蛇竇茶記 (德輔道西)

营业中

休息中

「蛇竇」都開咗好耐，嚟過西環唔少次，成日心思思想試但唔係經常嚟食。因為一時可以好多空位坐、一時可以全店滿座。今晚嚟碰一碰運氣，睇吓有冇位，好彩有。其實間餐廳裝修都幾企理，不論外牆地板餐牌都可見有着獨特嘅格調、連座椅都係用彷木料。而主餐牌除咗供應一般茶記都有嘅炒粉麵飯外，仲有自選湯底+餸菜嘅麵，不過今晚嘅是日晚餐有一道名叫「咕噜三色球」，一問之下「三色球」係指雞、魚、豆卜。聽落都幾吸引，而且呢度小菜套餐係跟餐飲而唔係例湯，啱哂我，一於試下。一睇個小菜，其實都覺得掂，起碼唔會成碟都係油或者汁多過餸。先試三色球 ─ 食得出雞有少少醃味、幸好沒陣陣冰鮮雞雪藏味；魚都係一般魚柳；豆卜如是，稍為硬咗啲；三色球炸得香脆、熱辣辣、炸粉適中，一啲都唔油膩。而三色球份量亦係各佔三分一，冇邊一樣特別多或少（有啲餐廳會放多啲平又易整嘅食材，好似豆卜）。至於配菜如洋葱、青椒、菠蘿亦都有咬口，唔會太生太熟、或者太硬太淋。不得不讚嘅係呢個菜嘅甜酸汁：食呢啲咕嚕球，好唔好味嘅關鍵在於個甜酸汁，而我本身更加唔鍾意食得太酸。而呢個汁唔會過甜或過酸，應該話兩種味道融為一體，令成道菜生色哂。美中不足嘅係，部電視機放得又高、畫

#蛇竇茶記 剛巧在附近工作數天,一大早來到便想找個茶記hea hea與鄰近食店相比,價錢實惠加上面食客不少相信也不會太伏便進去試試早餐 $34 cp值挺高叫左個All day breakfast 質素與價錢相稱落單快,出菜快正常茶記質素食飽坐一陣精精神神上班去Average taste in this price #西環 #hku #hkig #石塘咀 #shektongtusi #travelgirldiary #travelgirllol #foodiemap #foodies

喺蛇竇食過幾次晚飯，每次都係叫小菜，味道好又夠份量。除左門口餐牌寫嘅幾個是日小菜，餐牌都有好多選擇。今晚叫左金沙煎肉餅、魚香茄子同粟米斑塊。金沙煎肉餅比較少餐廳有得食，所以試下。等左十幾分鐘，差唔多食完另外兩個餸，主角終於出現。肉餅面有層薄薄嘅咸蛋黃，唔會太咸。肉餅咬落夠鬆軟，少少肥，啱啱好。

水準越黎越差，剛開張幾好食現在真的麻麻！個男待應又成日落漏單要追，話趕時間話要拎走佢又話已出緊黎！黎到後牛肉變成左肉碎，食就十分鐘等就半個鐘！好耐未試過食餐飯都有咁多阻濟……絕無下次……

味道還可以，但侍應質素不知所謂，叫個鹹魚雞粒炒飯，同佢講要走菜走蔥，佢話無菜無蔥，之後你已經再問清楚係米得鹹魚同雞粒同飯，佢都話係，點知最後黎到勁多菜同蔥下次都唔知仲去唔去好

爸爸在附近返工。我地見到有間茶記開咗。所以睇下openrice⋯見到有人食羊腩煲突然好想食。所以今晚我地一齊去試⋯好彩有位坐⋯原來羊腩煲唔係on menu..anyway 我地叫咗幾個小菜。雜菜煲，韮王叉燒炒蛋，豉椒排骨炒河& 通菜炒牛肉。我地其實已經對石塘咀D食店已經冇乜信心⋯酒樓D質素又差又多油！今晚，第一樣試的是幾碗送的例湯⋯我見到我爸媽表情⋯飲到咁足料夠熱的湯已經很開心⋯粉葛湯正！之後有個煲同炒蛋。雖然個煲仔D魷魚好淡同D叉燒有D硬，但整體味道不錯。炒河不太油，通菜夠鑊氣！後來掛住食，忘記了影碟河粉同通菜牛今晚大家都食得好飽好滿足！我一定會再去試！走時攞咗張takeaway menu 放公司得閒望下⋯下次去試埋早午茶餐！

吃蛇竇嘅嘢有小半年啦，從來沒有失望過。早餐性價比很高，三十幾蚊很豐富，而且水準穩定，以歐陸早餐為例，無論如圖配牛油多士（好脆好香）定係配薯餅都好正。晚餐小菜都好好味，40-70蚊嘅選擇都有，其中60+嘅小菜會比較豐富份量多，西寧雞扒、涼瓜牛肉食過幾次都無失望過，但可惜唔記得影相。另外佢地嘅員工都好nice，服務好好，落單上菜快靚正！餐廳內裝修好得意，環境乾淨舒服，雖然位置細啲都唔會唔舒服。啲伙記唔會似一啲普通餐廳咁猛咁拾檯暗示你走

