蛇竇茶記 (德輔道西)

营业中

休息中

間野嘅裝修都幾有復古味，感覺似係比較新派嘅人開嘅茶餐廳。餐牌嘅菜式名目都好有趣，大家可以留意下。講返正題，間野嘅午餐五十蚊樓下，份量好足，而且味道都好唔錯！晚餐雖然會貴啲，但通常我會揀散嗌menu嘅野，份量差唔多但價錢平一截（$60左右）。我好鍾意扒餐，會嗌雞扒拼飯陪炒蛋，跟蒜蓉汁。除咗呢碟菜，我都推薦佢嘅台式肉燥飯，真係好飽。佢嘅撈丁都好唔錯，不妨試下。我要特別讚佢嘅飲品，好大杯好滿足！我鍾意飲奶茶，佢呢到沖嘅偏甜，怕甜嘅記得少甜啦。

武漢肺炎搞到戲院冇得開，而家有限度開返，緊係要支持返香港本地電影啦， 響西環睇完戲，沿路行出嚟搵飯食~本來想食楚撚記，但係冇book位，真係唔駛諗， 行到蛇竇茶記，見到餐牌啱食， 唔駛諗， 即入~我地坐卡位，都幾舒服， d阿哥阿姐又好招呼， 可能做街坊生意多，見佢地同d客有傾有講，好friendly~ 我地叫咗羌葱霸王雞併麥片金沙蝦仁，欖菜肉崧什菜煲，麻婆豆腐。 上次試過外賣， 已經好大盒，好抵食， 點知堂食仲勁， 大碟到癲，又好食喎，正呀！！！！ 佢個霸王雞好食， 上次已經試過， 但係個麥片金沙蝦仁真心正！ d鹹蛋黃鋪滿晒隻蝦， 仲要隻蝦超大隻，啖啖肉，真係不得了，今次真係蝦蝦蝦蝦蝦個欖菜肉崧什菜煲又係癲嘅，大煲到呢~ 好好食~ 正呀喂~個麻婆豆腐都好好食， 但係對比個金沙蝦真係贏晒， 真心回味無窮呢間真係幾抵食， 2百幾蚊，3 個人食，飽到飛起， 又高質， 仲想點？！

武漢肺炎仲未完，大家都少咗出街食飯， 我都約少咗friend飯局。 平時收工就緊係即刻返屋企，沖涼坐低都成9 點，真係唔想煮，買外賣就算正當我搭車返屋企，睇吓揀咩食嘅時候， 見到蛇竇茶記， 心諗， 佢響邊架呢？！ 點解咁耐都冇食過 就試吓佢啦~ 我響車度落order, 見到佢又真係好多嘢揀， 乜都有得食~ 我就緊係想叫雞啦 叫咗佢個半隻薑蔥霸王雞， 仲連埋白飯同嘢飲，落車之後去拎， 原來佢響電車路，我成日都經過，但係冇留意呢間茶記入到去好光猛， 同埋俾佢嘅裝修吸引咗，都幾有feel, 好新嘅舊式茶記feel, 坐低食都幾好。。。。 不過而家武漢肺炎，遲d先啦， 都唔知武漢肺炎幾時會出嚟咬人。。。。 同埋我隻雞已經等緊我帶佢返屋企喇返到去沖晒涼就即刻開嚟見我~ wa.... 隻雞都幾多，真係半隻雞，冇呃人。 仲要好多薑蔥，我呢d食蔥食到咁聰明嘅人，真係好鐘意食薑蔥架！！ 隻雞好有雞味，好抵食 個底仲有d汁，好夠味又唔鹹， 真係幾正呢餐食到我好飽， 又唔駛等， 真係好方便。 見佢menu又多choice, 下次可以再食~

