邊爐牛肉🐂🐃手切安格斯肥牛 封門柳 牛板腱 牛舌👅每一款都好高質👍🏼🫄🏽最鍾意❤️佢地嘅手切安格斯肥牛🐂 好霖肥牛油脂分布紋理好靚🔱無乜筋刺身三文魚 甜蝦 🦐好新鮮 都幾厚切 正🥳🤪👍🏼總結：呢間放題好高質💕❤️ cp值高🥳 放題野食一d 都唔馬虎 都係用靚嘅食材 😎肥牛紋理好靚👻呢個價錢絕對抵食 💲💰今次試唔到🥲佢哋個雞煲牛尾鍋 🍲其他小食🥠因為太飽🫄🏽 下次再戰🫡回頭度： 🌟🌟🌟🌟🌟（滿分）好味程度：🌟🌟🌟🌟🌟（滿分）

呢間蚊蚊豬火鍋之前已經見過好多人推介，價錢$298一位幾公道，任食120分鐘😁 menu包左好多款式嘅野，我地今日就試左烤魚同火鍋，2樣都高質😇先食烤魚，朋友唔食辣所以叫左蕃茄味，估唔到蕃茄味道咁香濃，個湯底就咁飲都好正🍅🍅🍅 魚我地揀左清江魚，魚係先炸過所以表皮香脆，入面肉質嫩滑，都唔算多細骨所以可以安心大大啖食😄食完烤魚就換湯應打邊爐，我地揀左粟米豬軟骨湯，幾清甜😋 餐廳會先上一碟牛肉拼盤，份量都幾多下🤯 我最鍾意係牛肩肉，好夠脂肪，即使有幾舊唔小心淥耐左都keep住好嫩👍🏼其他食材用qr code落單，基本嘅海鮮，肉類，丸類，餃類，菜類等，全部都有。最驚喜嘅係佢地竟然有刺身提供😍 款式唔算超多但肉質肥美，絕對有驚喜！另外，餐廳仲提供各款前菜同燒烤，真係乜都有得食☺️

入秋喇，同班fd食飯最想就係打邊爐！今次去左深水步既蚊蚊豬，食火鍋放題！一開始可以叫雞煲或者烤魚，但因為我班fd全部都唔鐘意食有骨既野，所以就skip左，直接叫湯底打邊爐！今次我地叫左養生湯底，藥膳味濃，配肉超夾！放題包埋日式刺身，三文魚新鮮又大件，甜蝦鮮甜嫩滑，熟食就有唔同既串燒，推介雞軟骨串燒！牛肉亦非常出色，上肩燉肉入口即溶，牛坂腱好濃牛味！鐘意食牛既一定唔可以放過，喪encore！仲有野飲同啤酒任飲，雪糕任食！仲要係特別既柚子yogurt味，好滿足！埋單每人＄300，抵食呀！

店舖細細間，但店名很有趣😁 我係OpenRice睇到所有食評都讚，所以就選擇呢間試吓啦，真的冇介紹錯👍🏻👍🏻👍🏻食物多選擇👍🏻 又新鮮，食完雞煲，再食魚，跟住再火鍋，超級豐富😍 份量比其他任食火鍋店多，4人點一份，可以食到很多款式，坐位又舒適， 店員服務好👍🏻👍🏻👍🏻又禮貌👍🏻👍🏻👍🏻会再来😊会推介给朋友

