蛇王善 (已結業)

本人不大喜歡吃蛇，但丈夫十分喜歡吃蛇羹，天氣轉冷，便決定跟他一起去吃蛇羹糯米飯！天氣凍的關係，來到時全院滿座！我們平時都是外買，但天寒地凍，今次決定湊熱鬧堂食，十分好彩剛剛有兩個空位，我們便立刻坐下！ 看看餐牌,我點了歸零湯(中)和臘味糯米飯黑黑的歸零湯,熱辣辣的!一喝便知用料十足！味道濃郁但喝起來十分舒服！帶少許甘味但又非常清甜！真的可以用既濃郁又香甜來形容！愛喝湯的我一喝便愛上了！之前幫襯過外買蛇湯,相比下這個味道來得更出色更濃郁！一定再來喝這個湯！ 臘味飯:這家的臘味飯不是深色的那種, 淺色的！味道亦比其他食肆的淡！但正正合我心意! 吃得健康點！飯的軟硬度亦剛剛好！不算太大碗但配合埋湯一起吃已經十分飽肚 我丈夫點了他至愛的蛇羹和臘味飯，我也喝了一口，滿滿的蛇肉！還有其他配料如冬菇絲，果然足料！一大碗，香甜暖胃之作！ 整體來說，十分滿意的一餐！特別是這些老 字號的店舖現在已經越來越少！

當街上氣溫只有12-13度嘅時候，係深水埗行行下見到呢間蛇舖。正所為秋風尾，食蛇羹，當然即時走入去啦。大約2分鐘左右， 一碗熱哄哄的蛇羹已經放咗係你面前。 蛇羹味道十分清，味道剛好，完全沒有魚腥 的口感， 只是加了一點香草已經十分美味。

呢幾日香港終於似返個冬天所以諗起蛇王善個蛇羹足料 勁"杰"身 入口啖啖肉!!!!!!!!住左係到廿幾年 其實由細食到大每次黎食都有親切感叫左一碗細既蛇羹 滿滿的入面係以雞肉 蛇肉 雲耳 果皮 為主要食材蛇肉比例都相當高 因為佢一絲絲既口感比起雞肉粗身既口感係有分別 啖啖肉得黎又配合返雲耳既爽脆 很得宜!!! "杰"身既羹底 並唔係間間蛇舖都做到咁穩定 有時食羹好似飲湯既舖頭真係不願再去 其中要提到既係一定要加檸檬葉 佢可以令到成碗羹既味道提昇好多 清新味覺之餘又可以帶出成個羹既味道當然若果喜歡落炸脆脆既食客都可以加入脆卜卜既口感 又會係另一種感覺!!食完暖笠笠 睇怕呢個冬天都會定時光顧喇!!!有條青竹蛇睇住門口

這店的蛇羹味道好溫和，不會太重藥材味，而且蛇肉比較新鮮，相信和他們飼養的蛇有原因吧蛇肉和瘦肉，冬菇都平均，湯不是很"湖"狀的那種，但食落又不會覺得淡。最特別想介紹的是龜苓湯，中藥湯味好香易入口絕不是想象中龜苓膏個種味更沒有苦味香港很多區的蛇羹都食過，呢間係本人食過最好味同最有人情味的蛇王店，店老板和九哥好好人，我成日買去老人院俾老人家食，老人家都十分喜歡，我們都一定會買蛇羹和龜苓湯如果未食過的朋友，建議堂食 (不怕蛇的話  :like

