蛇王如蛇店 (已結業)

記得上一次食蛇羮, 好似都係呢間, 仲要又係新年, 因為新年轉場其間填肚, 唔駛食咁飽, 於是呢個都係一個好選擇~去到時, 空無一客, 兩個亞姐坐响度睇報紙, 當招呼完我地後, 開始陸陸續續有客入嚟, 唔知係我地帶旺人丫, 定係我地好彩, 比人地行快幾步, 早d入嚟食先? 我唔記得舊年新年有冇"加一", 但今年新年係有囉~ 明明一碗細蛇羮係$43, 而家變咗$47落樓, 我地仲叫咗兩碗細, 無啦啦比多$8~食蛇羮當然要落檸檬葉同脆卜卜啦~ 不過一次又不能落太多, 因為碗蛇羮已經裝到滿瀉, 而且d脆卜卜浸林咗又冇咁好食, 所以要一路食一路落~ 碗蛇羮超多蛇肉, 話明五蛇羮, 相信佢係用咗5種唔同的蛇肉去煮, 因為你會見到d肉, 有深有淺, 而且有林有實, 我唔在行, 唔知佢用咗邊5種蛇, 總之我食得入口就得, 佢又唔會太杰, 仲有d木耳絲, 老公仲好好彩, 食到一大舊未煮溶的胡椒粉tim~

見今日開始有濕凍的情況, 去元朗間蛇王如食碗蛇羹暖暖身, 我叫了一個套餐, 白切雞飯(指定雞胸)+細蛇羹 (本身係叫海南雞飯, 不過整錯左冇所謂啦), $82我個人喜歡雞胸肉, 因為啖啖肉, 少骨; 雞肉蠻滑, 而且很新鮮的感覺, 不像是冰鮮雞, 我和家人估計是在元朗的農場入貨, 所以很新鮮而蛇羹方面, 由於新界西(屯門, 元朗, 天水圍)比較少蛇羹店, 可比性較少, 以我食過既蛇羹而言, 它是我心目中既TOP3(另外2間係上環鳳城酒家和前屯門美心皇宮, 而本人未試過蛇王芬等一些老字號, 有機會會去試), 新界西方面比以前新墟近仁愛堂那家和井財街那家好, 因為材料蠻足, 而且湯底的藥材味恰到好處, 不會太濃以下為個人評分表:提供另外一些菜色給大家參考:蛇湯, 金錢龜湯, 黃膳煲仔飯, 糯米飯等等...註*: 沒有咖啡奶茶檸茶

今個年頭，總是怪怪，一個短短的二月裡，天氣可以凍到6度以下，穿上羽絨也不覺得暖，亦可以早上出門時廿幾度，到了晚上...呼呼大風...寒冷刺骨，也有一天，潮濕到天花地下都水點滴滴，濕到以為落左雨身邊很多的朋友都不幸病倒這個晚上，跟友人遠足過後回到元朗市中心，本想在元朗大馬路搭車回家在等候過馬路之時看到這間蛇王如蛇店，想想很久沒有吃過蛇羹，於是跟友人提議，他們爽快的答覆，造就了這次食野味店內簡簡單單的廿多個坐位，坐得都很舒服跟我們差不多時間入店的食客都是叫了蛇羹因我們都是回家吃飯關係，也是每人點了一碗大蛇羹（$58）（小的好像不夠似的）等了一會，蛇羹就送到我們面前送來的時候看見，那些配菜去了那裡？然後看看旁邊，原來在桌上旁，檸檬草絲同脆脆是可以無限量任你加的（我通常這樣稱，真正的名稱不清楚）這就是我的作品番起蛇羹，看到了很多的蛇肉，還有一塊塊蛇皮，真叫人感動記得去年在銅鑼灣某蛇店，那蛇羹的蛇肉是一絲絲，雞絲似的像混和了雞肉今次蛇王如，截然不同第一口熱熱的進入口，口感就是...啖啖蛇肉還有很多木耳和不認識的藥材味整個羹不會太稀，稀的又怎會是羹呢？閒聊中看到面前的那個櫃，很多鎖上面還有很多浸酒

年廿八, 行完元朗花巿, 去大馬路蛇王如食蛇蛇湯 - 很濃很鮮甜好喝蛇羹 - 太杰了, 下太多生粉水, 像痰的感覺, 嘔心糯米飯 - 飯是乾乾白白的, 沒味, 不好吃, 完全不行本來也想試龜湯, 但價錢偏貴, 就沒喝到結論: 屯門置樂蛇王輝勝!!這裡的大碗也比較細碗, 蛇王輝份量較大, 而且較好味, 男朋友說蛇王如的蛇湯稍勝, 但我覺得蛇王輝也不差, 應該不會再去蛇王如吃蛇了!