同男朋友係屋企附近食晚餐，見到呢間新開嘅新式茶裝修幾靚有隻大蛇係牆上面，作為茶記迷，一於就試試佢！蛇竇茶記嘅餐牌用字同設計都有心思又有趣，而且食物種類豐富，又選擇困難症嘅我地真係揀無落手，最後傻下傻下叫左兩個豬扒飯先發現「咦！點解咁似嘅！」價錢合宜，椒鹽豬排嘅粒粒炸蒜香口惹味，豬排軟身肉質細嫩，肉燥份量多，用黎撈飯絕對係世界級，食唔停口系列！相較失色嘅鮮茄焗豬排飯有啲失望，說好的炒飯底原來係白飯加兩條蛋絲，說好的焗飯只係面頭兩條芝士同側邊一堆茄汁，飯同豬排大大份可惜兩樣都唔入味，番茄得兩角，唔值得叫。仲有好多望落個名幾吸引嘅野食，有機會試吓佢個鐵板餐同常餐先。

西環這間茶記是新裝潢的，平時放工都有行開這一帶，但都記不起舊鋪是如何顧名思義，這間是以蛇做主題的而且裡面既餐牌都有點特別，但我沒有影相但其實也算是和一般茶記沒多分別，價錢也是普通茶記的價錢我叫了這碟豉椒排骨河味道幾好，但略嫌河粉較碎友人就叫了這道炒飯這次最深刻的體驗並不是食物，而是服務通常茶記侍應服務是沒有服務但可能新開張的關係侍應都比較親切

見今日天氣涼涼地，又見到呢間茶記有羊腩煲食，叫左個來試下，嘩⋯材料十足，一d都唔馬夫，必食😋都幾大煲，兩個人食岩岩好牛仔骨茄子🍆煲，牛仔骨淋得又彈牙👍🏻西蘭花炒班片，超多班片😱

放心，新開既呢間叫「蛇竇」，唔係食蛇個D「蛇王X」，係茶記。湊完仔入學校，經過去試個早餐啦！新開張門口招牌紅紙仲痴住，暫時睇唔店名。門囗玻璃貼有餐牌，路人經過可以睇到餐廳可以order咩野食。店內樓底高，紅色牆身有蛇手繪，極為搶眼！收銀阿姐好醒目，見我坐由袋攞scarf出來披，知道冷氣風口位吹住好勁，佢立即用remote敎細D個冷氣。👍🏻Menu用一塊寫字板clip住D餐牌Menu設計行本土懷舊風，細心看內容亦十分幽默搞笑早起的鳥兒有蟲吃🤣關你蛋治🤣叫咗份$34既歐陸早餐(牛扒)+熱奶茶，味道正常，性價比ok。

今晚收工自己一個人食飯，番到西環都差唔到2030，但平時都食慣周圍附近既野食，都覺得有d悶悶地。點知當我經過創業商場附近(德輔道西個邊)，竟然發現有間新開既港式餐廳叫做蛇竇。一入到去，裝飾簡約，牆上仲見到一條蛇，極具風格。 侍應非常熱情，會落力介紹餐牌上既食物。 由於我比較肚餓，就決定叫左個抵食什扒餐。 點抵食法? 個什扒餐有大大塊香草雞扒，香腸，火腿，煙肉，煎蛋。 另外，可選擇跟飯或者意粉。至於醬汁就有蒜蓉汁，洋蔥汁，黑椒汁同豉油汁任君選擇。雞扒勁大塊，肉質鮮嫩，配以蒜蓉汁，惹味非常。加埋香腸，火腿，煙肉和煎蛋，真係一個餐滿足哂所有欲望，非常抵食。 至於餐飲，我就叫左熱華田。埋單都只需要52hkd 冇加一。大家得閒就去試下啦。

這家茶餐廳室內設計好特別又坐得舒服。早餐選擇頗多，有經常吃到的通粉、一丁和三文治及歐陸早餐。今次我就試點歐陸早餐， 份量不算大碟，但以早餐來說我覺得很足夠， 豬扒入口鬆化，肉汁豐富 ，個炒蛋更不得了，勁幼香又有蛋香 ，薯餅非常脆，好味，大讚 !!  凍檸茶味道出色，檸檬夠新鮮，輕輕吉幾下便充滿新鮮檸檬味，茶底濃香，濃而不澀，高水準之作。比一般茶餐廳的食物來得認真，來得美味， 選擇也很多 ， 價錢合理.

和朋友行過見到呢度新開張入去試試，叫左個薑蔥霸王雞同炒菜，真是非一般茶餐廳的食物質素，好好味👍🏻，d雞好滑，個味道又岩岩好😋由於開張環境都唔錯，一定會再來試下其他食品