前排聽到中環蛇竇已經一去不復返，真系聽者傷心聞者落淚，嗚呼哀哉，哎…長嘆中😭😭但轉機出現起西環，事源有日行過西營盤嘅街頭，見到一個好靚嘅招牌上面寫住蛇竇🐍🐍，頓時開心左好多下🥰🥰起超長工時嘅工作狀態，難得偷到個早餐時間出來食早餐🍞🍞，梗係要搵D特別D嘅早餐啦，所以二話不說就係你啦 蛇竇廳面嘅裝修好有港式Old School Style風格🕰️🕰️，霓虹燈，黑白相間階磚🔳🔲，好懷舊感覺，再加埋一幅相當大嘅蛇型壁畫🖼️🖼️，以一間茶記來講，相當加分👍🏻👍🏻至於嘢食就呢…餐牌就一貫港式餐牌內容，因為我想食肉嘅關係🥩🥩，我揀左個G餐<歐陸早餐-雞排Version>  配 習慣嘅 <凍鴦少冰甜>先來個凍鴦，個杯相當有驚喜，Coca Cola Style 杯身加隻耳仔🥤🥤，幾特別，而個鴦就SosoMain Course個賣相都相當唔錯，咩都有，塊雞排外表靚仔嘅，肉質較為乾身成間蛇竇外表我幾鍾意

早餐啲沙爹牛肉通粉，牛肉算多，但一半是黴的，只一半彈牙，通粉亦沒有口感，大家樂的扭紋粉好些。但它的翻蛋煎得好過大家樂 (大家樂的煎太久，蛋皮似橡皮膠），它的蒜蓉多士好食。

今晚難得同好姐妹聚餐，去左呢間茶記撐下檯腳先。 入到去環境感覺舒服乾淨，坐位都算寛敞。野食方面，我地選左個13味麻辣雞煲同蒜蓉炒通菜。雞煲有驚喜，吾太油膩，味道剛剛好，而且仲有個細細gas爐暖住d雞，可以慢慢享受。另外，雞煲份量亦都算大份，百幾蚊價錢都算係咁至於蒜蓉炒通菜方面，看似好簡單一味菜，但能夠炒到吾太油膩既茶記真係見少買少，呢間值得一讚。整體而言，味道同賣相都好好，下次再食過！

今日同滴friend去食lunch，發現哩間店，我地兩個都系第一次食，就好奇入去試試啦，見到餐牌有炒麵食，我又好耐無食過炒麵了，一於試試啦！點左個XO醬牛肉炒出前一丁，炒麵都很有鑊氣，賣相好靚，而滴牛肉都吾會鞋，幾嫩口，xo醬帶點微辣，加上少量洋蔥，更加惹味香口。

食過一段時間，食物質素整體尚可，然而服務不認真。點菜後等候時間過長，不知是點菜者還是廚師弄混了菜品（同樣英文字母，但其實處於菜單的不同列），發現中伏時已動筷食過，導致無理由再溝通換菜，今後不會再去。

日期：7月9日人數：4人喺中環食飯，有好多餐廳都食過，所以有時都想去遠啲嘅地方食飯。呢日一行四個同事去咗石塘咀附近嘅蛇竇食午飯，一人叫一個小菜，係粟米斑塊、海鮮豆腐煲、鹹蛋蒸肉餅、同埋西檸雞。小菜新鮮即製，想除嘅時候仍然十分熱，值得一讚。味道係正常餐廳水準，不過不失。份量亦都非常足夠，四個男士都食得非常飽。當然餐廳亦有即日午餐同埋常餐供應，所以選擇都比較豐富。據說焗豬扒飯都唔錯，可以一試。環境算唔錯，乾淨衛生。服務就一般水準。價錢人均大約$70 ，尚算合理。

蛇竇茶記是位於西環石塘咀德輔道西，在香港大學站b1出口直行兩分鐘轉右就是。 蛇竇顧名思義就是給人忙裏偷閒的地方。 一進入餐廳最吸睛的是牆上的大蛇王， "蛇王"得太出面吧！餐廳食物的款式很多有港式西式還有台式。餐廳每天有不同的是日午餐。不喜歡的可以點餐牌的常餐。今天我和朋友們首試這茶記，所以港式台式西式都各點了一款。港式餐選擇了XO醬牛肉炒出前一丁($48)。 這個炒麵都很有鑊氣，牛肉不算太硬，xo醬帶點微辣，加上炒麵內有少量洋蔥，整個炒麵很香口。台式餐點了是日午餐的香芧豬扒肉燥飯($44)材料和份量都很豐富，食到底都仍有肉燥可以伴飯。只是略嫌肉燥味道不夠濃。西式餐選擇了鮮茄焗豬扒飯($52)即叫即焗，上枱時豬扒飯上面的醬汁熱到發出卜卜聲。豬扒不錯，但不是厚切。飯底炒得夠乾身，但有飯焦，比較難咬。醬汁味道濃一點和酸一點會較好。餐飲正常，茶記奶茶都夠茶香奶滑。凍檸檬茶的杯很特別。還有一杯是熱檸蜜，這個最好的是不用另外加錢。總結，餐廳裝修特別，食物款式多，味道不錯。閒時要再來"蛇"一下！

