蝦蝦燒

营业中

休息中

⭐️燒蝦場超級大，乾淨無魚腥味，裝修風格好似韓式燒肉店，好地😆⭐️我地坐個位側邊有💧水糟可以自己夾🦐🦐蝦，間唔中店員會加蝦，唔驚燒到無蝦，蝦嘅size 都幾大隻（見圖）。 燒熟後蝦殼焦香蝦肉彈呀👍🏻，超好食，佢地個🌶️泰式醬好好味，一定要點👍🏻⭐️自助區嘅海鮮好新鮮，鮑魚大大隻，🐟魚類，貝殼類都好新鮮，其中扇貝最好食。雪櫃有各式🥩燒肉，香腸，包心丸 ，連🐔雞軟骨同雞皮都有而且仲好好食，另外 仲有新鮮🍄‍🟫菇類，茄子🍆，粟米🌽，脆肉瓜，南瓜🎃等等，燒野食都可以好健康。 一邊飲住野一邊燒野食真係👍🏻👍🏻👍🏻⭐️酒精類飲品有黑啤，🍺啤酒，居然有支裝hoegaarden rosee 同韓式清酒； 其他飲品有汽水，支裝茶，同果汁，當然仲有教主代言嘅00HA，同埋好耐無見嘅Qoo~~~🤣

真係好抵食噶流水蝦燒烤放題！有好多款海鮮都係任食，除左流水蝦外仲有扇貝，鮑魚，生蠔等！仲有超長嘅蝦缸，夾蝦都好方便，大部分大頭蝦都有手掌咁大隻，差唔多隻隻都爆膏！燒左條馬友，魚肉完全唔鯹，重點係個爐夠猛火，好快就燒熟！肉類款式都好多選擇，就連牛小排，豬仔脾都有！仲有有多款調味品，有我最鍾意噶孜然味😆雪櫃仲有好多款啤酒汽水同埋雪糕，好想每樣都試吓😋下次一定要約埋啲friend一齊燒，再細食都好易回本👍

今日同Mina爸一齊嚟蝦蝦燒，試吓食燒流水蝦放題🦐，即夾即燒！枱的旁邊，見住流水蝦🦐係身邊游嚟游去，隻隻都好生猛😆一開始店員會同每一枱細心講解，燒烤食品的位置同燒海鮮的技巧，原來燒流水蝦要先夾上嚟放入冰涌30秒，然後再放上爐燒🔥多得店員的指導，佢哋的服務同態度都非常好👍除咗流水蝦🦐任夾燒，自助區有多款新鮮海鮮🦞、串燒🥩、蔬菜🥬，種類繁多、任君選擇！海鮮居旁邊有調味料🧂區，可加入 牛油、蒜蓉、粉絲、薑蔥等，自己隨意配搭🙌🏻✨海鮮自助區：生蠔、蚌、扇貝、鮑魚、蜆、魚、魷魚等等✨串燒自助區：牛仔骨、牛肉、雞柳、雞翼、腸仔、雞軟骨、紅腸、豬仔髀、羊架、墨魚咀等等✨ 蔬菜類自助區：茄子🍆翠玉瓜、菠蘿🍍等等⋯✨飲品方及甜品區啤酒、汽水、茶任飲，甜品芒果布甸同杯裝雪糕🍧