深水埗的蚊蚊豬老火鍋絕對是一個不容錯過的火鍋聖地。可以係呢度品嚐虎蝦牛尾鍋、四川烤魚、四川雞煲以及多款牛肉和日式刺身，仲有各種火鍋配料，實在令人驚喜！餐廳越夜越多人，8點坐低去到9:30已經差不多爆場，好熱鬧！9點後入座再平$50，真係好抵！平日嚟$298就可以有兩個鐘任飲任食！我哋叫咗個自選鴛鴦鍋，加$40招牌牛油紅湯鍋，另外叫咗鮮菌清湯鍋。招牌紅湯鍋(+$40)：微辣的紅湯鍋底散發出濃郁的香氣，加上豐富的配料，味道更加豐富。鮮菌清湯鍋：清湯中蘊含著新鮮的菇類。牛拼盤：豐富多樣的牛肉選擇，每款都口感嫩滑，肉汁鮮美，一口接一口，可以根據自己的口味選擇食多幾轉！牛胸爽：牛胸爽咬落去彷彿融化在口中，一定要試！新鮮的挪威三文魚和甜蝦色非常鮮美，冇諗過係火鍋店可以食到咁好食嘅魚生！燒雞翼、燒豬頸肉串：出乎意料之外好食嘅串燒，外焦內嫩，香氣四溢。豬頸肉一定要叫，口感十分滿足！牛肉非常鮮嫩和日式刺身的新鮮度，再加上各種火鍋配料的豐富選擇，都令我哋驚艷不已！如果想要多重滋味的火鍋盛宴，蚊蚊豬老火鍋絕對是最好的選擇！

📍蚊蚊豬老火鍋 (深水埗)📍深水埗荔枝角道240-244號寶興樓地下A-C號舖今日想同朋友打邊爐，咁岩去開深水埗買嘢，就嚟咗呢間蚊蚊豬老火鍋。店員介紹我哋食羊腩煲同胡椒豬肚雞，啱晒依家秋天食！不過我哋太想藥膳雞鍋，11月12月等再凍啲嘅時候再嚟食！🟡藥膳鮮雞鍋：濃郁的藥膳湯底，配合鮮嫩多汁的雞肉完美結合，令人回味無窮。因為真係太好食，2個人成煲雞都食哂。🟡牛拼盤：真係超級驚喜，極上牛肩嫩肉、封門枊、牛舌、牛板健，每個款式都非常好食，淨係食呢一個牛拼盤都抵番！封門枊好食到再叫多咗一碟！🟡挪威三文魚：好新鮮，真係超出預期，黎到一定要試吓呢度嘅刺身！🟡唐生菜、雞髀菇：打邊爐要叫碟菜，好新鮮又爽，雞髀菇正常發揮！🟡台灣蜜汁腸：估你唔到呢度都有得食台灣腸，突然好掛住個味道，好好食！手打魚腐：身為魚腐愛好者，真係比一百分呢個魚腐。口感綿密，完全冇任何雪藏嘅味道。超新鮮又好食！任飲任食只係$298，仲可以換湯底，雞煲烤魚可以一齊食！我哋今日得兩個人，所以就冇特別叫多個湯底，下次一大班人嚟食一定要試多幾款！

最近我搵食黎到深水埗區, 見到呢間火鍋店可以一次過食晒火鍋、🌶️四川麻辣雞煲、🌶️四川烤魚同🍣刺身, 無理由唔試下😍 重點係呢度價錢相當親民，好易就食到歸本🤣一開始叫咗啲餐前小食同四川麻辣雞煲先，雞肉頗為嫩滑，而且醃得幾入味😉 之後就直接加湯打邊爐啦🤩 有封門柳、牛板腱、牛肩胛等多款高質牛肉😚牛肉幾有牛味，多吃都唔會膩😳最後就梗係叫埋刺身同各款火鍋配料啦🤩刺身都算新鮮! 整體來講都幾滿意，有機會會再試😉