秋冬季節有不少人都要補一補，蛇店已變成幾好既選擇。熱烘烘既一碗蛇羹加上熱龜湯再加一碟海南雞飯。的確暖到腸胃之餘又可以補一補身體，好味又健康。主角蛇羹，好味又足料，曾經食過其他蛇店，瘦肉仲多過蛇肉，依間算係幾好啦～熱金錢龜湯，味道好濃，有點平時在家飮到既味道，但係咪真係能排毒解毒就末知知數。海南雞飯，加左錢要雞比，依個飯就冇咩特別，冇話好吾好味，不過非常飽肚。本人今次叫左B餐，加大蛇羹再轉雞比，兩個人食其實都好夠。比起同區蛇王如價錢貴D但地方乾淨D，味道也不錯。尚算合理。

今日凍凍地孖我愛人一齊食蛇羹，都幾多人，仲好多人叫外賣。我欣賞佢地有好多套餐，細碗上其實都成個飯碗架！樣樣試下都幾好！我揀左個$77 餐蛇羹(細-$40)海南雞飯(碟頭-價錢無睇唔記得) 轉脾加$8,但我飲果碟係脾，唔洗加錢蛇羹(大-$56定$58)爉味糯米飯（細-$28）蛇羮好足料，蛇肉一條條，口感似食魚，好味！海南雞就失望，無驚喜！糯米飯好得，下次要食個大嘅！食飽仲可以去埋恆香買老婆餅食，正！

是日大年初一, 要走兩場拜年, 响過場之間, 蛇咗去食蛇羹, 咁啱果日又天寒地凍, 而又好多年冇食過蛇, 專登行去食蛇羹, 但呢間都係第一次幫襯, 感覺上呢間係比較貴少少, 因為佢開正响大路, 不過一年一次, 貴就貴啦~~入到去都幾多人, 但仲有1-2張吉枱, 坐底之後諗都唔駛諗, 叫咗2碗蛇羹, 1大1細, 而見其他枱的食客都係叫套餐, 但我地啱啱食完晏, 食唔落成個餐, 因為佢D餐全部都係1碗蛇羹+1豌蛇湯+1個飯, 我地咁樣散叫2碗蛇羹, 都已經八十幾蚊, 所以亞姐都叫我地轉套餐, 咁樣會抵食D, 但真係食唔茖, 而且見佢D臘味全部都係肥膏, 一D興趣都冇............明明見佢地個牌係寫住$33細蛇羹, $47大蛇羹, 但亞姐問另一個亞姐幾錢, 佢話係$35細蛇羹, $50大蛇羹, 嘩............無啦啦加價, 唔知係大年初一加價定係過咗年都會加價, 但未改個價錢牌, 不過都無計, 佢話係幾錢就幾錢, 冇得講..........其實大碗同細碗蛇羹個SIZE都唔係差得好遠, 所以我覺得大碗唔抵食, 而且細碗都已經好飽, 好足料, 好多蛇肉, 仲條條都好粗TIM~

細細個就住元朗,以前成日有蛇食,而家蛇宴好少有...探親戚走到元朗,蛇癮發作!!!同家人一人一大碗蛇鮺一如既往,脆脆,香葉不可少大量脆脆再加熱騰騰蛇鮺,得得得!!料量依舊,味道依舊,次次返元朗必吃!

呢排天氣仲係凍凍哋, 是日氣溫又下降到得十一二度, 食餐蛇暖暖胃先呢間蛇店响元朗應該都開咗好耐, 店內陳設簡單兩個人點咗:蛇湯x2 - 好清, 好鍾意佢嗰種藥材味蛇羮x1 - 好足料, 而且呢度可以任加檸檬葉&薄脆, 我勁加!腊味飯 - 足料, 不過味度較淡鴨肉飯 - 味道幾好, 不過啲鴨肉鞋鞋哋, 同埋切到好散唔記得個別幾錢, 呢度有飯+湯+蛇羮的set, around $6x, 以味道同份量嚟計, 幾抵食

秋風起,三蛇肥蛇羹真係冬天必食的東西~自小俾屋企人感染,冬天一定要至少食到一次蛇羹,難得入到黎元朗,以前成日經過lee間鋪,但今日先第1次幫襯之前我都去過荃灣店,都唔錯,今次就試下la~lee度比荃灣店大好多,同埋有無限量薄脆+檸檬葉供應,荃灣店冇薄脆ga~但買大碗送蛇湯~今次同男朋友share一大碗($43),計埋每人都食到兩小碗..碗蛇羹一到,嘩......蛇肉真係好足,好豐富,見到都流哂口水..我真係好耐都冇食過咁足料的蛇羹,而且$43一大碗真係好抵食~我地兩個人share,平均每人只係廿幾蚊,超值!!!喜好蛇羹的朋友,不妨一試~正呀!!