入冬以來最凍的一天，連我的新褸也要出動。對上一次最凍的日子，我選擇請同事吃一碗蛇羹暖暖胃，今次我有另一個選擇。其實入冬以來，一直想着這好東西，只是工作天天忙，吃喝玩樂總是先擱在一邊，到完成工作時，店都關門了。今天雖然忙，但寒風不斷一巴一巴刮過來，我不得不自衛抗寒。最後抽了幾分鐘去填肚。一般的店都是把棉布鋪在蒸架上，再放上糯米飯作保溫，而雙腸則好像炮仗般插在沿邊。時間放久了，水份蒸發後，面層飯粒變乾硬，影響口感。此店用獨立大蒸罉加蓋保溫，水份流失少且維持高溫，腊味預先切粒拌勻，油份滲出讓飯粒吸收精華。單買$28一小碗，可加花生及蔥粒。果然，入口燙嘴，飯粒油潤軟糯，花生香脆，腊味雖然少，但已完成任務，沒有浪費自己的年華青春，與朕的味蕾美妙地纏綿了一………間

近日天氣開始寒, 又到食羊腩煲, 煲仔飯, 蛇羹時間了深水埗區, 試過幾間食蛇羹, 我與J先生唯獨最愛 - 蛇王善沒有分大中小的!算屬於小碗的分量...這次糯米飯不夠熱, 飯粒偏硬了 幸好臘腸臘肉粒夠香, 配上花生蛇羹 (大) $90啖啖蛇肉, 羹偏清淡味蛇羹 (中) $75加了薄脆客人總覺得吃蛇羹不夠飽肚, 才會配上糯米飯 (當然才有套餐出現)但這間餐廳很奇怪的每以光顧總聽到店員說: 糯米飯太好買了, 不夠時間炒, 暫停供應!食客問: 我想等糯米飯! 店員回答: 怕您等太久, 需要四十五分鐘才有!蛇王善 總結: 值得一試!

諗住凍凍哋去食蛇羹，經過見沒人等位就入去了。蛇羹連糯米飯有套餐，分大、中、小。我點了小的，六十蚊。很快就上桌了，蛇羹中規中矩，略嫌瘦肉多，"鞋"口。糯米飯較濕身，粉量看似少，但最後也吃剩的。

人嘅口味真係會隨住年齡而改變，今年無啦啦鍾意左去食蛇羹！最難得係男人肯陪我去周圍食大蛇羹拼臘味糯米飯今個冬天試過幾間蛇王X，今日試下由細到大番屋企都會經過嘅蛇王善一如其他蛇店，有幾個餐俾你揀，我地兩個細食，嗌左一個大蛇羹拼臘味飯，臘味飯一般，唔夠香，蛇羹都夠大碗，蛇肉都多但肉質麻麻地，啲脆脆都好普通～

蛇羹, 呢家野吾係個個都鍾意食, 所以最好都係間中經過叫一碗就啱哂!今次經過近深水埗地鐵站既蛇王善叫左一碗大蛇羹跟, 味道一般, 食得出蛇肉吾多, 得豬肉絲, 木耳絲, 等等, 味道偏啖! 我覺得有點失望, 令我要加多點薄脆同檸檬草.調味, 應該下次吾會再食.

每逢到秋/冬天,好自然想到的就是食蛇羹, 今年已經吃過幾次了, 也是在深水埗區, 其中這店是打從幾年前開始, 就會入季來品嘗這裏的蛇羹, 她們做的湯底沒有別的店般杰身, 味道也稍稍清淡, 每個人對蛇羹的標準都好唔同, 友人K會希望湯底濃且杰, 肉絲要夠粗, 甚至有人希望有藥材味! 但以這大眾化價錢落到幾多藥材呢? 即使有落藥材, 又怎樣保證藥材沒有被餵農藥快高長大呢? 有藥材也未必是好事吧, 這店湯內蛇肉絲/ 雞肉絲/ 也是兩樣肉都平均, 冬菇絲也有不少呢! 陳皮味有但不會太嗆, 中糯米飯份量較多, 亦沒有太濃味/太油, 相對臘味也較少, 豉油也較少,

吃完了長發，走到了桂林街，見這店外人頭湧湧，好似好得，反正未飽天氣又涼，一於食蛇羮！這店流量算大，縱使我一個人，都要等了幾分鐘。蛇羹分大中小，要了個中$5O質素平平，湯底味好淡，質地較薄，有些肉較碎……總之你唔會食完諗定下一次再來食咩！！！