話說朋友仔想約埋圍爐聚一聚吹下水，無意中發現呢間位於深水埗既蚊蚊豬老火鍋，仲要係放題！一於就試試佢！一入到去，好熱鬧，氣氛正！座位闊落～ 呢間火鍋店原來有分店，咁下次可以試埋另一間！除咗火鍋，仲有雞煲！正呀！一開始同店員揀好湯底，就再落單～ 我地揀咗藥膳雞湯底，個鍋一黎到就勁香～聞到都口水流！連湯底都好足料！好多大大件嘅雞！果然真材實料！陸續啲火鍋配料都送到～ 我地小胃族就簡單叫左一盤牛拼盤！嘩 真係超靚 大大盤！件件牛啲雪花都好靚！仲要好貼心地標籤晒咩部位！太正了吧！當中包括 極上牛肩嫩肉、牛板腱、封門柳 同 牛舌！另外我哋仲叫咗脆肉鯇！仲有啲熟食可以叫，我哋就叫咗唔同種類嘅串燒，仲有啲開胃小菜，例如麻辣皮蛋～ 估唔到仲有三文魚刺身添，估唔到都幾新鮮！打邊爐當然要有炸魚皮啦，炸魚皮都相當脆口，完全唔係林晒既隔夜炸魚皮～一落單 過幾分鐘啲嘢食就送到，簡單超有效率呀！全場嘅嘢飲都係任飲，有一大個雪櫃可以任揀～ 最後仲叫埋個柚子雪糕添！真係好，無意中又發現到呢間蚊蚊豬火鍋，袋定喺袋，之後諗食乜又多個選擇啦！

這間「蚊蚊豬老火鍋」，我在數年前曾經幫襯過它的太子店，印象不錯，這次來到它的深水埗店，就試了它的「120分鐘任飲任食極品晚市放題」（7：30前結帳離座或9：00後入座$248/位，其他時段 $298/位），覺得這放題性價比極高，十分抵食，值得推薦。這放題可先吃烤魚或雞煲，再打邊爐，而且還有大量刺身、小食和數款雪糕可供客人無限量以 QR Code挑選，飲品亦有不少選擇，就連啤酒也有多款可揀，一定可以讓人捧腹而歸。這晚我與太太沒有吃雞煲，而是揀了我倆都更為喜歡的烤魚打頭陣。在數款不同風味的烤魚中，點了少辣版的「香辣鮮茄萬州烤清江魚」。大大條的烤魚，早經炸熟，再放在香辣惹味的香辣茄湯中，味道開胃吸引，魚肉又多，讓我這饞嘴貓兒完全沒有投訴的餘地，唯有默默地把美味的烤魚一掃而光以示對它的無限量支持。吃過烤魚，立刻便來到火鍋時間，這晚我揀的湯底是較清淡和健康的「鮮菌清湯鍋底」。配以一份集油份最多，最柔軟的極上牛肩嫩肉、嫩滑的封門柳、牛味濃郁的牛板腱和薄切牛舌於一身的「牛肉拼盤」、我喜歡的油潤牛胸油、爽脆牛黃喉，每次吃火鍋必點，索湯首選的炸響鈴和軟滑而有彈力的鴨血等，一輪衝鋒之後，檯上的火鍋配料幾乎

主打雞煲/烤魚/火鍋，係深水埗同太子都有分店。係我私心推介性價比極高嘅選擇之一。2小時任食雞煲烤魚火鍋，每人都唔使$300。烤魚湯底4選1，揀左香辣味，味道好香好濃。清江魚好大條，外層煎得香脆，內裡魚肉厚實嫩滑，條烤魚質素實在不錯。轉藥膳湯底繼續打邊爐。大讚牛肉拼盤🙌🏻有牛肩嫩肉/封門柳/牛舌/牛板腱。賣相擺盤不錯。牛板腱牛舌鮮嫩彈牙、牛肩肉油花味最濃。食牛都已經抵返哂。海鮮選擇雖不多，但都有幾多小食揀，仲有串燒架（但部分要加錢）。免費嘅飲品選擇都唔少，仲有啤酒添🍻而甜品就係Da Dino雪糕（檸檬味最好食）。

