蟹仙海鮮蒸氣鍋 (仁愛街) (已結業)

女兒喜歡食海鮮，今日同我去街市買餸，見到啲海鮮唔係好靚，靚嗰啲又好貴，我即刻想起之前食過嘅蟹仙，佢哋啲海鮮真係又靚又好味，套餐都係幾佰蚊，專人蒸埋比我食，洗乜又要買又要洗又要煮，女兒即話今晚請我去新蒲崗蟹仙食海鮮，人哋又靚又唔貴，好過自己煮。女兒揀咗尊貴海鮮套餐，並升級至膏蟹。包括有越南頂角膏蟹、大平洋饅頭蟹、澳洲青年龍蝦、越南大虎蝦、台灣九孔鮑魚、大西洋活青口、紐西蘭刀貝蚌、日本大元貝、韓國慶南蠔、有機蔬菜籃。店員話蟹仙老闆係批發商，入貨當然係最靚，而且好多都係野生，特別鮮甜。入座後，店員先將餐具蒸一蒸消毒，確保清潔衞生。海鮮清洗乾淨後先給客人拍照，開始蒸海鮮前先將米、排骨、南瓜、芋頭等放入蒸鍋內，食完海鮮就有粥食。澳洲青年龍蝦係野生，味道特別鮮甜，肉質爽口。越南頂角膏蟹蟹膏飽滿，程鮮橙色嘅蟹膏比較硬身、甘香， 蟹肉紮實。第一次見同食太平洋饅頭蟹，樣子可愛，蟹膏和蟹肉都好鮮甜。越南大虎蝦肉質彈牙，味道鮮甜，台灣九孔鮑魚和大西洋活青口都係野生，青口食落好似食蠔的口感，帶有少許海水味，鮮味十足,紐西蘭刀貝蚌肉和日本大元貝質厚肉又鮮甜，韓國慶南蠔肉質肥美，有機蔬菜籃有粟米、娃娃菜、生菜，味

呢度係一間蒸氣石鍋海鮮店! 出名係食最新鮮既蒸海鮮,原汁原味食鮮味蒸鍋底下係粥底黎既,即係食完海鮮之後最後可以食到精華既鮮甜粥底套餐係位位$399 包大黃蟹,星班或大蟹,鮑魚,虎蝦,刀貝,青口,大元貝,蠔等等如果想食埋龍蝦可加錢升級 海鮮每日到貨一定新鮮!粥底醬油另收15蚊位全程有專人服侍 幫你蒸海鮮 食物唔會蒸過火 全部時間岩岩好!一分價錢一分貨!頂級海鮮一定貴!賣相好新鮮，一眼就睇得出係好靚嘅食材龍蝦超鮮甜又美味，蝦頭嘅膏都食埋!鮑魚好大隻而且彈牙，口感非常好凍蟹 蟹肉有少少冰凍既口感 咬落有海鮮嘅美味又濃香青口非常大隻，好厚肉鮮味海鮮粥當然就係精華 雲集龍蝦鮑魚既鮮味於一碗粥之中!$500一位新蒲崗仁愛街50號地舖

又想食海鮮蒸鍋啦…。今次就試下新蒲崗分店…上次點個餐有兩隻蟹再另加龍蝦仲有好多肉加丸…飽到反艇…今次輕手D…點左個$399同一個$499既餐。店員好好…慢慢解釋個餐有乜食…話咁點法有一隻蟹又有1.5隻龍蝦又蝦刺身…就信你一次。野飲點左洛神花茶…唔太甜醉maymay唔錯海鮮真係有好多野…又扇貝…又南非鮑又九孔鮑…又送左青口…又有虎蝦…有刀貝…又有蠔食得出d野好新鮮…鮑魚覺得南非口感同味道正d。蝦好 肉好實淨好爽…青口好香海水味…話係野生。蝦刺身唔錯…可惜得兩隻😂😂食完就到龍蝦…幾大隻…肉質好爽甜之後到膏蟹…睇相見到d膏真係多…到食時撩d膏發現頂哂角😍😍…呢隻膏就會實dd…喜歡腍d既可以揀奄仔。上次試過好正。食完海鮮再食多少少蔬菜…就可以食個粥…個粥吸收哂海鮮精華…店員仲幫手將d殼放埋入d粥度滾(當然唔好損個殼又放落去啦)…特別鮮甜…食完個粥仲有個椰汁雪燕甜品做結尾…啱啱好10成飽試過兩個分店…無論食物同服務都好好…所有野都幫你蒸好哂分配埋…