今日黎咗佐敦蝦蝦燒食放題，上到黎就見到地方好大，全部座位隔離都有玻璃水箱，望住啲大頭蝦游黎游去好過癮🤣一入座，店員已經預先處理咗少量大頭蝦並放響爐面開始燒，店員都好細心咁介紹不同用具嘅用法，見我地第一次黎，仲仔細示範咗一次各種海鮮嘅處理方法同點樣燒先最好。😋👍食材方面一坐低就人頭計一人一串鰻魚，燒完香口又啖啖肉勁正，不過就無得任食🤣出面任食海鮮有好多選擇🐟🐙🦐🦑🐚🦪又有師傅不停處理海鮮，確保食材新鮮大頭蝦隻隻都多膏，彈牙又鮮甜🦐🦐🦐鮑魚燒前要起殼，因為新鮮，燒完食落一啲都唔硬；帆立貝就用咗蒜蓉牛油燒🧄🧄，食落多肉又鮮甜，鍾意嘅可以自己加粉絲都可以，呢兩款食多幾隻都值回票價😋👍👍🦑🐚🦪蠔，魷魚同螺就中規中矩，可以按自己口味調味。肉類方面🥩🍗🍖🐽🐮🐔選擇都好多，豬牛雞，各式丸類腸仔都有部份食材已串好，方便燒，我地試咗牛肉串，有牛味，有肉汁唔會dry；大蔥豬腩串，清新得黎又唔會肥膩；台灣腸，雞肉腸＆漢堡扒，燒烤必食，好食又快熟，點燒都咁好食🤣😋飲品＆甜品🧃🥤🥃🍻🍦🍮飲品有多款選擇，各種茶類，汽水，啤酒都係任飲；甜品方面有唔同口味嘅杯裝雪糕選擇，仲有芒果啫喱布丁，唔會太甜又清新🍮有新鮮菠蘿可以

左敦被譽為香港文化天堂、除咗濃濃嘅香港街頭風味之外、餐廳放題都唔少！今次我會食一間有無限海鮮任食！性價比高！ 除左有一系列既海鮮之外、仲會有好多唔同種類嘅主食，例如：辣酒煮花螺、西蘭花、清酒煮蝦等等！除咗呢樣之外仲有好多唔同嘅炸食！我最期待就係燒呢度嘅大頭蝦、除咗本身蝦頭好多蝦膏之外、蝦肉亦都係彈牙爽口新鮮即夾即燒、仲有燒生蠔、貝殼類海鮮多種選擇！燒烤區方面，亦都好多唔同嘅串燒俾大家揀！包括有鵪鶉蛋同雞皮，紅腸粟米同埋肉類當中雞翼係最受歡迎！呢度仲有蒜蓉包同埋原條茄子！配合埋唔同嘅醬汁俾你多款選擇！最後仲可以食唔同品牌嘅雪糕品牌都有幾隻唔同嘅味！我最鍾意食當然就係豆腐味啦，一定要食吓！蝦蝦燒九龍佐敦白加士街10-24號永富大廈旁

佐敦站C2出口行3分鐘就到。呢度最出名就係自助係水缸即捉捉燒大頭蝦， 隻隻生猛新鮮保證肉質鮮甜爽口。而且仲有超多款海鮮都好正：扇貝、帶子、貴妃蚌、大花甲、蠔、原條大眼雞魚、八爪魚等等，仲有幾柜肉類蔬菜之類嘅串燒加加埋埋幾十款乜都有，多到我記唔晒。黃金炸大頭蝦同埋花雕醉大頭蝦都好好食， 仲有幾款涼伴小菜，一坐低就可以食住燒就岩晒。飲品種類有茶有汽水有果汁有啤酒應有盡有。我最欣賞呢度有蒜蓉包、原條茄子、粉絲供應，仲有好多醬汁提供可以DIY自由發揮調味，可以廚神上身玩成晚都只係三百幾，仲要啤酒任飲真心抵💯

朋友生日見到人話呢到好正，有得玩有得食好開心，流水蝦自助燒烤放題 $348位 任食3小時市區室内燒烤餐廳，每張枱旁邊就有蝦缸游水蝦可以即場自己夾自己燒，先放冰桶內凍暈才燒，大頭蝦新鮮蝦肉彈牙每位客人先送一份鱔，燒得皮脆肉香自助區另有海鮮如有生蠔、大扇貝、蜆、魷魚、馬友同倉魚等， 我哋烤咗3條烤魚😂配多款調味料蒜蓉同牛油，令海鮮很美味亦有多款串烤、肉類、丸類同埋蔬菜，如牛仔骨、漢堡扒、芝心丸、菠蘿、蒜蓉包、翠玉瓜同窩夫等等飲品有啤酒、燒酒、果汁同汽水等甜品多款口味杯裝雪糕、芒果布甸🎈蝦蝦燒🎈佐敦白加士街10-24號永富大廈1樓