在西環想食個早餐唔難，但想坐得舒服，於是就周圍搵吓！行到電車路旁，見到個名「蛇竇」，仲以為係食蛇羹，但咁早開門，所以望多兩眼，原來係茶餐廳，個名咁特別一於嚟試吓先！茶餐廳樓底好高，牆上畫左條蛇，好特別！大部分都係卡位，坐得舒適。早餐選擇都好多，總有一款啱口味！A餐通粉、米粉，湯底清清地，仲有條菜，好健康！煎蛋蒜蓉多士，好香口好味道！整體上，味道唔錯，下次可以試吓午餐！仲有個大電視可以睇新聞！Good !

香港餐饮业的服务向来有点奇怪。首先，这么冷的天，这家茶餐厅还开冷气；然后我进去之后想点餐，服务人员居然叫我等等！！当时餐厅就两桌人，就我需要服务。。。然后过了五分钟他才慢吞吞走过来问我需要什么。。。然后我点了虾仁炒蛋饭和一杯冻鸳鸯，食物卖相很不错，食材也比较新鲜，但对于我个人来说味道偏咸了，冻鸳鸯的话味道也一般，不够冷，不够味道。最后说一下用餐环境，真的挺不错的，具体可以参照别人的图，如果怕蛇的小伙伴慎入。因为你可以不吃蛇，但是你架不住墙壁上一副巨大的蛇的壁纸

其實之前都有去過蛇竇茶記食嗰佢啲早餐，覺得佢d早餐都幾好食嘅，但係就未食過佢啲午餐，於是今日決定試下～成間餐廳裝修都算幾有特色，一入到去就見到長身好多蛇嘅圖案，感覺幾特別同新鮮。啲坐位亦都好寬躺，整體而言成個環境感覺唔錯。今曰就試咗個泰式香草肉鬆炒飯。成兜炒飯味道算不過不失，食落去有少少辣味同埋有小小肉碎，但係就略嫌有啲普通。可能佢比得太少肉鬆，成兜飯我係完全食唔到肉鬆的。而且佢個炒飯感覺唔太乾身，應該唔係用隔夜飯炒的。但係40幾蚊來講都算味道唔錯㗎啦！有興趣嘅各位可以去試吓～泰式香草肉鬆炒飯HKD44

#茄子紅腸肉燥飯 $44很有特色的茶餐廳，店內裝修沿用舊茶餐廳式的地磚和枱。而且店內有一幅很大的蛇裝飾，靚得來又幾有中國特色。店內午飯時間有午市套餐可以選擇，今次試咗茄子紅腸肉燥飯。套餐會連埋一杯嘢飲。茄子和紅腸有煎過，食落幾香口。肉操的份量頗多而且有少量的蔬菜伴碟，感覺也不錯。惟肉噪的味道比較鹹。.好味指數：5/10賣相指數：6/10回頭指數：6/10.🏠 蛇竇茶記 (西環)西環德輔道西392號地下B號舖

搞錯了。以為常聽說的蛇竇是這裡。非也。奇怪的店員好像不想落單，未講完就傳身走。以為她自恃有千里耳，結果，明明點蛋治，卻來了蛋牛治。還好吧。多士烘得好看，但又不算很脆。不夠蛋香，完全被鹹牛肉蓋過。套餐的炒蛋夠濕，炒得比蛋治香。蒜蓉多士都幾香，但同樣欠乾脆。正正常常的雪菜肉絲米，加點辣都算香，米粉不太腍。杏霜濃度不錯，幾夠味。裝潢新簇，少了傳統茶餐廳的風味，但感覺乾淨企理，總有取捨。不過食物就非常一般。