朋友喜歡吃海鮮，就以蒸海鮮鍋套餐為她慶祝生辰🎂，餐廳Menu分別有八款、十款及十三款海鮮套餐可選擇，我們今晚揀咗尊貴海鮮套餐（十款）每位$399，已包括*罕有大黃奄蟹*野生印尼大蟶子*大西洋野生青口*紐西蘭刀貝蚌*越南大虎蝦*澳洲青年龍蝦🦞*台灣九孔鮑魚*日本大元貝*韓國慶南珍珠蠔*有機蔬菜籃🧺店員將南瓜，粟米，芋頭，排骨等配料放於蒸鍋底部，蒸氣凝成嘅水分同海鮮嘅精華會流到底層，待蒸完海鮮後，客人便可以食到充滿鮮味嘅米粥😘😘店員會分別將由淡至濃味嘅海鮮以不同時間蒸好上菜給客人品嚐👍越南大虎蝦鮮甜彈牙，帶海水咸鮮味，蝦頭又大又多膏👍👍野生印尼大蟶子，比一般見到體積要大，肉質爽嫩，鮮甜美味👍台灣九孔鮑魚，肉質厚實鮮美，營養豐富😋日本大元貝肉質細嫩，清甜爽滑😘大西洋野生青口，野生青口帶點海水味非常濃郁，十分肥美，啖啖肉鮮甜無比😚紐西蘭刀貝蚌特別肥美鮮甜，體積比本地蜆大幾倍，嫩滑爽口又帶有獨特鮮海帶香氣，十分吸引😍😍韓國慶南珍珠蠔，的骰珍珠蠔，体型不算大，但係勝在蠔汁鮮甜無比😚😚澳洲青年龍蝦，肉質鮮甜爽脆，清蒸刺身都適且👍👍菲律賓大黃奄，最精彩奄仔蟹膏黃呈現黃色、軟密鮮甜，店員介紹用手拎住吸啜

諗住搵間蒸氣火鍋食，search呢間嘢見到500幾個正皮諗住去試吓。一入到去坐低叫咗三四次先肯比個餐牌嚟睇。睇餐牌其間一直不停sale，sale到好煩，好似去左大陸咁，一黎就sale個最貴，真係好彩冇信佢叫咗兩個唔同價錢嘅餐，上菜時見到賣相還好，total 有十樣海鮮只有兩至三樣叫做好食啲，其他都唔掂，個元貝一睇就知唔新鮮，個老闆同我講話係咁…我真係呆哂，平時都食開海鮮，所以大概知咩叫靚嘢另外叫咗兩個小食，60-80蚊都只有20-30蚊質素。賣單要差唔多500蚊個人，係完全唔值！唔好意思真係冇乜可影相嘅價值，所以最後食菜先影左張，係嬲得滯，成棵冇met。