食過"昌記""薪意"後,原打算打道回府,眼角又望上了蛇如都要食番一碗先走!但蛇王如都係荃灣店我喜愛一D,湯底會再重藥材味,而蛇肉會更粗.元朗食兩次都覺得太重薑味,有些蓋過蛇肉鮮甜!!

來到了元朗，加上是日天氣也算是有點寒吧，當然要吃一吃久仰的蛇王如，試試這間連在Facebook也有群組的店子。店子只是一間只彈丸小店，裝修絕不講究，確是非常街坊的店子，坐好之後，也不用想吃什麼，就來一碗蛇羹吧，也很快就有我吃了，自己添加了一點脆卜卜的薄脆及很香的檸檬葉，就吃了。今個冬天也吃了多碗蛇羹，吃此一口，發現有四個之最，蛇羹的口感是最為漿糊的一間，但湯底味道非常討好，是有很濃藥材味的湯，是湯之中最有藥材味的一間，而且其中有很多蛇絲，是蛇絲最多的一間，加上大量的薄脆、肉絲及木耳絲，真的非常足料，但蛇絲就是有點韌，口感是最為實淨的一間，吃光一碗蛇羹，人身體暖了，牙齒也咬得發軟了，但個人也非常喜歡濃重藥材味，再加上檸檬草的香味，濃重的口味又確討我歡心。試過了這所聞名的蛇店後，就去喝馳名的奶茶了。

秋風漸起,三蛇開始肥,乘著秋風入到來大西北,當然要去一去蛇王如.上一次來,是差不多兩年前,小弟在此安排的蛇局.由十幾人變成兩人,友人已飽,只能陪著我與蛇共舞.於是要蛇羹,同蛇湯各一碗.蛇羹一如以往地足料,蛇肉厚,湯底鮮.想起之前十幾人共分一大窩的豪氣,同是夜一個人吃一碗的感覺完全不同.沒有那種分甘同味的喜悅.大補湯喝過,反而未喝過太史五蛇湯,味道清潤鮮甜.帶有一點點藥材味.但功能應該沒有大補湯的強.不過,兩者齊下之後,全身還是慶恰恰.離開時問蛇王拿了今年蛇宴的資料,事隔兩年,蛇宴由$2800,加到$3100一圍.不能不說百物騰貴.

大榮華d人多到喊，就無lala嚟左食蛇完全唔arm天氣食左set太史蛇羹 - 都算多蛇ge，幾重果皮味，味道唔錯蛇湯 - 其實就係蛇羹個味，蛇味重，咸左d海南雞飯 - 味道普通，雖然係油飯，但係飯唔新鮮，應該係朝早就煮，雞味還可以，不過唔滑龜湯 - 山地ge味? 幾特別臘味飯 - 呢個好食，糯米粒粒分明又唔硬，係d臘腸太肥...間而中試下幾特別

十二月十四‧寒冷 年年也吃蛇，今年當然也不例外。已經是連續三年在這裡吃，實在的是，香港吃蛇的人也好像是越來越少，要找地方吃全蛇宴，也不容易，所以仍選這裡作為辦蛇局的地方。但在這裡，當然也不乏好吃之徒。會長英雄帖一出，十六人一圍輕易滿座。加上天公做美，臨近蛇局舉行之日，天氣忽爾轉冷，相當應時。 雖然路途遙遠，還好，來到的時候蛇羹剛上檯，一來到已經有得吃。蛇羹仍然足料，蛇肉仍然澎湃，蛇湯底仍然鮮美，加上薄脆及檸檬葉絲，仍然出色。不過好像芡汁卻一年比一年杰，份量也好像一年比一年少﹝定是我們人數一年比一年多？﹞，一人吃兩碗，也己所剩無幾，以前不止吃到這個數量吧！ 隨著蛇羹而來的就是幾個蛇菜，炒龍衣依然爽脆，椒鹽蛇碌做得香口，鹹香退之餘又帶點辣辣地，美味，是仍有水準的兩味；炒蛇球幾韌，不是師傅手勢的問題，就是蛇肉太廋了。炒蛇腩亦然，沒有嫩滑的肉質，吃不到甘腴的口感，也只是薄薄的及帶韌，也許連蛇也改變了冬眠的習慣，秋風起也再不三蛇肥。 吃至中段已感覺菜色水準已然下滑，再來的燉湯可以確認這一點。這裡的燉湯，一向足料又夠火侯，是招牌菜來的。但是日的看起來雖然齊料，但一喝是全不對路，淡淡的如喝開水，就是