蛋撻王 (鴻圖道)

营业中

休息中

成日都話，凈收現金 晏就又話部機壞咗 夜晚又話要早啲清機成日都見到啲人聽到淨係收現金八達通Alipay乜都冇 啲人就會即刻走真係唔知點做生意明明收6點半，但成日6點幾就話淨係收現金，連八達通機都冇。今日又係話淨係收現金喇，就咁打發咗前面嘅人走。我即刻衝上樓拎現金比佢，果陣6:2xpm就話收舖唔肯做生意🫠真係幾分鐘都唔肯做見住我真係冇現金衝咗上去拎班阿姨真係好唔識做加服務態度唔好。搞唔掂x1000000

經常去買 但係服務真係好差 唔知道收銀阿姨係咪壓力大 我買咖啡已經準備好八達通拍卡 仲要係咁問我一句 係正價wor 我心係度霖 乜係正價唔正價？我平時都係12.後去買嘢食 都唔知道乜係正價唔正價，請問係乜意思？？？真係好冇禮貌咯！跟住今日去再次買咖啡 好順利乜都冇問我但係排我前面個女仔好慢 （加醬料加得好慢）我趕著翻工 我走咗後 好巧我同事係排隊列隊中 聽到距地談話：1，個女仔個格就係咁2，以後唔好來3.講咗啲飲嘢係正價上到公司我先知道呢件事 最多嘢講就係收銀阿姨，唔該服務行業態度端正啲啦 我又冇鬧人冇得罪距地！真係越霖越孬！！！如果唔係我需要 我完全唔會想見到距買嘢！質素有待提高！！

一個月內，3次由忍耐到算，去到討厭。第一次去該餐廳外賣，頭頂燈箱餐牌比較亂，就詢問收銀枱個阿姨，佢回覆已經寫哂起上面，自己睇。我心諗，睇得明就唔洗問啦！結果，我sis左單買2兜野，原來可以A+B平D, 重可以join套餐有野飲。比錢個刻，佢亦都無提過。依度都唔緊要，小事。第二次，今次醒左叫餐，比哂八達通錢後。同我講今朝無炒米粉，食第二樣得唔得？喂！唔係人人都鍾意炒麵，我真係鍾意，有無得講唔得呢？又明知個炒河淡某某，令野食個度同張收銀枱，其實，只係幾步路，員工同員工之間溝通咁差，收銀重要著馬甲背心店長黎喎！都算啦！番工好趕炒河就炒河，都未至於要嬲。第三次，排隊，我先既。張單好清晰打左2個餐，炒米粉餐 同 雙拼小食餐。後面排隊位女士又唔太規矩既，我前面一走到我，佢就已經急住叫叫叫個種人，個服務阿姨就比左個小食拼我就，一咪問要炒咩，我答炒米，位女仕又答炒米，問要咩醬，我話要醬，位女士又答要醬。然後！！！阿姨悌碗炒米比我後面個個女人，一直要我等！佢當刻發現自己有問題，不過，無收番個餐比我走先，位女士就好囂張咁望住我笑！！完全係一臉得戚個種。真係好難唔嬲law. 我就要再等佢出第二個餐，令住第一

次次經過都會過嚟呢度買蛋撻食，主打蛋撻係酥皮蛋撻，新鮮出爐，同埋有好多款俾你選擇，今次我就買咗四隻嚟試吓😂其中有一隻係特濃芝士蛋撻，食落口感超濃厚芝士味，如果你鍾意食芝士嘅朋友就啱晒而酥皮蛋撻外皮鬆軟咬落去即碎，非常之有口感，蛋黃醬好好味，所以其實值得推介👍🏻

想買幾個蛋撻，但係去到收銀前面，收銀語氣態度極差👎🏻👎🏻。原本好想試蛋撻， 但寧願行遠啲試其他，都唔想受氣。一間舖頭如果嘢食幾好食都冇用，啲員工唔識醒目，服務態度差，唔會因為真係好食而去。

📍 蛋撻王 觀塘鴻圖道1號地下8號舖 🍽️灣仔｜油塘｜油麻地｜荔枝角｜東涌｜元朗｜土瓜灣｜紅磡｜將軍澳｜沙田｜牛頭角｜九龍灣｜樂富｜赤鱲角｜金鐘｜筲箕灣均有分店——————————————————————————————#港式酥皮葡撻 $11💭 本身🐷係想試#榴槤酥皮蛋撻 ，但佢賣晒未出爐，於是就試左呢個，酥皮好鬆化，手指㩒一㩒都散晒👍🏼不過個漿得甜味，食唔出奶味又食唔出蛋味，無左葡撻既感覺😔.