我和另一半週末晚來光顧$999（雙人海鮮套餐）在新浦崗仁愛街，交通不算方便。街口的冷氣機一直滴水，要小心避開吃完的感覺：有點言過其實。詳情如下海蜇有彈性但不鮮虎蝦有點霉膏蟹非常鮮甜！膏多得滿瀉！滿足！琵琶蝦的肉比龍蝦少，味道沒有龍蝦濃，但較鮮甜黑毛豬和安格斯牛沒什麼肉味醬爆牛丸和貢丸很有肉味，好吃有些菜是苦的凍蟹也多膏但一點也不香 我來這裏就是要吃鮮味呀 給我這死了一段日子的凍蟹的附加價值有點低日本元貝很新鮮青口好新鮮超有海水味 連超怕青口腥味的另一半也一口吃下九孔鮑很難不好吃的兩個吃這個餐根本吃不完最後還送上椰汁雪燕，雪燕感覺是即食罐頭那種？沒有平時我家自己挑燕絲那種蛋白的香氣，它家的燕絲沒有香味，只有椰汁的香。不得不讚的是服務態度非常好！每樣海鮮有專人幫忙蒸，嚴格控制時間最後埋單二人費用連加一服務費、粥底、週末附加費、汽水四罐，埋單一千二百多。沒有試過的人也可以一試

無得北上，朋友生日搵左間煎海鮮過下口癮，呢間係蟹仙總店，職員阿姐話佢地老細自己批海鮮，樣樣都好新鮮。我地就叫左個399餐再升級左隻龍蝦。職員開始前會高溫蒸餐具消毒，之後就俾調味架整鼓油，放左個粥底後，海鮮陸續上場啦。北海道元貝，剛剛熟，好鮮甜。越南虎蝦，好爽又啖啖肉。刀貝同青口就好鮮好海水味。日本蠔好creamy呢，壓軸琵琶蝦，龍蝦，真係爽口同鮮甜，琵琶仲有獨立的鮮味，形容唔到，食過就知琵琶蝦點解賣咁貴，因為都係野生，同埋量少，而味道真係比龍蝦再多一份鮮甜。最尾再拆蟹，好多膏，好正。拆緊蟹個陣個龍蝦同琵琶蝦殼就放落粥底煲多陣。食完蟹再黎個粥，加埋蔥花菜脯，正正！又鮮味又香。食完兩碗粥都好飽，阿姐話仲有甜品，雪燕椰汁燕窩，唔期望有真燕，因為分唔到，不過食完成餐好滿足，又胃王朋友驚唔夠，但最後都滿載而歸，佢話好飽。全程職員都會幫你放落去蒸同埋夾俾你，咁多枱都有點辛苦，不過佢地都依然好好態度。

疫情都過咗一段時間，朋友們有開始約食飯，有朋友就想食海鮮，食海鮮就梗係要食蒸！嚟到呢度叫咗個尊貴海鮮套餐，入面基本乜海鮮都會有，最重要有人幫你蒸埋，我哋淨係傾計同識得食就得。先嚟咗日本大元貝同海蝦先元貝好彈呀新鮮，海蝦爆晒膏之後就食鮑魚，鮑魚好有咬口，不得不讚職員，鮑魚洗得好乾淨，內臟一早已經幫你清除左，韓國珍珠蠔，蠔味濃郁，Size啱啱好一啖食哂刀貝蚌大大隻，大西洋野生青口食到龍蝦，職員一早就同我哋講食淨個龍蝦殼放喺粥底度煲提升粥底嘅鮮味粥底有粟米芋頭及排骨，加上蒸海鮮時海鮮流下精華到粥底再加以烹調，食落好綿滑，店主再建議我哋再加冬菜放喺粥底食令到成個層次都唔同咗

如果想食海鮮果種原汁原味，蒸氣火鍋可以話係不2之選。 我地點咗個最平既套餐， 每人大概$400左右。所有海鮮黎到都已經清理好晒， 同埋斬開咗一份份。 店員好過黎幫手一份份放一個鍋都計時間蒸好埋， 起埋鍋比我地。海蝦🦞海蝦好鮮甜，個頭唔會黑。肉身好實，食得出係新鮮活蝦。扇貝👀扇貝裙邊處理得好乾淨，唔會有黑色一點點或者沙。個肉身好飽滿。食落口啖啖肉。最後仲有埋個粥底比我地順返條氣，好滿足。附近泊車都容易，岩大家渣車過黎食飯