性價比同質素都高於預期嘅小店🙌🏻大約只需要$300嘅價錢，可以喺120分鐘內任食四川雞煲、烤魚、虎蝦牛尾鍋（呢款只限1鍋）同火鍋。我地就選擇左先烤魚後火鍋。烤魚湯底有四種選擇，包括香辣、香辣鮮茄、濃鮮茄或泡椒酸湯。我地就揀左香辣，辣味帶有少少麻香而且唔係死辣，不錯。魚方面，清江魚或鱸魚二選一，我哋揀咗前者。條魚本身已經煎得非常香，加埋香辣湯底好惹味。魚肉實淨得黎好滑，又唔多細骨，鐘意食魚嘅人必試。然後可以選擇轉其他火鍋湯底，但係就揀左藥膳湯。其他食物再QR code落單。食物選擇的確唔算好多，尤其海鮮相對少，但牛肉嘅質素真係讚。餐廳會先送上牛肉拼盤，真心有驚喜，賣相本身已經不錯，味道更加有驚喜。有極上牛肩嫩肉、封門柳、牛舌心同牛板腱。牛肩嫩肉最最最吸引，油花味非常香又嫩滑；牛舌心就好爽口彈牙。真係食牛已經抵返晒。除左以上，仲有其他小食、串燒揀架。

去完附近買電腦後，難得來到深水埗，見到「蚊蚊豬老火鍋」任食放題非常抵，每位只係$298加一，而且有位唔使排隊，我們就決定入內醫肚！全店用QR Code點餐，我們先揀選火鍋湯底，由於大家都怕辣，所以就點了藥膳鮮雞鍋！除了火鍋，店內有不少四川前菜小食，例如炸魚皮、皮蛋等，不過由於太辣頂唔順（朋友話係小辣only），所以我就留肚食其他好嘢！店舖環境較迫，但基本的選擇和需要應有盡有！開餐前，我們先揀醬料，蒜蓉控的朋友撈了成碟蒜蓉呢！😄話咁快，火鍋料很快就送到！每枱必有的極品牛皇拼盤，一盤有齊安格斯牛板腱、封門柳和牛肩嫩肉，三人同行都好夠食！最正係好有牛肉香，毫無冰鮮味，每片都咁正咁好味！另外，我們亦點了魚呀、丸呀、腸呀、菇呀、菜呀等火鍋料，不過佢哋每碟份量都比其他火鍋店的多，要量力而為唔好亂點呀！懶人唔想等，呢度仲有熟食揀呢！我們就少量地點了雞肉串、豬頸肉串、以及三文魚生和甜蝦，以免浪費！飲品選擇唔算多元化，有茶、汽水、啤酒和果汁，大路嘢，都啱胃口！最後歎埋個柚子雪糕，就真係要頂住個肚返屋企！

我同朋友去深水埗搵食，見到一間火鍋店，叫做蚊蚊豬，個名幾得意，環境又唔錯，睇落好正宗嘅火鍋店，於是試試佢地係任食火鍋，除左普通火鍋湯底，可以揀食完重慶麻辣雞煲，再打邊爐，佢地雞肉煮得好入味，好滑，加埋辣椒同香料，真係好好食食完雞煲之後開始邊爐，佢地有好多野揀，特別推介佢地極上牛肩燉肉，真係鮮嫩多汁。牛肩燉得好軟，肉質好入味，一啖咬落去真係好滋味。食得出佢哋牛肉好鮮美！另外佢哋嘅牛坂鍵切得好薄，煮嘅時候好快就熟，口感嫩滑，肉汁濃郁。封門柳味道鮮美，質感豐富。最最最重要佢哋嘅刺身係任食，特別係三文魚同甜蝦。三文魚新鮮鮮美，口感滑嫩，甜蝦鮮甜彈牙，真係好好食。總括來講，蚊蚊豬係一間非常出色嘅火鍋店，佢哋嘅菜式多樣豐富，味道絕佳。如果你係深水埗，一定要去試吓佢哋嘅火鍋，絕對會有一個滿足嘅用膳體驗！