蛇王弟 (兆和街)

营业中

休息中

今晚荃灣收工，秋風起三蛇肥，想起蛇王弟，於是就去男人的浪漫，點了糯米飯，蛇羮一碗，送湯不知道世道難做，發現店內不止賣蛇羮，仲有咖哩飯人蔘雞總之不食蛇朋友都可以選到，當然本人鍾情蛇鋪食蛇羮啦！ 有圖有真相，蛇羮足料，而沒有味精，食完不口渴，40元一碗細，真的不細碗。枱上有卜卜脆和檸檬葉可以自取，檸檬葉好香，大家記得要加少少。唯一不太滿意，店舖太細，坐位比較迫。另外有鮑魚麵，好想下次試下，新海蔘魚皮羮都好特別$48，都很吸引，下次午餐再來吃。

剛剛補完習經過呢間叫蛇王睇 我竟然比啲香味蛇羹吸引我 雖然地方細小但企理乾淨 我從小爸爸會帶我去食蛇羹補身 呢間啲蛇羹好啱我口味淡淡蛇肉啲薄脆又多過我以前食開果D 細細碗冇咁多肉 但呢間叫蛇王弟真係比足料 好味!真係一碗都食到我飽晒 最利害就係唔止食蛇羹咁簡單 佢仲有好多特色餸菜同埋 咖喱牛腩 再睇真價錢都好吸引我真係要俾個讚 讚 讚下次會帶媽咪過嚟試吓😍

呢間野岩岩開個時都仲可以,幫襯過不下廿次,做做吓蛇更入面一條蛇肉都無, 瘦肉都唔多條,得幾片冬菇,仲衰過街邊碗仔次,無下次,無下次無下次無下次無下次無下次無下次無下次

等到頸都長埋嘅復活節😍😘當然要Hea到盡 食到盡先過癮😎🤘🏻特登再黎呢間荃灣蛇王弟 點我最愛鮑魚撈麵、蛇羹、玫瑰花茶❤️水準仍然👍🏻黎之後睇到下面D負評都有少少驚中伏🙄不過真金不怕洪爐火🤣D麵好似換咗新 比以前更加爽更加彈牙 蛇羹就唔洗講 都係咁足料 一唔食一唔流哂汗 排毒呀喂 睇到隔離枱有人點魚皮海參羹 好似咁正😋下次再黎叫呢個試下先 好飽好滿足

11-3-2017 (Sat)晏晝,同老公做完一大堆事後就食個tea,其實我唔肚餓,係我老公肚餓,去邊o度食?佢記起呢o度有間食蛇o既.食蛇?好啦,諗唔到食咩就行o黎睇吓先啦.我o地見到有蛇羹外,重有海參魚皮羹同糯米飯,咁就決定食呢間.坐睇後繼續研究要咩,我決定要$48.00細o既火朣海參魚皮羹,老公就要$66.00o既套餐,海參魚皮羹+糯米飯.落完單,糯米飯好快到o黎,老公食先,我問佢好唔好食?佢答好食.我都食啲,呢個好熱,飯粒好夠腍同粘,臘味都夠腍,成個味道都唔太鹹,不過就唔算好惹味.味道: 3分過多一陣,兩碗海參魚皮羹到o黎,睇見海參切成幼條,唔知白色正立方體係咩o黎,食o左先.白色正立方體有苦味,係白蘿蔔?海參腍,OK o既,但,魚皮呢?唔見o既?而成碗羹都唔多夠杰,我o地就加佢食蛇o既脆片,同貪得意加啲檸檬葉食.味道: 2.4分

最近天氣又凍反 都係搵d蛇蛇食下！新開慨蛇更店！！好清爽！同老店好唔同！夠光!!!主角！蛇更！睇落就都幾大碗!落左D脆脆(佢地脆脆同出面唔同~唔太LIKE!)~檸檬葉C!!!放大先D蛇肉C都夠睇頭~味道方面陳皮味都幾濃!!!(不過D木耳有D CUT唔斷~E下要加強下~~因為收費都唔係平)雜錦湯飯！蛋冇咩特別！豬潤好好冇陣味又易咬開同都幾新鮮下！！湯低清清地食密蛇更岩岩好！炸米吸埋d湯一齊食幾吸引下！！不過幾大碗！要2個人先食得晒！e杯野好好味 又唔太甜！玫瑰味又夠又出！！推薦！價錢唔平又唔貴！！正常！~~可以一試~~

全港只剩低十零間蛇羹店都食過，平時黎荃灣區都係去蛇王如。今日無厘頭想搵吓有冇其他選擇，比呢度啲食家點咗黎呢間。間舖好細只係得8-9個面壁位，但係星期六7-8點晚飯高峰期呢度竟然只得一個客，已經心知不妙。習慣例牌點大蛇，跟其他蛇店size差唔多，賣相係OK料好足，但開始食就知道唔對路，因為一路食一路只係見到雞肉，食到最後都搵唔到一粒蛇肉⋯⋯真係火都黎！😡湯羹好鬼杰好多芡粉，味道像雞湯加味精，果然食完馬上口乾。呢度夠膽賣$70一碗雞湯（羹）同街邊賣碗仔翅冇咩分別！就算送嗰碗所謂的白色蛇湯，都係好重味精胡椒粉味...（註：老店蛇湯都係淺啡色）建議大家食蛇羹都係去返正宗蛇店，唔好以為足料就係真嘢！因為食完呢度好唔滿意所以馬上走返去附近的蛇王如，真正既蛇肉係好似鰻魚鱔魚好多骨紋同埋肉質有啲"ang"㗎！（請參考圖二係蛇王如真材實料的蛇肉）真係唔好噻錢黎呢啲小食店食蛇！食碗麵算把啦⋯⋯（第一次忍唔住要比差評，都係想店主反省一下）