淨係睇招牌都夠晒霸氣，好突出到店舖係食海鮮嘅！加上門口有魚缸，見到啲新鮮海鮮，真係口水都流晒！睇返Menu，會有唔同嘅價錢，豐儉由人，但全部都以海鮮為主，海鮮迷必定食指大動！最貼心嘅係，如果你對某種海鮮不感興趣，可以更換價格相若嘅item，夠晒靈活！我哋四位，揀咗399嘅套餐！見到啲海鮮咁新鮮、大隻同乾淨，真係覺得好吸引！特別highlight嘅會係膏蟹，佢有兩種唔同嘅膏，都見到有兩種唔同嘅顏色嗎？一種膏好似蛋黃咁，有啲咬口少少實，另一種就好似蒸水蛋既口感咁，但係依然有膏香，實在係極品！最重要係，每款海鮮都係外國返嚟，並非一般本地海鮮！呢個價錢，食到呢個質素，真係超值！蔬菜係每餐必備，有個蔬菜籃，原來菜用新嘅方法可以好食咁多！凍蟹已經係熟，可以即食！雖然細細隻，但好鮮甜！店員教我地用龍蝦殻加埋落粥底，令到成個粥底更加有鮮味！食粥當然要有冬菜同蔥，份量都非常合適，本身粥已經有好多料，真係啖啖都美味！店員仲好好咁送咗啲即炸魚皮，用嚟佐粥真係一流！魚皮依然係有微溫，口感係完全未喺出邊食過，因為真係新鮮即炸！

魚蝦蟹已經是基本的海鮮定義，但是這間餐廳的海鮮確實包羅萬有，連我這個海鮮控都被它的款式深深吸引，隔個月就同朋友去幫襯，盡情嘆海鮮！特別最喜歡就是琵琶龍蝦，除咗大隻之外就是多膏厚肉和鮮甜，蝦肉非常彈牙，啖啖肉的龍蝦真是滋味無窮，別以為吃完龍蝦肉就吃完，龍蝦殼一定要放在粥底內熬湯，最後的粥會更加滋味！此外，爆膏黃奄仔蟹絕對是慎店之寶，很難自己可以買到這些空運到港的奄仔蟹，他的蟹膏呈深黃色，味道極度鮮甜，令人齒頰留香！而且肉質厚實，又高又有肉的蟹絕對是高質之選！

好耐冇食過蒸海鮮啦難得朋友都得閒食海鮮最緊要新鮮，這才是精髓尊貴海鮮套餐套餐有十款海鮮 日本大元貝，台灣九孔鮑魚 係上枱前一早就將元貝同鮑魚同殼連住既部份切走所以食既時候一夾就食得鮑魚好有咬口越南大虎蝦點啲醬油食味道會好一點韓國慶南珍珠蠔用生菜托底，呢個造法都係第一次見，有趣之後就食紐西蘭刀貝蚌，大西洋野生青口澳洲青年龍蝦有膏，店員話食完後將個殼放埋入粥度一齊煲咁龍蝦既鮮味就會加埋落啲粥度罕有大黃奄蟹，太平洋鰻頭蟹蟹都有2款，2款都有膏知道食哂啲海鮮後仲有粥底，所以將胃口容量小心規劃留番7成去食個粥粥底理論上會吸收左海鮮既精華粥內有粟米，芋頭，豬骨，冬菜順帶一提，冬菜是個非常好既配搭椰汁燉雪燕淡淡既椰汁配上雪燕食埋甜品就完

