蛇王如冰室

营业中

休息中

去過幾次,阿婆侍應態度怠慢,有意刁難,幾次出餐都玩野都比我張單特登放後,嬲到走仲笑,真係唔想做生意,可以唔開門或者執左間店,其態度恥盡香港,以後唔去,佐敦好多茶餐廳D服務不差,唯獨這個阿婆可代表香港

有個阿婆樓面,幾次去D態度已經不好不要緊,明明2張單都係粉麵,2次特登把我張早餐單放好後,遲過我入來的米粉已經比了人,之後扮傻,可能張單係玩我,我以後不會再去,對面食午餐都好快上菜,其實這個阿婆樓面把我的單推遲不是問題？遲我的人早餐也上,如果不想做生意請你唔好開,唔好要人走,仲好似應該！我不推介也不回頭 劣評

公司附近好多野食，今日就黎到蛇王．如冰室搵食喇。落低睇下是靚午有咩，但其他都無咩興趣，所以就叫左蔥油雞飯，重口味既我一定叫埋多蔥油。餐飲凍奶茶，少甜少奶。姐姐重問我飲唔飲老火靚湯，咁就唔好客氣喇，黎喇！味道 4/5秘製蔥油夠鹹味、唔油膩、蔥又大大粒增加左口感。淨係蔥油撈飯都一流！雞件無同公司慳，比得好多！大部分雞都嫩滑既，但有些少部位都是鞋，唔多可接受！老火湯應該無添加，落兩粒鹽幾好味！凍奶茶少甜就飲得出，少奶就唔是少左好多喇。環境 3/5檯唔是好多張，但坐落舒適。服務 4/5一叫落單就馬上有人黎，等餐時間都合理。姐姐重會問飲唔飲湯！掂！衛生 3/5可能因為落雨喇，舖頭已經鋪左紙皮係地下，但可能都鋪左一輪，地下始終都少濕。又有d溶溶爛爛既紙皮係通道上，感覺一般。抵食 4/5都係戈句，沒有最抵，只有更抵！

放工有小小餓但係又就黎要返屋企食晚飯，行過見到附近有間蛇王餐廳🫣竟然有下午茶食，於是膽粗粗行入去試下啦炸雞髀薯條其實有3款可以揀，仲有沙律同麵選擇薯條香脆係傳統港式快餐店既薯條，雞髀新鮮即炸無加任何生粉，炸起再落小小椒鹽調味

以前成日都會去食嘅，初初嗰陣水吧廚師整啲吉列豬扒真係好好食又識整炒滑蛋😋但轉左廚師之後水吧嗰兩條麻甩佬連炒滑蛋都唔識整又勁多味精啲炒蛋之後都冇再去食了！最近我男朋友去返食佢貪平但都唔係覺得好食，咁我有一次又跟埋去啦叫咗份蛋牛治 啲蛋薄過張紙 去隔離街紅茶冰室嘅三文治勁好食好足料😋唔該呢間野真係要檢討下！！改善下!！真係令人極度失望嘅一間茶餐廳有咩可能連炒滑蛋都唔識整🤦‍♀️🤦‍♀️

今日係佐敦食lunch,搵下有邊間茶記好食，見依間環境好似唔錯就入左去。午餐都好多選擇，之後就叫左個XO醬雞絲炒公仔麵🍜。一黎到，嘩！大碟到呢！依到有接近三個麵！咁佢係即刻炒起，所以都好夠熱，仲要都幾香。食入口XO醬既味都好夠，都唔會太辣，好香口！雞絲都好多，仲要唔係老哂，係幾嫩口！之後配菜都有唔少！椒，菜，你講得出既都有。成件事一啲都唔hea!真心好正！個炒公仔麵都咁大碟，我一個人真係食唔哂！下次可以試下其他野！

原本佐敦呢頭都幾多野食下😋😋，但疫情關係，盡量少堂食，唯有嗌外賣啦🙈🙈由落單（係可以Whatsapp落單咖）📃📃到有野食到都算快，半個令鐘就攞到啦🕜🕜<中式牛柳飯>有湯🍲🍲有野飲🥤🥤，而且盒飯🍚🍚都幾大盒，熱辣辣嘅牛柳🥩🥩配酸酸甜甜嘅汁係好好嘅配搭🥢🥢試過一盒幾有水準嘅中式牛柳之後，感覺😘😘係一間應該幾有鑊氣嘅餐廳🍴🍴，等疫情過去要稱身堂食試下先得😚😚