小妹是很愛食蛇羹的·食遍香港·九龍·找來荃灣一間蛇店·說是米芝連進店後沒有其他客人·不像平常去的蛇店·其他的蛇店不斷有客人出入的·店面清潔干淨·叫了細碗的蛇羹·價錢不貴$40·食落有點像落了豉油的味道·比較咸·連落了檸檬葉都提不出香味·湯羹像用生粉打出來的·不像其他蛇店口感·味精多··似是一般交貨來的品質·好在沒食大碗的·會浪費了·蛇肉比較少·很多雞肉·木耳·冬菇絲·店員好人送了胡椒雞湯·反而胡椒雞湯香濃·不過唔知有沒有加多味精的·這間是小妹食過最不好食的蛇羹店·不會再考慮去吧·口干得回家不停飲水我都是看食評說好才找到這裡·結果很令人失望·還是去返比較老字號好點

早輪食過覺得好好今晚夜麻麻，摸摸肚肚，又肚餓天氣涼涼，最好有本正氣嘅蛇羹暖下肚適逢秋冬季節，一定係食蛇羹嘅好季節平時春天夏天，未飲熱野已經汗流浹背所以呢冬天係最好食蛇羹嘅我哋呢啲荃灣人有得揀梗係食附近嘅地道小店啦呢度嘅蛇羹 好足料淡淡蛇羹啖啖肉而且佢哋唔會有好重嘅味精食完都唔會口渴加上因為佢哋嘅用了好足所以幫襯過嘅人一定會再去幫襯就好似我咁今日我同老公兩個人分享左一碗大蛇羹＄70.1大碗食到飽飽呢度另外仲有出名嘅鮑魚麵同鮑魚飯我雖然兩次都冇試我下次會點嚟試吓

每年一食，今年轉下場，試下荃灣呢間。價錢真的抵食，2016呢個年仍只係$40，初時以為係咪好細碗黎到問下，原來大過我家隻飯碗，印象分大加。叫了個（細）蛇，味道不錯，材料好幼細又不失口感。搵下搵下，終於見到蛇肉，真係貨真對辦，抵讚呢度鋪仔細細，企理舒服，侍應姐姐亦有禮貌。呢個價錢，呢個質素，超值啦！呢度仲有其他食品，飽魚飯和蛇羹餐才80幾，下次真係要試試

住了荃灣五年，都唔知呢度有間食蛇嘅經雜誌介紹，今日特意到來試試蛇羹係比較杰而且食得出裡面有幾種唔同得成肉質地非常足料價錢亦相當低，相信即使價錢double選會有捧場客冬天快到，食完蛇羹個身暖粒粒店員非常有禮貌

今晚工作關係來到荃灣，路過呢間米芝連星級師父既蛇羹，心思思想試下，叫左蛇羹＋糥米飯，蛇羹好有鮮味，用料好足，糯米飯亦好有口感，好飽好滿足，見到餐牌還有好多想野試，但實在太飽，下次再來吧

呢碗細蛇羮，勁足料。呢間蛇王弟，開左一排，食過幾次，水準依然，值得一讚。佢有別於傳統嘅蛇羮店，有好多新派野食，雖然店入面座位唔多但係都好企理，每次黎都有唔少街坊喺度邊食邊傾計，感覺好親切。嚟呢度除左啲野好食之外，人情味同服務態度都係令我再光顧嘅原因。言談間得知佢地將會喺佐敦開分店，希望佢地繼續保持水準同埋整多d新菜式！

係荃灣返工最好就去出去搵食平時食開茶餐廳，無乜新鮮感今日同 同事約好不如試一試 蛇王弟既鮑魚撈飯我就試左鮑魚撈飯+蛇湯 同事就食左 糯米飯加雜錦湯鮑魚撈飯 食完唔口渴 蛇湯就用白胡椒辟腥，所以我都係當佢胡椒湯咁飲雜錦湯 都唔輸蝕 有蠔仔 、肥牛、冬瓜粒等等總括黎講食完呢餐飯 無狂飲水。下次再試埋佢地既湯飯

小時候喜歡吃碗仔翅，但某年某月某日，老爸帶了一碗外賣蛇羮回來，從此讓我多了一個新寵。自此以後，我就不時去不同的地方吃蛇羮。以往荃灣有幾間蛇店，但現在只剩一間蛇王如，而且營業時間視乎老闆心情，想吃也未可以必吃到。最近，路過兆和街，看到一個廣告牌，店鋪的名字是蛇王弟，門面光鮮，完全不像傳統蛇店。這樣反而識我有點戒心，蛇王弟，到底是年輕師傅，還是老師傅？最後還是決定找天試試。蛇王弟「弟哥」（音Dee），原來只是一名三十出頭的青年，所以店子也比一般蛇店新派。熟悉荃灣都知道，兆和街旁這條「冷巷」，店子面積都很有限。蛇王弟坐位大約十個，全都面向牆壁，就像「面壁思過」。牆上貼滿餐牌，也貼滿雜誌專訪。或許蛇王弟也知道獨沽一味賣蛇不可行，Dee哥同時間不停地為店子設計除蛇以外的菜式。店子也不像傳統蛇店般放滿養蛇箱，不吃蛇，或害怕蛇的，也可以安心入內用餐。蛇王弟提供多款套餐，價錢都十分相宜。尤其是六頭鮑魚撈飯，除了蛇羮，我就是被這吸引而來的。一客B餐，能滿足我兩個願望。小食看來也頗吸引，不過胃納有限，還是下次和太太一起來才試試吧。選了鮑魚撈麵，即叫即準備。同時間蛇羮已經送到面前，除了蛇肉粗厚，雞絲、木耳絲