One of the best things to eat in HK to battle the wintery cold is snake soup! There are so many small shops that sell snake soup so it's hard to keep count. I've got to admit that I don't actively seek out snake soup since I don't really crave it, but if I pass by a shop that looks legit, I may be tempted to try it. That's how I ended up at Shea Wong Sin in Sham Shui Po. I was in the area running some errands when I passed by this shop, and happened to catch a glimpse of live snakes in their gla

湯底並不䊢胡，好彩係我較喜歡的清湯底。有陳皮味，五片以下的冬菇；還有甚麼？肉絲加肉碎。到底係佢地搣蛇絲工夫差，無法撕出一絲絲，抑或我好彩到一碗中蛇羹都一條蛇絲都唔中？！在下實在食唔出一絲味道來。在下對蛇的認知，應該係比較煙靱、有咬口，比肉絲肉碎滑，和今晚品嚐的相去甚遠。仲有檸檬葉都無味。去一次已經太多了。離晒譜！！！

當糯米飯遇上蛇羹......是什麼? 米就係一個補身暖胃絕配的套餐! 呢間店舖沒有什麼裝璜, 一間街坊式的店舖, 幾張大圓檯, 個個都要搭檯才可幫襯。諗住table for 2的話, 可能算了吧! 當日約晚上七點去到, 都要等5-10分鐘呀! 門外還有師傅表演擋蛇, 妙極! 餐單上只得指定數款蛇餐, 只不過不同size, 不同收費而矣! 熟客坐下來一定叫個"中"套餐, 意即係蛇羹係中size, 加一個糯米飯! 糯米飯是一個統一size, 視乎大家對蛇羹的喜好而定, 便出現大中小套餐; 不喜歡糯米飯者, 便可叫淨蛇羹享用。身旁的一位壯年男士食客還叫了個蛇酒, 廿蚊交易是一杯一啖, 多麼爽快的一下, 便放下迷你杯子! 若果形容D翅的份量多, 便用筷子夾起可以當公仔麵吃來形容, 這裡的蛇羹內裡的料子便是這樣, 絕不欺場! 離場還外賣一碗給老人家欣賞, 外賣與堂食價錢相同, 還附上檸檬葉絲同薄脆, 好體貼的外賣服務! 糯米飯質地軟軟的, 黏黏的, 味道咸味恰到好處

步入初冬, 見天氣開始轉變, 又凍凍地, 特地到深水埗食蛇羹, 唉 ~ 結果有點失望.晚餐時間, 人很多,但因為一個人也很容易搵位, 一到達蛇鋪,已見滿坐,而且也有很多人買外賣. 心中已流口水,蛇羹味道應該唔錯吧, 叫了一個套餐 : 一碗中蛇羹 + 一碗糯米飯. 先講蛇羹, 有豬肉絲,冬菇絲,木耳絲, 有陳皮絲, 最重要的當然是蛇肉絲啦 ~ 基本上都落足料,但整碗蛇羹味道非常淡有少少稀, 初吃第一啖,我是什麼都不放的. 我吃不出有中藥味,也沒有其他湯的味道,只有少許陳皮絲的味道 . 而且愈吃愈出水, 味道更淡. 終於頂唔住,要加檸檬葉同胡椒粉吊味. 好失望. 好失望, 因為我不是第一次食, 作為街坊, 每年冬天總會幫襯幾次. 今天看到的是價錢加了, 味道淡了. 因為每年都食開, 有比較之下, 更覺難食. 配料充足,為何味道會咁淡O既呢, 我想應該是湯頭的關係吧. 吃完蛇羹,整個人都暖暖的, 唯一還KEEP到 的是吃完後, 完全沒有口渴的感覺,証明沒有下味精. 至於糯米飯沒有特別, 臘肉,臘腸,小蝦米的份量也足夠, 味道不會太鹹,吃完後碗底也沒有一層油, 糯米飯炒得夠乾身,亦很夠熱. 只