蝦蝦燒🦐新鮮流水蝦+海鮮+自助串燒燒烤成日係網上見到人推介蝦蝦燒有得食有得玩，今日終於去左試😍餐廳環境：超大，有分不同區域，大部分都係4人枱，所有區域都有個缸可以自己夾蝦🦐 一開始見到個爐好似好細但原來係有兩層，所以都燒到好多野👍🏻 食物方面：除左蝦仲有好多海鮮都係件食，有鮑魚，扇貝，魚等等，全部都好新鮮，而且大大隻，肉質鮮嫩多汁，好有鮮味😍😍😍仲有職員會不停清洗完之後refill，職員仲好細心地幫你除左鮑魚殼，仲教你點樣燒先最好食😋 原來燒吾同時間，食落口質感都吾同除左海鮮仲有好多唔同既肉類串燒可以自己燒，每串都大大啖肉，而且任食，加上醬汁真係食到停吾到口，種類應有盡有，絕對夠食👍🏻👍🏻連甜品都有得燒，真係唔特別🤩🤩🤩一個放題的價錢有得食有得玩，物超所值👍🏻果然值得推介👍🏻

蝦蝦燒嘅自助晚餐非常豐富。有各款新鮮嘅海鮮同埋烤肉必點嘅係生猛羅氏蝦，蝦肉非常q彈爽口，蝦頭仲要係隻隻爆膏，相當滋味，由於蝦係好新鮮嘅，所以要擺喺冰桶度凍暈佢再燒另外仲可以燒扇貝，鮑魚，生蠔，同一整條魚，食物選擇非常豐富。雪櫃入面仲有各款燒烤串串，例如雞翼，牛肉，五花肉，多春魚，豬大腸等等，建議每款食材都試下，同埋可以問店員參考燒烤時間，咁就可以食到最先嫩滋味嘅海鮮職員好熱情介紹點樣燒，同埋會及時清潔檯面，相當高效率而且十分有善。成個場好大，座位都好闊落，好適合朋友，家人，一大班人咁樣聚會，一定會好開心

一行三件， 3小時任食， 時間足夠， 食物種類算多， 海鮮都ok, 肉類可接受， 環境比較迫， 凳背貼凳背是必然的， 3百幾晚餐， 最合大食怪同對淡水蝦有一定愛好者必定值回票價 。兩 三個人去食最啱， 一路食住 就可以燒定下轉，

近乎每張枱旁邊就有蝦缸，流水蝦既數量絕對夠你食，見住流水蝦係身邊遊來遊去好生猛，夾上來先放入冰涌30秒，再放上爐燒🦐個爐火力細細個，電爐有兩層，上層烤海鮮下層烤肉類岩哂除咗流水蝦任夾，自助區有多款新鮮海鮮有🦪生蠔、蚌、扇貝、鮑魚、蜆、倉魚同魷魚等仲可以加上調味料可加入🧈牛油、蒜蓉一齊燒自助區唔止有海鮮，仲有大量串燒、雞翼、腸仔、雞軟骨、紅腸同羊架，選擇多到你唔知揀咩好！蔬菜類都齊全，有翠玉瓜、茄子同菠蘿，仲有特別有蒜蓉包同豬大腸！而且每張枱都有燒烤必備嘅孜然粉、燒烤味粉同辣椒粉，可以自行調味，滿足你嘅口味！🧂飲品方面，有冰涼啤酒同汽水任飲，解渴又開胃！甜品方面，有多款口味雪糕同芒果布甸，完美嘅結尾啊！餐廳環境衞生整潔，每枱都有骨筒，店員亦都好細心整理，真係服務唔錯💖