今日見天氣涼涼地，行過佐敦見到有間蛇王魚冰室，門口貼住蛇羹同龜湯。同朋友膽粗粗入咗去試。一坐低我就見到人哋叫咗龜湯湯同蛇羹，我同朋友都一人嗌左各一碗。自問真係少食蛇羹同龜湯都係第一次飲，我問老闆我應該點食法。老闆好好人又好詳細咁教我你先飲咗蛇湯先。當其時我見着碗黑蚊蚊嘅一碗湯，心諗呢碗湯咁黑一定難飲入口，之後我就戰戰兢兢咁飲左第一啖點知原來係咁好味，我已愛上了它，龜湯先生，我要和你再約會呀。老闆仲話碗湯可以去濕毒。簡直係我郎中之物，我就趁熱咁飲晒成碗湯，味道係意想不到咁好味㗎試完過龜湯就嚟過蛇羹，我加咗啲檸檬葉上去，味道好清新。我見碗蛇羹好多肉好足料。我朋友就話未食過咁足料嘅蛇羹，我一路食一路嘩嘩聲，點解可以好似食極都食唔完咁，老闆話女仔食咗蛇羹係唔會肥，仲可以養顏又有豐富嘅蛋白質。我聽完心諗今次仲唔係我bowl of snake soup今次真係回味無窮，行街無聊之中嘅意外收穫！

今日小編和朋友在他公司附近吃晚飯這間新開的茶餐廳在他公司內非常有名😆一於試一下吧✌🏻晚市小菜客飯大約HKD$58-60🐷椒鹽豬扒辣度不足 但是調味適中 不會過咸而且豬扒肉質軟淋夠鑊氣👍🏻🥬腐乳通菜炒牛肉份量非常充足 牛肉片雖然不夠滑 但是沒有筋👍🏻🐔霸王雞肉質滑溜 調味豉油香濃 可以撈飯啊！🤣🍆醬爆茄子炒魚柳茄子份量有點小 但是十分惹味 送飯一流🤘🏼📌男士們可以加飯啊🤣

喺公司附近新開，聽個名嚇一嚇以為食蛇🐍，但查實佢係一間茶餐廳，喺9月中開始都有供應蛇羹等食品。但唔敢食蛇嘅我當然係食佢嘅茶餐啦。3.6北海道牛乳炒蛋早餐 $33呢個早餐顧名思義就梗係有3.6北海道牛乳炒蛋啦，除左炒蛋仲有餐包或牛油多士，可以加$2轉奶油脆豬，另外可選一款麵食。當日冇哂奶油豬，就要左奶油多，麵就揀左叉燒出前一丁轉蕃茄湯。佢嘅炒蛋果然好滑有啲奶香。蕃茄湯就好香濃，都比較甜，啱哂怕酸嘅人。埋單都只係三十幾蚊，食到咁飽，抵到爛。最好笑係我地五個人食左$180,收銀阿姐㩒計數機㩒左兩次都出180之後話，個計數機錯呀。可能佢都唔信5個人邊有可能會食得$180咁抵?😂

友人推介佐敦附近新開嘅蛇王如冰室，今晚一行6人去試試😃每人叫左個客飯小菜😂碗飯好大！平時愛吃白米飯🍚嘅我都食唔哂！其餘小菜如下，分別有時菜牛肉片，豉椒涼瓜排骨，醬爆茄子斑腩，中式牛柳，枝竹火腩飯，同埋椒鹽豬扒！小炒都幾好味，即煮，又大份👍🏻 6人都食唔哂，下次可以叫5味小菜就應該夠！另外仲有餐湯，有野飲。位位58蚊，凍飲加2蚊，出餸都算快👍🏻呢個價錢都算係OK。可以一試期待9月尾可以試下蛇羹🐍

今日諗住去附近買蛋糕既時候同朋友經過依間野，見到好似入面幾店舖幾乾淨就入去試下我比較早入去，個陣時就比較少人，咁入到去店員服務都幾好幾親切，佢會推介你地食咩。咁店員推介我食煲仔飯，我同朋友就叫左豉汁排骨飯同北菇滑雞飯咁之後佢就比左個湯我，sorry飲左少少先影，佢個湯唔係d咩味精湯，飲落去係感覺到落足料。依個又係我食左先影既豉汁排骨飯，記得岩岩黎個陣落一落豉油跟住再cum返個蓋焗一焗至於落幾多豉油就隨你地，我就建議落多d會入味好多，食落去味道都唔錯但唯一我覺得可以多返d排骨，我覺得太少，排骨都仲未食完仲有好多飯依個係我朋友食既北菇滑雞飯，個陣係未落豉油既樣，我都係比個外觀比大家睇，聽我朋友講都唔錯但因為我冇食，所以不多加評論