屋企人生日，佢超級鍾意食海鮮，聽朋友講，呢間蒸氣海鮮非常出名！喺門口已經見到活生生既海鮮！一於揀呢個餐，既豐富又實惠，蝦、蟹、貝類都齊晒！待店員放好粥底先開始蒸海鮮海鮮拼盤影相真係好好睇，post相呃like一流店員會因應海鮮嘅蒸熟時間去分批處理，完全唔使客人動手，只要負責食！貝類蒸出嚟嘅鮮汁，可以倒落鍋底，令到粥底更加鮮甜！凍蟹～別有一番風味，等緊其他嘢蒸嘅時候食佢就一流，非常鮮甜！鮑魚、珍珠蠔～值得一讚嘅係佢非常貼心，鮑魚已經起咗殻，蒸完即刻可以食落口，唔需要花時間去處理！珍珠蠔都好大隻，一口一件，鮮味十足！龍蝦、膏蟹、肉蟹～膏蟹爆曬膏，兩層唔同嘅顏色，就係有唔同嘅口感，只係見到啲膏都已經興奮！肉蟹走先甜路線，鍾意食肉嘅人，亦都會比滿分！龍蝦亦有膏同籽，籽嘅部份有啲人會唔食，但係其實都幾鮮甜！龍蝦肉非常彈牙，令人回味無窮！酥炸魚皮～呢個係店員送嘅，話係剛剛炸起，仲熱熱地！喺出邊真係食唔到，非常酥脆！我有留少少用嚟食粥，真係非常惹味！海鮮粥底～店員教我地用龍蝦殼去淆粥底，果然較為鮮甜，其實本身都亦有好多配料，例如芋頭、粟米、排骨⋯⋯等椰汁燉燕窩～用燕窩去完成呢一餐生日飯，真係極度滿足

新蒲崗這間海鮮店位於美食集中營，但平日亦座無虛席。今日一行四人到蟹仙食海鮮餐。食海鮮貴價人人都知，大家都希望物超所值享受食物海鮮樂趣！這次我們點了經濟的三九九海鮮套餐，一開始品嚐一盤貝殼類加大虎蝦，虎蝦尺寸十足，未蒸煮之前可以看到虎蝦眼晶晶，已經知道非常新鮮。看見店員蒸煮6分鐘，火候把握準確，虎蝦新鮮彈牙啖啖肉，一隻當然唔夠喉啦！但是好戲在後頭！店員二話不說就預備放鮑魚和珍珠𧐢一併蒸煮，原來鮑魚和珍珠蠔時間一樣。兩樣海鮮都準卜卜，一款煙煙韌韌，另一款海水味鹹鮮味香濃，各具特色！琵琶龍蝦原來比正常龍蝦細一點，肉質爽滑香甜，即使食淨的龍蝦殼也不浪費，因為店員說可以放下足底熬湯，果然物盡其用！大黃奄蟹未蒸煮之前大家都忙着拍照，因為從未看過這麼多蟹膏，原來蒸煮真的保持海鮮的鮮味，大蟹一疏疏的肉，令人感覺很滿足！最後一定要留肚吃這碗海鮮粥底，請大家留肚絕不誇張，因為這才是重頭戲，剛才保留的所有海鮮精華都落在粥底。配合豬骨、粟米和香蔥，不但香噴噴，而且滋味十足，絕對不能住家享受到的。

夏日炎炎，個個都想食冰品，但係我都係抑制唔住食海鮮粥底火鍋嘅心😽蟹仙海鮮蒸氣鍋，店如其名，最緊要梗係食蟹啦！樣樣都好鮮味，多膏，最後粥底仲吸曬啲精華😍海鮮盛宴！！海鮮全部好肥美，好新鮮！我最鍾意蒸氣火鍋嘅海鮮，因為冇乜落調味料去掩飾，一定原汁原味！蟹味濃郁，啖啖蟹膏，而且一啲都唔腥，流曬口水啊🤤🤤🤤除左蟹，其他海鮮一樣咁高質！蝦、青口、扇貝，鮑魚，應有盡有！最後唔少得粥底，好綿密，仲有啲南瓜帶出甜味，十分豐富！最後仲有冰糖燕窩，潤返吓😗