呢間真係好推介，食流水蝦一流！我叫咗個午市放題。流水蝦好新鮮，有啲仲有膏同埋有蝦BB可以食。蝦非常生猛同埋活潑，夾上去有啲重要響個筒入面彈返出嚟，搞到我都有啲唔好意思！凍完啲蝦放上個爐燒，再加啲鹽同埋味粉味道十分鮮甜，而且仲可以一燒燒三個鐘頭真係慢慢食都得！食物種類選擇繁多有丸又腸仔噏得出嘅都有，侍應服務態度十分之好。我唔小心跌咗個鉗落地下，佢主動行埋嚟幫手幫我換多個，10分細心。舖頭地理位置10分良好，易搵，而且地方好大望見啲蝦都十分之想食。侍應仲幫手燒賣鮑魚仲好細心咁樣提點我哋鮑魚會爆殼，所以要小心處理最後幫我哋燒埋，服務態度十分好。

😆同朋友仔又約嚟食燒蝦啦。店員服務好熱情，見到我哋拎咗茄子🍆會主動幫我哋剪開，仲教我哋點樣調燒茄子嘅醬汁。座位全部係安排水箱隔鄰，方便抓蝦即燒🔥主打自助海鮮燒烤，另外都有唔少肉類同蔬菜提供，飲品種類都好多，食完仲可以拎埋雪糕食，🤣兩個女仔全程食唔停。海鮮有活蝦🦐，自助食材區就有扇貝、海螺🐚、鮑魚、花甲王，全部都好新鮮，推薦一定要食扇貝，有提供粉絲、蒜蓉、辣椒仔、蔥花俾客DIY調味，夠嗮細心🥰海鮮真係好新鮮，一路有師傅補充新鮮食材對面嘅雪櫃有牛仔骨、雞翼、漢堡扒、牛肉同丸子；隔鄰就有茄子、菠蘿、小甜薯。Staff會幫手清理檯面雜物，烤之前都會主動講解唔同嘅夾分別用嚟夾咩食材🥰🥰成個場面積好大，平日都好多人食，非常適合聚會，而且冷氣夠大，一啲都唔熱

同朋友明明約去尖沙咀食野，又想食串燒又想飲酒，諗到尾兩個又諗到佐敦蝦蝦燒蝦蝦燒價錢合理，只係自己要燒，但係好岩我地呢兩個對食有要求既人，自己燒自己調味，最正有好多海鮮，肉類串燒，好岩我地兩個。鮑魚，生蠔，扇貝，鰻魚永遠係我地至愛，够鮮甜，唔洗落太多調味，即烤即燒，唔洗擔心好難燒，因為店員會話你知點算係熟同最好食，店員十分有禮，有時候會行來看看有沒有需要羊肉，牛仔骨鮮嫩多汁，令到我地不其然飲左好多啤酒，最後，食返個甜品飲返個加多寶解熱氣❤️

同朋友放工去咗佐敦有名嘅蝦蝦燒食流水蝦。之前已經去過一次，今次再嚟就更加熟手，2.5個鐘任食，時間剛剛好，唔會趕客走，服務還不錯。.佢哋嘅海鮮好新鮮，而且飲品選擇好多，飲品有無酒精啤酒🍺飲，第二日要返工又想飲酒的話，係幾好嘅選擇。.海鮮控都好多野揀，海鮮有新鮮蝦、魚、鮑魚、生蠔同扇貝等等，仲有好多肉同蔬菜。每張枱上都有個熱爐，而且每個枱隔離都有大大個水缸，裡面滿滿蝦蝦，唔夠蝦可以叫佢地加蝦🦐tim。佢哋嘅鮑魚、生蠔同扇貝等refill得幾快，只要你夠快手狂燒，輕鬆回本唔難。唔識燒的話。服務員會細心教你點樣擺多啲係架上。鮑魚好有彈性，生蠔無沙飽滿，燒魚就係my飛佛，燒完外脆內嫩，好juicy。不過最吸引人嘅當然係鮮蝦，好玩已經贏咗，食落就爽口彈牙。.佢哋仲有好多款肉串，燒雞翼醃得好入味，佢哋都提供孜然粉、辣粉同其他調味料俾客人自己調味，幾好玩。燒多春魚食落口感一粒粒咁都好得意。.雪糕方面有好多本地品牌，大部分都係香港製造，市面上唔多地方有得買，幾有新意。.⭐Tips:一入場攞好醉蝦一碟，就可以邊等燒物，邊食蝦。另外，大大條嘅魚可以擺係下層慢慢燒。