好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗平時麵包舖嘅蛋撻，大概係$5-$6 一個，去觀塘時路經呢間店，見佢用得呢個名，應該最出名係蛋撻啦，真係想試吓掂唔掂！呢度嘅Q嘜酥皮蛋撻王同Q嘜牛油皮蛋撻王都係$8.5 一個，比起平常嘅貴，我當50% 左右，究竟值唔值呢個價位呢？今次買咗4個蛋撻，3個酥皮1個牛油皮。🍴Q嘜酥皮蛋撻王（$8.5）一咬落去係鬆脆無比，一層層薄薄酥皮，好香，蛋撻好滑，蛋味香唔太甜，係好味嘅，不過由於太鬆脆嘅關係，蛋撻本身係好難成個攞出嚟，基本上想攞已經散咗，即係個皮唔太實，應該係好處呱！🍴Q嘜牛油皮皮蛋撻王（$8.5）呢個我冇試，朋友食，佢覺得正常，個牛油皮都係好脆，都係脆到想攞出嚟就散晒！雖然價錢上比一般貴，不過size 上都比正常大少少，味道上對得住個價錢，因為連鎖餅店都係呢個價位，但味道就差好遠，呢間係會回頭再食嘅！

喺海濱會行過尼都係兩三分鐘之內嘅事叫做鄰近九龍東觀塘商業中心地帶放工去買蛋撻食 人並唔算多蛋撻亦都係港人嘅至愛不過話時話港式酥皮葡撻$10 1個都幾貴 因為普遍都係大約$4至$5 1個當然講緊嘅係屋村做街坊生意嘅麵包店而唔係東海堂美心嗰啲味道唔錯不過有點貴

蛋撻你又鍾意酥皮定曲奇皮呢？我就鍾意酥皮😌下午茶時間買咗杯咖啡，行經蛋撻王，見蛋撻啱啱出爐，忍唔住入去買酥皮蛋撻當下午茶🥳皮好酥，撻好有蛋香，又熱辣辣，好滿足的下午茶。

下午茶食返個蛋撻😋😋酥皮蛋撻夠餅底夠鬆化，曲奇蛋撻，餅底香脆，牛油味甘香，兩款蛋撻都皮薄餡靚。我自己個人就比較鍾意曲奇餅底。酥皮蛋撻$8.5一個，而曲奇餅底的就$8一個。不算便宜，但物有所值。

散水餅諗緊買邊間好， 睇咗好耐都無咩心水直到有日無意間上網睇到彈咗蛋撻王嘅post出嚟，就俾張相吸引咗。好懷舊好特別嘅包裝盒，而且每個蛋撻都有一個紙托托住，方便食又方便拎。蛋達皮好香牛油味，蛋醬好重雞蛋味好滑～$128 可以任揀12個撻。味道、外觀都好正～一拎返公司，估唔到個個同事都爭住影個盒好聚好散，門面功夫，散個靚水～

一直有買開公司附近呢間蛋撻王嘅兩餸飯，近排已經發現佢d份量越黎越少，都算啦。今日去，居然偷偷加左價，仲要份量少得太可憐啦，一份菜，加兩隻雞翼，就43蚊，真係太貴太過分啦。宜家咁嘅時勢，加價已經唔係咁好，份量仲要少左，作為大集團，使唔使咁過分，難怪d食物質素越黎越差，叫到佢d肉餅，哇，厚過紙皮小小，真係難為個廚師整。以前都中意食佢d蛋撻，近年越黎越差，蛋撻一d蛋香味都無，仲勁稀(並唔係滑)，一言難盡。

今日心血來潮想食蘿蔔糕做早餐，於是喺蛋撻王買嚟試吓，加左杯奶茶添。返到公司，快快脆脆食完就開工，點知第一啖已經覺得好好味，所以忍唔住要影一影，寫下食評。首先d蘿蔔糕唔會淨係得d粉，我食到有蝦米同埋主角＂蘿蔔＂，蘿蔔好粗身，蒸得好淋好透，煎得好香口。不過由於粉唔多，所以好易爛，但我自己寧願易爛好過粉太多整到好硬。但如果胃口大嘅話，兩件蘿蔔糕真係唔係好夠。另外奶茶就好似茶餐廳絲襪奶茶質素，茶香濃，奶香滑。會再幫襯！

今日收工經過蛋撻王見到新鮮出爐嘅蛋撻，就買咗半打返屋企同屋企人分享.蛋撻主要分兩種：酥皮同牛油皮酥皮整得好鬆化，質地唔錯唔會散晒，但係我覺得有啲油。中間啲蛋幾香幾滑，不過我覺得有啲太甜。我個人鍾意牛油皮多啲，因為感覺就冇咁油膩同埋好香牛油味，好似食緊曲奇餅咁。中間嘅蛋漿同酥皮蛋撻一樣好甜，食得太多會好「漏」。如果有低糖嘅蛋撻就好啦！唔知係唔係收工時間，啲姐姐好似好趕時間想快啲賣晒啲蛋撻咁，態度麻麻，有待改善！

太多野做嘅緣故😕我哋一眾同事話落街買外賣由於天氣太熱，我同貓同事話有冇啲近嘅地方又好味嘅外賣，最後左諗右諗之後有同事話蛋撻王有外賣😱即刻嗱嗱聲去排隊啦，佢原來有盅飯，又有兩餸飯，又有焗飯.........etc最後我揀咗兩餸飯我揀咗蕃茄豬扒同埋通菜首先見到佢個份量都已經覺得哇正吖然後個通菜都幾新鮮，爽口架蕃茄豬扒呢，豬扒又夠淋，蕃茄呢除咗有大蕃茄，仲有蕃茄仔添喎😱大家都知我大食，所以有同事叫咗焗豬扒飯都分咗啲比我食，我反而覺得呢個焗豬扒飯普通左D，總括嚟講又有一個新嘅外賣地方可以成日幫襯啦👻